সেন্ত্রেল কঞ্জ্যুমর প্রোতেক্সন ওথোরিতী (সি.সি.পি.এ.) না আইনগী মতুং ইন্না মথৌ তাবা রেগুলেতরী সেফগার্দশিং য়াওদনা এম্মোনিয়ম নাইত্রেৎকী ওনলাইন লিস্তিং, হোস্তিং, এদভর্তাইজিং অমসুং য়োনবগী থবক পাংথোকপদা মতেং পাংলুবগীদমক দাইলফোরত্রেদ তেক্নোলোজীস প্রাইবেৎ লিমিতেদতা লুপা লাখ ১০গী পেনেল্তী ইম্পোজ তৌখ্রে। চিফ কম্মিস্নর শ্রীমতী নিধি খারে অমসুং কম্মিস্নর শ্রী অনুপম মিশ্রানা লুচিংদুনা সি.সি.পি.এ.না অরোইবা ওর্দর অদু কঞ্জুমর প্রোতেক্সন এক্ত, ২০১৯গী সেক্সন ১০, ২০ অমসুং ২১গী মখাদা পাস তৌখি।

সি.সি.পি.এ.না দাইলফোরত্রেদপু এম্মোনিয়ম নাইত্রেৎ, নৎত্রগা এক্সপ্লোসিবস এক্ত, ১৮৮৪গী মখাদা এক্সপ্লোসিব অমা ওইনা মশক খঙদোক্লবা অতোপ্পা পোৎশক অমা হেক্তবু মাগী প্লেৎফোর্মদা লিস্তিং তৌবা, হোস্তিং তৌবা, এদভর্তাইজ তৌবা নৎত্রগা য়োনবদা মতেং পাংবশিং অথুবা মতমদা লেপহন্নবা খঙহনখ্রে।

সি.সি.পি.এ.না ওবজেক্তিব দিসক্লোজরশিং অমসুং ভেরিফিকেসন লৈতে হায়না ফোংদোকখি।

প্লেৎফোর্ম অদু য়েংশিল্লকপদা, সি.সি.পি.এ.না এম্মোনিয়ম নাইত্রেৎ অসি লিস্ত তৌখি অমসুং মতিক চাবা চেকশিল-থৌরাংশিং য়াওদনা য়োনখি, মসিগী মনুংদা মখাগীশিং অসি য়াওরি:

• সেল্লরগী চৎনবা য়াবা পি.ই.এস.ও. (পেট্রোলিয়ম অমসুং এক্সপ্লোসিব সেফতী ওর্গনাইজেসন) লাইসেন্সকী অকুপ্পা মরোলশিং ফোংদোকপা।
• লৈদ্রিঙৈগী মমাংদা বায়র অদুগী আইদেন্তিতী অমসুং লাইসেন্স স্তেতস ভেরিফিকেসন তৌবা।
• এম্মোনিয়ম নাইত্রেৎ রুলস, ২০১২গী মখাদা ত্রাঞ্জেক্সনশিং ত্রেস তৌবা য়াহন্নবা মেকানিজমশিং।
• সবস্তেন্স অদু থম্বা অমসুং শীজিন্নবদা আইনগী ওইবা অথিংবা লৈবগী মতাংদা অমসুং অয়াবা য়াওদনা থম্বগী মহৈশিংগা মরি লৈনবা চেকশিন থৌরাং।

লিস্ত অসিদা এক্সপ্লোসনশিং অমসুং ব্লাস্ত ইফেক্স উৎলিবা ইমেজিনশিংসু য়াওরি। সি.সি.পি.এ.না হায়খি মদুদি অসিগুম্বা ইমেজরী অসিনা পোত্থোক অদুগী খুদোংথিনিংঙাই ওইবা অমসুং রেগুলেত তৌরবা মওং অদু ফোংদোকপগী মহুত্তা পোত্থোক অদুগী পুক্নিং চিংশিনবা য়াই।

