জি.এ.তি.সি. (GATC) ৫১ দি হান্ননা রিকোগনাইজ তৌখ্রে | ভেরিফিকেসনগী স্কোপ অসি কেতেগোরি ২৩ ফাওবা পাকথোক-চাউথোকখ্রে

হেন্না চাউবা ভেরিফিকেসন কেপাসিতি • হেন্না থুবা সর্ভিসশিং • হেন্না ফবা কঞ্জ্যুমর প্রোতেক্সন

কঞ্জ্যুমর এফিয়র্স, ফুদ অমসুং পব্লিক দিস্ত্রিব্যুসন মন্ত্রালয়গী কঞ্জ্যুমর এফিয়র্স দিপার্তমেন্তনা লিগেল মেত্রোলোজি (গবর্নমেন্ত এপ্রুভদ তেস্ত সেন্তর) রুলস, ২০১৩ গী মখাদা গবর্নমেন্ত এপ্রুবদ তেস্ত সেন্তর (GATCs) ওইনা রিকোগনাইজ তৌনবা এলিজিবল ওইবা ইন্দস্ত্রি, লেবোরেতোরি, ইঞ্জিনিয়রিং কলেজ, পোলিতেকনিক, আই.তি.আই. (ITI) অমসুং তেস্তিং ফেসিলিতিশিংদগী ওনলাইন এপ্লিকেসনশিং কৌখ্রে।

হৌজিক এপ্লিকেসন ৱিন্দো হাংদুনা লৈরিবা অসিদা, এলিজিবল ওইবা ওর্গানাইজেসনশিংনা মখোয়গী এপ্লিকেসনশিং দিপার্তমেন্তকী ওনলাইন পোর্তেল emaap.gov.in/gatc গী খুত্থাংদা অগস্ত ৩১, ২০২৬কী নুমীদাংৱাইরম পুং ৫:০০ ফাওবগী মনুংদা থাজিননবা পুক্নিং থৌগৎলি। পোর্তেল অসিনা এপ্লিকেসন থাজিনবা, ফী পীবা, এপ্লিকেসনগী স্তেতস য়েংবা অমসুং এপ্লিকেন্তশিংগা কম্ম্যুনিকেসন তৌনবা মপুং ফানা দিজিতেল ওইবা প্রোসেস অমা পীরি, মদুনা থৌওং অসি হেন্না লাইবা, শেংবা অমসুং বিজিনেসকীদমক চুনবা ওইহল্লি।

দিপার্তমেন্ত অসিনা মমাংদা জি.এ.তি.সি. (GATC) ফ্রেমৱার্ক, মসিগী পাকথোক-চাউথোক্লবা স্কোপ অমসুং ভেরিফিকেসন সর্ভিসশিং পাক-শন্না ফংবগী কান্নবশিংগী মতাংদা অকুপ্পা ৱারোলশিং পীখ্রে।

পাক-শন্না শরুক য়াবগী খুত্থাংদা ভেরিফিকেসন কেপাসিতি পাকথোক-চাউথোকহনবা

জি.এ.তি.সি. (GATC) ইনেসিয়েতিব অসি ললোন-ইতিক্তা শিজিন্নরিবা অখন্নবা ৱেত অমসুং মেজর ভেরিফিকেসন অমসুং রি-ভেরিফিকেসন তৌবদা তেক্নিকেলগী ওইনা মতিক চাবা প্রাইভেত সেক্তর ইন্সতিত্যুসনশিংবু শরুক য়াহন্দুনা ভারতকী ভেরিফিকেসন ইকোসীস্তেম পাকথোক-চাউথোকহন্নবা পান্দম থম্লি।

ঙসি ফাওবদা, জি.এ.তি.সি. ৫১ দি হান্ননা রিকোগনাইজ তৌখ্রে। বিজিনেসশিংনা মখোয়গী লৈফমশিংগী মনাক নক্না ভেরিফিকেসন ফেসিলিতিশিং ফংবা ঙম্নবা, মতম চংবা হন্থহন্নবা অমসুং থুনা কমপ্লাইয়েন্স তৌবা ঙমহন্নবা দিপার্তমেন্ত অসিনা হৌজিক নেতৱার্ক অসি হেন্না পাকথোক-চাউথোকহল্লি।

