2026গী ওগস্ত 15দা লৈবাক অসিনা 80শুবা ইন্দিপেন্দেন্স দে পাংথোক্কনি। থৌরম অদুদা প্রধান মন্ত্রী, শ্রী নরেন্দ্র মোদীনা দিল্লীগী পুৱারী ওইরবা রেদ ফোর্ততগী লুচিংগনি। 2026গী ওগস্ত 10দা ন্যু দিল্লীদা পাংথোকপা প্রেস কনফরেন্স অমদা ঙাকশেলগী সেক্রেতরী, শ্রী রাজেশ কুমার সিংহনা হায়খি মদুদি 2026দা 'বন্দে মাতরম'গী চহি 150 মপুং ফারকপদা, নীংতম লানগী মতমদা মীওই লাখ কয়াবু পুক্নিং থৌগৎখিবা জাতিগী ঈশৈ অসিবু  মতম শাংনদগী লৈরক্লবা মহাক্কী লেগেসি অদুবু ইকাইখুম্নবা উৎলদুনা অহানবা ওইনা  রেদ ফোর্তকী রেমপার্ত মথক্তগী শক্ললগনি।

প্রধান মন্ত্রীনা লাল কিলাদা য়ৌরকপদা 'বন্দে মাতরম' অসি শক্লগনি। মদুগী মতুংদা, মহাক্না জাতিগী ফিরাল চিংখৎলগনি  অমসুং লৈবাক মীয়ামদা ৱা ঙাংগনি। চহী অসিগী থৌরম অসিনা 2047 ফাওবদা ভিক্সিত ভারত অমা শেমগৎপদা ভারতকী নহাশিংগী থৌদাংবু শকখঙদুনা য়ুভা শক্তিবুসু ইকাইখুম্নরগনি হায়না দিফেন্স সেক্রেতরীনা হায়খি।

বন্দে মাতরমগী চহি ১৫০

লৈশিংনা লৈতেংলবা দেকোরেসননা ‘বন্দে মাতরম’ উৎলগনি, মসিডঅ NCCগী নুপামচা অমসুং নুপীমচা কেদেত 2,500  অমসুং মাই ভারত ভোলুন্তিয়রশিংনা রামপার্ত অদুগী মায়োক্তা লৈরিবা গ্যানপাথতা  ‘वंदे मातरम्’  শেম্লগনি। ইন্দিয়ন এয়র ফোর্সকী Mi-17  হেলিকোপ্তর অমনা 'বন্দে মাতরম'গী চহি 150 মপুং ফারকপগী বেনর অমা পুদুনা চৎকনি অমসুং রেদ ফোর্ততা তিল্লিবা মীয়ামগী মথক্তা লৈনা চাইথরগনি।

মিলিতরী বেন্দ পর্ফোর্মেন্স

নীংতম লানগী মতমদা মীরোল কয়া অমত্তা ওইনা পুনশিনখিবা অমসুং পুক্নিং থৌগৎখিবা নিংতম ঈশৈ অসিদা ইকাই-খুম্নবা উৎতুনা, 2026গী ওগস্ত 08দগী ভারত পুম্বদা বেন্দ পর্ফোর্মেন্স কয়া অমা পাংথোক্কনি। আর্মী, নেভি, এয়র ফোর্স, ইন্দিয়ন কোস্ত গার্দ, NCC, সেন্ত্রেল রিজর্ব পুলিস ফোর্স (CRPF), ইন্দো-তিবেতান বোর্দর পুলিস (ITBP), সেন্ত্রেল ইন্দস্ত্রীয়েল সেক্যুরিতী ফোর্স (CISF), সাশস্ত্রা সীমা বাল (SSB), বোর্দর সেক্যুরিতী ফোর্স (BSF), ইন্তিগ্রেতেদ দিফেন্স স্তাফ (IDS), রেলৱে প্রোতেক্সন ফোর্স (RPF) অমসুং আসাম রাইফলসকী বেন্দশিংনা মরুওইবা মফম 343দা 2026কী ওগস্ত 15 ফাওবা পর্ফোমেন্সশিং অসি মখা চত্থগনি। নাগরিকশিংগী মরক্তা লৈবাক নিংবগী ঈথিল পোকহন্নবগীদমক্তা বেন্দ পর্ফোমেন্সশিংগী মফমশিং অসিদা মীয়াম্না চঙবা য়াগনি।

