ৱুমেন এন্দ চাইল্দ দিবেলপমেন্ত মন্ত্রালয়না ঙসি রুদ্রক্স ইন্তরনেস্নেল কোওপরেসন এন্দ কনভেন্সন সেন্তর (আর.আই.সি.সি.সি.), বারানসীদা ৯শুবা রাস্ত্রীয় পোসন মাহ ২০২৬ হৌদোকখ্রে, "হমারি অঙ্গনৱাদি, হমারি জিম্মেদারি" হায়বা থিমগী মখাদা ন্যুত্রিসনগীদমক থা অমা চুপ্না চত্থবা লৈবাক শিনবা থুংবগী জন অন্দোলন হৌদোকখ্রে।

হৌদোকপগী থৌরম অদুদা উত্তর প্রদেশকী মুখ্য মন্ত্রী, শ্রী য়োগী অদিত্যনাথ; কেন্দ্রগী ৱুমেন এন্দ চাইল্দ দিবেলপমেন্তকী মন্ত্রী,  শ্রীমতি অন্নপুর্না দেবী; কেন্দ্রগী ৱুমেন এন্দ চাইল্দ দিবেলপমেন্তকী রাজ্য মন্ত্রী, শ্রীমতি সাবিত্রী থাকুর; অমসুং উত্তর প্রদেশ সরকারগী ৱুমেন ৱেলফিয়ার, চাইল্দ দিভেলপমেন্ত এন্দ ন্যুত্রিসনগী মন্ত্রী, শ্রীমতি বেবী রানী মৌর্য় য়াওনা কেন্দ্র অমসুং রাজ্য সরকারশিংগী মকোক থোংবা ওফিসিয়েলশিং, দিবেলপমেন্ত পার্তনরশিং, ফ্রন্তলাইন ৱার্করশিং অমসুং বেনিফিসরীশিংনা শরুক য়াখি।

অখন্নবা ৱারোল পীরদুনা, উত্তর প্রদেশকী মুখ্য মন্ত্রী, শ্রী য়োগী অদিত্যনাথনা পোসন অভিয়ানগী পান্দমশিং মাংদা পুখৎপদা অমসুং ন্যুত্রিসন সর্ভিসশিং মপাঙ্গল কনখৎহনবদা অঙ্গনৱাদি সেন্তরশিংগী অহোংবা পুরকপগী থৌদাংগী মতাংদা পনখি। মহাক্না হায়খি মদুদি দিপার্তমেন্তশিংগী মরক্তা লেপ্পা লৈতনা পুন্না থবক তৌমিন্নবা, কম্ম্যুনিতীনা চাউনা শরুক য়াবা অমসুং ফ্রন্তলাইন ৱার্করশিংগী কত্থোকপা অসিনা মালন্যুত্রিসন লৈতবা ভারত অমা ফংবগী পান্দম ফংবদা য়াম্না মরুওই। চহিশিংগী মনুংদা ফগৎলকখিবশিং অদু নিংশিংলদুনা, চীফ মিনিস্তরনা খঙহনখি মদুদি অঙ্গনৱাদি সেন্তরশিং অসি ফগৎলবা ইনফ্রাস্ত্রকচর অমসুং তম্নফমগী অকোয়বগী ফিভমগা লোয়ননা মতিক-মঙাল লৈবা কম্ম্যুনিতী ইন্সতিত্যুসনশিংদা অপগ্রেদ তৌখ্রে অমসুং নৌনা শেমগৎখ্রে। মহাক্না মখা তানা হায়খি মদুদি অঙ্গনৱাদি ৱার্করশিংদা স্মার্তফোনশিং পীখ্রে, মদুনা রিয়েল-তাইম দেতা এন্ত্রী তৌবা ঙমহল্লি অমসুং দিজিতেল মোনিতরিংগী খুত্থাংদা সর্ভিস ফংহনবা ফগৎহল্লি। সপ্লিমেন্তরী ন্যুত্রিসন সর্ভিসশিং মপাঙ্গল কনখৎহনবগী মতাংদা পল্লদুনা, শ্রী য়োগী অদিত্যনাথনা হায়খি মদুদি অঙ্গনৱাদি সেন্তরশিংনা হৌজিক চান্নবা কান্নবা ফংলিবশিংদা হোত কুক মীল (ঐচ.সি.এম.) অমসুং তেক হোম রেসন (তি.ঐচ.আর.) চাং নাইনা ফংহল্লি, মদুনা রাজ্য শিনবা থুংনা অঙাংশিং, মীরোনবী নুপীশিং অমসুং খোম্লাং পীথক্লিবী মমাশিংগী ন্যুত্রিসনগী ফিভম ফগৎহনবদা মতেং পাংলি। চীফ মিনিস্তরনা ফোংদোকখি মদুদি ন্যুত্রিসনদা ইনভেস্ত তৌবা অসি কৈদৌঙৈদা মাংদে, মরমদি মসিনা মশা-মউ ফবা অঙাংশিং, মপাঙ্গল কনবা ইমুং-মনুং অমসুং মপাঙ্গল কনবা লৈবাক অমা ওইনা পুন্সি চুপ্পগী কান্নবশিং পীরি।

