২০২৬কী ওক্তোবর ১দা মিজোরামদা থোকখিবা লম্বীগী খুদোংথিবা থৌদোক অমদা ইনফোর্মেসন অমসুং ব্রোদকাস্তিং মন্ত্রালয়গী মীওই অহুম লৈখিদবদা ইনফোর্মেসন অমসুং ব্রোদকাস্তিং মন্ত্রালয়না অৱাবা ফোংদোক্লি। ওফিসিএলশিং অদুনা তোংলকপা গারী অদু ওফিসিএল দ্যুতী চৎপদা লোকখাদা তাখিবনি।

লৈখিদ্রবশিং অদুদি প্রেস ইনফোর্মেসন ব্যুরো অমসুং সেন্ত্রেল ব্যুরো ওফ কম্ম্যুনিকেসন, ইম্ফালগী এদিসনেল দিরেক্তর জেনরেল, দা. ইঙম পামে, আই.আই.এস.; দুরদর্শন কেন্দ্র অমসুং ওল ইন্দিয়া রেদিও, আইজোলগী দিরেক্তর (ন্যুজ) শ্রী নম্পিবৌ মরিনমাই; অমসুং সেন্ত্রেল ব্যুরো ওফ কম্ম্যুনিকেসন, ফিল্দ ওফিস, আইজোলগী এম.তি.এস., শ্রী ঐচ. লিয়নভেলানি।

মরুপ অহুমনা লৈখিদবদা মন্ত্রালয় অসি য়াম্না নুংঙাইতবা ফাওই। মখোয়না মনুং মতম চাদনা লৈখিদবদা মখোয়গী মরী লৈনবা ওর্গনাইজেসনশিং অমসুং লৈবাক শিনবা থুংনা পব্লিক কম্ম্যুনিকেসন অমসুং ইনফোর্মেসন দিস্সেমিনেসনগী থবক তৌরিবা ওফিসিএলশিং অমসুং প্রোফেস্নেলশিংগী চাউরবা ইমুং মনুংগী ওইনা মেনশিনবা ঙমলরোইদবা অমাংবা অমা ওইরে।

চহি ৫৮ শুরবা দোক্তর ইঙম পামে অসি ১৯৯৪দা ন্যু দিল্লীগী জৱাহরলাল নেহরু য়ুনিভর্সিতীগী স্কুল ওফ সোসিএল সাইন্সতগী ইন্তর্নেস্নেল রিলেসন্সতা এম.এ. লোইরবা মতুংদা ইন্দিয়ন ইনফোর্মেসন সর্ভিসতা চংখি। মহাক্কী চহি তরাগী খুজিং অহুমদগী হেন্না সর্ভিস তৌরকখিবা মতমগী মনুংদা মহাক্না দিল্লী, ইম্ফাল, পুনে অমসুং শিল্লোংদা তোঙান তোঙানবা থৌদাং কয়াদা লৈঙাক্কী কম্ম্যুনিকেসন, মীদিয়া কোওর্দিনেসন অমসুং পব্লিক আউৎরীচতা শরুক তমখি।

পি.আই.বি. ইম্ফালগী এদিস্নেল দিরেক্তর জেনরেল ওইনা, দোক্তর পামেনা অৱাং-নোংপোক লমদমগী মীদিয়া ওর্গনাইজেসনশিং অমসুং সরকারগী দিপার্তমেন্তশিংগা লোয়ননা কম্ম্যুনিকেসন অমসুং কোওর্দিনেসন মপাঙ্গল কনখৎহনবদা মরু ওইবা থৌদাং অমা লৌখি। অৱাং-নোংপোক লমদমগী খ্বাইদগী মতম শাংনা থবক তৌরক্লবা ইনফোর্মেসন সর্ভিস গ্রুপ এগী ওফিসরশিংগী মরক্তগী অমা ওইরিবা মহাক্না লমদম অসিগী তোঙান তোঙানবা কম্ম্যুনিকেসন লেন্দস্কেপকী মতাংদা মহাক্কী এসাইনমেন্তশিংদা কান্নরবা ফিল্দ এক্সপরিয়েন্স অমসুং খঙ-হৈরবা লৌশিং পীখি। দোক্তর পামে অসি মনিপুরগী তমেংলোং জিলাগী জেমি নাগা ফুরুপতগীনি। মহাক্কী লোয়নবী, অজুনা পামে অমদি মচানুপা অমসুং মচানুপী অমা লৈহৌরি।

