তেক্সতাইল মন্ত্রালয়না ২০২৬ গী ওগস্ত ৭ তা রাস্ত্রপতি ভবন কলচরেল সেন্তর (আর.বি.সি.সি.), নৈ দিল্লীদা ১২শুবা নেস্নেল হেন্দলুম দে পাংথোক্কনি। মসিনা লৈবাক অসিগী কলচরেল অমসুং ইকোনোমিক দিবেলপমেন্তদা লৈবাক অসিগী ফিশা লোনশা তৌরিবা কম্ম্যুনিতীনা পীরিবা অচৌবা থৌদাং অদু শকখঙলদুনা, ভারতকী ইনাক খুল্লবা ফিশা লোনশাগী লন অসি ঙাক-শেন্নবা, প্রমোৎ তৌনবা অমসুং মপাঙ্গল কনখৎহন্নবা সরকারগী অচেৎপা ফিরেপ অদু অমুক হন্না উৎকনি।

ভারতকী ইকায়খুম্নজরিবা রাস্ত্রপতি, শ্রীমতী দ্রুপদী মর্মুনা চীফ গেস্ত ওইনা থৌরম অসিদা শরুক য়াগনি অমসুং সন্ত কবীর হেন্দলুম এৱার্দ অমসুং নেস্নেল হেন্দলুম এৱার্দ ২০২৫ পীগনি। থৌরম অদুদা তেক্সতাইলসকী কেন্দ্রগী মন্ত্রী, শ্রী গিরিরাজ সিংহ, তেক্সতাইলসকী কেন্দ্রগী রাজ্য মন্ত্রী, শ্রী পবিত্রা মার্গেরিতা, সেক্রেতরী (তেক্সতাইলস), শ্রীমতি নীলম রাও দিবেলপমেন্ত কম্মিস্নার (হেন্দলুম), দোক্তর. এম. এম বীনা, সংসদকী মেম্বরশিং, মকোক থোংবা সরকারগী ওফিসিএলশিং, হেন্দলুম ইন্দস্ত্রীগী মীহুৎশিং, মাস্তর ৱিভরশিং, দিজাইনরশিং, এক্সপোর্তরশিং, আর্তিসানশিং, সন্ত কবির অমসুং নেস্নেল হেন্দলুম এৱার্দিশিং অমসুং লৈবাক শিনবা থুংবদগী লাকপা অতোপ্পা শক্নাইরবা মীথুংলেনশিংনা শরুক য়াগনি।

সেলেব্রেসন অসিগী মরুওইবা হাইলাইত অমা হায়রবদি হেন্দলুম সেক্তরগা মরী লৈনবা ৱিভিং, ইন্নোবেসন, দিজাইন দিবেলপমেন্ত, মার্কেতিং ইনিসিয়েতিবশিং, স্তার্ত-অপ ভেঞ্চরশিং অমসুং প্রদ্যুসর কম্পেনীশিংদা মশক থোকপা এচিবমেন্তশিং শকখঙনবা সেন্ত কবির হেন্দলুম এৱার্দ 3 অমসুং নেস্নেল হেন্দলুম এৱার্দ 19 য়াওনা মমিং লৈরবা এৱার্দ 22 পীবা অসিনি। নেস্নেল হেন্দলুম দিবেলপমেন্ত প্রোগ্রাম (এন.ঐচ.দি.পি.) গী হেন্দলুম মার্কেতিং এসিস্তেন্স (ঐচ.এম.এ.) কম্পোনেন্তকী মখাদা লিংখৎখিবা এৱার্দশিং অসিনা ভারতকী হেন্দলুম ইকোসিস্তেমদা খ্বাইদগী ৱাংবা জাতিগী থাক্তা শকখঙবীবা অদু উৎলি।

সেন্ত কবির হেন্দলুম এৱার্দ অসি হেন্দলুম ৱিভরশিংগীদমক্তা লৈবাক অসিগী খ্বাইদগী ৱাংবা মনা অমনি। মসি অখন্নবা খুৎশা হৈবা, পুন্সি চুপ্পা অমা কত্থোক্লক্লবা অমসুং ভারতকী ফিশা লোনশাগী চৎনবীশিং ঙাক শেন্নবা অমসুং প্রমোৎ তৌবদা লেপ্পা লৈতনা তেংবাং পীরকপবু মশক খংবীরি। নেস্নেল হেন্দলুম এৱার্দনা ত্রেদিস্নেল স্কিলশিং ঙাক্তুনা থম্বগা লোয়ননা মোদর্ন তেক্নিকশিং শিজিন্নদুনা শিংথানিংঙাই ওইবা ক্রিএতিবিতী, ক্বালিতী, ইন্নোবেসন অমসুং এক্সিলেন্স উৎলিবা হেন্দলুম ৱিভরশিং অমসুং অতোপ্পা স্তেকহোল্দরশিংবু ইকায় খুম্নবা উৎলি। হন্দলুম সেক্তরগী সেগমেন্ত পুম্নমক্তা ত্রান্সপরেন্সী, ওবজেক্তিবিতী অমসুং এক্সিলেন্স শকখঙনবগীদমক এক্সপর্ত কমিতীশিং য়াওবা মল্তিলেভেল ইভালুএসন প্রোসেসকী খুত্থাংদা মনা ফংগদবশিং খনগৎলি।

