থাগৎখিবা:
19 NOV 2026 4:24PM by PIB Imphal
প্রধান মন্ত্রী শ্রী নরেন্দ্র মোদীনা ২০২৬কী নবেম্বর ২০গী নুমিদাংৱাইরম পুং ৫.৩০ রোম তাবদা নই দিল্লীগী পুরানা কিলাদা অহানবা শংঘাই কোওপরেসন ওর্গনাইজেসন (এস.সি.ও.) সিভিলাইজেস্নেল দাইলোগ ফোরম হৌদোক্কনি। থৌরম অদুদা মহাক্না মীয়ামদা ৱা ঙাংগনি।
২০২৬কী নবেম্বর ২০দগী ২২ ফাওবা পাংথোক্কদবা ফোরম অসিনা লমদম অসিগী ইনাক খুল্লবা অমসুং অমগা অমগা মরী লৈনরবা সিভিলাইজেস্নেল হেরিতেজবু সেলেব্রেৎ তৌনবা, মীয়ামগী মরক্তা লৈনরিবা মরীশিং মপাঙ্গল কনখৎহন্নবা অমসুং ক্রোস কলচরেল দাইলোগ অমসুং কোওপরেসন প্রমোৎ তৌনবা পান্দম থম্লি।
ইনিসিএতিব অসি ২০২৫দা চাইনাগী তিয়ানজিনদা পাংথোকখিবা এস.সি.ও. সম্মিৎতা প্রধান মন্ত্রীনা এস.সি.ও. ফ্রেমৱার্ক্কী মখাদা সিভিলাইজেস্নেল দাইলোগকীদমক্তা অখন্নবা প্লেৎফোর্ম অমা লিংখৎনবা পীখিবা প্রপোজেল অদুদা য়ুম্ফম ওইরি। মসিগী প্রপোজেল অসি মতুং তারকপদা এস.সি.ও.গী বিশকেক দিক্লারেসনদা তরাম্না ওকখি।
হৌদোকপগী থৌরম অদুদা 'সিভিলাইজেসন্স ইন কনভর্সেশন - কলচরেল শো' য়াওগনি, মসিদা ঈশৈ, জগোই, ভিজুএল স্তোরিতেলিং অমসুং নরেসন য়াওগনি। ‘ভাসুধৈব কুতুম্বকম - ৱর্ল্দ ইজ ৱান ফেমিলী' হায়বা থিমদা য়ুম্ফম ওইদুনা, মসিনা ভারত অমসুং য়ুরেশিয়াগী মফম কয়াদা লৈরিবা কলচরেল কনেক্সনশিংবু ময়েক শেংহল্লগনি।
ফোরম অসিদা ভারতকী আর্কিওলোজিকেল, আর্তিস্তিক অমসুং লিতরেচর হেরিতেজ শন্দোক্না তাকপা 'অস্তিত্বা – দি ইসেন্স ওফ আৱর একজিস্তেন্স’ হায়না মিংথোনবা একজিবিসনশিংসু য়াওগনি। মসিদা দিল্লীগী পুৱারীগী মতাংদা খৃষ্ট পোক্ত্রিঙৈগী ১২০০দগী ১২০০ সি.ই. ফাওবগী মতমগী আর্কিওলোজিকেল ইভিদেন্সকী খুত্থাংদা, এক্সকাভেৎ তৌরবা লৈহৌরিবা পোৎলমশিং, আর্তিফেক্তশিং, আর্কিতেকচরেল ফ্রেগমেন্তশিং অমসুং অতোপ্পা মরুওইবা পোৎলমশিং য়াওনা ইমির্সিব ওইবা ৱারোল পীগনি। “মহাভারত স্ক্রোল পেভিলিয়ন - অনন্ত: ১৮শুবা চহি চাগী অতাংবা মহাভারত স্ক্রোল” অসিদা ভারতকী ইনাক খুল্লবা ইপিক অমসুং আর্তিস্তিক ত্রেদিসনশিং উৎলিবা শন্দোক্না তাক্লিবা স্ক্রোল অমা উৎকনি।
নবেম্বর ২১ অমসুং ২২দা স্কোলরশিং, একাদেমিকশিং, হীরম অসিগী এক্সপর্তশিং অমসুং কলচরগী মীহুৎশিং পুনশিনগদবা থিমেতিক সেসন মরি পাংথোক্কনি। খন্ন-নৈনবগী থৌরম অসিদা কলচরগী মওং মতৌশিং হায়বদি ম্যুজিক অমসুং পর্ফোর্মিং আর্ত, তেক্সতাইল, ক্যুজিন, ত্রেদিস্নেল গেমশিং; আর্ত অমসুং আর্কিতেকচরদা মান্নবা চৎনবীশিং; স্ক্রিপ্ত অমসুং মেনুস্ক্রিপ্তশিং য়াওনা লোল অমসুং লিতরেচরগী চৎনবীশিং; অমসুং মোনাস্তিক ত্রেলশিং অমসুং ফিলোসোফিকেলগী চৎনবীশিং য়াওরি।
***