ପ୍ରତିରକ୍ଷା ମନ୍ତ୍ରଣାଳୟ
ଆଗାମୀ ୧୦ ବର୍ଷ ପାଇଁ ଭାରତର ରଣନୀତିକ ରୋଡମ୍ୟାପ୍ ଓ ବିଶ୍ୱ ପ୍ରତିରକ୍ଷା ସହଭାଗିତାର ଦୃଷ୍ଟିକୋଣ ଦର୍ଶାଉଥିବା ‘ରକ୍ଷା’ ପ୍ରତିରକ୍ଷା କୂଟନୀତି ଦସ୍ତାବିଜ ଉନ୍ମୋଚନ କଲେ ରକ୍ଷାମନ୍ତ୍ରୀ
ପୋଷ୍ଟ କରାଯିବା ଦିନାଙ୍କ:
03 SEP 2026 12:55PM by PIB Bhubaneswar
ରକ୍ଷାମନ୍ତ୍ରୀ ଶ୍ରୀ ରାଜନାଥ ସିଂହ ଆଜି, ସେପ୍ଟେମ୍ବର ୦୩, ୨୦୨୬ରେ ନୂଆଦିଲ୍ଲୀରେ ପ୍ରତିରକ୍ଷା କୂଟନୀତି ସମ୍ପର୍କିତ ‘ରକ୍ଷା’ ଦସ୍ତାବିଜ ଉନ୍ମୋଚନ କରିଛନ୍ତି। ଏହି ବ୍ୟାପକ ଢାଞ୍ଚା ଆଗାମୀ ୧୦ ବର୍ଷ ପାଇଁ ବିଶ୍ୱସ୍ତରୀୟ ପ୍ରତିରକ୍ଷା ସହଭାଗିତା କ୍ଷେତ୍ରରେ ଭାରତର ରଣନୀତିକ ରୋଡମ୍ୟାପ୍ ଏବଂ ଦୃଷ୍ଟିକୋଣକୁ ପ୍ରତିଫଳିତ କରୁଛି।
ଏହି ଦସ୍ତାବିଜ ଭାରତର ରଣନୀତିକ ସମ୍ପର୍କକୁ ଏକ ନୂତନ ଦିଗ ପ୍ରଦାନ କରିବା ସହ ଜାତୀୟ ସୁରକ୍ଷା ଲକ୍ଷ୍ୟଗୁଡ଼ିକୁ ସକ୍ରିୟ ବିଶ୍ୱସ୍ତରୀୟ ସହଯୋଗ ସହିତ ସମନ୍ୱିତ କରୁଛି। ଏହାର ଲକ୍ଷ୍ୟ ଦୀର୍ଘକାଳୀନ ସ୍ଥିରତା ଓ ପାରସ୍ପରିକ ବିକାଶକୁ ପ୍ରୋତ୍ସାହିତ କରିବା।
ରଣନୀତିକ ରୂପରେଖାରେ ନିମ୍ନଲିଖିତ ପ୍ରମୁଖ ସ୍ତମ୍ଭଗୁଡ଼ିକୁ ଗୁରୁତ୍ୱ ଦିଆଯାଇଛି:
- ରଣନୀତିକ ସହଭାଗିତା: ଦ୍ୱିପାକ୍ଷିକ ଏବଂ ବହୁପାକ୍ଷିକ ସୁରକ୍ଷା ସହଯୋଗକୁ ଆହୁରି ଗଭୀର କରିବା।
- କ୍ଷମତା ବିକାଶ: ମିତ୍ର ରାଷ୍ଟ୍ରଗୁଡ଼ିକ ସହ ମିଳିତ ସାମରିକ ଅଭ୍ୟାସ, ପ୍ରଶିକ୍ଷଣ କାର୍ଯ୍ୟକ୍ରମ ଏବଂ ଶ୍ରେଷ୍ଠ ପ୍ରଚଳନର ଆଦାନପ୍ରଦାନକୁ ବୃଦ୍ଧି କରିବା।
- ସ୍ୱଦେଶୀ ପ୍ରତିରକ୍ଷା ରପ୍ତାନି: ‘ମେକ୍ ଇନ୍ ଇଣ୍ଡିଆ’ ପ୍ରତିରକ୍ଷା ପ୍ଲାଟଫର୍ମଗୁଡ଼ିକୁ ପ୍ରୋତ୍ସାହନ ଦେଇ ଭାରତକୁ ଏକ ବିଶ୍ୱସନୀୟ ବିଶ୍ୱ ପ୍ରତିରକ୍ଷା ଉତ୍ପାଦନ କେନ୍ଦ୍ର ଭାବେ ପ୍ରତିଷ୍ଠିତ କରିବା।