থৌরাং অসিনা স্তেত লিগেল মেত্রোলোজি দিপার্তমেন্তশিংগী হোৎনজবশিংদসু মতেং পাংগনি। ভেরিফিকেসন সর্ভিসশিংগীদমক হেন্না এপ্রুব তৌরবা সেন্তরশিং ফংলকপগা লোয়ননা, স্তেত লিগেল মেত্রোলোজি ওফিসরশিংনা মার্কেত সর্ভিলেন্স, এনফোর্সমেন্ত অমসুং কঞ্জ্যুমরগী ৱাকৎশিং কোকহনবদা হেন্না মীৎয়েং থম্বা ঙমগনি।

হৌজিক ৱেত অমসুং মেজরগী কেতেগোরি ২৩ কোনশিল্লে

জি.এ.তি.সি. (GATC) রুলসতা হন্দক্তা পুরকখিবা এমেন্দমেন্তশিংগী মতুং ইন্না, রিকোগনাইজ তৌরবা জি.এ.তি.সি.শিংনা হকশেল, এনার্জি, ত্রান্সপোর্ত, রিতেল, মেনুফেকচরিং অমসুং ইনফ্রাস্ত্রকচরগুম্বা মরুওইবা সেক্তরশিং কোনশিনবা ৱেত অমসুং মেজরগী কেতেগোরি ২৩গী ভেরিফিকেসন অমসুং রি-ভেরিফিকেসন তৌবা ঙম্লে। মখোয়শিং অদুদি:

(i) ৱাতর মিতরশিং

(ii) স্ফিগমোমেনোমিতরশিং

(iii) ক্লিনিকেল থর্মোমিতরশিং

(iv) ওতোমেতিক রেল ৱেব্রিজশিং

(v) তেপ মেজরশিং

(vi) এক্যুরেসী ক্লাস III (কেজি ১৫০ ফাওবা) গী নন-ওতোমেতিক ৱেইং ইন্সত্রুমেন্তশিং

(vii) এক্যুরেসী ক্লাস IIII গী নন-ওতোমেতিক ৱেইং ইন্সত্রুমেন্তশিং

(viii) লোদ সেলশিং

(ix) বীম স্কেলশিং

(x) কাউন্তর মেছিনশিং

(xi) কেতেগোরি পুম্নমক্কী ৱেতশিং

(xii) গ্যাস মিতরশিং

(xiii) এনার্জি মিতরশিং

(xiv) মোইসচর মিতরশিং

(xv) ভেহিকল স্পীদ মিতরশিং

(xvi) ব্রেথ এনালাইজরশিং

(xvii) মলতি-দাইমেন্সনেল মেজরিং ইন্সত্রুমেন্তশিং

(xviii) ফ্লো মিতরশিং

(xix) পেত্রোল অমসুং দিজেল দিস্পেন্সরশিং

(xx) সি.এন.জি. (CNG) দিস্পেন্সরশিং

(xxi) এল.পি.জি. (LPG) দিস্পেন্সরশিং

(xxii) এল.এন.জি. (LNG) দিস্পেন্সরশিং

(xxiii) হাইদ্রোজেন দিস্পেন্সরশিং।

পেত্রোল, দিজেল, সি.এন.জি., এল.পি.জি., এল.এন.জি. অমসুং হাইদ্রোজেন দিস্পেন্সরশিং য়াওহনবা অসি জি.এ.তি.সি. (GATC) ফ্রেমৱার্ক হন্দক্তা পাকথোক-চাউথোকহনবগী শরুক অমনি। মসিনা ফ্যুয়েল দিস্পেন্সিং সীস্তেমশিংগী ভেরিফিকেসন কেপাসিতি মপাঙ্গল কনখৎহনবদা মতেং পাংগনি অমসুং ফ্যুয়েলগী ললোন-ইতিক্তা অচুম্বা মেজরমেন্ত অমসুং ত্রান্সপরেন্সীদা শৌগৎকনি।