মহাক্কী মরুওইবা ৱারোলদা, কেন্দ্রগী ৱুমেন এন্দ চাইল্দ দিবেলপমেন্তকী মন্ত্রী, শ্রীমতি অন্নপুর্না দেবিনা মিসন সক্সম অঙ্গনৱাদি অমসুং পোসন ২.০গী খুত্থাংদা ন্যুত্রিসনগী ফিভম ফগৎহন্নবা সরকারনা লেপ্লিবা ফিরেপ অদু অমুক হন্না নিংশিংখি। মহাক্না হায়খি মদুদি হৌজিক্কী ওইনা অঙ্গনৱাদি সেন্তর লাখ ১৪ হেনবনা অঙাং করোর ৭.৫, মীরোনবী অমসুং খোম্লাং পীথক্লিবী নুপী করোর ১.১০, অমসুং লৈশাবী মচা লাখ ১৬ রোমদা ন্যুত্রিসন, হকশেল অমসুং অঙাং ওইরিঙৈ মতমগী য়েংশিনবগী সর্ভিসশিং ফংহল্লি। পুন্সিগী অহানবা নুমিৎ ১,০০০ গী মরুওইবা অদু পল্লদুনা, মহাক্না খঙহনখি মদুদি সরকারনা অঙ্গনৱাদি সেন্তর লাখ ২ সক্সম অঙ্গনৱাদিশিংদা অপগ্রেদ তৌরি, মসিগী মনুংদা উত্তর প্রদেশতা সেন্তর ২৪,০০০ রোম অয়াবা পীখ্রে। মিনিস্তরনা মখাতানা পনখি মদুদি প্রধান মন্ত্রী মাত্রু বন্দনা য়োজনা (পি.এম.এম.ভি.ৱাই.)না থবক চৎনহনবগী চহি তরা মপুং ফাখ্রে অমসুং হৌজিক ফাওবদা লৈবাক শিনবা থুংনা মমা করোর ৪.৬৫ হেনবদা দাইরেক্ত বেনিফিত ত্রান্সফর (দি.বি.তি.)গী খুত্থাংদা লুপা করোর ২১,০০০ হেন্না ত্রান্সফর তৌখ্রে। মহাক্না দাইতরী দাইভর্সিতী, মতিক চানা প্রোতিন চাবা, অনৌবা অশাবা অথোংবা চিঞ্জাক, সেনিতেসন, অমসুং অঙাং ওইরিঙৈ মতমগী চাউখৎ-থৌরাং ফগৎহনবদা কম্ম্যুনিতীনা শরুক য়াবগী থৌদাং অদু মখাতানা থমখি, অমসুং সুপোসিত ভারত অমসুং বিক্সিত ভারত@২০৪৭কী বিজন ফংনবা ন্যুত্রিসন অসি অশেংবা জন অন্দোলন অমা ওইহন্নবা মীয়ামদা খঙহনখি।

থৌরম অদুদা, উত্তর প্রদেশকী মুখ্য মন্ত্রী, শ্রী য়োগী অদিত্যনাথ অমসুং কেন্দ্রগী ৱুমেন এন্দ চাইল্দ দিবেলপমেন্তকী মন্ত্রী, শ্রীমতি অন্নপুর্না দেবিনা ফিল্মশিংদা উৎখিবা সেন্তরশিংগী খনগৎলবা অঙ্গনৱাদি ৱার্করশিংগা লাইভ ইন্তরেক্সন তৌখি। থৌরম অদুগী মনুংদা অখন্নবা সেগমেন্ত অমদা হোত কুক মীল, তেক হোম রেসন, হোম ভিজিৎ অমসুং আর্লি চাইল্দহুদ কিয়র এন্দ ইদুকেসনগী মতাংদা কান্নবা ফংলিবশিংগী তেসতিমোনিয়েল ভীদিওশিং উৎখি।

থৌরম অদুদা ৱা ঙাংলদুনা, কেন্দ্রগী ৱুমেন এন্দ চাইল্দ দিবেলপমেন্তকী রাজ্য মন্ত্রী, শ্রীমতি সাবিত্রী থাকুরনা কম্ম্যুনিতীশিং, পঞ্চায়তি রাজ ইন্সতিত্যুসনশিং, সেল্ফ-হেল্প গ্রুপশিং অমসুং ইমুং-মনুংশিংদা ন্যুত্রিসন মুভমেন্ততা থৱায় য়াওনা শরুক য়ানবা অমসুং ন্যুত্রিসন অমসুং চাইল্দকিয়র সর্ভিসশিং মীয়ামদা ফংহনবা অসিবু হেন্না মপাঙ্গল কনখৎহন্নবা খঙহনখি।

