কেন্দ্রগী মন্ত্রীমন্দলগী ঐহাক্কী মরুপ, দা. জিতেন্দ্র সিংজী, পি. কে. মিশ্র জী, তি. ভি. সোমানাথনজী, অজয় কুমার জী, য়ু.পি.এস.সি.গী ইকাই খুম্নরবা মেম্বরশিং, তোঙান তোঙানবা রাজ্যশিংদগী লাকপা তোঙান তোঙানবা রাজ্যগী পব্লিক সর্ভিস কম্মিসনশিংগী চেয়রমেনশিং, অতোপ্পা শক্নাইরবা মীথুংলেনশিং, নুপীশিং অমসুং নুপাশিং।

ঙসিগী খন্ন-নৈনবসি হৌদ্রিঙৈদা, ঙরাং থোকখিবা থৌদোক অমা ঐহাক্না থমজগে। ভারতকী কেপ্তেন স্মিৎনা উৎখিবা অখাং কনবা, চেকশিনবা, অমসুং থৌনা ফবগী মতৌ, অমসুং ঙসি ইজরেলগী প্রধান মন্ত্রীনা হায়খিবগুম্না, ভারত মচা অসিনা অতোপ্পা ৯/১১ থোকপদগী ঙাকথোকপা ঙমখি। স্মিৎকী থৌনা ফবগী থৌওং অসিনা লৈবাক অসিগী নাগরিক খুদিংমকপু চাউথোকচবা পোকহল্লি। ঙসি ঐহাক্না মহাক্কী মপা ভুপেন্দ্র ভাই, মহাক্কী মমা গীতা বেন অমসুং মহাক্কী লোয়নবী সোনলগা ৱারী শানখি। মহাক্কী লায়েং অসি মখা চত্থরি, অমসুং ঙসিদি মালেম পুম্বনা মহাক্কীদমক চাউথোকচরি। ঐহাক্না লৈবাক অসিগী মীয়ামদা হায়জরি মদুদি ঐখোয় পুম্নমক্না স্মিৎনা পুন্সি শাংনা অমসুং হকচাং ফনা লৈনবগীদমক ঈশ্বরদা থৌনিগদবনি, অমসুং ভারতকী মীংচৎ হেনগৎহনখিবা ঐখোয়গী ইনাও স্মিৎকী মফমদা ইকাই খুম্নবা উৎকদবনি।

মরুপশিং,

ঙসি অসি য়ু.পি.এস.সি.গী চহি ১০০ মপুং ফারকপগী থৌরম অমা ওইবতা নত্তনা, লেগেসীগী থৌরম অমসু ওইরি। মসি চহি খুদিংগী নহারোল মিলিয়ন কয়ানা পামজবা অমসুং চহি খুদিংগী পাংথোকপা থৌরম অমনি। ভারত মচা খুদিংমক্না ইন্সতিত্যুসন অসিদা থাজবা থম্লিবা অসিগী থৌরম অমনি। চহি চাগী খোঙচৎ অসিগী মনুংদা, জেনরেসনশিং হোংখি, সরকারশিং হোংখি, তেক্নোলোজী হোংখি, অমসুং সিলেবসশিং হোংখি, অদুম ওইনমক য়ু.পি.এস.সি.দা থাজবা অসি ঙসি ফাওবা অহোংবা লৈতনা অদুমক লৈরি, অমসুং মসি অদোমগী খ্বাইদগী চাউবা এসেৎ অমনি। চহি ১০০গী খোঙচৎ অসিবু নীংশিংনবা পোস্তেজ স্তাম্প অমসুং শেনয়েক অমা নৌনা পুথোকখ্রে। মরুওইবা কেস লো ১০০গী কমপাইলেসন অমা পুথোকখ্রে। চহি চাগী খোঙচৎ অসিগা মরী লৈনবা শক্নাইরবা মীওই পুম্নমক্তা ঐহাক্না ইকাই খুম্নবা উৎচরি। ঐহাক্না ময়াম পুম্নমকপু থম্মোয় শেংনা নুংঙাইবা ফোংদোকচরি অমসুং য়াইফ-পাউজেল পীজরি। মতম খরগী মমাংদা, ঐহাক্না মফম অসিদা শেমগৎখিবা গেল্লরীদা চৎখি, অমসুং ঐহাক্না ময়াম পুম্নমকপু মসিদা মিনিত ১০দগী ১৫ ফাওবা কাইথোক্তুনা য়েংবীনবা পুক্নিং থৌগৎচগে। ঐহাক্না ৭৫শুবা কুমওনগী থৌরমগী ফোতো অমা উখি মদুদা লেফতনেন্ত জেনরেল সুরেন্দ্র নাথ উবা ফংখি। ঙসি, চহি ৯০ শুরবা, মহাক্না ঐখোয়গী ইরক্তা য়াওরি।

