য়ুথ এফিয়র্স অমসুং স্পোর্তকী কেন্দ্রগী মন্ত্রী দোক্তর মন্সুখ মান্দবিয়ানা কম্মনৱেল্থ ২০২৬ ৱেতলিফতিংদা তকমান লৌরকখ্রবশিংবু গ্লাসগোদা পীখিবা মখোয়গী পুৱারীদা লৈহৌরগদবা পারফোর্মেন্সবু শিংথারদুনা ওকখ্রে। ভারতকী ৱেতলিফতরশিংনা অরুম্বগী কাংলুপ ১১ দা অথোই অহেন তান্নখি অমসুং শনাগী অমা, লুপাগী তরুক অমসুং ব্রোঞ্জ অমা ফংদুনা পুন্না তকমান নিপাল ফংদুনা হল্লকখি। ভারতকী কন্তিঞ্জেন্তনা তোঙান-তোঙানবা কম্মনৱেল্থ গেম্স অমসুং কম্মনৱেল্থ রেকোর্দশিং থম্লমখি, অদুগা শান্নরোই কয়া অমনা মশাগী খ্বাইদগী য়াম্না থাংগৎপা ঙম্নখি।

ভারতকী ৱেৎলিফতরশিংনা লৈবাক অসিগী খ্বাইদগী মপাঙ্গল কনবা কেম্পেন অমা পুরকখিবগা লোইননা কমনৱেল্থ গেম্সতা মখোয়গী থোইদোক হেন্দোকপা মায় পাকপা কয়াগীদমক ইকাইখুম্নজরিবা মন্ত্রীনা শনাগী তকমান লৌরকখিবশিংদা লুপা লাখ ৩০, সিলভর মেদল লৌরকখিবশিংদা লুপা লাখ ২০ অমসুং ব্রোঞ্জ মেদল লৌবশিংদা লুপা লাখ ১০গী শেলগী মনাশিং পীখি।

লিফতরশিংবু থাগৎলদুনা দোক্তর মান্দবিয়ানা হায়খি মদুদি লৈবাক পুম্বনা মখোয়গী মাইপাকপা মীকুপশিংদা হরাওবা ফোংদোক্নখি। পার্লিয়ামেন্তদসু, নখোয়না মেদল ফংলকপা খুদিংগী লাউথোকখি। হায়রিবা তাঙ্ককশিং অসিনা ভারত মচা খুদিংমকপু চাউথোকচবা পোকহল্লি।"

ইকাইখুম্নজরিবা মন্ত্রীনা চেম্পিয়নশিং শেমগৎপদা মখোয়না লৌরিবা মরুওইবা থৌদাং অদু পল্লদুনা, নিংথৌকাবা নুমিত্তা ওকপগী থৌরমদুদা শরুক য়াখিবা দ্রোনাচার্য এৱার্দি বিজয় শর্মা য়াওনা কোচশিংদা ইকায় খুম্নবা উৎখি। "এথলেত অমগী খোঙচৎতা গুরুগী থৌদাং য়াম্না চাউই। চেম্পিয়নশিং শেমগৎপদা কোচনা লৌরিবা থৌদাং অসিদগী হেন্না চাউবা করিগুম্বা অমত্তা লৈতে।"

ওলিম্পিক্কী সিলভর মেদল ফংখ্রবী মীরাবাই চনুনা কমনৱেল্থ গেম্সতা মথং-মথং গোল্দ মেদল অহুম লৌখিবা অহানবা ভারতকী ৱেৎলিফতর ওইদুনা পুৱারী শেমখি। গ্যানেশ্বরী য়াদব অমসুং হরজিন্দর কৌর য়াওনা লিফতর কয়া অমনা মশাগী খ্বাইদগী ফবা পর্ফোমেন্স রেজিস্তর তৌখি।