নম্পিবৌ মরিনমাই অসি আই.আই.এস. ওফিসর অমসুনি অমসুং দুরদর্শন কেন্দ্র অমসুং ওল ইন্দিয়া রেদিও, আইজোলদা দিরেক্তর (ন্যুজ) ওইনা থবক তৌরমখি। মহাক্না ইন্তর মীদিয়া পব্লিসিতী কোওর্দিনেসন কম্মিতী (আই.এম.পি.সি.সি.) গী চেয়রমেন ওইখি। মমাংদা ভারত সরকারগী ঙাকশেল মন্ত্রালয়দা পব্লিক রিলেসন ওফিসর ওইনা থৌ পুরমখি। ঙাকশেল মন্ত্রালয়দা থবক তৌরিঙৈ মতমদা, মহাক্না ঙাকশেলগা মরী লৈনবা পব্লিক রিলেসন, মীদিয়া রিপোর্তিং অমসুং কম্ম্যুনিকেসনগা মরী লৈনবা থবক তৌরমখি।

মহাক্না মতম শাংনা ন্যুজ অমসুং পব্লিক ব্রোদকাস্তিংগা মরী লৈনবা থবক তৌদুনা শ্রী মরিনমাইনা পব্লিক কম্ম্যুনিকেসন অমসুং ঈ-পাউ শন্দোকপদা চাউনা শরুক তমখি। দিফেন্স পব্লিক রিলেসন অমসুং ব্রোদকাস্তিংদা মহাক্কী এক্সপরিয়েন্সনা ইন্সতিত্যুসনশিং অমসুং মীদিয়াগী মরক্তা পাউ ফাওনবদা মতেং পাংখি। মহাক্কী প্রোফেস্নেল কম্মিৎমেন্ত, সর্ভিসকীদমক কত্থোকপা অমসুং মহাক্কী থবক তৌমিন্নরিবা মীওইশিং অমসুং মীদিয়া প্রোফেস্নেলশিংগা লোয়ননা লৈনখিবা অফবা মরীনা মহাকপু ইকাই খুম্নবগা লোয়ননা নীংশিংদুনা লৈহৌরগনি। মহাক্কী লোয়নবী, মচানুপা অমসুং মচানুপী লৈহৌরি।

শ্রী ঐচ. লিয়নভেলা, এম.তি.এস., সি.বি.সি. ফিল্দ ওফিস আইজোল, অসি ১৯৯৮দা সরকারগী সর্ভিসতা চংলকখি। মহাক্না চহি ৫২ শুরে অমসুং মহাক্কী লোয়নবী, মচানুপী অমসুং মশুনুপা অমা লৈহৌরি।

শ্রী গোজেন্দ্র দে, দ্রাইভর, সি.বি.সি., ফিল্দ ওফিস, আইজোলসু এক্সিদেন্ত অসিদা অশোক-অপন নংখি অমসুং হোস্পিতাল অমদা লায়েং চৎথরি। মহাক্না ৱাখল তারে অমসুং লায়েং চৎথরি।

ইনফোর্মেসন অমসুং ব্রোদকাস্তিং মন্ত্রালয়না অৱাবা তারবা মতম অসিদা ওফিসিএল অহুম অসিগী ইমুং-মনুং, মরুপ-মপাংশিংগী অৱাবদা শরুক য়াজরি। সরকারগীদমক্তা মখোয়গী চহি কয়া কত্থোক্তুনা সর্ভিস তৌরকপা অমসুং পব্লিক কম্ম্যুনিকেসনদা মখোয়না লৌখিবা থৌদাং অসি ইকাই খুম্নবা অমসুং তৌবীমল খঙবগা লোয়ননা নীংশিংদুনা লৈহৌরগনি।

***