মরুপশিং,

খোঙচৎ অসিবু থাজবগী লেগেসী অমদা ওন্থোকখিবা, মতমগী মতুং ইন্না অহোংবা পুরকখিবা অমসুং ইন্সতিত্যুসন অসিবু অনৌবা থাক্তা পুখৎলকখিবা মীওই কয়া অমা লৈরি। মখোয় খুদিংমক্না ইকাই খুম্নবা অমসুং শকখঙবগী ইথিল ফংলি। গেল্লরী অদু য়েংবদা ঐহাক্না উখি মদুদি মসিদা সুভাস চন্দ্র বোসনা মতৌ করম্না ইং ১৯২০দা হায়রিবা থৌওং অসিগা মরী লৈনবা ইনফোর্মেসনসু য়াওরি। ঐহাক্কী পুক্নিং চিংশিনখিবা অদুদি মতম অদুদা ভারত অসি বৃতিশকী লৈঙাক মখাদা লৈরবসু, একজামিনেসন্দা সংস্কৃতকী পেপর অমা লৈরম্মি, অমসুং সুভাস বাবুনা মহাক্কী পেপর অদু সংস্কৃত্তা ইরম্মি।

মরুপশিং,

পুৱারী ওইরবা থৌরম অসিদা, ঐহাক্না সর্দার বল্লভভাই পতেলবু ইকাই খুম্নবা উৎচরি। নীংতম্বা ফংলবা মতুংদা, মহাক্কী মমাংদা লৈরিবা শিংনবা অসি লৈবাক অসিবু নীংতম্বা ওইনা থম্বা খক্তা নত্তে। মহাক্কী মাংদা লৈরিবা শিংনবা অসিসু লৈবাক অমা লৈঙাকপা অমসুং শেমগৎপনি। লৈবাক অসিবু অমুক হন্না শেমগৎনবা মথৌ তাবা স্তীল ফ্রেম অসি সরদার বল্লভভাই পতেলনা পীখি। মহাক্না ইন্সতিত্যুসন অসিবু নীংতম ভারতকী মরুওইবা য়ুম্বীশিংগী মনুংদা অমা ওইহনখি অমসুং মসিবু মপাঙ্গল কনখৎহনখি।

মরুপশিং,

ইন্সতিত্যুসন অসিগী য়ুম্ফম অসি ইং ১৯২৬তা থোনখিবা মতমদা, মতম অদুগী প্রাইওরিতীশিং অসি তোঙান-তোঙানবা ওইরম্মি। মতম অদুদা, সিস্তেম অসিগী মীৎয়েং অমসুং মসিগী অচেৎপা ৱাফম অনিমক বৃতিশ রাজকী মায়কৈদা থমখি। ভারতনা নীংতম্বা ফংলবা মতুংদা, নীংতম্লবা ভারত অমগী মঙলান অমসুং নীংতম্লবা ভারত অমগী লৈঙাকপগী মথৌ তাবশিং অসি মরুওইবা মীৎয়েং অমা ওইরকখি। হৌখিবা দিকেদ কয়াদা, য়ু.পি.এস.সি.না মাগী থৌদাংশিং অসি মশক থোকপা মওংদা পাংথোক্লি। মসিগী মাইপাকপা অমসুং কন্ত্রিব্যুসনশিংগী মরমদা হায়রিবা তাঙ্কক অসিদগী হান্ননা কয়া অমা হায়খ্রে। মরম অদুনা ঐহাক্না হায়রিবা ৱাফমশিং অদু অমুক হন্না হায়ররোই অমসুং মদুগী মতাংদা অকুপ্পা মরোল কয়াসু পীররোই। পুৱারীগী ৱাংমদা চংশিল্লদুনা, ঐখোয়না হৌজিক ভারতকী তুংলমচৎকীদমক ঙাইদুনা লৈরি। ২১শুবা চহি-চাগী চহি চাম্মাগী শরুক অমা, চহি ২৫, হান্ননা মাংখ্রে। লাক্কদৌরিবা চহি ২০দগী ২৫ ফাওবা অসি ভারতকীদমক, ভারতকী নাগরিক খুদিংমক্কীদমক অমসুং ভারতকী ইন্সতিত্যুসন খুদিংমক্কীদমক য়াম্না মরু ওইগনি। মরম অদুনা, ঐহাক্না ঙসি ঐহাক্কী খন্ন-নৈনবসি মসিগী মাইকৈ অসিদা চংশিনবা পাম্মি।