শরুক য়াখিবা ৱেৎলিফতর ১১গী মনুংদা মখোয় তরুক অসি খেলো ইন্দিয়া এথলেৎশিংনি। মেদল ফংলবশিংগী মরক্তা, গ্যানেশ্বরী খেলো ইন্দিয়াগী শান্নরোই অমনি, অদুগা বিন্দ্যারানি দেবী, হরজিন্দর অমসুং অতোপ্পা মীওইশিংনা ভারতকী গ্রাসরুৎ অমসুং ইলিৎ শান্নরোই চাউখৎপগী ইকোসিস্তেমগী মাইপাকপদা অচৌবা থৌদাং লৌরিবা, পতয়ালাদা লৈবা স্পোর্তস ওথোরিতী ওফ ইন্দিয়াগী নেস্নেল সেন্তর ওফ এক্সেলেন্স (এন.সি.ও.ই.) দা ত্রেন তৌরি।

শান্নরোয়শিংদা শান্ন-খোৎনবগী এম্বেসেদর ওইনবা পুক্নিং চিংশিল্লদুনা, ইকাই খুম্নজরিবা মন্ত্রীনা ৱেৎলিফতরশিংদা স্কুল অমসুং কোলেজশিংদা চৎতুনা নহাশিংবু শান্ন-খোৎনবদা পুক্নিং থৌগৎনবা হায়খি। "অদোমগী ৱারীশিং অসিনা অঙাং লিশিং কয়াবু পুক্নিং থৌগৎলি। ঐখোয়না পুন্না অশেংবা শান্নখোৎনবগী লৈবাক অমা শেমগৎনবগী মায়কৈদা অকনবা খোঙথাংশিং লৌখৎলি।"

দোক্তর মান্দবিয়ানা ৱেৎলিফতরশিংগা মখোয়গী লান্থেং, পোদিয়ম ফাওবগী খোঙচৎ অমসুং তুংগী কম্পিতিসনশিংদা মরুওইনা ২০২৬ এসিয়ন গেম্সকীদমক্তা মখোয়গী এস্পিরেসনশিংগী মতাংদা ৱারী শানখি। শান্নরোইশিংনা অৱাবা কয়া মায়োক্নখিবা, নেস্নেল কোচিং কেম্পশিং, ইন্তর্নেস্নেল এক্সপোজর অমসুং সাইন্তিফিক ত্রেনিংগী খুত্থাংদা ফংখিবা সপোর্ত, অমসুং লৈবাক অসিগীদমক লেপ্পা লৈতনা মায় পাক্নবা মখোয়গী ৱারেপ লৌবগী ৱারীশিং শান্নখি।

পোদিয়ম কাগদবদগী খজিক্তা ঙাইহৌবা মীওইশিংদা ৱা ঙাংলদুনা, দোক্তর মান্দবিয়ানা মখোয়বু ৱাখল হন্থদনবা পুক্নিং থৌগৎখি। "শান্নরোই অমনা কৈদৌনুংদা মায়থিবা নংদে। হেন্না ফগৎনবা হোৎনবা অসিনা মরু ওই। ঐহাক্না থাজৈ মদুদি ইকাই খুম্নরবা প্রধান মন্ত্রী নরেন্দ্র মোদীগী য়াইফ-পাউজেল অমসুং ভারত মচা কোতি ১৪০গী মতেং অসি অদোমগা লোইননা লেপ্পা লৈতনা লৈগনি।"

ভারতকী শান্ন-খোৎনবদা থম্লিবা সরকারগী অশাংবা মিৎয়েং অদু পল্লদুনা, দোক্তর মান্দবিয়ানা পনখি মদুদি মেদল ফংলবা মীওই কয়া অমা খেলো ইন্দিয়াগুম্বা ইনিসিয়েতিবশিংগী খুত্থাংদা থোরকখি। খেলো ইন্দিয়ানা নহা ওইরিবা শান্নরোয়শিংদা মালেমগী থাক্কী কোচিং, সাইন্তিফিক সপোর্ত অমসুং কম্পিতিতিব এক্সপোজর পীরি। লৈবাক অসিনা নখোয় ময়ামদা শেল থাদরিবা অসি নখোয়গী তৌবা ঙম্বগী শক্তিদা থাজবা থম্বগীদমক্তনি। ভারতকী শান্নরোইশিংনা মালেমগী খ্বাইদগী ফবা শান্নরোইশিংগা অথোই অহেন তান্নবা ঙম্নবা খুদোংচাবা পুম্নমক শেমগৎলি।" 

***