ইয়োর হায়নেস

এক্সেলেন্সীজ

খুরুমজরি !

অদোম পুম্নমকপু ভারত্তা তরাম্না ওকচবা অমসুং খুরুমজবদা ঐহাক য়াম্না নুংঙায়বা ফাওজৈ।

ভারতকি ব্রীক্স চেয়রশিপ অসি মীয়ামদা মিৎয়েং থম্বা অমসুং মীওইবা জাতিগী অহানবদা থম্বগী থৌওংনা লমজিংদুনা চৎলি। রেজিলিয়েন্স, ইনোবেসন, কোওপরেসন, অমসুং সস্তেনেবিলিতি অসি ঐখোয়গী মরুওইবা প্রায়োরিতিশিং ওইদুনা লাক্লি। হায়রিবা মরু ওইবশিং অসি ৱাখলদা থমদুনা ব্রীক্স কোওপরেসন অসি ইচম চম্বা মীওইশিংগী পুন্সীগা হেন্না নক্না মরি লৈনহন্নবা ঐখোয়না অখন্নবা মিত্‍‌য়েং থম্লি।

মসিগী মিত্‍‌য়েং অসি থমদুনা মীফম ৩৫০ হেন্না পাংথোকখি। ভারত শিনবা থুংনা চাওরাক্না শহর ৩০দা অদোমগী তিমশিংবু তরাম্না ওকপগী খুদোংচাবদু ঐখোয়না ফংজখি। ভারতকি ব্রীক্স চেয়রশিপ অসি মায় পাকহনবদা অদোমগী এক্তিব ওইনা থৌদাং য়াবিবা অমসুং শৌগৎপীবগীদমক্তা ঐহাক্না অদোম খুদিংমকপু থম্মোয় শেঙনা থাগৎচরি।

মরুপশিং,

চহি অসিগী ব্রীক্স সমিৎ অসি পুৱারি ওইরবা মায়লস্তোন অমা ওইরি। ঐখোয়না ব্রীক্সকি চহি ২০ সুবগী থৌরম পাঙথোক্লি। মীওইবগী পুন্সীদা চহি কুন শুবা হায়বসি মপুং ফারকপা অমসুং থৌদাং লৌবগী অনৌবা তাঙ্কক অমা হৌরকপনি। মসি সুপ্নতগী থৌদাংশিং অসি মংলানগা লোয়ননা চৎপা অমসুং তৌবা ঙম্বশিংবু অনৌবা মায়কৈশিংদা চেনেল তৌবগী থাক অমনি।

ঙসিদি ব্রীক্সসু ‘কমিং ওফ এজ’গী মতম অমদা লেপ্লি। হৌখিবা চহি কুনলোমদগী ব্রীক্সনা মালেমগী থাক্তা মশাগী ওইবা তোপ তোপ্পা শক্তম অমা শেমগত্‍‌খ্রে। ঐখোয়না অমনা অমগী মিত্‍‌য়েংবু ইকায় খুম্নৈ অমসুং য়ানবা পুরকপগী খুত্থাংদা মাংলোমদা চঙশিল্লি। ঐখোয়না কনাগুম্বা অমগী মায়োক্তা লৈতবা অদুবু মদুগী মহুত্তা মীপুম খুদিংমকপু লমজিংবিনবা হোত্‍‌নরিবা এপ্রোচ অমগা লোয়ননা মাংলোমদা চঙশিন্নবা হোত্‍‌নরি।

হৌজিক ঐখোয়না ব্রীক্সকি মনুংদা ঐখোয়গী অপুনবা অমসুং য়ানবা পুরকপা অসি মালেমগী থাক্তা মপুং ওইবা আওতকমশিংদা ওন্থোকপগী মতম ওইরে। মথংগী চহি কুনলোমগী ওইনা ঐখোয়না অনৌবা অমসুং অপাম্বা এজেন্দা অমদা থবক তৌগদবনি। ঐখোয়না ঐখোয়গী ইশাগী ৱার্কিং সিস্তেমশিং মপাঙ্গল কনখৎহনবদগী হৌগদবনি।

