নেসনেল স্পোর্তস দে পাংথোক্নবা ওগষ্ট ২৭, ২০২৬ দা লৈবাক শীনবা থুংনা “খেলো ইন্দিয়া দাইলোগ-খেল কি বাত, পি.এম মোদী কে সাথ” পাংথোক্লগনি, মহৈলোয়শঙ ১,৫০০ হেনবগী নহারোলশিং, শান্নরোয়শিং অমসুং থৌশিল শেম্বশিং পুনগনি।

লৈবাক শীনবা থুংনা পায়খৎলিবা থবক অসিনা ভারতকী শান্ন-খোৎনবা অমসুং নহারোলশিংগী তুংগী ফিবমগী মতাংদা মখোয়গী অনৌবা ৱাখলশিং, পাউতাকশিং অমসুং অনৌবা থবক্কী মতাংদা ৱাখল্লোনশিং শরুক য়ানবা হৌগৎলক্লিবা শান্নরোয়শিংদা মফম অমা পীগনি। থৌরম অসিদা শরুক য়াগদবা মহৈলোয়শঙশিংগী মনুংদা আই.আই.তিশিং, আই.আই.এমশিং, এন.আই.তিশিং, এ.আই.আই.এম.এসশিং, মরুওইবা মেদিকেল কোলেজশিং অমসুং য়ুনিভর্সিতিশিং য়াওগনি।

থৌরম অদুদা প্রধান মন্ত্রী নরেন্দ্র মোদীনা ভর্চুএল ওইনা ৱা ঙাংগনি। প্রধান মন্ত্রীগী ৱারোল মতুংদা, থৌরম শরুক য়ারিবা মফমশিং শীনবা থুংনা মতম অমতদা হকথেংননা থৌরমশিং হৌগনি।

নহারোলশিং অমসুং থৌশিল শেম্বদা থেংনরিবশিং অমসুং অনিংবশিংগী মরক্ত লৈন্নবা মরী মপাঙ্গল কনখৎহন্নবা থৌরম অসিনা পান্দম থম্লি। মরুওইবা হীরম মরি: শান্নবগী থবকশিং ফগৎহনবা অমসুং খুঙ্গংশিংদা মচাক-মথুমশিং ফগৎহনবা; কোচিং অমসুং খুদোংচাবশিং; সাইন্তিফিক ওইনা অফবা শান্নরোয় খঙদোকপা অমসুং শান্নরোয় শেমগৎপগী খুৎথাংদা ২০৩৬ ওলেম্পিক্সগীদমক শান্নোয় শেমগৎপা; নহারোলশিং লুচিংবা ওইহনবা অমসুং লৈবাক ঙাকপদা শরুক য়াবা হেনগৎহনবা; অমসুং তুংগী শেম-শারবা স্কিলশিং, ভোলুন্তিয়ার ওইনা থবক তৌদুনা অমসুং লৈবাক শেমগৎনবা খুদোংচাবশিং পীদুনা নহারোলশিংগী ফিবম ফগৎহনবগী মতাংদা শরুক য়ারিবা নহারোলশিং খন্ন-নৈগনি।

শান্নবদা থৱায় য়াওবা নহারোলশিং অমসুং ভারতকী শক্নাইরবা শান্নরোয়শিং অমসুং মেদল ফংলবশিংগী মরক্ত হকথেংননা উনবনা থৌরম অসিগী মরুওইবা শক্তম অমা ওইগনি। শক্নাইরবা শান্নরোয়শিংগী মনুংদা দিপা করমাকার, সাইনা নেহৱাল, গাগন নরাং, শ্রীজেস, মেরি কোম, বাইচুং ভুতিয়া, গোপিচান্দ, অঞ্জু বোবি জর্জ, করনাম মাল্লেশ্বরি, মিরাবাই চনু অমসুং পি.তি উশা য়াওনা শক্নাইরবা ক্রিকেত শান্নরোয়শিং য়াওগনি, মখোয়গী শান্নবগী খোঙচৎশিং, অৱাবশিং অমসুং থেংনরকপা থৌদোকশিংগী মতাংদা নহারোলশিংদা ৱারি লিগনি।

শান্নরোয়শিং শরুক য়াবগী মথক্ত, এম.পিশিং, এম.এল.এশিং, য়ুনিয়ন মিনিষ্টরশিং, মিনিষ্টরস ওফ ষ্টেৎ অমসুং নহারোলশিংগী থবক তৌরিবা ষ্টেৎ স্পোর্তস মিনিষ্টরশিং য়াওগনি অমসুং থিম মরিদা মখোয়গী অনৌবা ৱাখলশিং অমসুং পাউতাকশিং লৌগনি।

থৌরম অসিদা বিকসিত ভারত য়ং লিদরস দাইলোগ কুইজসু পাংথোক্কনি অমসুং শরুক য়ারিবা নহারোলশিং মাই ভারত পোর্তেলদা রেজিষ্টার তৌনবা পুক্নিং থৌগৎকনি, নোংমগী থৌরম অসিগী মতুংদা নহারোলশিং মখা তানা থবক তৌনবা মফম অমা পীগনি।

লৈবাক অসিগী নহারোলশিংনা ভারতকী শান্নবগী অওনবা পুরক্নবগী ৱাখল্লোন অমুক হন্না ফগৎহন্নবা “খেলো ইন্দিয়া দাইলোগ-খেল কি বাত, পি.এম মোদী কে সাথ” না পান্দম থম্লি। নহারোলশিংগী অনিংবশিং, শান্নবগী লৌশিং অমসুং থৌশিলগী পান্দমশিং মফম অমদা পুনশিন্দুনা, লৈবাক অসিগী শান্নবগী তুংগী ফিবম অমসুং নহারোল চাউখৎনবা নহারোলশিংনা কানরবা খোল্লাউ অমা লাউনবা থবক অসিনা পান্দম থম্লি।

***