- ସାମୁଦ୍ରିକ ସୁରକ୍ଷା: ଭାରତ ମହାସାଗର ଅଞ୍ଚଳରେ ‘ନେଟ୍ ସିକ୍ୟୁରିଟି ପ୍ରୋଭାଇଡର୍’ ଏବଂ ‘ଫାର୍ଷ୍ଟ ରେସ୍ପଣ୍ଡର୍’ ଭାବେ ଭାରତର ଭୂମିକାକୁ ଆହୁରି ସୁଦୃଢ଼ କରିବା।
ପ୍ରତିରକ୍ଷା କୂଟନୀତି ଭାରତର ବୈଦେଶିକ ନୀତିର ଏକ ପ୍ରମୁଖ ସ୍ତମ୍ଭ ହୋଇଥିବାରୁ, ଏହି ଦସ୍ତାବିଜ ଆଗାମୀ ଦଶନ୍ଧି ପାଇଁ ଏକ ସ୍ପଷ୍ଟ ଏବଂ କାର୍ଯ୍ୟକାରୀ ଦୃଷ୍ଟିକୋଣ ପ୍ରଦାନ କରୁଛି। ପରିବର୍ତ୍ତନଶୀଳ ବିଶ୍ୱ ପରିସ୍ଥିତିରେ ଭାରତ ଶାନ୍ତି, ସ୍ଥିରତା ଓ ନିୟମଭିତ୍ତିକ ବ୍ୟବସ୍ଥାର ଏକ ପ୍ରମୁଖ ଆଧାର ଭାବେ ନିଜର ଭୂମିକା ବଜାୟ ରଖିବା ଏହାର ଉଦ୍ଦେଶ୍ୟ।
ଏହି ଅବସରରେ ସ୍ଥଳସେନା ମୁଖ୍ୟ ଜେନେରାଲ ଧୀରଜ ସେଠ, ପ୍ରତିରକ୍ଷା ସଚିବ ଶ୍ରୀ ରାଜେଶ କୁମାର ସିଂହ, ପ୍ରତିରକ୍ଷା ଉତ୍ପାଦନ ସଚିବ ଶ୍ରୀ ସଞ୍ଜୀବ କୁମାର, ବୈଦେଶିକ ବ୍ୟାପାର ମନ୍ତ୍ରଣାଳୟର ସଚିବ ଶ୍ରୀ ରୁଦ୍ରେନ୍ଦ୍ର ଟଣ୍ଡନ, ବାୟୁସେନା ଉପମୁଖ୍ୟ ଏୟାର ମାର୍ଶାଲ ଆଶୁତୋଷ ଦୀକ୍ଷିତ, ନୌସେନା ଉପମୁଖ୍ୟ ଭାଇସ୍ ଆଡମିରାଲ ଅଜୟ କୋଚ୍ଚର, ଚିଫ୍ ଅଫ୍ ଇଣ୍ଟିଗ୍ରେଟେଡ୍ ଡିଫେନ୍ସ ଷ୍ଟାଫ୍ ତଥା ଚେୟାରମ୍ୟାନ୍, ଚିଫ୍ସ ଅଫ୍ ଷ୍ଟାଫ୍ କମିଟି ଏୟାର ମାର୍ଶାଲ ତେଜିନ୍ଦର ସିଂହଙ୍କ ସମେତ ପ୍ରତିରକ୍ଷା ମନ୍ତ୍ରଣାଳୟ, ବୈଦେଶିକ ବ୍ୟାପାର ମନ୍ତ୍ରଣାଳୟ ଏବଂ ଜାତୀୟ ସୁରକ୍ଷା ପରିଷଦ ସଚିବାଳୟର ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ।
*****
SPD
(ରିଲିଜ ଆଡି: 2307631)
ପରିଦର୍ଶକ କାଉଣ୍ଟର : 12
ଏହି ରିଲିଜ ପଢନ୍ତୁ :
English
,
Urdu
,
हिन्दी
,
Marathi
,
Bengali
,
Bengali-TR
,
Punjabi
,
Tamil
,
Telugu
,
Kannada
,
Malayalam