ব্রীক্স চেয়রশিপ অসি চহি খুদিংগী হোঙলক্লি, অদুবু মসিনা ঐখোয়গী ইন্সতিত্যুস্নেল মোমেন্তমদা অকায়বা পিরোয়দবনি। ব্রীক্স কন্তিন্যুতী অমসুং ইমপ্লিমেন্তেসনগী মেকানিজম অমা লিংখৎনবা ঐহাক্না ৱাফম থম্লি। ত্রোয়কাগী খুত্থাংদা মসিগী মেকানিজম অসিনা ইনিসিয়েতিব অমসুং আওতকম পুম্নমক সিস্তেমেতিক ওইনা ফোলো-অপ তৌবা ঙমহনগনি।

ঐখোয়না ৱারেপ খুদিংমক্কিদমক নোদেল পোইন্ত, তাইমলাইন, অমসুং ইমপ্লিমেন্তেসনগী ফীভম রেকোর্দ তৌবা য়াবা সেক্যুর ওইবা দিজিতেল রিপোজিতরি অমা শেম্বা য়াই।

মরুপশিং,

ব্রীক্স মপাঙ্গল কনখৎহনবগা লোয়ননা ঐখোয়না গ্লোবেল রিফোর্মগী মতাংদসু চেৎশিনগদবনি। মালেমগী লৈঙাক্কী হৌজিক লৈরিবা স্ত্রকচর অসি পিরামিদা অমগা মান্নৈ। মথক্তা পাৱর অমসুং ৱারেপ লৌবগী থৌওং অসি কন্সেন্ত্রেত তৌখ্রে অদুগা মখাদা ৱারেপশিং অসিনা শাফু পিবদি ওইরগা মখোয়বু মওং মতৌ শেম্বদা ৱাফম খরা লৈবা লৈবাকশিং লৈরি।

গ্লোবেল সাওথ অসি ঙসি মালেমগী ক্রাইসিসশিংগী মাঙগী লম্বী লৈরি, অদুবু ৱারেপ লৌবগী তুংগী লম্বি লৈরি। ঐখোয়না “পিরামিদ ওফ প্রিভিলেজ” অসিবু “পার্ত্নরশিপকি প্লেৎফোর্ম” অমদা ওন্থোক্কদবনি, মফম অদুদা লৈবাক খুদিংমক্কি খোঞ্জেল লৈ, মেম্বর খুদিংমক্কি থৌদাং লৈ অমসুং মীওইবা জাতিগী খুমাং চাওশিনবা অসি হোত্‍‌নরিবা খুদিংমক্কি থম্মোয়দা য়াওদুনা লৈরি।

পান্দম অসিগা লোয়ননা ঐহাক্না প্রপোজ তৌজরি মদুদি ঐখোয়না পুন্না থবক তৌমিন্নদুনা গ্লোবেল গবরনান্স রিফোর্মগীদমক প্রপোজেল তরা শেম্লে, মদু ঐখোয়না মথংগী সমিৎ ফাওবদা ব্রীক্সকী রিফোর্ম রোদমেপ অমা ওইনা শেমগৎনবা হোৎনবা য়াই।

রোদমেপ অসি শেম শাবদা ঐখোয়না মরুওইবা শক্তম অহুম থমগদবনি: রিপ্রজেন্তেসন, রেসপোন্সিবনেশ অমসুং রুল-মেকিং।

অহানবদা রিপ্রজেন্তেসনগী মতাংদা ঐহাক্না হায়জনিংবদি য়ু.এন. সেক্যুরিতি কাওন্সিলগী রিফোর্ম অসি হৌজিক থেংথবা য়ারোয়। হীরম অসিগী মতাংদা তেক্সতা য়ুম্ফম ওইবা ৱারি শানবা অসি ময়েক শেঙনা লেপ্পা মতম অমসুং অকক্নবা ফলশিংগা মরি লৈনহনগদবনি।

মতৌ অসুম্না ফাইনান্সিএল ইন্সতিত্যুসনশিংদসু ভোৎ থাদবগী শক্তি, লুচিংবগী পোজিসনশিং, অমসুং পোলিশিগী মরু ওইবশিং অসিনা ঙসিগী শেন্মিৎলোনগী ৱাফমশিং অদু উৎকদবনি। গ্লোবেল ইকোনোমিক্কী গ্রোথ থৌগত্‍‌লিবা লৈবাকশিংনসু গ্লোবেল ইকোনোমিক গবরনান্স শেম্বদা মতিক চাবা থৌদাং লৌগদবনি।

