Ha ka:
20 NOV 2026 5:37PM by PIB Shillong
Ka tnad Urban Development, Ministry of Housing and Urban Affairs (MoHUA), ka Sorkar India, ka la pynlong ïa ka SVANidhi Samman Awards 2026 ha ka 20 tarik u Naiwieng 2026 ha Dr. Ambedkar International Centre, New Delhi. Ïa kine ki khusnam la sam da U Manohar Lal, u Myntri ba dei khmih ïa ka tnat Housing and Urban Affairs, ha ka jingïadonlang u Tokhan Sahu, Myntri Khynnah ba dei khmih ïa ka tnat Housing and Urban Affairs, U ba la wan kum U Symbud Kongsan. Ïa kine ki khusnam la ai ban ithuh ïa ka jingnoh synñiang kaba khraw jong ki Jylla/UTs, ki Urban Local Bodies (ULBs), ki jaka ai ram bad ki kynhun treilang ha kaban pynkhlaiñ ïa ka kamai kajih jong ki nongdie jingdie madan bad Ka jingpyniar ïa ka jingkyrshan ha ki kam pisa tyngka, ka jingpyndonkam ïa ki lad digital bad ka jingïada ïa ka imlang sahlang lyngba ka Skhim PM SVANidhi.
Da ka jingdon jong 52 tylli ki khusnam bad 5 tylli ki jingithuh kyrpang, la ithuh ïa ka jingtrei shitom bad ka jingnoh synñiang jong ki Jylla, ki Sor, ki bank bad kiwei pat ki nongdon bynta. Ka Madhya Pradesh, Uttar Pradesh bad Andhra Pradesh ki long napdeng ki Jylla ba la ithuh halor ka jingpyntreikam ïa ka Skhim bad ka jingpyniar ïa ka rukom treikam jong ka. La ithuh ruh ïa ki sor bad ki Urban Local Bodies (ULBs) halor ka jingnoh synñiang jong ki ha ka jingpyntreikam ïa ka Skhim ha ki kyrdan tynrai, ka jingpyniar ïa ka jingpynpoi jong ka Skhim sha ki paidbah bad ka jingkyntiew ïa ka jingpyndonkam ïa ki lad digital.


Napdeng ki jaka ai ram,ka State Bank of India, ka Bank of Baroda, ka Punjab National Bank bad ka Union Bank ki la ioh ia ka jingithuh halor ka jingtreikam jong ki ha ka jingai ram bad ka jingnoh synñiang jong ki ha kaba pynsuk ïa ki nongdie jingdie madan ban ïoh ïa ki ram lyngba ki lad ai ram kiba la ithuh da ka bor sorkar.
Naduh ba la sdang ïa ka PM SVANidhi ha u bnai Jylliew 2020, ka la pynlah haduh 81 lak ngut ki nongdie jingdie madan ban ïoh palat 1.21 klur tylli ki ram, kiba kot sha ka dor kumba 20,000 klur tyngka. Hadien ka jingpynbeit thymmai ïa ka Skhim ha u bnai Nailar 2025, la sam kumba 22 lak tylli ki ram kiba kot 6,294 klur tyngka sha ki 10.6 lak ngut ki nongïoh jingmyntoi kiba thymmai ha ka snem kaba nyngkong. Ka Skhim ka la pyniar ruh ïa ka lad ban ïoh ram lyngba ka UPI-linked RuPay Credit Card, kaba ai ïa ki nongïoh jingmyntoi kiba dei hok, kiba la dep siew ïa ka bynta kaba ar jong ka ram, kaba lah ban pyndonkam haduh ₹30,000.
Hapoh ka SVANidhi se Samriddhi, la dep pynlong ïa ka jingwad bniah ïa ka jinglong jingman ha ka imlang sahlang bad ka ioh ka kot jong palat 52 lak tylli ki longïing jong ki nongïoh jingmyntoi, kaba la pynlong ban ïoh palat 1.62 klur tylli ki jingmynjur hapoh phra tylli ki skhim jingïarap jong ka Sorkar Pdeng. Ka Skhim ka dang pynkhlaiñ ruh ïa ka rukom treikam jong ki nongdie jingdie madan lyngba ki sienjam kum ka jingtei ïa 50 tylli ki jaka bam harud surok bad ki prokram pynroi ïa ka sap, kynthup ïa ka jinghikai halor ka jingshngaiñ bad ka jingkhuid jong ki jingbam.