মরুপশিং,

চাউখৎলবা ভারত অমগীদমক্তা, লৈবাক অসিনা হৌজিক মথৌ তারিবা লৈঙাক অসি য়ু.পি.এস.সি. অমসুং স্তেৎ পব্লিক সর্ভিস কম্মিসনশিংদা ময়েক শেংনা মখা পোল্লি। ঙসি নহা ওইরিবা নহাশিং অসি চাউখৎলবা ভারত অমা শেমগৎপদা মরুওইবা থৌদাং অমা লৌগনি, অমসুং মখোয় মশামকসু চাউখৎলবা ভারত অমগী খ্বাইদগী চাউবা কান্নবা ফংলবশিংগী মরক্তা অমা ওইরগনি। মসিবু ৱাখলদা থম্লদুনা, ঐখোয়না মতম পুম্নমক্তা চাংয়েং পাংথোকফম থোকপা ৱাফম অনি নীংশিংগদবনি। অহানবা তচস্তোনদি: নেসন ফার্স্ত। অনিশুবা চাংয়েং অসিদি: সিতিজন ফার্স্তনি। হায়রিবা স্তেন্দর্দ অনি অসি সেলেক্সন খুদিংমক্তা ওনবা মথৌ তাই। কন্দিদেৎশিংবু ৱাখল্লোন অসিগা লোয়ননা য়েংশিনবা মতমদা, অমসুং ৱাখল্লোন অসিগা লোয়নবা মীওইশিংবু খনবগী মতমদা, নেস্নেলগী পান্দমশিং ফংহনবা অসি হেন্না নেচরেল অমসুং হেন্না লায়বা ওইরকই।