দিজিতেল মার্কেৎপ্লেসতা হোস্ত তৌরবা অমসুং ইন্তর্নেৎকী খুত্থাংদা মীয়ামদা পাউ ফাওনরিবা প্রদক্ত লিস্তিং অসি কঞ্জ্যুমর প্রোতেক্সন এক্ত, ২০১৯গী সেক্সন ২(১) গী মখাদা "এদভর্তাইসমেন্ত" অমগী ৱাহন্থোক্কী মনুং চল্লি হায়না সি.সি.পি.এ.না ফোংদোকখি। আইনগী মতুং ইন্না লাইসেন্স মথৌ তাই হায়না শীজিন্নরিবা মীওইশিংদা পাউতাক পীবা তৌদনা ওথোরিতীনা মখা তানা হায়খি মদুদি রেগ্যুলেত তৌরবা এক্সপ্লোসিব ওইবা পোৎলম অমবু অচম্বা কঞ্জ্যুমর প্রদক্ত অমগী মওংদা য়োনবগীদমক্তা থম্বা অসি এক্ত অসিগী সেক্সন ২ (২৮) অমসুং ২ (৪৭) গী মখাদা লান্না লমজিং-লমতাক্লিবা এদভর্তাইসমেন্ত  অমসুং অরানবা ললোন ইতিক্কী থবক থৌরম অমনি হায়না লৌই।

দাইলফোরত্রেদনা বিজিনেস-তু-বিজিনেস (বি২বি) মার্কেৎপ্লেস ইন্তরমেদিএরী অমা ওইনা মথৌ তৌই অমসুং থর্দ পার্তী সেলরশিংনা অপলোদ তৌরিবা লিস্তিংশিংগীদমক দাইতা লৌদে হায়না ফোংদোকখি। সি.সি.পি.এ.না ৱাফম অসি য়াখিদে, প্লেৎফোর্ম অসিনা সিঙ্গল য়ুনিৎ অমা খক্তদা পোৎলম য়োনবা য়াহল্লি অমসুং মসিদা মিনিমম ওর্দর ক্বান্তিতি নত্ত্রগা ইন্সতিত্যুস্নেল-ক্রেদিৎ ভেরিফিকেসন মেকানিজম লৈতে, মসি বি২বি মোদেলগা মহৌশানা মরী লৈনৈ।

সি.সি.পি.এ.না মখা তানা ফোংদোকখি মদুদি কঞ্জ্যুমর প্রোতেক্সন (ই-কম্মর্স) রুলস, ২০২০ অসি মার্কেৎপ্লেস ই-কম্মর্স এন্তিতীশিংদা, প্লেৎফোর্ম অদুনা মাগী বিজিনেস মোদেল অদু করম্না শন্দোক্না তাকপগে হায়বগী মরী লৈনরোই।

সি.সি.পি.এ.না ইনফোর্মেসন তেক্নোলোজী এক্ত, ২০০০গী সেক্সন ৭৯গী মখাদা ইন্তরমেদিএরী সেফ-হার্বর প্রোতেক্সন্দা দাইলফোরত্রেদকী মখা ঙাকলৌ লৌনবা হোৎনবা অদুসু য়েংশিনখি। অসিগুম্বা ঙাকলৌ লৌবা অসি পীরিবা দ্যু- দিলিজেন্সকী মথৌ তাবশিং ঙাক্না চৎপগী মখা পোল্লি হায়না ওথোরিতীনা ফোংদোকখি। লিস্ততা হাপচিল্লকপা মতমদা ভেরিফিকেসন তৌবগী মহুত্তা, থিদোক্লবা মতুংদা লিস্তশিং রিএক্তিব ওইনা লৌথোকপদা য়ুম্ফম ওইবা কমপ্লাইএন্স মেকানিজম অমনা রেগুলেত তৌরবা অমসুং খুদোংথিনিংঙাই ওইবা সবস্তেন্সশিংগী ওইনদি মতিক চাদে হায়না মসিদা ফংবা ঙমখি।