য়ুভা শক্তি: ভিক্সিত ভারত@2047কী খোঙচত্তা লমজিংবা

2026কী নীংতম্বা নুমিৎকী থৌরমদা তোঙান-তোঙানবা হীরমশিংদা নহারোলশিংনা মাইপাকপশিং অদু শকখঙগনি। ইন্তর্নেস্নেল ফিজিক্স, কেমিস্ত্রী, বায়োলোজী অমসুং মেথমেতিক্স ওলিম্পিয়াদ 2026কী মেদল লৌরকপা মহৈরোই 19গী মাইপাকপশিং অসি সাইন্সকী লমদা য়ুভা শক্তিগী মাইপাকপগী খুদম অমনি। মখোয়শিং অসি থৌরম অসিগীদমক্তা চাবাউ পীখ্রে অমসুং মখোয়শিং অসি রেমপার্ত মথক্তা ফমগনি।

বেকদ্রোপতা ভভু কতরশিংনা ন্যুক্লিয়র অমসুং স্পেস তেক্নোলোজীদা ভারতনা খুমাং চাউশিল্লিবা অসি উৎলগনি। গার্দ ওফ ওনরগী মফমদা লৈরিবা ফ্লোরেল দেকোরেসন অসিনা ভিক্সিত ভারত @ 2047কী খোঙচৎ উৎলি।

অখন্নবা মীথুংলেন

তোঙান-তোঙানবা থাকশিংদগী লাকপা অমসুং লৈবাক অসিগী বিক্সিত ভারত খোঙচত্তা লমজিংলিবা শক্নাইরবশিং, অখন্নবা মীথুংলেন চাউরাক্না ৫০০০বু থৌরম অসিদা অখন্নবা মীথুংলেনওইনা কৌখ্রে। কাংলুপশিং অসিদা মখাগীশিং অসি য়াওরি:

• নেস্নেল ইন্নোবেসন প্রোগ্রামশিংগী মখাদা নহা ওইরিবা ইন্নোবেতরশিং
• প্রধান মন্ত্রী ইন্তর্নশিপ স্কিমগী মখাদা খ্বাইদগী ফবা ইন্তর্নশিং
• তোঙান-তোঙানবা স্কিমশিংগী মখাদা মতেং ফংখিবা খ্বাইদগী ফবা স্তার্তঅপশিং
• PM কোশল বিকাস য়োজনাগী মখাদা ত্রেন তৌখিবা খ্বাইদগী ফবা থবক পাংথোকপা নহাশিং
• স্তার্তঅপ ইন্দিয়া সীদ ফন্দগী মখাদা খ্বাইদগী ফবা থবক পাংথোক্লিবা স্তার্তঅপশিং
• খ্বাইদগী ফবা মাই ভারত ভোলুন্তিয়র
• NAMASTE, PM AJAY, SEEDগী মখাদা কান্নবা ফংলবশিং
• ক্বিজশিং, কম্পিতিসনশিং কয়াদগী খনগৎলবা দিল্লী গবর্নমেন্ত স্কুলশিংগী মহৈরোইশিং

ভিক্সিত ভারত@2047গীদমক এন্ত্রপ্রেন্যরশিং, ইন্নোবেতরশিং অমসুং গ্রাসরুৎ ৱার্করশিংগী থৌদাংবু থাগৎলদুনা, মখাদা পীরিবা কাংলুপশিং অসিদগী অখন্নবা মীথুংলেনশিং কৌখ্রে:

