খুঙ্গংগী ইমুংশিংদা পেন্সনগী মতাংদা খঙহনবা অমসুং পেন্সনগী সেক্যুরিতী ফংহন্নবা মরুওইবা খোংথাং অমা ওইনা, রুরেল দিবেলপমেন্ত দিপার্তমেন্ত (দি.ও.আর.দি.) অমসুং পেন্সন ফন্দ রেগুলেতরী অমসুং দিবেলপমেন্ত ওথোরিতী (পি.এফ.আর.দি.এ.) না ঙসি ভারতকী খুঙ্গং শিনবা থুংনা কম্ম্যুনিতীদা য়ুম্ফম ওইবা "পেন্সন সখী"গী আউতরিচ মেকানিজম অমা শেম্নবা অমসুং মতেং পীনবগীদমক য়ান-ৱারোল অমগী খুৎয়েক পীনখ্রে। এম.ও.য়ু. অসি দি.ও.আর.দি.গী জোইন্ত সেক্রেতরী শ্রী অমিত শুক্লা অমসুং পি.এফ.আর.দি.এ.গী একজিক্যুতিব দাইরেক্তর, সুমিত কৌর কাপুরনা রুরেল দিবেলপমেন্ত দিপার্তমেন্তকী সেক্রেতরী, শ্রী রোহিৎ কন্সলগী মমাংদা খুৎয়েক পীনখি।

পার্তনরশিপ অসিনা পেনসনগী মতাংদা এৱারনেস, ফাইনান্সিএল লিতরেসী, এনরোলমেন্ত অমসুং পোস্ত-এনরোলমেন্ত সপোর্ত অসি খুঙ্গংগী ইমুংশিংদা হেন্না নক্না য়ৌহন্নবগীদমক, বেঙ্কিং কোরেসপোন্দেন্ত (বি.সি.) সখী অমসুং অতৈ ত্রেন তৌরবা কম্ম্যুনিতী রিসোর্স পার্সনশিং য়াওনা, দীনদয়াল অন্ত্যোদয়া য়োজনা/নেস্নেল রুরেল লাইবলিহুদস মিসন (দি.এ.ৱাই.-এন.আর.এল.এম.) গী মখাদা শেমখিবা পাক-শন্না লৈরিবা কম্ম্যুনিতী ইন্সতিত্যুস্নেল নেৎৱর্ক অসি শীজিন্নবা পাম্লি।

নুপীশিংনা লুচিংবা এস.ঐচ.জি.গী ইন্সতিত্যুস্নেল আর্কিতেকচরগী মপাঙ্গল অসি পেন্সন কভরেজগী মরুওইবা শিংনবদু থেংননবা শীজিন্ননবা খোংথাং অসিনা হোৎনগনি: ফোর্মেল ফাইনান্সিএল এদভাইজরী অমসুং রিজাইনমেন্ত প্লানিং সর্ভিসশিং ফংবা ঙমদবা ইমুংশিংদা য়ৌহনবা। পার্তনরশিপ অসিগী মখাদা, পেন্সন সখীশিংনা কম্ম্যুনিতীগী থাক্তা থাজবা য়াবা ফেসিলিতরশিং ওইনা থবক তৌগনি। অখন্ননা এস.ঐচ.জি. মেম্বরশিং, খুঙ্গংগী নুপীশিং, লক্ষপাতি দিদীশিং অমসুং অতোপ্পা খুঙ্গংগী শরুক য়ারিবশিংদা মখোয়না মতেং পাংগনি। মখোয়না ইমুংশিংদা পেন্সন অমসুং রিতায়রমেন্ত প্লান্নিংগী মতাংদা ইনফোর্মেসন পীদুনা মতেং পাংগনি, রেজিস্ত্রেসন তৌবদা মতেং পাংগনি, অমসুং পেন্সনগা মরী লৈনবা সর্ভিসশিং খঙবদা মতেং পাংগনি।

থৌরম অদুদা রুরেল দিবেলপমেন্ত দিপার্তমেন্তকী সেক্রেতরী, শ্রী রোহিৎ কন্সালনা হায়খি মদুদি এস.ঐচ.জি. মুভমেন্ততা শরুক য়াবা খুঙ্গংগী ইমুংশিংদা তোপ তোপ্পা সেভিং পেতর্ন, লাইবলিহুদ সাইকল অমসুং রিস্ক প্রোফাইলশিং লৈরি। মরম অসিনা সোসিএল সেক্যুরিতী অসি মিসন অসিগী অচৌবা পান্দম ওইরিবা তুং কোইনা চৎকদবা চাউখৎপগী মরুওইবা শরুক অমা ওইগদবনি।

মহাক্না অকনবা ৱাফম থমখি মদুদি "সোসিএল সেক্যুরিতী অসি লায়না অসিদগী ঙাকথোক্নবা খক্তা নত্তে। মসিনা ইমুংশিংদা লেপ্পা লৈতনা শেন্মিৎলোনগী খুমাং চাওশিনবা পুরক্নবা থাজবা অমসুং রেসিলিয়েন্স পীনবগী মতাংদসুনি।"

শ্রী কন্সালনা পেনসনগী মতাংদা খঙহনবা অমসুং ফাইনান্সিএল লিটরেসী অসি ইকাইখুম্নবা, ত্রান্সপরেন্সী অমসুং থাজবগী মখা পোনবা মথৌ তাই হায়না অকনবা ৱাফম থমখি। মহাক্না মখা তানা রুরেলগী নাগরিকশিংনা মখোয়গী অশাংবা মতমগী শেল-থুমগী সেক্যুরিতীগী মতাংদা খঙনা খনবগীদমক ময়েক শেংবা অমসুং ত্রান্সপরেন্ত ওইবা ঈ-পাউ ফংহনবগী মরুওইবা অদু পনখি।

