ગ્રામીણ કૌશલ્ય વિકાસની પરિવર્તનકારી અસરની એક મહત્વપૂર્ણ નોંધરૂપે, પશ્ચિમ બંગાળ, 6ત્તીસગઢ, મધ્યપ્રદેશ, ઓડિશા, મિઝોરમ અને નાગાલેન્ડનું પ્રતિનિધિત્વ કરતા દીનદયાળ ઉપાધ્યાય ગ્રામીણ કૌશલ્ય યોજના (DDU-GKY)ના 6 લાભાર્થીઓને 15 ઓગસ્ટ 2026ના રોજ નવી દિલ્હીમાં ભારતના 80મા સ્વતંત્રતા દિવસની ઉજવણી માટે ખાસ અતિથિ તરીકે આમંત્રિત કરવામાં આવ્યા છે.

પસંદગી પામેલા લાભાર્થીઓને લાલ કિલ્લા પર સ્વતંત્રતા દિવસ સમારોહ અને રાષ્ટ્રપતિ ભવન ખાતે માનનીય રાષ્ટ્રપતિ દ્વારા યોજાનારા પ્રતિષ્ઠિત ‘એટ હોમ’ ડિનર રિસેપ્શનમાં હાજરી આપવા માટે ઇન્ડિયા પોસ્ટ દ્વારા તેમના સત્તાવાર આમંત્રણ પત્રો મળ્યા છે. આ સન્માન માત્ર તેમની વ્યક્તિગત સિદ્ધિઓની ઓળખ નથી, પરંતુ કૌશલ્ય, ટકાઉ આજીવિકા અને ગૌરવપૂર્ણ રોજગાર દ્વારા DDU-GKY દ્વારા સક્ષમ બનેલા પરિવર્તનની રાષ્ટ્રીય ઓળખ પણ છે.

યુવાનો લાલ કિલ્લા પર રાષ્ટ્રીય સમારોહના સાક્ષી બનશે અને રાષ્ટ્રપતિ ભવન ખાતે રિસેપ્શનમાં ભાગ લેશે. આ પ્રતિષ્ઠિત રાષ્ટ્રીય કાર્યક્રમોમાં તેમની ઉપસ્થિતિ ગ્રામીણ કૌશલ્ય ઇકોસિસ્ટમ માટે અને DDU-GKY દ્વારા ઉભરી આવેલા યુવા અને સિદ્ધિહાંસલ કરનારાઓ માટે ગર્વની ક્ષણ છે.

DDU-GKY એ ગ્રામીણ વિકાસ મંત્રાલય, ભારત સરકારના દીનદયાલ અંત્યોદય યોજના–રાષ્ટ્રીય ગ્રામીણ આજીવિકા મિશન (DAY-NRLM) હેઠળનો ફ્લેગશિપ પ્લેસમેન્ટ-લિંક્ડ કૌશલ્ય વિકાસ કાર્યક્રમ છે. આ કાર્યક્રમ ગ્રામીણ ગરીબ યુવાનોને ઉદ્યોગ-સંબંધિત કૌશલ્યો, રાષ્ટ્રીય સ્તરે માન્યતા પ્રાપ્ત પ્રમાણપત્રો અને ટકાઉ તેમજ ગૌરવપૂર્ણ રોજગારની તકો સુધી પહોંચ પૂરી પાડે છે.

DDU-GKY દ્વારા, દેશભરના લાખો ગ્રામીણ યુવાનોને લાંબા ગાળાની આજીવિકાની તકો સાથે જોડવામાં આવ્યા છે. આ કાર્યક્રમે તેમને આર્થિક રીતે સશક્ત, આત્મનિર્ભર અને ભારતની વિકાસગાથામાં સક્રિય યોગદાનકર્તા બનવા માટે સક્ષમ બનાવ્યા છે.

આ 6 લાભાર્થીઓને આપવામાં આવેલું આમંત્રણ એ કુશળ કાર્યબળ ઊભું કરવામાં અને ટકાઉ આજીવિકાને પ્રોત્સાહન આપવામાં આ યોજનાની સફળતાની રાષ્ટ્રીય નોંધ છે. તે દર્શાવે છે કે કૌશલ્ય વિકાસ એ માત્ર રોજગાર નથી — તે ગ્રામીણ યુવાનો માટે ગૌરવપૂર્ણ કારકિર્દી, આર્થિક સ્વતંત્રતા અને તેમને વધુ સુરક્ષિત ભવિષ્ય-સક્ષમ બનાવે છે.

આ સિદ્ધિ પસંદગી પામેલા લાભાર્થીઓનો દ્રઢ સંકલ્પ અને સખત મહેનત, તેમજ સંબંધિત સ્ટેટ રૂરલ લાઇવલીહુડ મિશન (SRLMs), પ્રોજેક્ટ ઇમ્પ્લીમેન્ટિંગ એજન્સીઓ (PIAs) અને ગ્રામીણ વિકાસ મંત્રાલયના સામૂહિક પ્રયાસોને દર્શાવે છે.

આ સન્માન સમગ્ર ભારતમાં લાખો ગ્રામીણ યુવાનોને પ્રેરણા આપશે અને એ વિઝનને મજબૂત કરશે કે કૌશલ્ય, તકોનું નિર્માણ કરે છે, ટકાઉ આજીવિકા આત્મનિર્ભરતાનું નિર્માણ કરે છે, અને સશક્ત યુવાનો વિકસિત ભારત તરફની યાત્રાને ઝડપી બનાવે છે.

SM/NK/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com