• ইন্তর্নেস্নেল য়োগ নুমিৎকী ভোলুন্তিয়রশিং
• PM মুদ্রা য়োজনাগী মখাদা নুপী এন্ত্রপ্রেন্যরশিং
• PMAY(U)গী খ্বাইদগী ফজনা থবক পাংথোকপা বেনিফিসরীশিং
• তোঙান-তোঙানবা লমশিংদা ইন্নোবেতরশিং/সাইন্তিস্তশিং
• দিল্লীদা ভারত তেক্সিগী সার্থী/ কেব দ্রাইভর/ তেক্সি দ্রাইভরশিং
• PM সুর্য ঘর মুফত বিজলী য়োজনাগী কান্নবা ফংলবশিং
• PM বিশ্বকর্মা স্কিমগী মখাদা আর্তিসানশিং
• প্রধান মন্ত্রী শ্রাম য়োগী মানধন (PM-SYM) য়োজনাগী মখাদা খ্বাইদগী ফজনা থবক পাংথোকপা বেনিফিসরীশিং
• প্রধান মন্ত্রী মতস্য কিসান সমৃদ্ধি সাহ-য়োজনা (PM-MKSSY)গী মখাদা খ্বাইদগী ফজনা থবক তৌরিবা লৌমীশিং

অখন্নবা মীথুংলেনশিংগী মনুংদা অতোপ্পশিংদা মখোয়গী পান্দমশিং ফংনবা মতেং পাংনবা অয়ুক-নুংথিল নাইদনা থবক তৌরিবা সাইলেন্ত ৱারিয়রশিংসু য়াওরি। ইন্দিপেন্দেন্স দে অসি মখোয়গী কন্ত্রিব্যুসনশিংবু মশক খঙনবগী থৌরম অমা ওইবনা, মখাদা পীরিবা কাংলুপশিং অসিদগী অখন্নবা মীথুংলেনশিংসু চাবাউ পীখি:

• PM স্বানিধিগী মখাদা লম্বীদা পোৎ য়োল্লিবশিং
• স্বচ্ছ ভারত মিসনগী মখাদা থবক তৌরিবা অর্বান সেনিতেসন ৱার্করশিং
• দিল্লী মেত্রোগী খ্বাইদগী ফজনা থবক তৌরিবা ৱার্করশিং
• কর্তব্য পাথ/ সেন্ত্রেল ভিস্তাগী ৱার্করশিংগী খ্বাইদগী ফজনা থবক তৌরিব ৱার্করশিং
• দিল্লীদা লৈবা সরকারগী হোস্পিতালশিংগী নর্সিং ওর্দরলীশিং (ৱার্দ এতেন্দেন্তশিং) অমসুং অতোপ্পা স্তাফশিং

তোঙান-তোঙানবা রাজ্যশিং/য়ুনিয়ন তেরিতোরীশিংদগী দিল্লীদা লৈরিবা মীওই 1,500 হেনবনা চৎনবীগী ফিজোল শেৎপশিংবুশু চাউরবা থৌরম অসিদা মীৎয়েং তানবা চাবাউ পীখ্রে। খোয়না রেদ ফোর্ততা ভারতকী মাইক্রোকোসম অমা উৎকনি।

কম্পীতিসনশিংগী খুত্থাংদা অঙাংশিংবু শরুক য়াহনবা

নীংতম্বা নুমিৎকী মাংওইননা, My Gov কা খুৎশম্নদুনা দিফেন্স মিনিস্ত্রীনা ক্বিজ অমসুং কম্পিতিসনশিং পাংথোকখি। মখোয়শিং অদুদি ‘2047 ফাওবদা ভিক্সিত ভারত অমা শেমগৎপদা AIগী থৌদাং’ হায়বা অসিগী মতাংদা এসে কম্পিতিসন, ‘ভারত 1947 vs ভারত 2047’গী মতাংদা পেন্তিং কম্পিতিসন অমসুং ওনলাইন ক্বিজ কন্তেস্ত সীরিজ কয়া অমা খুদম ওইনা, ভারতকী সংবিধান - ফন্দামেন্তেল রাইতস, দ্যুতীজ, মরুওইবা আর্তিকলশিং অমসুং মেকরশিং, ভারতকী  নীংতম খোংজংদা নুপীশিং - রানি লক্ষ্মীবাইদগী সরোজিনী নাইদু অমসুং মসিগী মথক্তা, মোদর্ন ইন্দিয়াগী মরুওইবা মাইলস্তোনশিং: স্পেস তেক্নোলোজীগী লমদা খুমাং চাউশিল্লকপা অমসুং মাইপাকপা, অমসুং ন্যুক্লিয়র তেক্নোলোজীদা ভারতকী মাইপাকপগী ৱারী অসিনি। কম্পিতিসনগী মনা ফংলবা মীওই 600 রোমসু থৌরম অসিদা শরুক য়াগনি।