মরুপশিং,

২০৪৭কী ভারত অসি ঙসিগী ভারত অসিদগী য়াম্না খেন্নগনি। ভারত অসি ঙসিদগী হেন্না অর্বানাইজ তৌরগনি। খুঙ্গং অমসুং সহরগী মরক্তা লৈরিবা অৱাৎপা অসি হন্থরক্কনি। ঐখোয়গী নাগরিকশিংগী, মরুওইনা ঐখোয়গী নহাশিংগী আশা অমসুং অপাম্বশিং অসি য়াম্না চাউবা থাক্তা লৈগনি। মসিগী অহোংবা অসিগী খুদমশিং অসি হৌজিক ফাওবদা উবা ফংলি। মরম অদুনা, ঙসিগী ৱাহং অসিদি সর্ভিস পীবগী ৱাফম খক্তা নত্তে। ৱাহং অসিসু লৈ মদুদি পব্লিক সর্ভিসশিং অসি হৌজিক্কী মতমগী ইন্সতেন্ত দেলিভরীগী মালেমগী খোঙজেল অসিগা লোয়ননা চৎপা ঙমগদ্রা হায়বসিনি। মখোয়না অসিগুম্বা খোঙজেল য়াংনা চৎপা ঙমগদ্রা? ঙসিদি, নাগরিকশিংনা সর্ভিস অমগীদমক চয়োল নত্রগা থা কয়া ঙাইদুনা লৈরোই। এ.আই.না মতম খরগী মনুংদা দোক্যুমেন্ত লিশিং কয়া অমা প্রোসেস তৌবা ঙম্লবদি, অমসুং লৈঙাকশিংনা রিএল-তাইম দেতা এক্সেস তৌবা ঙম্লবদি, নাগরিকশিংনা অথুবা সোলুসন অমা এক্সপেক্ত তৌগনি। অহোংবা লাক্লিবা ৱাখল্লোন অসিনা ঐখোয়গী সিভিল সর্ভিসশিংদগী অনৌবা অহোংবা পুরক্নবা হায়রি। মরম অদুনা, ঐখোয়না ঐখোয়গী সেলেক্সন পেরামিতরশিং অমসুং রিক্রুতমেন্ত প্রোসেসশিং অসি তুংলমচৎকী মথৌ তাবশিংগা চান্নহনগদবনি। পব্লিক ওফিসনা নত্তনা পব্লিক সর্ভিসনা পুক্নিং চিংশিনবা নহাশিংবু ঐখোয়না পব্লিক সর্ভিসতা পুরকপা মথৌ তাই। মরম অদুনা, রিক্রুতমেন্ত একজামিনেসন্না কেন্দিদেৎ অমনা কয়া য়াম্না খঙবগে হায়বদু য়েংবদা য়ুম্ফম ওইদবনি হায়বসি য়াম্না মরু ওই। মখোয়না নহা ওইরিবা মীওই অদু করিগীদমক্তা সিভিল সর্ভিসতা চঙলিবনো হায়বগী মরমসু খংদোক্কদবনি। মরমদি, করিগুম্বা ৱাখল্লোন অদু চুম্লবদি, মীয়ামগী অহোংবা পুরকপা অপাম্বগা লোয়ননা খোংজেল য়াংনা চৎপা অমসুং মখোয়দুগী মতুং ইন্না চৎপা অসি হেন্না লায়গনি।

মরুপশিং,

অদোম ময়ামগী মরক্তগী মীওই কয়ানা খঙনরবনি মদুদি ঐহাক্না ত্রেনি ওফিসরশিংগা উনবদা, হেক হৌরকপদা মখোয়বু মখোয়না করিগীদমক সিভিল সর্ভিসতা চংলিবনো অমসুং মখোয়গী মশাগী খুৎইদা ইনবা ঐহাক্না হায়জরি। মরমদি মতমগী মতুং ইন্না থৌদাংশিং হেনগৎলকই অমসুং অনৌবা শিংনবশিং থোক্লকই। অসিগুম্বা তাঙ্ককশিংদা, অতেনবা নোৎ অদুনা মখোয়গী অশেংবা পান্দম অদু মখোয়দা নীংশিংহল্লি। মসি মখোয় মশানা মশাবু চাংয়েং তৌনবগী খুৎলাই অমসু ওইহল্লি। য়ু.পি.এস.সি. অমসুং স্তেৎ কম্মিসনশিংনা অসিগুম্বা মেকানিজম অমা শেমগৎনবা খন্নবসু য়াই।

মরুপশিং,

মমাংদা সরকারনা খ্বাইদগী ফাবা ঙাক্লৌ পীবা অমসুং শেল-থুমগী অৱাবা কোকহনবা ঙমগনি হায়না থাজনরম্বা মতম অদু ঐখোয়না উখ্রে। অদুবু ঙসিদি, ঐখোয়গী মন্ত্রদি, "নাগরিক দেবো ভাভা" (সিতিজন অসি লাইনি) অসিনি। অতোপ্পা ৱাহৈ অমদা হায়রবদা, লৈবাক অসিগী নাগরিক অসি ঐখোয়গীদমক্তদি লাইদগী হন্থবা নত্তে। নাগরিকশিংবু সেবা তৌবা অসি ঐখোয়গী খ্বাইদগী ৱাংবা প্রাইওরিতীনি।