থৌরম অদুদা ভারতকী ইনাক খুল্লবা অমসুং মখল-মখা কয়াগী হেন্দলুম ৱিভিংগী চৎনবীশিংবু ইকায় খুম্নবা উৎলিবা পোস্তেজ স্তাম্প মরিসু রিলিজ তৌগনি। পব্লিকেসন অনি, "এর্থ। রুত। থ্রেদ- 'অল দয়েদ হেন্দলুম তেক্সতাইলস ওফ সেন্ত্রেল ইন্দিয়া' অমসুং হেন্দলুম এৱার্দস বুক ২০২৫সু ফোংগনি। থৌরম অদুগী নাকলদা এৱার্দ ফংলবা হেন্দলুম প্রদক্তশিংগী একজিবিসন অমা পাংথোক্কনি, অদুগা ত্রেদিস্নেল কানি ৱিভিং অমসুং ৱাল হেঙ্গিং ৱিভিংগী লাইব দেমোনস্ত্রেসনশিংনা ভারতকী হেন্দলুম ত্রেদিসনশিংগী মখল-মখা কয়া, আর্তিস্ত্রি অমসুং ক্রাফ্সমেন্সকী মতাংদা মীথুংলেনশিংদা খংহল্লগনি।

জাতিগী ওইবা থৌরম অসিগী মথক্তা, জাতিগী ফিশা লোনশাগী নুমিত থৌরম পাংথোক্নবা অমসুং লৈবাক অসিগী শিংথানিংঙাই ওইবা হেন্দলুম ত্রেদিসনশিংবু সেলেব্রেৎ তৌনবা লৈবাক শিনবা থুংনা একজিবিসনশিং, দিজাইনর কনক্লেবশিং, আই.আই.ঐচ.তি. কনক্লেবশিং অমসুং অতোপ্পা প্রমোস্নেল এক্তিবিতীশিং পাংথোক্লি।

ভারতকী হেন্দলুম সেক্তর অসি লৈবাক অসিগী তুং কোইনা চৎকদবা খুঙ্গংগী থবক ফংহন্নবগী খ্বাইদগী চাউবা সোর্স অমা ওইরি। মসিনা মীওই লাখ ৩৫ হেনবগী হিংনবগী লম্বীদা মতেং পাংলি। মসিগী মনুংদা নুপীশিংনা থবক শুবা মীওইশিংগী চাদা ৭০ হেন্না ওইরি। খুঙ্গংগী শেন্মিৎলোনদা মরুওইবা থৌদাং লৌবগী মথক্তা, সেক্তর অসিনা ভারতকী শেন-থুমগী হেরিতেজগী মপু অমা ওইরি অমসুং অকোইবগী ফিবম ফগৎহন্নবা মওং-মতৌদা মরুওইবা থৌদাং লৌরি।

চহি খুদিংগী ওগস্ত ৭তা পাংথোকপা জাতিগী ফিশা লোনশাগী নুমিত অসি ওগস্ত ৭, ১৯০৫দা হৌদোকখিবা স্বদেশী মুভমেন্তকী নিংশিং থৌরমনি। মসিনা লমদমসিগী ইন্দস্ত্রীশিং অমসুং ভারতকী হেন্দলুম সেক্তরদা অনৌবা থৌনা অমা পীরম্মি। ২০১৫দা হৌরকখিবদগী, থৌরম অসিনা ভারতকী হেন্দলুম ৱিভরশিংগী আর্তিস্ত্রী, স্কিল অমসুং দেদিকেসনবু শিংথাদুনা লাক্লি। মসিনা হেন্দলুম সেক্তরবু ঙাক শেন্নবা, প্রোমোসন তৌনবা অমসুং তুং কোইনা চাউখৎহন্নবা সরকারগী ফিরেপ অদু অমুক হন্না উৎলি।

***