শ্রীমতী মমতা শঙ্করনা রিতায়রমেন্ত প্লান্নিংগী মরুওইবা হেনগৎলক্লিবা পুন্সিগী চাং হেনগৎলকপা অমসুং দেমোগ্রাফিক পেত্তর্নশিং হোংলক্লিবা অসিগী মতাংদা ফোংদোকখি। মহাক্না থাজবা ফোংদোকখি মদুদি পার্তনরশিপ অসিনা রিতায়রমেন্ত অমসুং সোসিএল-সেক্যুরিতী মেকানিজমশিংগী মপান্দা লৈরিবা খুঙ্গংগী ইমুংশিংগী মরক্তা নেস্নেল পেন্সন সিস্তেম (এন.পি.এস.) য়াওনা পেন্সন প্রদক্তশিংগী মতাংদা খঙহনবা অমসুং শিজিন্নবা হেনগৎহনগনি।

দিপার্তমেন্তগী মশাগী লোকোস সিস্তেম য়াওনা দিজিতেল দেশবোর্দশিং অমসুং মোবাইল অমসুং ৱেব-বেজদা য়ুম্ফম ওইবা সোলুসনশিংগী খুত্থাংদা আউতরিচ অমসুং এনরোলমেন্তকী মোনিতরিং মপাঙ্গল কনখৎহল্লগনি। মসিনা শরুক য়ারিবা ইন্সতিত্যুসনশিংদা কভরেজগী খোংজেল ত্রেক তৌবা অমসুং কভরেজদা লৈরিবা অশোয়বশিং মশক খঙদোকপা ঙমহল্লগনি। কম্ম্যুনিতিগী থাক্তা আউতচারী অসি মোনিতরিং অমসুং সর্ভিস দেলিভরীগীদমক মতিক চাবা দিজিতেল সিস্তেমশিংনা মতেং পাংগনি।

এম ও য়ু অসিনা মপাঙ্গল হাপচিনবা অনি পুন্সিল্লি: পেন্সন রেগুলেসন অমসুং রিতায়রমেন্ত-সেক্যুরিতী সিস্তেমশিংদা পি.এফ.আর.দি.এ.গী এক্সপর্তিস অমসুং নুপীশিংগী কোলেক্তিবশিং অমসুং ত্রেন তৌরবা গ্রাসরুৎ কেদরশিংগী খুত্থাংদা দি.এ.ৱাই.-এন.আর.এল.এম.গী মান্নদবা কম্ম্যুনিতী য়ৌহনবা। পার্তনরশিপ অসিনা ইনস্তিত্যুস্নেল রিচ অসি রুরেল ইন্দিয়াদা লেপ্পা লৈতনা পেন্সনগী মরমদা খঙহনবা অমসুং এনরোলমেন্ত তৌনবা হোৎনবদা ওন্থোক্নবা হোৎনরি। থৌরাং অসিনা মিসনগী কম্ম্যুনিতী কেদরশিংগী থৌদাংদা মরু ওইবা ইভোলুসন অমা উৎলি। বেঙ্কিং অমসুং হিংনবগী লম্বী ফংহনবদা মতেং পাংবদগী রুরেলগী য়ুমথোংশিংদা অশাংবা মতমগী শেন-থুমগী সেক্যুরিতী অমসুং রেসিলিয়েন্স শেমগৎপদা মতেং পাংবদফাওবা।

ভারতকী খুঙ্গংগী য়ুমথোংশিংনা ফোর্মেল ফাইনান্সিএল সিস্তেমশিংদা শরুক য়াবগী চাং হেনগৎলক্লি, অদুবু বেঙ্কিংগী খুদোংচাবা ফংবা হায়বসি মশা মথন্তনা মতিক চাবা রিটায়রমেন্ত প্লানিংদা ওন্থোক্তে। লৌউ-শিংউ, ইনফোর্মেল এমপ্লোইমেন্ত অমসুং অপীকপা ইন্তর্প্রাইজেসকী মখা পোল্লিবা য়ুমথোং কয়াগী ওইনা, ইনকম অসি চাং নাইদবা অমসুং শেন্মিৎলোনগী শোক্নবশিংদা খুদোংথীবা লৈ। মরম অদুনা, এৱারনেস শেমগৎপা অমসুং অঙনবা মতমগী, ইনফোর্মেতেদ পেন্সন শরুক য়াবা পুক্নিং থৌগৎপা অসি য়ুমথোংশিংগী শেল-থুমগী ওইবা রেসিলিয়েন্সকী মরুওইবা মচাক অমা ওইবা য়াই। মরম অদুনা, খোংথাং অসিনা খুঙ্গংগী ফাইনান্সিএল ইনক্লুজন এজেন্দাদা শেল-থুমগী সর্ভিসশিং ফংবগী অয়াবদগী লৌশিং লৈবা শরুক য়াবা, অশাংবা মতমগী ওইনা শেন্থং থাদবা অমসুং শেল-থুমগী ফিবম ফগৎহনবগী মায়কৈদা হেন্না চাউবা অহোংবা পুরকপদা মতেং পাংগনি।

রুরেল দিবেলপমেন্ত মন্ত্রালয়গী দিপার্তমেন্ত ওফ রুরেল দিবেলপমেন্ত অমসুং পি.এফ.আর.দি.এ.গী মরক্তা সেপ্তেম্বর ১৪, ২০২৬তা মেমোরেন্দম ওফ অন্দর্স্তেন্দিং খুৎয়েক পীনবা।

*****