ইন্দস্ত্রিগীদমক হেন্না লাইবা লম্বী অমা

জি.এ.তি.সি. (GATC)শিং পাকথোক-চাউথোকহনবা অসি য়াম্না মরুওইবা ইজ ওফ দুয়িং বিজিনেস (Ease of Doing Business) রিফোর্ম অমনি। ভেরিফিকেসনগীদমক লিমিতেদ ওইবা দিপার্তমেন্তকী ফেসিলিতিশিং খক্তদা থাজবা থম্বগী মহুৎ, মেনুফেকচররশিং, ত্রেদরশিং অমসুং য়ুজরশিংনা পাকথোক-চাউথোক্লিবা জি.এ.তি.সি. (GATC )নেতৱর্ক্কী খুত্থাংদা এপ্রুব তৌরবা তেক্নিকেল ফেসিলিতিশিং হেন্না ফংবা ঙমগনি।

দিজিতেল এপ্লিকেসন সীস্তেম অসিনা এপ্লিকেন্তশিংদা ওনলাইন্দা এপ্লাই তৌবা, দিজিতেল ওইনা ফী পীবা অমসুং সরকারগী ওফিসশিংদা অমুক হন্না চৎনদনা মখোয়গী এপ্লিকেসনশিং ত্রেক তৌবা ঙমহন্দুনা থৌওং অসি হেন্না লাইথোকহল্লি।

এলিজিবল ওইবা ওর্গানাইজেসনশিংনা নেস্নেল স্তেন্দর্দশিংদা ত্রেস তৌবা য়াবা লেপথোক্লবা তেস্তিং অমসুং কেলিব্রেসন ইক্বিপমেন্ত, ক্বালিফাইদ ওইরবা তেক্নিকেল পর্সোনেল অমসুং জি.এ.তি.সি. (GATC) রুলসকী মখাদা তাক্লিবা ইনফ্রাস্ত্রকচর লৈবা মথৌ তাই।

হেন্না মপাঙ্গল কনবা লিগেল মেত্রোলোজি সর্ভিসশিংগীদমক পার্তনরশিপ

জি.এ.তি.সি. (GATC) ফ্রেমৱার্ক অসিনা লিগেল মেত্রোলোজিদা পার্তনরশিপ এপ্রোচ অমা উৎলি। তেক্নিকেলগী ওইনা মতিক চাবা লেবোরেতোরিশিং, ইন্দস্ত্রিশিং, এজুকেস্নেল অমসুং তেস্তিং ইন্সতিত্যুসনশিংবু ভেরিফিকেসন ইকোসীস্তেমদা পুরকপগী খুত্থাংদা, সরকারনা লিগেল মেত্রোলোজি ফ্রেমৱার্ক্কী মখাদা তাক্লিবা রেগুলেতরী ওভরসাইত ঙাক্না চৎপগা লোয়ননা থাজবা য়াবা ভেরিফিকেসন সর্ভিসশিং ফংবা হেনগৎহল্লি।

এপ্রোচ অসিনা হেন্না চাউবা, হেন্না ফংবা ঙম্বা অমসুং রেস্পোন্সিব ওইবা ভেরিফিকেসন নেতৱর্ক অমা শেমগৎপদা মতেং পাংগনি, মদুনা বিজিনেসশিং অমসুং কঞ্জ্যুমরশিং অনীমক্তা কান্নবা ফংহনগনি।