মরম অদুনা, মরুপশিং,

২১শুবা চহি চাগী ভারত অসি অনৌবা থবক তৌবগী চৎনবীগা লোয়ননা মাংলোমদা চংশিল্লি। মসিগী মরুওইবা প্রিন্সিপলদি: প্রো-পিপল, প্রো-এক্তিব, গুদ গবর্নান্স! প্রো-পিপল হায়বসিনা গবর্নমেন্তকী খুদোংচাবগী মতুং ইন্না থবক তৌবা নত্তে, অদুবু অতোপ্পা পুম্নমক্তগী নাগরিকশিংবু হেন্না লুনা লৌবনি। প্রো-এক্তিব হায়বসিনা প্রোব্লেম থোক্লবা মতুংদা থবক পায়খৎপগী মহুত্তা, প্রোব্লেম থোক্ত্রিঙৈদা মাংজৌননা খল্লগা সোলুসন শেম-শাবা হায়বনি। অফবা গবর্নান্স হায়বসিনা গবর্নমেন্তগী অৱাৎপা লৈতবা, গবর্নমেন্তকী মায়কৈদগী প্রেসর পীবা লৈতবা, নৎত্রগা মথৌ তাদনা ইথিল পীবা লৈতবা হায়বসিনি। নেস্নেল অমসুং স্তেৎ লেভেল অনিমক্তা, ঐখোয়না ঐখোয়গী সেলেক্সন প্রোসেসশিং অসি মসিগী স্পিরিৎ অসিগী মতুং ইন্না দিজাইন তৌগদবনি। ঐখোয়না লৈবাক অসিদা লায়রবশিংগী অৱাবা খঙবা ঙম্বা, নহা ওইরিঙৈগী ইনর্জীগা লোয়ননা মাংলোমদা চংশিনবা ঙম্বা, অরুবা শিংনবশিংদা অনৌবা পাম্বৈশিং পুথোকপা ঙম্বা, লৈবাক অসিগী মথৌ তাবশিং খঙবা ঙম্বা, আইনগী চৎনবী ঙাকপা ঙম্বা অমসুং আইন অমনা মীয়ামগী পুন্সিদা লাইথোকহল্লি নৎত্রগা খুদোংচাদবা অমা ওইহল্লি হায়বসি য়েংশিনবা ঙম্বা প্রোফেস্নেলশিং পীগদবনি।

মরুপশিং,

মতমশিং অসি য়াম্না থুনা হোংলক্লি অমসুং তেক্নোলোজী অসি চাউখৎলক্লি হায়বসি ঐখোয় পুম্নমক্না উবা ফংলি। লাক্কদৌরিবা মতম অসি খুন্নাইদা অনৌবা মখলগী শিংনবশিং পুথোক্কনি। হৌজিক হৌজিক মালেম পুম্বদা এ.আই.গী মতাংদা খন্ন-নৈনরিবা অসি ঐখোয় পুম্নমক্না খঙনরবনি। অসিগুম্বা ফিভম অসিদা ঐখোয়গী সিভিল সর্ভিসশিংসু য়াম্না খেন্নরবা ফিভম অমদা থবক তৌবগী মথৌ তাই। ইনফোর্মেসন ৱারফেয়র, দিপ ফেকশিংগী শিংনবশিং, অলগোরিথমিক বাইয়সকী মতাংদা খনবা অমসুং ক্লাইমেৎ জস্তিসকুম্বা অরুবা ৱাহংশিং য়াওবা ফিভমশিং লৈগনি। মরম অদুনা, ঐখোয়গী সেলেক্সন প্রোসেসতা, ঐখোয়না কমপ্লেক্স প্রোব্লেম সোলভিং কেপবিলিতীশিং অমসুং অশাংবা মতমগী ভিজনগী এসেসমেন্ত তৌবদা অমসুং মসিগী মাইকৈ অসিদা অকনবা খোঙথাংশিং লৌখৎকদবনি।

