থাগৎখিবা:
15 NOV 2026 8:56PM by PIB Imphal
নহা ওইরিবা ম্যুজিকেল তেলেন্তশিংবু পুক্নিং থৌগৎনবা অমসুং ভারতকী শিংথানিংঙাই ওইবা অমসুং তোঙান তোঙানবা ম্যুজিকেল হেরিতেজ অসিবু মখা তানা চৎথহন্নবা অচৌবা খোঙথাং অমা ওইনা, আকাশভানিনা চহি ৩০গী মখাদা লৈবা নহা ওইরিবা আর্তিস্তশিংগী অখন্নবা ম্যুজিকেল কন্সর্তকী লৈবাক শিনবা থুংনা পাংথোক্নবা 'এ.আই.আর. রাইজিং স্তারস'কী হৌদোকপগী সিজন লোঞ্চ তৌখ্রে। কন্সর্ত সেরিজ অসিগী অহানবা সিজন অসি লৈবাক অসিগী মফম ২৬তা নবেম্বর ১৭দগী নবেম্বর ৩০, ২০২৬ ফাওবা পাংথোক্কনি। কনসর্তশিং অসিনা নহা ওইরিবা অমসুং অনৌবা ম্যুজিকেল আর্তিস্তশিংদা মখোয়গী তেলেন্তশিং উৎনবা অমসুং পাক চাউবা মীয়ামগা শম্ননবা নেস্নেল প্লেৎফোর্ম অমা পীরগনি।
খোঙথাং অসি আকাশভানিনা চহ ৯০ শরুকপগী শরুক অমা ওইনা পায়খৎপনি অমসুং মীরোল কয়াগী মরক্তগী ম্যুজিকেল তেলেন্তশিং মশক খঙদোকপা, চাউখৎহনবা অমসুং প্রমোৎ তৌনবা মাগী লেপ্পা লৈতবা থৌদাং অদু উৎলি। এ.আই.আর. রাইজিং স্তারশিংনা মথংগী মীরোলগী পর্ফোর্মরশিংদা মীৎয়েং থমদুনা মসিগী লেগেসী অসি মখা তানা পুখৎনবা হোৎনরি।
নহা ওইরিবা গ্রেদেদ অমসুং ইমর্জিং আর্তিস্তশিংদা মীৎয়েং থম্মি
কন্সর্তশিং অসিদা আকাশভানিগী চহি ৩০গী মখাদা লৈবা নহা ওইরবা আর্তিস্তশিংনা শরুক য়াগনি, মখোয়শিং অসিনা তোঙান তোঙানবা জোনরশিং অমসুং ম্যুজিকেলগী ত্রেদিসনশিং উৎকনি। অকক্নবা কাংলুপ অমদা মতিক চাবা নহা ওইরিবা গ্রেদেদ আর্তিস্তশিং ফংদ্রবদি, অখন্নবা কাংলুপ অসিদা গ্রেদেদ ওইদবা নহা ওইরিবা আর্তিস্তশিংবুসু মরী লৈনবা আকাশভানিগী গাইদলাইনশিং অমসুং সেলেক্সনগী মখা পোন্না খুদোংচাবা পীবা য়াই।
কন্সর্তশিং অসিদা হিন্দুস্তানি ক্লাসিকেল ম্যুজিক (ভোকেল অমসুং ইন্সত্রুমেন্তেল), কর্নাতিক ক্লাসিকেল ম্যুজিক (ভোকেল অমসুং ইন্সত্রুমেন্তেল), লাইত অমসুং ফোল্ক ম্যুজিক, ৱেস্তর্ন ম্যুজিক অমসুং শরুক য়ারিবা স্তেসনশিগা চানবা অতোপ্পা রিজনেল ম্যুজিক ফোর্মশিংগী খুত্থাংদা ভারতকী ম্যুজিকেল হেরিতেজকী মখল কয়া উৎকনি।
মফম ২৬তা লৈবাক শিনবা থুংনা পাংথোক্কনি
শিমলা, দেহরাদুন, দিল্লী, লখনৌ, বারানসী, জয়পুর, জলন্ধর, সুরতগর, হায়দরাবাদ, বিজয়ৱাদা, ধারৱাদ, বেঙ্গালুরু, মৈসুরু, মদুরাই, তিরুবন্থপুরম, তিরুচিরাপল্লী, কোলকাতা, ইম্ফাল, মুম্বাই, অহমাদাবাদ, সাংলি, নাগপুর, পুদুচেরী, জম্মু, গুৱাহাতি অমসুং রামপুরদা লৈরিবা শরুক য়ারিবা আকাশভানি স্তেসন ২৬তা কন্সর্তশিং অসি পাংথোক্কনি।
শরুক য়ারিবা স্তেসন খুদিংমক্না মফম চাবা থৌরম মফম অমদা ম্যুজিকেল কন্সর্ত অমা পাংথোক্কনি, মসিদা মরী লৈনবা লমদম অদুগী শক্নাইরবা নহা ওইরিবা আর্তিস্তশিংনা শরুক য়াগনি। শক্নাইরবা মীওইশিং, ঈশৈ-নোংমাই খঙবা মীওইশিং, নহারোলশিংগী আইকোনশিং, মহৈরোয়শিং অমসুং মীয়ামগী মীহুৎশিংসু শরুক য়াবা আর্তিস্তশিংবু পুক্নিং থৌগৎনবা অমসুং ইনিসিএতিব অসিবু নহা ওইরিবা ম্যুজিকেল তেলেন্তশিংগী লৈবাক শিনবা থুংনা পাংথোকপা থৌরম অমা ওইহন্নবা বর্তন তৌগনি।