অনিসুবদা, রেসপোন্সিবনেশ। মালেমগী ইন্সতিত্যুসনশিংনা মালেমগী ওইবা শিংনবশিংদা ইফেক্তিব ওইবা শোলুসনশিং পিবা ঙম্লবখক্তদা মীওইবা জাতিগী থাজবা ফংগনি। ঐখোয়না ঐখোয়গী অপুনবা রেসপোন্সকি খোঙজেল, স্কেল অমসুং লাস্ত-মায়ল ইম্পেক্তা মিত্‍‌য়েং চংগদবনি।

শমুদ্র খোঙবালশিংনা মালেমগী ললোন-ইতিক্তা য়াম্না মরুওইবা থৌদাং লৌরি, অদুম ওইনমক মখোয়না অয়াম্বনা অৱাবা মতমদা মখোয় মশানা মতিক চাবা মতেং ফংদবা থেংনৈ। ঐহাক্না প্রপোজ তৌরি মদুদি ঐখোয়না সিফেয়র্স ইমর্জেন্সি সপোর্ত নেতৱারক অমা লিংখত্‍‌পা ঙমগদ্রা? মসিগী নেতৱার্ক অসিনা মরি লৈনবা লৈবাকশিংগী মেরিতাইম ওথোরিতিশিং অমসুং মিশনশিংগা শম্নহনবা ঙমগনি। মসিনা দিস্ত্রেশ এলর্তশিং, মেদিকেলগী মতেং, ইমুং-মনুংশিংগা পাও ফাওদোক-ফাওজিন তৌনবা অমসুং ইভাক্যুএসন তৌবদা মতেং পাংবদা লাইথোকহনবা য়াই।

অদুগা অহুমসুবদা, ঐহাক্না রুল-মেকিংগী মতাংদা ৱাফম অমা থমজগে। তুংগী মালেমগী চৎন-কাংলোনশিং শেম্বদা চপ মান্নবা শরুক য়াহনবা অসি খ্বাইদগী মরুওইবনি।

এ.আই., সাইবরস্পেস, আওতর স্পেস, বাইওতেক্নোলোজি অমসুং মরুওইবা তেক্নোলোজিশিংনা তুংগী খুদোংচাবশিং খক্তা নত্তনা তুংদা চৎনগদবা চৎন-কাংলোনশিংসু শেমগত্‍‌লি।

ঐখোয়না গ্লোবেল সাওথ অসি রুল-তেকরশিংদগী রুল-সেপরশিংদা ওন্থোক্নবা থবক পায়খৎকদবনি। ব্রীক্সকি খুত্থাংদা ঐখোয়না গ্লোবেল সাওথকী লৈবাকশিংগী নহা ওইরিবা দিপ্লোমেৎশিং অমসুং পোলিশি মেকরশিংদা ৱারি শানবগী হৈশিংবা, প্রেক্তিকেল ত্রেনিং অমসুং ৱায়েল-পথাপরী ওইবা অখঙ-অহৈশিং পিবা ঙমগনি।

নুংঙায়বা ৱাফম অমনা ঙসি য়ুনাইতেদ নেসন্স দে ফোর সাওথ-সাওথ কোওপরেসনগী নুমিৎনি। গ্লোবেল সাওথতা কত্থোক্লবা নুমিৎ অমদা অসিগুম্বা ৱারেপ অসি লৌবা অসি অখন্ননা মরু ওই। হীরম অসিদা মাংজিল থানবা ভারত শেম শাদুনা লৈরি।

মরুপশিং,

ভারতনা পাঙথোক্কদৌরিবা ব্রীক্স সমিৎকি পাওজেল অসি খোঞ্জেল য়াংবা অমসুং ময়েক শেংবা ওইগদবনি: করিগুম্বা ঐখোয়গী তুংগী ফিবম অসি সেয়র তৌরবদি তুংগী অদুগুম্লবা হক অদুসু শম্নহনগদবনি ।

ভোইসতগী ইম্পেক্ত ফাওবা। প্রিভিলেজদগী পার্ত্নরশিপ ফাওবা।

মসি ২০দা ব্রীক্সকি রিজোলুসন ওইগদবনি।

অদোম্বু হন্না-হন্না থাগৎচরি৷

*****