মরুপশিং,

ঙসি ঐখোয়গী লৈবাক অসি রিফোর্মশিংগী এক্সপ্রেসৱেদা খোঙজেল য়াংনা চংশিল্লি হায়বসি ঐখোয় পুম্নমক্না খঙই। অসিগুম্বা মতম অসিদা, ঐখোয়গী একজামিনেসন পাংথোকপা এজেন্সীশিংনা মতম অসিগী মথৌ তাবা রিফোর্মশিংদা থুনা খোঙজেল য়াঙখৎকদবনি। অসিগুম্বা মরুওইবা ৱাফম অমা হায়রগদি, একজামিনেসনশিং পাংথোক্নবগী মতম অদুনি। ঐখোয়না একজামিনেসন অমবু থৌদোক অমা খক্তা ওইনা লৌরোইদবনি। মসি থৌদোক অমা খক্তা নত্তনা নহাশিংগী তুংলমচৎ অমসুং পুন্সিগা মরী লৈনৈ। একজামিনেসনদা থা খরা থিন্থবা হায়বসি মখোয়দা অচৌবা শিংনবা অমা ওইরকপা য়াই। কোচিং ফি, রেন্ত, ত্রান্সপোর্তেসনগী শেনফম, হায়রিবা পুম্নমক অসি ইমুং মনুংশিংদা অৱাবা অমা ওইহল্লি। মরম অদুনা, ঐখোয়গী একজামিনেসন সিস্তেম অসিনা মতমগী ওইবা প্রিন্সিপল অসি শিজিন্নবা অসি য়াম্না মরু ওই। য়ু.পি.এস.সি. অমসুং লৈবাক শিনবা থুংনা লৈরিবা সেলেক্সন কম্মিসন পুম্নমক্না স্তেন্দর্দ হন্থহন্দনা, ঐখোয়না ঐখোয়গী একজামিনেসন সাইকল অসি হন্থহন্নবগী পাম্বৈশিং পুথোক্নবা হোৎনগদবনি। তশেংনমক্কীদি, ঐহাক্না গেল্লরী অসিদা য়েংবদা, নুমিৎ ১০০ রোম হন্থহবখ্রে। মসিগী মাইপাকপা অসি থাগৎনিংঙাইনি, অমসুং ঐহাক্না ময়াম পুম্নমকপু মসিগীদমক্তা থাগৎচরি।

অদুবু মরুপশিং,

মসিদি এদমিনিস্ত্রেতিব রিফোর্ম খক্তমক নত্তে। মসিসু ইক্বিতী প্রমোৎ তৌবা রিফোর্ম অমসু ওইরি।

মরুপশিং,

ময়াম পুম্নমক্না চীফ সেক্রেতরীশিংগী কনফরেন্স অমসুং দি.জি.পি. কনফরেন্সকী মরমদা খঙলে। হৌখিবা চহি তরা অসিদা, মখোয় অসি মরু ওইবা ইন্সতিত্যুস্নেল মেকানিজমশিং ওইরকখি। ফোরমশিং অসিগী মখাদা, লৈবাক অসিগী চীফ সেক্রেতরী পুম্নমক্না নুমিৎ হুমনিগী ওইনা খন্ন-নৈননবা অমসুং ৱাখল্লোনশিং ফোংদোক্নবগীদমক্তা পুনখি। মতৌ অসুম্না, দি.জি.পি. কনফরেন্সকী মনুংদা, পুলিসকী দাইরেক্তর জেনরেল পুম্নমক্না ইসুশিং খন্ননবা অমসুং এক্সপরিয়েন্সশিং শেয়র তৌনবা নুমিৎ হুমনি পুনখি। কনফরেন্সশিং অসিগী পান্দম অমা হায়রগদি লৈবাক অমনা অতোপ্পা লৈবাক অমগী খ্বাইদগী ফবা থৌওংশিং তম্বা, খঙবা, অমসুং মতাং চানা শিজিন্নবদা মতেং পাংবা হায়বসিনি। য়ু.পি.এস.সি.না চহি খুদিংগী স্তেৎ পব্লিক সর্ভিস কম্মিসনশিংগা খুৎশম্নদুনা নেস্নেল কনফরেন্স অমা পাংথোকই হায়না ঐনা খঙলে। কনফরেন্স অসিবু হেন্না পাক-চাউবা, হেন্না কান্নবা অমসুং অনৌবা ৱাখল্লোন কয়াদা মপুং ফাহনবা, ঐহাক্না থাজৈ মদুদি অদোম্না মসিদা অনৌবা মওং অমসুং অনৌবা দাইমেন্সন অমা পীনবা লেপ্তনা খন্নরি। অসিগুম্বা হোৎনবা অসিনা ইন্সতিত্যুসনশিংনা মখোয়গী খ্বাইদগী ফবা থৌওংশিং অসি অমগা অমগা শরুক য়ামিন্নবদা মতেং পাংই। মসিগা লোয়ননা, কনফরেন্স অসিনা ইন্তর্নেস্নেল বেস্ত প্রেক্তিসশিংসু নৈনগদবনি। তেক্নোলোজী অসি ঐখোয়গী থৌওং অমসুং থৌওংশিংগী ইফিসেন্সী হেনগৎহন্নবা মতৌ করম্না শিজিন্নগদগে হায়বগী মতাংদা মীৎয়েং চঙবা খন্ন-নৈনবা অমা পাংথোক্কদবনি। ক্রোস লর্নিংদা অসিগুম্বা হোৎনরিবশিং অসিনা য়ু.পি.এস.সি.গীসু নত্তনা রাজ্যগী সেলেক্সন কম্মিসন খুদিংমক্কীসু কান্নবা ফংহল্লগনি। ঐখোয়না প্রোসিদ্যুরেল নোর্মশিং অমসুং প্রোসেসশিং স্তেন্দর্দাইজ তৌবগী মতাংদসু খন্নগদবনি। মসিনা নহারোলশিংদা য়াম্না চাউনা মতেং পাংগনি।