সি.সি.পি.এ.না মসিসু পনখি মদুদি দাইলফোরত্রেদনা মসিগী প্লেৎফোর্মদগী সেলরশিং ব্লোক তৌবা অমসুং পোত্থোকশিং লৌথোকপা ঙম্মি, মসিনা তাক্লি মদুদি প্লেৎফোর্ম অসিনা মসিদা হোস্ত তৌরিবা কন্তেন্ত অদু লাকশিনবা ঙম্মি।

ই-কম্মর্স প্লেৎফোর্মশিং সেক্তরগী মতুং ইন্না পাকশন্না য়েংশিনবা

ই-কম্মর্স প্লেৎফোর্মশিংগী সেক্তরগী মতুং ইন্না য়েংশিনবগী শরুক অমা ওইনা দাইলফোরত্রেদকী মায়োক্তা লৌখৎপা থবক অসি সি.সি.পি.এ.না খুদোংথিনিংঙাই ওইরবা কেমিকেলশিং, এক্সপ্লোসিব ওইবা সবতেন্সশিং অমসুং মরী লৈনবা প্রিকর্সরশিং ওনলাইনদা অয়াবা য়াওদনা য়োনবগী মতাংদা ই-কম্মর্স প্লেৎফোর্মশিং য়েংশিনবগী শরুক অমনি। য়েংশিল্লিবা সবস্তেন্সশিংগী মনুংদা এম্মোনিয়ম নাইত্রেৎ, গন পাউদর, পিক্রিক এসিদ অমসুং পেন্তাইরিথ্রিতোল তেত্রানাইত্রেৎ (পি.ই.তি.এন) য়াওরি।

হীরম অসি মখাগী প্লেৎফোর্মশিং অসিগী মতাংদা হৌজিক নৈনরি:

১. ভারত মার্ৎ

২. জস্তদাইল

৩. সিগমা-অল্দ্রিচ ইন্দিয়া

৪. এক্সপোর্তর্স ইন্দিয়া

৫. ইবাইকেমিকেল্স

৬. অল্ফা কেমিকা

৭. ত্রেদ ইন্দিয়া

সি.সি.পি.এন. ই-কম্মর্স প্লেৎফোর্মশিংনা দ্যু দেলিজেন্সকী মথৌ তাবা অমুক হন্না থমখি

সি.সি.পি.এ.না এম্মোনিয়ম নাইত্রেৎ অসি রেগ্যুলেত তৌরবা সবস্তেন্স অমনি হায়না পনখি, মদুগী অয়াবা য়াওদনা য়োনবা নৎত্রগা লৈবদা প্রিস্ক্রাইব তৌরবা সেক্যুরিতীশিং য়াওদনা পব্লিক সেক্যুরিতীদা রিস্ক লৈহনবা য়াই। ই-কম্মর্স প্লেৎফোর্মশিংনা রেগুলেতেদ প্রদক্তশিংগা মরী লৈনবা মতমদা মতিক চাবা চেকশিন থৌরাং লৌখৎপা মথৌ তাই হায়না ওথোরিতীনা অমুক হন্না হায়খি।

সি.সি.পি.এ.না কঞ্জ্যুমরশিংগী হকশিং ঙাক্নবা, অরানবা ললোন-ইতিক্কী থবকশিং থিংনবা অমসুং ই-কম্মর্স প্লেৎফোর্মশিংনা, মরুওইনা রেগ্যুলেত তৌরবা অমসুং খুদোংথিনিংঙাই ওইবা পোৎলমশিংগা মরী লৈননা কমপ্লাইএন্স মপাঙ্গল কনখৎহন্নবা মখোয়গী ফিরেপ অমুক হন্না ফোংদোকখি।

অরোইবা ওর্দর অসি সি.সি.পি.এ.গী ৱেবসাইত্তা ফংগনি: https://ccpa.doca.gov.in/

***