রোদ ত্রান্সপোর্ত অমসুং হাইৱে মন্ত্রালয়
চাকা অনিগী রোদ এম্ব্যুলেন্স
प्रविष्टि तिथि:
03 AUG 2026 1:19PM by PIB Imphal
রোদ ত্রান্সপোর্ত অমসুং হাইৱেজ মন্ত্রালয়না চাকা অনিগী রোদ এম্ব্যুলেন্সশিংগী রেগুলেতরী ফ্রেমৱার্ক অমা শেম্নবা সেন্ত্রেল মোতোর ভেহিকল্স রুলস, ১৯৮৯দা অহোংবা পুরক্নবা দ্রাফ নোতিফিকেসন অমা থোকখ্রে।
চাকা অনিগী রোদ এম্ব্যুলেন্সশিংনা খুঙ্গং অমসুং অরাপ্পা মফমশিং অমসুং চীংগী লমদা রেপিদ ইমর্জেন্সী রেস্পোন্স অমসুং লাস্ত-মাইলদা মেদিকেল কেয়র ফংহনবদা মতেং পাংলি।
হৌজিক্কী ওইনা, চাকা অনিগী রোদ এম্ব্যুলেন্সশিং অসি সেন্ত্রেল মোতোর ভেহিকল্স রুল্সকী মখাদা তোঙানবা ভেহিকল কেতগোরী অমা ওইনা রেগুলেত তৌদে। মরম অদুনা, মখোয়গী কন্সত্রক্সন, ফঙ্কস্নেল সেফতী, পেসেন্ত-হেন্দলিং সিস্তেমশিং, মখলগী অয়াবা পীবা, রেজিস্ত্রেসন অমসুং ফিৎনেস ইন্সপেক্সন গভর্ন তৌবদা নেস্নেলগী ওইবা মথৌ তাবশিং লৈতে। প্রোপোজ তৌরিবা এমেন্দমেন্তশিং অসিনা এ.আই.এস.-২০৯ (পার্ত ১): ২০২৬ - লাইফ সপ্পোর্ত তু-হ্বীল রোদ এম্ব্যুলেন্সশিংগী কন্সত্রক্সন অমসুং ফঙ্কস্নেল রিক্বেরমেন্তশিং এদোপ্ত তৌদুনা হায়রিবা অশোয়বশিং অসি কোকহন্নবা হোৎনরি।
- এপ্লিকেবলিতী: ওক্তোবর ১, ২০২৭ নত্ত্রগা মসিগী মতুংদা পুথোকপা এল.২ কেতেগোরীগী চাকা অনিগী রোদ এম্ব্যুলেন্সশিং অসি এ.আই.এস. -২০৯ (পার্ত ১): ২০২৬গী মতুং ইন্না পুথোক্কদবনি।
- ইমর্জেন্সী তোপ লাইৎশিং: চাকা অনিগী রোদ এম্ব্যুলেন্সশিংদা হাপচিল্লিবা তোপ লাইৎশিং অসি ২০২৭কী ওক্তোবর ১দগী এ.আই.এস. -২০৯ (পার্ত ১):২০২৬ ঙাক্না চৎনবা প্রপোজ তৌরি।
- থবক পাংথোক্কদবা মফম: অসিগুম্বা এম্ব্যুলেন্সশিং অসি মরি লৈনবা রাজ্য সরকারশিংনা লেপ্লিবা মফমশিংদা থবক পাংথোক্নবা রেজিস্তর তৌবা য়াই।
- ফিৎনেসকী মথৌ তাবা: চাকা অনিগী রোদ এম্ব্যুলেন্সশিং অসি ত্রান্সপোর্ত ভেহিকলশিংগুম্না লৌগনি অমসুং চহি অনি খুদিংগী ফিৎনেসকী সর্তিফিকেৎ রিন্যু তৌদুনা ফিৎনেসকী মথৌ তাবশিং থুংহনগদবনি।
- দেদিকেতেদ ইন্সপেক্সন চেকশিং: ফিৎনেস ইন্সপেক্সন অসিদা এম্ব্যুলেন্সকী এক্সেসরী নত্ত্রগা পেসেন্ত-কনভেয়েন্স য়ুনিৎ; তায়র অমসুং রিমশিং; ইমর্জেন্সী এৱার্নেস লাইৎশিং; পেসেন্ত স্ত্রেৎচর অমসুং মাগী লোক মেকানিজম; পেসেন্ত-রেস্ত্রেন্ত সিস্তেমশিং; লোদিং অমসুং লোন্দিং মেকানিজমশিং; অমসুং ফায়র এক্সতিঙ্গ্যুসর য়াওফংহনবা, এক্সেসিবিলিতী অমসুং ভেলিদিতী য়াওগনি।
সেফতী অমসুং ফঙ্কস্নেল ফ্রেমৱার্ক: এ.আই.এস.-২০৯ (পার্ত ১):২০২৬না চাকা অনিগী রোদ এম্ব্যুলেন্স অমবু এম্ব্যুলেন্স এক্সেসরী য়ুনিৎ নত্ত্রগা পেসেন্ত-কনভেয়েন্স সিস্তেম অমগা লোয়ননা ফিৎ তৌবা নত্ত্রগা এত্তেচ তৌবা এল-২ কেতেগোরীগী ভেহিকল অমা ওইনা ৱাহন্থোক পীরি। স্তেন্দর্দ অসিনা ভেহিকল স্তেবিলিতী অমসুং ব্রেকিং পর্ফোর্মেন্স, পার্কিং ব্রেক অমসুং গ্রেদএবিলিতীগী মথৌ তাবশিং, রিয়র ভিজিবিলিতী, কপলিং ইন্তিগ্রিতী, ইমর্জেন্সী কন্সপিক্যুতী অমসুং ৱার্নিং দিভাইসশিং, অমসুং পেসেন্তপু সেফ ওইনা হাপকৎপা, রেস্ত্রেন্ত অমসুং অকোয়বগী ফিভমদগী ঙাকথোকপা য়াওনা মরুওইবা কন্সত্রক্সন অমসুং ফঙ্কস্নেল সেফগার্দশিং ফংহল্লি।
প্রোপোজ তৌরিবা ফ্রেমৱার্ক অসিনা চাকা অনিগী রোদ এম্ব্যুলেন্সকী দিজাইন অমসুং ওপরেসনদা হেন্না সেফতী অমসুং একাউন্তেবিলিতী পুরক্লগনি হায়না পানরি। মসিনা ইমর্জেন্সী রেস্পোন্স হেন্না থুনা পাংথোকপদা মতেং পাংগনি অমসুং চৎনরিবা এম্ব্যুলেন্সশিংনা মোবিলিতী নত্ত্রগা এক্সেসকী অপনবা থেংনরিবা মফমশিংদা ইমর্জেন্সী মেদিকেল কেয়র ফগৎহনগনি।
দ্রাফ নোতিফিকেসনগী তাংদগী নুমিৎ ৩০গী মতুংদা দ্রাফ রুলশিংগী মতাংদা ফোংদোকখিবা ৱাফমশিং য়েংশিনগনি অমসুং মসিগী মতুংদা সেন্ত্রেল মোতোর ভেহিকলস রুলস, ১৯৮৯ (সি.এম.ভি.আর. ১৯৮৯) গী মখাদা রুলশিং অসি অরোইবা ওইনা লেপথোক্কনি।
*****
(रिलीज़ आईडी: 2293774)
आगंतुक पटल : 15