ટેરિટોરિયલ આર્મીએ, સાયબરપીસના સહયોગથી, સમકાલીન સંરક્ષણ, સાયબર સુરક્ષા અને માહિતી-ક્ષેત્રના પડકારોના નાવિન્યપૂર્ણ ઉકેલો વિકસાવવાના ઉદ્દેશ્યથી રાષ્ટ્રીય સ્તરના હેકાથોન ટેરિયર સાયબર ક્વેસ્ટ 2026 (TCQ 3.0)ની શરૂઆત કરી છે.

સ્પર્ધાની આ ત્રીજી આવૃત્તિમાં, ભારતીય સેના એકેડેમિયા, ઉદ્યોગ, સંશોધન સંસ્થાઓ, સરકારી સંસ્થાઓ અને સશસ્ત્ર દળોની તકનીકી પ્રતિભાઓને એકસાથે લાવવાનો પ્રયાસ કરે છે. આ પહેલ આર્ટિફિશિયલ ઇન્ટેલિજન્સ (AI), સાયબર સુરક્ષા, ખતરાનું નિવારણ અને ડિજિટલ જાગરૂકતા સહિતના ઉભરતા ક્ષેત્રો પર ધ્યાન કેન્દ્રિત કરશે, જ્યારે રાષ્ટ્રીય સુરક્ષાને સંબંધિત સ્વદેશી ઉકેલોના વિકાસને પ્રોત્સાહિત કરશે.

અગાઉની આવૃત્તિઓ પર આધાર રાખીને, TCQ 3.0 ત્રણ સ્પર્ધા ટ્રેક પર યોજવામાં આવશે:

બગ હંટિંગ: એક સાયબર સુરક્ષા પડકાર જે ઓનલાઈન કેપ્ચર-ધ-ફ્લેગ (CTF) ક્વોલિફાયરથી શરૂ થશે અને ઇન-પર્સન લાઈવ સેન્ડબોક્સ ફિનાલેમાં પરિણમશે. સહભાગીઓએ સિમ્યુલેટેડ જટિલ માળખાકીય વાતાવરણમાં નબળાઈઓની ઓળખ અને દસ્તાવેજીકરણ કરવાની જરૂર પડશે.

AI કવચ: અગાઉથી ખતરાની ગુપ્ત માહિતી, સ્વચાલિત સંરક્ષણ પ્રણાલીઓ અને વિસંગતતાની શોધ માટેના ઉકેલો વિકસાવવાના ઉદ્દેશ્યથી એક AI અને મશીન-લર્નિંગ આધારિત પડકાર.

ક્રિએટર્સ ચેલેન્જ: ડીપફેક્સ, ફિશિંગ, ઓનલાઈન સ્કેમ્સ અને ખોટી માહિતી જેવા ખતરાઓને સંબોધતા પ્રભાવશાળી જાગરૂકતા અભિયાનો વિકસાવવા માટે કન્ટેન્ટ ક્રિએટર્સ, સંચારકો અને ઇન્ફ્લુઅન્સર્સ માટે ડિજિટલ મીડિયા અને સ્ટોરીટેલિંગ સ્પર્ધા.

સ્પર્ધા માટેના રજીસ્ટ્રેશન 31 ઓગસ્ટ 2026 સુધી ખુલ્લા છે. ઓનલાઈન શોર્ટલિસ્ટિંગ તબક્કો 1 થી 10 સપ્ટેમ્બર 2026 દરમિયાન યોજવામાં આવશે, ત્યારબાદ નવી દિલ્હીમાં 6 થી 8 ઓક્ટોબર 2026 દરમિયાન ગ્રાન્ડ ફિનાલે યોજાશે. એવોર્ડ સમારોહ 9 ઓક્ટોબર 2026ના રોજ યોજાશે.

SM/DK/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com