থুনা কমপ্লাইয়েন্স তৌবা, থাজবা য়াবা মেজরমেন্তশিং অমসুং কঞ্জ্যুমর প্রোতেক্সন

অচুম্বা ৱেত অমসুং মেজরশিং অসি অচুম্বা ত্রাঞ্জেক্সন অমসুং কঞ্জ্যুমরগী থাজবগীদমক য়াম্না মরুওই। জি.এ.তি.সি. (GATC)শিংগী পাক-চাউরবা নেতৱর্ক অমনা ভেরিফিকেসন অমসুং রি-ভেরিফিকেসন সর্ভিসশিং হেন্না ফংবা ঙম্না অমসুং মতম চানা ফংহন্নবা মতেং পাংগনি, মদুনা কমর্সিয়েল ওইবা ললোন-ইতিক্তা শিজিন্নরিবা মেজরমেন্তশিং অসি অচুম্বা অমসুং থাজবা য়াবা ওইহন্দুনা বিজিনেসশিংদা মখোয়গী রেগুলেতরী মথৌ তাবশিং ফংহন্নবা শৌগৎকনি।

মরম অদুনা রিফোর্ম অসিনা ইজ ওফ দুয়িং বিজিনেস অমসুং কঞ্জ্যুমর প্রোতেক্সনগী মরক্তা বেলেন্স অমা পুরক্নবা হোৎনরি, নুমিৎ খুদিংগী ললোন-ইতিক্তা শিজিন্নরিবা মেজরমেন্তশিংদা থাজবা মপাঙ্গল কনখৎহন্দুনা অচুম্বা বিজিনেসশিংগীদমক কমপ্লাইয়েন্স তৌবা লাইথোকহল্লি।

দিপার্তমেন্তকী জি.এ.তি.সি. (GATC) রিফোর্মশিং অসি মালেমগী থাক্তা য়ানরবা মেজরমেন্ত প্রক্তিসশিংগা চুননবা য়াওনা, দিজিতেল গবর্নান্স, আত্মনির্ভর ভারত অমসুং ভারতকী ক্বালিতি ইনফ্রাস্ত্রকচর মপাঙ্গল কনখৎহন্নবা মসিগী পাক-চাউরবা থৌরাংশিংগসু চুনৈ।

এপ্লিকেসনশিং অগস্ত ৩১, ২০২৬ ফাওবা হাংগনি

গবর্নমেন্ত এপ্রুভদ তেস্ত সেন্তরশিং ওইনিংবা এলিজিবল ওইবা ওর্গানাইজেসনশিংনা মখোয়গী এপ্লিকেসনশিং emaap.gov.in/gatc গী খুত্থাংদা ওনলাইন্দা থাজিনবা য়াগনি।

এপ্লিকেসনগী মতম: ১৭ অগস্ত ২০২৬ দগী ৩১ অগস্ত ২০২৬ ফাওবা

অরোইবা তাং/মতম: ৩১ অগস্ত ২০২৬, নুমীদাংৱাইরম পুং ৫:০০ ফাওবা

অকুপ্পা এলিজিবিলিতি কন্দিসনশিং, তাক্লিবা মথৌ তাবশিং অমসুং এপ্লিকেসনগী থৌওং অসি পোর্তেলদা ফংগনি। এলিজিবল ওইবা ওর্গানাইজেসনশিংবু মতম লোইদ্রিঙৈগী মমাংদা এপ্লিকেসনগী থৌওং লোইশিন্নবা পুক্নিং থৌগৎলি। জি.এ.তি.সি. ৫১ দি হান্ননা রিকোগনাইজ তৌখ্রে অমসুং ভেরিফিকেসনগী স্কোপ অসি কেতেগোরি ২৩ ফাওবা পাকথোক-চাউথোকখ্রে, দিপার্তমেন্ত অসিনা ইন্দস্ত্রিদা সর্ভিসশিং লাইনা ফংহন্নবা, থুনা কমপ্লাইয়েন্স তৌনবা অমসুং কঞ্জ্যুমরশিংদা কমর্সিয়েল মেজরমেন্তশিংগী এক্যুরেসীদা হেন্না থাজবা পীনবা ভারতকী মেজরমেন্ত ভেরিফিকেসন নেতৱর্কপু হেন্না পাকথোক-চাউথোকহল্লি।

*****