থাগৎখিবা:
17 NOV 2026 1:57PM by PIB Imphal
ফিলিপিন্স রিপব্লিক্কী রাস্ত্রপতী ঐচ.ই. মিস্তর ফর্দিনান্দ আর. মার্কোস জুনিয়রগী পাউজেলগী মতুং ইন্না প্রধান মন্ত্রী শ্রী নরেন্দ্র মোদীনা ঙসি মনিলাদা পাঙথোকপা ২৩শুবা ইন্দিয়া-অসীয়ন সম্মিত্তা শরুক য়াখ্রে। ‘নেভিগেতিং আৱর ফ্যুচর, তুগেদর’ হায়বা থীমগী মখাদা অসীয়নগী মায় পাক্লবা চেয়রশিপকীদমক অমসুং ভারতকী কন্ত্রী কোওর্দিনেতর অমা ওইনা পীখিবা মতেংগীদমক মহাক্না রাস্ত্রপতী মার্কোসকী মফমদা নুংঙাইবা ফোঙদোকখ্রে।
সম্মিত অদুদা ৱা ঙাঙলদুনা, প্রধান মন্ত্রীনা অসীয়নগা লৈনরিবা কম্প্রিহেন্সিব স্ত্রেতেজিক পার্তনরশিপতা ভারতনা থম্লিবা মরুওইবা মীৎয়েঙ অদু ফোঙদোকখি। লমদম অসিদা অমসুং মসিগী ৱাংমদা শান্তি, তংদু-লৈতাবা অমসুং মাংজৌননা খঙবা ঙম্বগী ফীভমগীদমক অসীয়ন অমসুং ভারতনা পুন্না থবক তৌমিন্নগদবনি হায়না প্রধান মন্ত্রীনা ফোঙদোকখি। ভারতনা মনীং তম্বা, অরো অথুপ লৈতবা, মীপুম খুদিংমক য়াওবা অমসুং কাঙলোন্দা য়ুম্ফম ওইবা ইন্দো-পেসিফিক অমদা থাজবা থম্মি হায়রদুনা, লমদম অসিগী তুংলমচৎ অসি হিদান্নবা নত্তনা খুৎশম্নদুনা থবক তৌবগী মখা পোল্লি হায়না মহাক্না ফোঙদোকখি।
অসীয়নগী অপুনবা শক্তি অমসুং ময়ায়দা ভারতনা অচেৎপা ফিরেপ থম্লি হায়বসি ফোঙদোক্লদুনা, অসীয়ন কম্ম্যুনিতী ভিজন ২০৪৫ অমসুং বিকসিত ভারত ২০৪৭ না ভারত অমসুং অসীয়নগী মীয়ামগী মান্নবা আশাশিং ফংহনবদা মতেং পাংগনি হায়না মহাক্না ফোঙদোকখি।
মালেমগী ওইনা তম্বা ঙমদবা ফীভম লৈরিবা মতম অসিদা, ভারত অমসুং অসীয়নগী মরক্তা লৈরিবা মান্নবা মতিক ময়ায়শিং, মালেমগী ওইবা মান্নবা মীৎয়েং অমসুং অচেৎপা নাৎকী মরীশিংনা পার্তনরশিপ অসিদা অনৌবা শক্তম অমা পীরে হায়না মহাক্না মখা তানা ফোঙদোকখি। ভারতকী এক্ত ইস্ত পোলিসীনা ইন্দিয়া-অসীয়ন মরীদা অনৌবা খোঙজেল অমা পীরে হায়নসু মহাক্না ফোঙদোকখি।
মালেমগী তুংলমচৎকীদমক তেক্নোলোজীগী মরুওইবা পল্লদুনা, ভারত অমসুং অসীয়ন্না তেক্নোলোজী শীজিন্নবখক্তা নত্তনা, মখোয়বু পুন্না শেমগৎমিন্নগদবনি অমসুং ঐখোয়গী মীয়াম্বু হৈ-শিংহন্নবা পুন্না থবক তৌমিন্নগদবনি হায়না মহাক্না ফোঙদোকখি।
নাকল অনিমক্না মখোয়গী মরীগী চহি ৩৪ অমসুং মখোয়গী কম্প্রিহেন্সিব স্ত্রেতেজিক পার্তনরশিপকী চহি ৫ শুবগী থৌরম পাঙথোক্কদৌরিবা চহি ২০২৭ অসি ইন্দিয়া-অসীয়ন মরীগীদমক অখন্নবা চহি অমা ওইগনি হায়না প্রধান মন্ত্রীনা পনখি।
প্রধান মন্ত্রীনা ইন্দিয়া-অসীয়ন থবক-থৌরমশিং মপাঙ্গল কনখৎহন্নবা ৱাফম কয়া হৌদোকখি, মখোয়গী মরক্তা:
● কন্নেক্তিবিতী, সাইন্তিফিক রিছর্চ, দিজাস্তর মেনেজমেন্ত, কোস্ত গার্দ কোওপরেসন, মেরিতাইম দোমেন এৱ্যারনেস অমসুং হিহোনবা মীওইশিংগী সেক্যুরিতী হেনগৎহনবগী মতাঙদা শাংনা চৎকদবা অসীয়ন-ইন্দিয়া মেরিতাইম কোওপরেসন প্লান;
● লমদম অসিদা কেপাসিতী বিল্দিংগীদমক জোইন্ত সাইবর ফোরেন্সিক ত্রেনিং প্রোগ্রাম;
● অসীয়ন-ইন্দিয়া ন্যুক্লিয়র ইনর্জী তেক্নিকেল এক্সচেঞ্জেস;
● অসীয়ন-ইন্দিয়া স্পেস হেকাথোন;
● মাইনিং অমসুং ক্রিতিকেল মিনরেলশিংদা অসীয়ন-ইন্দিয়া কোওপরেসন;
● য়ুথ সম্মিত, য়ং পার্লিয়ামেন্তরিয়ন এক্সচেঞ্জেস অমসুং স্তার্ত-অপ হেকাথোনশিংগী খুত্থাংদা অসীয়ন-ইন্দিয়া য়ুথ কন্নেক্ত;
● নালন্দা য়ুনিভর্সিতীদা অসীয়ন লৈবাকশিংগীদমক স্কোলরশিপ হেনগৎহনবা;
● ৱেব্স ২০২৭ দা অসীয়ন-ইন্দিয়া ক্রিয়েতিব পার্তনরশিপ পেভিলিয়ন; অমসুং
● অসীয়ন লৈবাকশিংদগী লাকপা তুরিস্তশিংগীদমক লেম্না ই-ভিজা পীবা য়াওরি।
প্রধান মন্ত্রীনা সম্মিত অসি য়ুম্বু ওইদুনা পাঙথোকপগীদমক ফিলিপিন্সকী রাস্ত্রপতীবু থাগৎপা ফোঙদোকখি অমসুং অসীয়নগী মথংগী চেয়র ওইগদৌরিবা সিঙ্গাপোরগী প্রধান মন্ত্রীগী মফমদা য়াইফ-পাউজেল পীখি।
লুচিংবশিংনা দিজাস্তর মেনেজমেন্ততা কোওপরেসন পীনবগী মতাঙদা অসীয়ন-ইন্দিয়া জোইন্ত স্তেতমেন্ত [লিঙ্ক] অয়াবা পীখি। প্রধান মন্ত্রীগী হৌদোকপগী ৱারোল মসিদা [লিঙ্ক] পাবা য়াগনি।
***