કેન્દ્રીય નાણાં અને કોર્પોરેટ બાબતોના મંત્રી શ્રીમતી નિર્મલા સીતારમણ 9 થી 11 ઓક્ટોબર 2026 સુધી સિંગાપોરની સત્તાવાર મુલાકાતે છે. સત્તાવાર મુલાકાત દરમિયાન, નાણાં મંત્રી શ્રીમતી સીતારમણ સિંગાપોરના નેતૃત્વ, વ્યવસાય અને રોકાણ સમુદાયના વરિષ્ઠ સભ્યો અને વૈશ્વિક સંસ્થાકીય રોકાણકારો સાથે ઉચ્ચ સ્તરીય બેઠકોની શ્રેણી યોજશે.

મુલાકાત દરમિયાન, શ્રીમતી સીતારમણ સિંગાપોરના રાષ્ટ્રપતિ મહામહિમ શ્રી થર્મન શણમુગરત્નમ; સિંગાપોરના પ્રધાનમંત્રી મહામહિમ શ્રી લોરેન્સ વોંગ; સિંગાપોરના નાયબ પ્રધાનમંત્રી શ્રી ગાન કિમ યોંગ; અને સિંગાપોરના વિદેશ મંત્રી ડૉ. વિવિયન બાલક્રિષ્નન સાથે મુલાકાત કરશે.

આ ચર્ચાઓ ભારત-સિંગાપોર વ્યાપક વ્યૂહાત્મક ભાગીદારીના મુખ્ય ક્ષેત્રોને આવરી લેશે અને વેપાર અને રોકાણ, ડિજિટલ નાણાકીય કનેક્ટિવિટી, કેપિટલ માર્કેટ્સ, કરવેરા, સેમિકન્ડક્ટર્સ, એડવાન્સ્ડ મેન્યુફેક્ચરિંગ, સ્કિલિંગ અને એવિએશનમાં સહયોગ સહિત ISMRના પરિણામોને આગળ ધપાવશે.

સિંગાપોર એ ભારત માટે એફડીનો સૌથી મોટો  સ્ત્રોત છે, જેમાં એપ્રિલ 2000–માર્ચ 2026 દરમિયાન લગભગ USD 194.68 બિલિયનનું સંચિત FDI ઇનફ્લો (રોકાણ) આવ્યું છે. GIC અને ટેમાસેક સહિત સિંગાપોરના સંસ્થાકીય રોકાણકારોનું ભારતીય અર્થતંત્રમાં નોંધપાત્ર રોકાણ છે.

સિંગાપોરમાં રોકાણ સમુદાય સાથેની તેમની બેઠકોના ભાગરૂપે, કેન્દ્રીય નાણાં મંત્રી હેજ ફંડ અને પોર્ટફોલિયો ફંડ મેનેજર્સ સાથેના રાઉન્ડટેબલ અને ગવર્નમેન્ટ-ટુ-બિઝનેસ (G2B) બેઠકોની શ્રેણી દ્વારા અગ્રણી સિંગાપોરના અને આંતરરાષ્ટ્રીય રોકાણકારો, નાણાકીય સંસ્થાઓ અને બિઝનેસ લીડર્સ સાથે જોડાશે. આ વાતચીત અગ્રણી વૈશ્વિક રોકાણકારો સાથે ભારતના ગ્રોથ ટ્રેજેક્ટરી, રોકાણની તકો અને વિકસતા વૈશ્વિક આર્થિક અને નાણાકીય પરિદ્રશ્ય પર વિચારોનું આદાન-પ્રદાન કરવાની તક પૂરી પાડશે.

નાણાં મંત્રી શ્રીમતી સીતારમણ વરિષ્ઠ બિઝનેસ લીડર્સ અને અગ્રણી વૈશ્વિક નાણાકીય સંસ્થાઓ, રોકાણ ફર્મ્સ અને હેલ્થકેર કંપનીઓના વડાઓ સાથે વન-ટુ-વન બેઠકોની શ્રેણી પણ યોજશે. આમાં ગવર્નમેન્ટ ઓફ સિંગાપોર ઇન્વેસ્ટમેન્ટ કોર્પોરેશન (GIC); ટેમાસેક હોલ્ડિંગ્સ (પી) લિમિટેડ (Temasek); DBS બેંક લિમિટેડ (DBS); સ્ટાન્ડર્ડ ચાર્ટર્ડ બેંક; બ્રિટિશ ઇન્ટરનેશનલ ઇન્વેસ્ટમેન્ટ (BII); IHH હેલ્થકેર બર્હાડ (IHH); એશિયા-પેસિફિક, મિત્સુબિશી UFJ ફાઇનાન્શિયલ ગ્રુપ, ઇન્ક. (MUFG); B કેપિટલ; HPS ઇન્વેસ્ટમેન્ટ પાર્ટનર્સ (HPS) ના ચીફ એક્ઝિક્યુટિવ ઓફિસર્સ (CEOs); સ્કેન્ડિનાવિસ્કા એન્સ્કિલ્ડા બેંકન AB (SEB) ના ચેરપર્સન; મિટ્સુઈ એન્ડ કંપની લિમિટેડના બોર્ડ ઓફ ડિરેક્ટર્સના ડિરેક્ટર; અને TPG ના એક્ઝિક્યુટિવ ચેરમેન અને સ્થાપક ભાગીદાર સાથેની બેઠકોનો સમાવેશ થશે.

નેશનલ ઇન્વેસ્ટમેન્ટ એન્ડ ઇન્ફ્રાસ્ટ્રક્ચર ફંડ (NIIF) અને ગિફ્ટ સિટી (GIFT City) જેવા પ્લેટફોર્મ્સ ઈન્વેસ્ટમેન્ટ વ્હિકલ્સ અને ફંડ્સ સહિત સિંગાપોરના કેપિટલ દ્વારા વધુ ભાગીદારી માટેના માર્ગો પૂરા પાડી શકે છે.

નાણાં મંત્રાલય, સંબંધિત મંત્રાલયો અને ઉદ્યોગ સંસ્થાઓના સંકલનથી, રસ ધરાવતા સિંગાપોરના રોકાણકારો અને ભારતીય કંપનીઓ, નાણાકીય સંસ્થાઓ અને રાજ્ય સરકારો વચ્ચેના જોડાણને સુગમ બનાવશે, અને ઓળખવામાં આવેલી રોકાણની તકોને આગળ વધારવા માટે જરૂરી માર્ગદર્શન પૂરું પાડશે.

આ મુલાકાત સિંગાપોર સાથેની તેની વ્યાપક વ્યૂહાત્મક ભાગીદારીને વધુ ઊંડી બનાવવાની ભારતની પ્રતિબદ્ધતાને રેખાંકિત કરે છે, જેમાં વધુ રોકાણ, બિઝનેસ ભાગીદારી અને આર્થિક પરિણામોને પ્રોત્સાહન આપવા માટે મજબૂત રાજકીય સંબંધોનો લાભ લેવા પર ખાસ ધ્યાન કેન્દ્રિત કરવામાં આવ્યું છે.

 

SM/BS/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com

(રીલીઝ આઈડી: 2321152) મુલાકાતી સંખ્યા : 9