Ka Ophis jong u Myntri Rangbah duh ka ri
azadi ka amrit mahotsav

U Myntri Rangbahduh ka Ri India u la ïa shim bynta ha ka India-ASEAN Summit kaba 23 ha Manila

Ha ka: 17 NOV 2026 1:57PM by PIB Shillong

U Myntri Rangbahduh ka ri, u Narendra Modi, mynta ka sngi u la ïa shim bynta ha ka India-ASEAN Summit kaba 23 ha Manila, ha ka jingkhot jong u President jong ka Republic jong ka Philippines, u Ferdinand R. Marcos Jr. U la ai jingïaroh ïa u President Marcos halor ka jingpynïaid kaba seisoh ïa ka ASEAN hapoh ka phang “Navigating Our Future, Together” bad halor ka jingkyrshan jong ka Philippines ïa ka India kum ka ri kaba pynïaid ïa ka jingïatreilang.

Haba u kren ha ka Summit, u Myntri Rangbahduh u la ban jur ïa ka jingkongsan kaba ka India ka ai ïa ka jingïatreilang kaba pura bad kaba don ïa ka thong kaba kongsan bad ka ASEAN. U Myntri Rangbahduh u la pynskhem ba ka ASEAN bad ka India ki dei ban ïatreilang na ka bynta ka jingsuk, ka jingshong shngaiñ, ka jinglong skhem bad ka jinglah  ban tip lypa, hapoh ka thaiñ bad shabar jong ka. U la kdew ruh ba ka India ka ngeit ha ka Indo-Pacific kaba laitluid, kaba plie lad ïa baroh bad kaba bud ïa ki kyndon. U la ong ba ka lawei jong kane ka thaiñ ka shong ha ka jingïatreilang, ym ha ka jingïakhun markylliang.

U la pynpaw ba ka India ka dang ïaineh skhem ha ka jingkyrshan ïa ka jingïatylli bad ka bynta ba kongsan jong ka ASEAN. U la ong ba ka ASEAN Community Vision 2045 bad ka VIKSIT BHARAT 2047 kin iarap ban pynurlong ïa ki jingangnud jong baroh ki paidbah jong ka India bad ka ASEAN.

U la bynrap shuh shuh ruh ba ha ka por jong ki jingbym thikna ha ka pyrthei, ki Nongrim bad ki jingngeit jong baroh, kajuh ka jingsngewthuh ïa ki kam ha ka pyrthei bad ki jingïadei kiba jylliew ha ka kolshor hapdeng ka India bad ka ASEAN ki la wanrah ïa ka jingmut kaba thymmai sha ka jingïatreilang. U la ong ruh ba Ka policy ACT EAST jong ka India ka la ai bor thymmai ïa ka jingïadei hapdeng ka India bad ka ASEAN.

U la kdew ïa ka jingkongsan jong ki kor ki bor teknoloji na ka bynta ka lawei jong ka pyrthei. U la ban jur ba ka India bad ka ASEAN kim dei tang ban pyndonkam ïa ki teknoloji, hynrei ki dei ruh ban ïatreilang ban shna bad pynmih ïa ki teknoloji thymmai, bad ban ïatreilang ban kyntiew ïa ka sap bad ka jingnang jingstad jong ki paidbah.

U Myntri Rangbahduh u la kdew ba u snem 2027 un long u snem u ba kyrpang na ka bynta ka jingïadei hapdeng ka India bad ka ASEAN, ha kaba baroh ar liang kin rakhe ïa ka jingdap 35 snem jong ka jingïadei jong ki, bad 5 snem jong ka jingïatreilang kaba pura bad kaba don ïa ka thong kaba kongsan.

 

U Myntri Rangbahduh u la ai jingmut ïa katto katne ki lad ban pynkhlaiñ ïa ka jingïatreilang hapdeng ka India bad ka ASEAN, kiba kynthup ïa:

 

  • Ban thaw ïa ka jingïatreilang kaba neh slem hapdeng ka India bad ka ASEAN ha ki kam duriaw, khnang ban pynsuk ïa ka jingïaid jingïeng, ban kyntiew ïa ka jingwad bniah ha ka saian, ban pynkhreh bad ai jingïarap ha ki por jong ki jinglynshop ka mariang, ban pynkhlaiñ ïa ka jingïatreilang jong ki shipai pahara duriaw bad ban pynthikna ïa ka jingshngaiñ jong kito kiba trei ha duriaw;

 

 

  • Ban pynlong ïa ka prokram ai jinghikai lang ha ka Cyber Forensics, khnang ban kyntiew ïa ka jingnang jingtip bad ka sap jong ki briew ha kane ka thaiñ;

 

 

  • Ban pynlong ïa ka jingïasam jingtip bad jingïakren ha ka liang ka teknoloji jong ka bording nuclear hapdeng ka ASEAN bad ka India;

 

 

  • Ban pynlong ïa ka jingïatreilang ha kaba ki kynhun kin thaw ïa ki lad pynbeit ïa ki jingeh lyngba ka teknoloji haw-haw hapdeng ka ASEAN bad ka India;

 

 

  • Ban pynkhlaiñ ïa ka jingïatreilang hapdeng ka ASEAN bad ka India ha ki kam tih marpoh khyndew bad ki marpoh khyndew kiba donkam kyrpang;

 

 

  • Ban pynjan ïa ki samla jong ka ASEAN bad ka India lyngba ki jingïalang jong ki samla na ki ri bapher bapher, ka jingïakynduh bad jingïasam jingmut hapdeng ki dkhot Parliament kiba dang samla, bad ki prokram jingïatreilang ban thaw ïa ki kam khaii pateng kiba thymmai;

 

 

  • Ban pynbun ïa ki lad jingïoh scholarship na ka bynta ki samla pule na ki ri ki ba dei ki dkhot jong ka ASEAN ha Nalanda University;

 

 

  • Ban thaw ïa ka jaka kyrpang ban pyni bad ïasam ïa ki jingmut thymmai hapdeng ka ASEAN bad ka India ha ka WAVES 2027; bad

 

 

  • Ban ai e-visa khlem jingsiew ïa ki nongwan jngohkai pyrthei na ki ri kiba long ki dkhot jong ka ASEAN.

 

 

U Myntri Rangbahduh u la ai khublei ïa u President jong ka Philippines halor ka jingpdiang bad pynlong ïa ka Summit, bad u la phah ïa ki jingkitbok kitrwiang sha u Myntri Rangbahduh jong ka Singapore u ban sa shimti ïa ka kam kum u Chairman ba thymmai jong ka ASEAN.

Ki nongïalam ki la mynjur ïa ka jingpynbna jong ka jingïatreilang hapdeng ka ASEAN bad ka India ha kaba ïadei bad ka jingpynïaid ïa ki kam ha ki por jong ki jinglynshop ka mariang. (link)

Ki kyntien plie jong u Myntri Rangbahduh lah ban peit hangne. (link)

 


(Release ID: 2337544) visitor counter : 21