অতোপ্পা মন্ত্রালয়শিং/দিপার্তমেন্তশিং, দিল্লীগী NCT সরকার অমসুং দিল্লী পুলিসনা লৈবাক মীয়াম্বু মসিগী নেস্নেল ফেস্তিবেল অসিদা শরুক য়ানবা তোঙান-তোঙানবা ওনলাইন অমসুং ওফলাইন ক্বিজ অমসুং থবক থৌরম কয়া পাংথোক্লি।

মীয়ামগী খুদোংচাবা

• ক্লোক রুমগী প্রোভিজন: মমাংগী রিপব্লিক দে অমসুং ইন্দিপেন্দেন্স দে সেলেব্রেসনগী মতমদা ক্লোক রুমশিং লৈবগী খুদোংচাবা অসি ভিজিতিরশিংনা থাগৎখি। মীয়ামগী খুদোংচাবগীদমক্তা, লাক্কদৌরিবা থৌরমশিং অসিগীদমক্তা মফম তরুক্তা ক্লোক রুম 25 খিনখ্রে।
• হেল্প দেস্কতা ভোলুন্তিয়রশিং: ভোলুন্তিয়র 200 - MY Bharatতগী 100 অমসুং NCCdগী 100 -না পুলিস পর্সোনেলশিংগা লোইননা ভিজিতরশিংবু এনক্লোজরশিংদা য়ৌহনবদা মতেং পাংগনি। ভোলুন্তিয়রশিং অসি রেদ ফোর্তকী লম্বীদা মশক খঙবা ঙমগনি।
• হুইল চিয়ারগী প্রোভিজন: হুইল চিয়ার 20গী মতেং মথৌ তাবা মীথুংলেন পুম্নমক্কীদমক NCCগী কেদেতশিংনা মেত্রো স্তেসন অমসুং পার্কিং এরিয়াশিংদা লৈগনি।
• মেত্রো সর্বিসশিং: মীশিংনা থৌরম মফম অদুদা য়ৌনবগীদমক ওগস্ত 15গী অয়ুক্কী পুং 4দগী মেত্রো মথৌ তৌগনি। মেত্রো সর্ভিসশিং অসি ইনভাইতী খুদিংমক্তা লেম্না ফংহনগনি। মেত্রো QR কোদশিং অসি ই-ইনভাইতেসনগা লোইননা ফংহনগনি।
• পেরেদ গ্রাউন্দদা পার্কিং ফেসিলিতী: চৎনবা য়াবা পার্কিং/লেবেলশিং লৈবা ভিজিতরশিংগীদমক পার্কিং ফেসিলিতী লৈগনি।
• খোঙনা চৎপা মীওইশিংগীদমক রাম্প ফেসিলিতী: অপ্পর সুভাশ মার্গতগী লোৱর সুভাশ মার্গ ফাওবদা খোঙনা চৎপা মীওইশিংবু খুদোংচাবা পীনবগীদমক, মপাঙ্গল কনবা রাম্প অমসুং সিরি থাকশিং থমখ্রে।
• গুগল অমসুং মেপলস মেপশিং শিজিন্নবা: মরুওইবা থৌরম পাংথোকপা নুমিত্তা, মীয়ামগীদমক গুগল অমসুং মেপলস মেপশিংদা ত্রাফিক্কী অথিংবাশিং উবা ফংলগনি।
• রেন পোনচোশিং: তম্বা ঙমদবা নোং-চিংগী ফিভম লৈবনা মরম ওইরগা রেমপার্ত মথক্তা লৈরবা দিগ্নিতরিশিং অদুগী মথক্তা মাধব দাস পার্ক অমসুং ওগস্ত 15 পার্কতা লৈরিবা মীথুংলেন পুম্নমক্তা রেন পোনচোশিং ফংহনগনি।