মরুপশিং,

অতোপ্পা মরু ওইবা হীরম অমা হায়রগদি য়ু.পি.এস.সি. অমসুং স্তেত সেলেক্সন কম্মিসনশিংগী মনুংদা কেপাসিতী বিল্দিংনি। মসিগী হোৎনবা অসি লেপ্পা লৈতনা মখা চত্থগদবনি। মিসন কর্ময়োগীগী মখাদা শেমগৎখিবা আই.জি.ও.তি. প্লেৎফোর্ম অসি ঐখোয়গী ইন্তরনেল সিস্তেমশিংগীদমক, ঐখোয়গী তীমশিংগী কেপাসিতীশিং মপাঙ্গল কনখৎহন্নবা অমসুং হায়রিবা তোঙান তোঙানবা প্লেৎফোর্মশিংগী খুত্থাংদা ঐখোয়গী ইন্সতিত্যুসনশিংগী ইফিসিএন্সী হেনগৎহন্নবা শীজিন্নবা য়াই।

মরুপশিং,

অদোমগী থবক অসি ভারতকী নহাশিংগী তুংলমচৎকা হকথেংননা মরী লৈনৈ হায়বসি অদোম্না মতম পুম্নমক্তা নীংশিংগদবনি। অতোপ্পা ৱাহৈ অমদা হায়রবদা, নহাশিংগী শক্তিবু নেস্নেল পাৱরদা ওন্থোক্নবা মিসন অসিদা অদোম্না মরু ওইবা য়ুম্বী অমনি। চহি কয়া অসিদা, অদোম্না মিসন অসিবু মাংলোমদা পুখৎপদা অচৌবা থৌদাং অমা লৌখি। য়ু.পি.এস.সি. লিংখৎলকপা মতমদা, অচৌবা সহরশিং, শেন্মিৎলোনগী ওইনা খুদোংচাবা লৈবা ইমুংশিং অমসুং মমিং লৈরবা ইন্সতিত্যুসনশিংগী নহাশিংদা খুদোংচাবশিং অসি হেন্না ফংহল্লি। অদুম ওইনমক, ঙসিদি খুঙ্গংশিং অমসুং অপীকপা সহরশিংদগী নহারোলশিংসু পব্লিক সর্ভিসতা চঙশিল্লক্লি। ঐখোয়গী নুপীমচাশিংগী শরুক য়াবগী চাংসু লেপ্তনা হেনগৎলক্লি। ইং ১৯৫২দা, সিভিল সর্ভিসকী কেন্দিদেৎশিংগী মনুংদা নুপীনা চাদা ৩ খক্তমক ওইখি, চাদা ৩ খক্তমক ওইখি। ঙসিদি মসি চাদা ৩০ হেনখ্রে। য়ু.পি.এস.সি.গী পুৱারী পুম্বদা নুপীনা মরিমক চেয়রপর্সন ওইখ্রে। হৌজিক থাগৎপগী মতম ওইরে। য়ু.পি.এস.সি.গী পুৱারীদা নুপী চেয়রপর্সন মরিগী মনুংদা অহুমদি ২০১৪গী মতুংদা ওইখিবনি। অসিগুম্বা অহোংবশিং অসি স্তেতিস্তিক্স খক্তা নত্তে; মখোয়না ঐখোয়গী লৈবাক অসিদা খুদোংচাবা কয়া য়াম্না লৈবগে হায়বদু উৎলি।