মল্তি-প্লেৎফোর্ম ব্রোদকাস্ত অমসুং দিজিতেল আউৎরীচ
এ.আই.আর. রাইজিং স্তারস: সিজন-১গী মরুওইবা ফীচর অমা হায়রগদি মল্তি-প্লেৎফোর্ম ব্রোদকাস্ত অমসুং দিজিতেল আউৎরীচকী পাক চাউবা মওং ওইগনি, মসিনা নহা ওইরিবা আর্তিস্তশিংগী পর্ফোর্মেন্সপু কন্সর্ত ভেন্যুগী ৱাংমদা লৈবাক্কী মফম কয়াদা য়ৌহল্লগনি।
কন্সর্তশিং অসি আকাশভানি স্তেসনশিংগী নেৎৱার্ক্কী থোংদা শন্দোক্কনি অমসুং দুরদর্শন্দা, আকাশভানিগী “রাগম” য়ুত্যুব চেনেলদা, আকাশভানি স্তেসন ২৬কী য়ুতুব চেনেলশিংদা, “ন্যুজ ওন এয়র” মোবাইল এপ অমসুং প্রসার ভারতীগী “ৱেভস ও.তি.তি.” প্লেৎফোর্মদা শন্দোক্কনি। ইন্তিগ্রেতেদ ব্রোদকাস্ত স্ত্রেতেজী অসিনা রেদিও, তেলিভিজন অমসুং দিজিতেল প্লেৎফোর্মশিংগী খুত্থাংদা শরুক য়াবা আর্তিস্তশিংদা হেন্না পাক শন্না ভিজিবিলিতী ফংহনগনি।
খ্বাইদগী ফজবা পর্ফোর্মেন্স অহুমগীদমক শেলগী মনাশিং
নহা ওইরিবা আর্তিস্তশিংবু পুক্নিং থৌগৎনবা অমসুং দিজিতেল এঙ্গেজমেন্ত পাক শন্না প্রমোৎ তৌনবা, ২০২৭কী জনুৱারী ১৫ ফাওবদা য়ুত্যুবতা খ্বাইদগী য়াম্বা ভ্যুশিং ফংবা পর্ফোর্মেন্স উৎখিবা শরুক য়ারিবা আর্তিস্ত অহুমদা শেলগী মনা অমসুং সর্তিফিকেৎশিং পীগনি।
অহানবা মনা: লুপা ২০,০০০
অনিশুবা মনা: লুপা ১৫,০০০
অহুমশুবা মনা: লুপা ১০,০০০
মসিগী ইনিসিএতিব অসিনা নহা ওইরিবা পর্ফোর্মরশিংদা অহেনবা রিকোগনিসন ফংহনগনি অমসুং দিজিতেল প্লেৎফোর্মশিংগী খুত্থাংদা হেন্না পাক চাউবা ভাবোকশিংদা য়ৌবা ঙম্নবা মখোয়দা পুক্নিং থৌগৎকনি।
মসি খঙজিনবা য়াই মদুদি আকাশভানিনা আকাশভানি সঙ্গিত সমিৎ পাংথোকপগী মতম শাংনা চৎনরক্লবা চৎনবী অমা লৈরি। মসি ৬৭শুবা ইদিসন মাই পাক্না লোইশিনখ্রে। আকাশভানি সঙ্গীত সমিৎনা শক্নাইরবা তোপ গ্রেদ অমসুং এ গ্রেদ আর্তিস্তশিংদা মখোয়গী ম্যুজিকেল এক্সিলেন্স উৎনবগীদমক্তা ইকাই খুম্নরবা প্লেৎফোর্ম অমা পীরি। অদুগা এ.আই.আর. রাইজিং স্তারস অসি আকাশভানিনা শিনবা অসিগুম্বা ইকাই খুম্ননীংঙাই ওইরবা কন্সর্ত প্লেৎফোর্মশিংদা থবক তৌবগী খুদোংচাবা কয়া লৈতবা নহা ওইরিবা গ্রেদেদ আর্তিস্তশিংদা অখন্নবা প্লেৎফোর্ম অমা পীবগী পান্দমদা শেমখিবা অখন্নবা ইনিসিয়েতিব অমনি।
‘এয়র রাইজিং স্তারস:’গী খুত্থাংদা, ভারতকী মতম শাংনা লৈরক্লবা ঈশৈগী চৎনবী অমসুং নহারোলশিংগী মরক্তা লৈনরিবা মরী অসি মপাঙ্গল কনখৎহন্দুনা লাক্কদৌরিবা ম্যুজিসিয়নশিংগী মীরোলগীদমক অখন্নবা নেস্নেল প্লেৎফোর্ম অমা শেমগৎনবা আকাশভানিনা পান্দম থম্লি। খোঙথাং অসিনা ভারতকী কলচরেল অমসুং ম্যুজিকেল হেরিতেজকী প্রমোতর অমা ওইনা অমসুং অনৌবা ম্যুজিকেল তেলেন্তশিংগীদমক্তা নরচরিং গ্রাউন্দ অমা ওইনা আকাশভানিগী মতম শাংনা লৈরক্লবা থৌদাং অদু হেন্না মপাঙ্গল কনখৎহল্লগনি।
*****