ইনভাইতেসন কার্দ: পব্লিক সর্বিস অমসুং দ্যুতীদা কমিতমেন্ত

প্রধান মন্ত্রীনা লৈবাক মীয়ামদা 'সেবা তীর্থ' কৎথোক্লদুনা হায়খি মদুদি 'সেবা তীর্থ' অসি মথৌ, নুংশিবা অমসুং নেসন ফর্স্তকী প্রিন্সিপলদা অচেৎপা থাজবগী মপাঙ্গল লৈরবা খুদম অমনি। মসিনা মীয়ামগী য়াইফনবগীদমক্তা নিংথিনা থবক তৌবগী অমসুং চোকথবা লৈতনা পুক্নিং থৌগৎপগী লম্বীদা চংশিন্নবা মীরোল কয়াদা ইথিল পীগনি। মসিগী ৱাখল্লোন অসিগা লোইননা, চহি অসিগী মরুওইবা থৌরমগীদমক্তা মীয়াম্বু মীপুম খুদিংমক্কী য়াইফনবগীদমক থৌনা লৈনা মাংলোমদা চংশিন্নবা পুক্নিং থৌগৎনবগীদমক্তা 'সেবা তীরথ' অসি উৎলি। ইনভাইতেসন কার্দকী ধর্ম চক্র অসিনা অচুম্বা থৌদাং অমসুং লেপ্পা লৈতনা নিংতম্না থবক তৌবগী মতম নাইদ্রবা খোঙজং অদুগী খুদম্নি।

স্বচ্ছতা কেম্পেন

থৌদাং লৌবগী ফিরেপ অদুগী ৱাখল্লোন অমগা লোইননা, চহি অসিগী পোস্ত-ইভেন্ত স্বচ্ছতা কেম্পেন অসি NCC কেদেতশিং অমসুং মাই ভারত ভোলুন্তিয়রশিং য়াওনা রেদ ফোর্ততা পাংথোক্লি। কেম্পেন অসিগী পান্দমদি নুমিইৎ অদুমক্তদা মীৎয়েং তাবা লাকপীরিবা মীওইশিংনা চৎখ্রবা মতুংদা নিয়ম নাইনা প্লোগগিং তৌবা অমসুং অমোৎ-অকাইশিং য়াম্না থুনা লৌথোকপা অমসুং স্বচ্ছ ভারত অভিয়ানগী পাউজেল অমা পীনবনি। কেম্পেন অসিনা লৈবাক শিনবা থুংনদগী লাকপা ভিজিতরশিংগীদমক থৌরম অদুগী মতুংদা রেদ ফোর্ত অসি ফংহনগনি।

এনক্লোজরশিংগী মমিংশিং

VIP কলচর লোইশিন্নবা অমসুং ঈশিং কঞ্জার্বেসনগী মরুওইবা অদু পুক্নিং চিংশিন্নবা, রিপব্লিক দে 2026তা সিতিং এনক্লোজরশিং অসি তুরেলশিংগী মমিং থোনখি। ইন্দিপেন্দেন্স দে সেলেব্রেসনগীদমক্তা, সিতিং এনক্লোজরশিংগী মমিংশিং অসি ভারতকী মরুওইবা তুরেলশিংগী মমিংদা থোনখ্রে।

দ্রেনেজ মেনেজমেন্ত

ইন্দিপেন্দেন্স দেগী থৌরম মনুংদা নোং চুবা য়াই হায়বগী ওইথোকপা লৈবদগী ঈশিং পাথোরকপা থিংনবা থৌরাং কয়া পায়খৎলে। মরম অসিনা, রেদ ফোর্ত অমসুং মনাক নকপা মফমশিংদা অমসুং মদুগী অকোয়বদা লৈরিবা দ্রেনেজ অমসুং স্যুরেজ সিস্তেমশিং অদু মপুং ফানা শেংদোক্লি।

***