U Dr Jitendra Singh un plie ïa ka jingialap paidbah kaba 5 halor ka Digital Life Certificate (DLC) ha kylleng ka ri India

U Dr. Jitendra Singh, Myntri Khynnah jong ka Sorkar Pdeng (Independent Charge) ba dei peit ïa ka Tnat Science & Technology bad Earth Sciences, bad u Myntri Khynnah  ha ka ophis jong u Myntri Rangbahduh ka ri bad ki Tnat treikam jong ka sorkar pdeng ba dei peit ia ka Personnel, Public Grievances & Pensions, Atomic Energy bad Space, un plie ïa ka ia ka Jingialap paidbah kaba 5 halor ka Digital Life Certificate (DLC) ha ka 6 tarik u Naiwieng 2026 ha National Media Centre, Raisina Road, ha New Delhi.

Ïa kane ka jingialap paidbah la pynlong da ka tnat treikam ka ba dei peit ia ka penshon bad ki nongioh bai bam tymmen, hapoh ka tnat treikam jong ka sorkar pdeng ba dei peit ia ka Personnel, Public Grievances & Pensions. Kane ka jingialap paidbah kan neh shi bnai haduh ka 30 tarik u Naiwieng 2026, bad kan kynthup palat 2,000 tylli ki nongbah bad ki shnong ha kylleng ka ri. Ka jingthmu jong kane ka sienjam ka long ban pynsuk bad pynïoh lad ïa ki nongïoh bai bam tymmen ban pynrung ïa ki Life Certificate lyngba ki kor ki bor teknoloji, da kaba pynithuh ïa ki dur khmat (Face Authentication) lyngba ka Jeevan Pramaan App.

Ïa kane ka jingialap paidbah la pynlong ha ka jingïatreilang bad ki Bank sorkar, ka India Post Payments Bank (IPPB), UIDAI, MeitY, ki Synjuk jong ki Nongïoh Bai Bam Tymmen, bad ki tnat sorkar pdeng bad sorkar Jylla, ka ba kynthup ïa ka tnad iada ri, ki tnat ba dei peit ia ka Railway bad Post, ryngkat bad ka tnat ba dei peit ia ka Telecommunications, ka Employees’ Provident Fund Organisation bad ki Sorkar Jylla.

Ka jingpynleit jingmut kaba kyrpang kan long ban pynsuk ïa ki nongïoh bai bam tymmen kiba la palat 80 snem ka rta, na ka bynta ki kynthei kiba ïoh bai bam tymmen bad kito kiba mad ïa ki jingeh ha kaba ïadei bad ka koit ka khiah. Yn pynbiang ruh ïa ki jingshakri ha ki khyrdop ïing jong ki na ka bynta ki nongïoh bai bam tymmen kiba ym lah shuh ban leit sha ki jaka pynlong jingialap namar ka jinglong tymmen lane ka jingbym don bor shuh ha ka met.

Ha ka jingïalang plie, u Dr. Jitendra Singh un pyllait ruh ïa ka Compendium Booklet bad Coffee Table e-Book, kiba pyni ïa ki jingjop bad ki sienjam bapher bapher kiba la pynlong ha ka jingialap paidbah ka ba 4 haor ka Digital Life Certificate ha kylleng ka ri.

Ki heh sorkar kiba rangbah na ki tnat treikam jong ka sorkar pdeng bad sorkar jylla, ki bank bad ki kynhun bapher bapher kin wan ban ïashim bynta ha ka jingïalang plie, ryngkat bad ki nongmihkhmat na Ki Synjuk jong ki Nongïoh Bai Bam Tymmen.

***********