মহাক্কী তরাম্না ওকপগী ৱারোলদা, ৱুমেন এন্দ চাইল্দ দিবেলপমেন্ত মন্ত্রালয়গী সেক্রেতরী, শ্রী অনিল মলিকনা পনখি মদুদি পোসন অভিয়ান অসি সরকারগী প্রোগ্রাম অমদগী লৈবাক শিনবা থুংনা চত্থবা জন অন্দোলন অমদা ওন্থোকখ্রে, অমসুং মথংগী তাঙ্কক অসিদা কম্ম্যুনিতীগী মপু ওইবা অমসুং থৌদাং খঙবা অদু হেনগৎহনগদবনি। মহাক্না অঙ্গনৱাদি সেন্তর খুদিংমক্তা ইন্সতিত্যুস্নেল অমসুং তেক্নোলজিগী লমদা হেন্না ফগৎহনবা অদুবু সর্ভিসকী ক্বালিতী ফগৎহনবদা ওন্থোকপগী তঙাইফদবা অদু ফোংদোকখি।

চৎনবীগী মতুং ইন্না হৌদোক্ত্রিঙৈগী মমাংদা, মকোক থোংবা মীওইশিংনা থৌরম মফম অদুদা লৈবা পোসন মেলাদা চৎখি, মদুদা ন্যুত্রিসনদা মীৎয়েং চংবা ইন্নোবেসনশিং, লোকেলগী মচি ওইবা চিঞ্জাকশিং অমসুং অঙ্গনৱাদি সেন্তরশিংদগী খ্বাইদগী ফবা থৌওংশিং উৎখি।

পোসন মাহ ২০২৬ কী অখন্নবা ওদিও-ভিজ্যুৱল প্রেজেন্তেসন অমা উৎখি, মসিগী মতুংদা উত্তর প্রদেশকী মুখ্য মন্ত্রী,  শ্রী য়োগী অদিত্যনাথ অমসুং কেন্দ্রগী ৱুমেন এন্দ চাইল্দ দিভেলপমেন্তকী মন্ত্রী, শ্রীমতি অন্নপুর্না দেবিনা লৈবাক শিনবা থুংনা চত্থবা কেম্পেন অদুবু  চৎনবীগী মতুং ইন্না হৌদোকখি। থৌরম অদুদা লৈবাক শিনবা থুংনা মমাগী হকশেল অমসুং ন্যুত্রিসনগী ফিভম ফগৎহনবদা স্কিম অসিগী থৌদাং উৎপা প্রধান মন্ত্রী মাত্রু বন্দনা য়োজনা (পি.এম.এম.ভি.ৱাই.) গী চহি ১০ মপুং ফাবগী থৌরম নিংশিংনবগী ফিল্ম অমা উৎখি।

২০১৮ দা পোসন অভিয়ান হৌদোকখিবদগী, পোসন মাহ, পোসন পখৱাদা অমসুং অতোপ্পা কম্ম্যুনিতী এঙ্গেজমেন্ত ইনিসিয়েতিবশিংগী খুত্থাংদা জন অন্দোলনগী এক্তিবিতী করোর ১৫০ হেন্না পাংথোকখ্রে। রাস্ত্রীয় পোসন মাহ ২০২৬ অসি সেপ্তেম্বর ৯ দগী ওক্তোবর ৮ ফাওবা লৈবাক শিনবা থুংনা মখাগী এক্তিবিতীশিং অসিদা মীৎয়েং চংদুনা পাংথোক্কনি:

· দাইতরী দাইভর্সিতী অমসুং মতিক চানা প্রোতিন চাবা

· অঙ্গনৱাদি সেন্তরশিংদা অনৌবা অশাবা অথোংবা চিঞ্জাক

· অঙ্গনৱাদি মেনেজমেন্ত কম্মিতীশিং অমসুং এস.এন.পি. মেন্যু বোর্দশিংগী খুত্থাংদা কম্ম্যুনিতী ওনরশিপ

· অঙাংগী চাউখৎ-থৌরাংগীদমক ন্যুত্রিসন অমসুং আর্লি স্তিমুলেসন

· প্রধান মন্ত্রী মাত্রু বন্দনা য়োজনা (পি.এম.এম.ভি.ৱাই.) গী চহি ১০

থা অমা চুপ্না চত্থবা কেম্পেন অসিগী পান্দমদি অঙ্গনৱাদি সেন্তরশিংগা লোয়ননা কম্ম্যুনিতীগী এঙ্গেজমেন্ত ফগৎহনবা অমসুং ন্যুত্রিসন, মমাগী হকশেল অমসুং অঙাং ওইরিঙৈ মতমগী চাউখৎ-থৌরাং ফগৎহন্নবা পুন্না থবক তৌমিন্নবা প্রমোত তৌবা, সুপোসিত ভারতকী বিজন অদু মপাঙ্গল কনখৎহনবনি।

Today marks the beginning of the 𝟗𝐭𝐡 𝐑𝐚𝐬𝐡𝐭𝐫𝐢𝐲𝐚 𝐏𝐨𝐬𝐡𝐚𝐧 𝐌𝐚𝐚𝐡 𝟐𝟎𝟐𝟔, strengthening our collective resolve towards a Swasth, Suposhit and Saksham Bharat.

I look forward to launching this nationwide campaign today at the Rudraksh Convention Centre, Varanasi,… pic.twitter.com/yE9p3uBCrC

— Annpurna Devi (@Annapurna4BJP) September 9, 2026

***