Ki khusnam ki kynthup ïa baroh ki bynta jong ka jingpyntreikam ïa ka Skhim ha 35 tylli ki Jylla/UTs, palat 4,900 tylli ki Urban Local Bodies (ULBs) bad palat 120 tylli ki jaka ai ram. La bishar ïa ka jingtreikam katkum ki Key Performance Indicators (KPIs) kiba la buh kyrpang, da kaba pyndonkam khamtam ïa ki jingtip na ki PM SVANidhi bad SVANidhi se Samriddhi portal. La bishar ïa ka jingtreikam hadien ka jingpynbeit thymmai ïa ka Skhim naduh ka 1 tarik u Nailur 2025 haduh ka 31 tarik Nailar 2026, katba ïa ka jingtreikam baroh kawei la bishar naduh ba la sdang ïa ka Skhim haduh ka 31 tarik Nailar 2026.
Ka SVANidhi Samman Awards 2026 ka ithuh ïa ka jingnoh synñiang jong baroh ki nongdon bynta ha kaban pynkhlaiñ ïa ka rukom treikam jong ki nongdie jingdie ha surok bad ban kyntiew ïa ka rukom im jong ki. Kine ki jingpyrshang kin kyntiew shuh shuh ïa ka roi ka par jong ki shnong baroh bad ka jingnoh synñiang sha ka jingpynurlong ïa ka thong Viksit Bharat @2047.
Ki Mat ba kongsan na ki jingïaKren
U Manohar Lal u la ban jur ba ka jingangnud jong ka Antyodaya, kaba ialam sha ka Viksit Bharat @2047, lah ban urlong da kaba pynthikna ba ki jingmyntoi jong ka PM SVANidhi kin poi sha man la u nongdie madan uba dei hok. U la pynpaw ba ka Skhim ka pynlah ïa ki nongdie jingdie ha surok ban kiew na ka jingshim ram kaba rit sha ka jingshim ram ïa kaba heh na ki bank bad ban pynïar ïa ki kam jong ki, da kaba kyntiew ïa ki lad kamai, ka jingïadon bynta ha ka liang ka pisa tyngka bad ka jingïada ha ka imlang sahlang.
U Myntri Rangbah u la ban jur ba ka jingjop jong ka PM SVANidhi ka dei kaba la pynlong da ka jingtreilang jong ka Sorkar Pdeng, ki Sorkar Jylla, ki Bank bad ki Urban Local Bodies (ULBs). U la kdew ba ka khusnam SVANidhi Samman ka ithuh ia ki jingnoh synniang jong ki Jylla, ki sor, ki jaka treikam bad ki heh sorkar ha kaba pynkylla ia ki jingthmu jong ka Skhim sha ki rukom pyntreikam kiba lah ban iohi ha ki kyrdan tynrai.
Da kaba khot ïa ki nongdie jingdie ha surok kum ki ‘Street Wonders’, u Manohar Lal u la ai jingïaroh ïa ka mynsiem khaii pateng jong ki, ka jingïaineh bad ka jinglah ban pynkylla ïa ki kamai jakpoh kiba rit sha ki kam khaii kiba seisoh.
Da kaba kdew ïa ka jingrwai jong ka Skhim, “Har mehnatkash ka saath diya, PM SVANidhi ne samman diya”, u Myntri u la pynpaw kumno ka PM SVANidhi ka la ai jingïarap ïa ki nongdie jingdie madan kiba trei shitom, ha kajuh ka por da kaba pynkhlaiñ ïa ka burom, ka jingithuh bad ka jingsngew burom ïa ki ha ka imlang sahlang.
Ki jingKren u Myntri Khynnah, U Tokhan Sahu
Haba kren ha ka jingïalang, u Myntri Khynnah, U Tokhan Sahu u la ban jur ba ka jingpynkylla ïa ka jingim jong ki briew kiba duk dei ban peit lyngba ka jinglong lang jong kiwei ki rukom ai jingïarap bapher bapher jong ka Sorkar, ym tang lyngba kawei ka Skhim. Da kaba pynshai ïa ka kaiphod jong ka World Bank jong u bnai Risaw 2026, u la pynpaw ba kumba 50 klur ngut ki briew ha India ki la lait na ka jingduk, kaba pyni ïa ka jingmih na ki jingpyrshang kiba ïai bteng bad ka jingïatreilang ha kaba kyntiew ïa ka roi ka par jong baroh.
U Myntri u la kdew ruh ïa ka jingjop jong ka Chhattisgarh kaba la ïoh saw tylli ki khusnam, da kaba ai jingïaroh ïa ka jingithuh ïa ka Dantewada bad Bade Bacheli, kiba long ki thaiñ kiba la shah ktah mynshwa ha ka kynhun Naxal. U la kdew ba kane ka jingjop ka pyni ïa ka jingurlong jong ka jingangnud u Myntri Rangbahduh ba don burom, U Narendra Modi, bad ka jingkylla kaba jia ha ki thaiñ kiba dang ïaid shakhmat ban pynlong kine ki jaka kiba lait na ka kynhun Naxal.