মরুপশিং,

য়ু.পি.এস.সি.না চহি মঙা মপুং ফারকপা ১৯৭৬তা, চাংয়েং পাংথোকপা কেন্দিদেৎশিংগী মশিং অসি ঙসিদগী য়াম্না হন্থরম্মি। মতম অদুগা চাংদম্নবদা, একজামিনেসন এস্পিরেন্তশিংগী মশিং অসি শরুক মরি-মঙা হেনগৎলে। অতোপ্পা ৱাহৈ অমদা হায়রবদা, ঙসিদি ঐখোয়গী মমাংদা হৈ-শিংলবা মীওই কয়া অমা লৈরি। মসি লৈবাক অসিগী চাউথোকচনীংঙাই ওইবা ৱাফম অমনি। মসিগা লোয়ননা ঐখোয়গী থৌদাংসু হেনগৎলক্লি। ঐখোয়না অসিগুম্বা মালেম পুম্নমক্না ইকাই খুম্নরবা তেলেন্ত পুল অমা লৈরিঙৈদা, মালেমনা পাম্নরিবা অমা ওইবদা অদোম্না শুপ্নগী কেন্দিদেৎ অমা খক্তমক খনবগী থৌওং নত্তে। অদোম্না তুংদা সরকারগী মীহুৎ ওইগদৌরিবা মীওই অমা খনবীরি। গ্রাসরুৎকী থাক্তা, মীয়াম্না মীওই অদুবু লৈঙাক্কা মান্ননা লৌগনি। মরম অদুনা, ময়াম পুম্নমক্না অচুম্বা মীওই অমা খনবদা অচৌবা থৌদাং অমা লৌই।

মরুপশিং,

য়ু.পি.এস.সি.গী অহানবা চহিচাদা, য়ু.পি.এস.সি.না মাগী থাজবা মখা তানা মপাঙ্গল কনখৎহল্লি অমসুং লৈবাক অসিগী থাজবা ফংহল্লি। হৌজিক্তি, ইন্সতিত্যুসন অসিনা মসিগী অনিশুবা চহিচাদা চঙশিল্লকপদা, অনৌবা ওইথোকপা য়াবশিং অমসুং অনৌবা শিংনবশিংগী মতুং ইন্না মসিগী থাজবা হেনগৎহনগদবনি অমসুং হেন্না চেৎশিলহনগদবনি। হৌজিক ফাওবদা ঐখোয়গী পাঙ্গল ওইদুনা লাক্লিবা ভেল্যুশিং অসি ঙাক্লগা, ঐখোয়না তুংলমচৎকী দিমান্দশিং ফংনবগীদমক্তা ঐখোয় ইশামকপু অপগ্রেদ তৌগদবনি। য়ু.পি.এস.সি.গী নীংতম্বা, খেন্নবা লৈতবা, মেরিৎতা কম্মিৎমেন্ত পীবা, কনফিদেন্সিএলিতী, অমসুং অচুম্বা থৌওংশিং অসিনা মসিগী মশক তাক্লিবা আইদেন্তিতী অদু ওইহল্লি। হায়রিবা ভেল্যুশিং অসি মতম পুম্নমক্তা ঙাক্না চৎকদবনি। মসিগী আপিল অসিগা লোয়ননা, ঐহাক্না অমুক্কা হন্না ময়াম পুম্নমকপু থম্মোয় শেংনা নুংঙাইবা ফোংদোকচরি অমসুং য়াইফ-পাউজেল পীজরি।

হন্না-হন্না থাগৎচরি।

খঙহঞ্জবা: মসি প্রধান মন্ত্রীগী ৱারোলগী চাউরাকপা ৱাহন্থোক্নি। তশেংবা ৱারোলদি হিন্দীদা পীখি।

***