Ki Jylla bad ki Union Territories kiba la ïoh khusnam
|
Ki kyrdan jong ki Khusnam
|
Ki Jylla Shatei Lam Mihngi
Bad ki Jylla Rilum
|
Ki Union Territories
|
Kiwei ki Jylla
|
|
Ka rukom treikam Kaba Biang Tam – Ha baroh ki liang
|
Assam
|
Chandigarh
|
Madhya Pradesh, Uttar Pradesh, Andhra Pradesh
|
|
Ka rukom treikam Kaba Biang Tam – Ha ka Jingai Ram
|
Sikkim
|
Puducherry
|
Madhya Pradesh, Andhra Pradesh
|
|
Ka rukom treikam Kaba Biang Tam – Ha Ka Jingpyndonkam ïa ki Lad Digital
|
Mizoram
|
Ladakh
|
Kerala, Maharashtra
|
|
Ka rukom treikam Kaba Biang Tam – SVANidhi se Samriddhi
|
Tripura
|
–
|
Uttar Pradesh, Haryana
|
|
Ka kyrdan jong ki Khusnam
|
Ki Nong ïoh Khusnam
|
|
Ka rukom treikam Kaba Biang Tam – Ha Ki Campaign Kyrpang
|
Andhra Pradesh, Uttar Pradesh, Rajasthan
|
|
Ka rukom pyntreikam Kaba Biang bad kaba sted Tam
|
Chhattisgarh, Telangana, Odisha
|
|
Khusnam Kyrpang – Ka Jingai Ram hadien ka Jingpynbeit Thymmai ïa ka Skhim
|
Maharashtra, Gujarat, West Bengal
|
Ki Urban Local Bodies (ULBs) kiba la ïoh Khusnam
La bishar ïa ki ULBs katkum ki lai tylli ki kyrdan jong ki jaka sor, kata ki sor kiba heh tam bad kiba la don palat million, ki sor kiba heh bad ki sor Shnong, katkum ka jingbun briew jong ki.
|
Ka Kyrdan Khusnam
|
Ka Jaka Sor
|
Ki nong ïoh Khusnam
|
|
Ka rukom treikam Kaba Biang Tam – Ha ka Jingai Ram
|
Ki Sor kiba heh tam and bad kiba la don palat million
|
Indore (Madhya Pradesh), Ahmedabad (Gujarat), Chhatrapati Sambhajinagar (Maharashtra)
|
|
Ki Sor Ki ba heh
|
Parbhani (Maharashtra), Aligarh (Uttar Pradesh), Cuddapah (Andhra Pradesh)
|
|
ki sor Shnong
|
Parli (Maharashtra), Sarni (Madhya Pradesh), Balaghat (Madhya Pradesh)
|
|
Ka rukom treikam Kaba Biang Tam – Ha Ka Jingpyndonkam ïa ki Lad Digital
|
Ki Sor kiba heh tam and bad kiba la don palat million
|
Meerut, Ghaziabad (Uttar Pradesh)
|
|
Ki Sor Ki ba heh
|
Durgapur (West Bengal), Bilaspur (Chhattisgarh)
|
|
ki sor Shnong
|
Bade Bacheli, Dantewada (Chhattisgarh)
|
|
Ka rukom treikam Kaba Biang Tam – SVANidhi se Samriddhi
|
Ki Sor kiba heh tam and bad kiba la don palat million
|
Prayagraj, Varanasi (Uttar Pradesh)
|
|
Ki Sor Ki ba heh
|
Tumkur (Karnataka), Vizianagaram (Andhra Pradesh)
|
|
ki sor Shnong
|
Ramachandrapuram, Amalapuram (Andhra Pradesh)
|
Ki Jaka Ai Ram kiba la ïoh Khusnam
|
Ka Kyrdan Khusnam
|
Ki nong ïoh Khusnam
|
|
Ki Jaka Ai Ram kiba biang Tam – Ha ka Jingai Ram
|
Ka Bank of Baroda, Ka Punjab National Bank, Ka Union Bank of India
|
|
Ki Jaka Ai Ram kiba biang Tam – Ha baroh ka rukom ki liang
|
Ka State Bank of India
|
Ka Jingithuh Kyrpang – Ki Seng Treilang
|
Ka Kyrdan Jingithuh
|
Ki Seng kiba la ïoh Jingithuh
|
|
Ki Jingpyrshang ban Pynkhlaiñ ïa ka jinglah ban pyntreikam
|
Food Safety and Standards Authority of India (FSSAI)
|
|
Ka jing khmih bniah bad ka Jingithuh ha ka Liang Pule Puthi
|
Indian School of Business (ISB)
|
|
Ka Rukom Ïatreilang Kaba Beit ban Pynneh ïa ka Rukom Digital
|
National Payments Corporation of India (NPCI)
|
|
Ka rukom ai Jingkyrshan ba thymmai da ki Digital Payment Aggregators
|
Paytm and PhonePe
|