নেস্নেল হ্যুমেন রাইতস কম্মিসন
এন্.ঐচ.আর.সি., ভারতনা অসামগী কছার জিলাদা লৈবা ধাতুগী প্রোসেশিং ফেক্তরি অমদা থোকখিবা পোত্ পুথোক-পুশিন তৌবদা শিন্মী মরি শিখিবা অমসুং অতোপ্পা অনি য়াম্নাা শাথিনা অশোক-অপন নংখি হায়না রিপোর্ত তৌরকপগী মতাংদা সু মোতু কোগনিসন লৌখৎখ্রে
অসামগী চিফ সেক্রেতরি অমসুং কছারগী এস.পি.দা নোতিশ পীখ্রে, নুমীৎ নিনিগী মনুংদা হীরম অসিগী মতাংদা অকুপ্পা রিপোর্ত অমা পিনবা হায়খ্রে
রিপোর্ত অসিদা অশোকপা মীওইশিংগী হকশেলগী ফীভম য়াওগনি হায়না পানরি, মসিগা লোয়ননা শিখিবা মীওইশিংগা নক্নবা মরি-মতা অমসুং অশোকপা শিন্মীশিংদা কম্পেন্সেসন পিগনি
प्रविष्टि तिथि:
29 JUL 2026 11:20AM by PIB Imphal
নেস্নেল হ্যুমেন রাইতস কম্মিসন (এন্.ঐচ.আর.সি.), ভারতনা ২০২৬কি জুলাই ২৬তা অসামগী কছার জিলাদা লৈবা মেতল প্রোসেশিং ফেক্তরি অমদা পোত্ পুথোক পুশিন তৌবদা শিন্মী মরি শিখি অমসুং অতোপ্পা অনি য়াম্না শাথিনা অশোক অপন নংখি হায়বগী মীদিয়াগী রিপোর্ত অমগী মতাংদা সু মোতু কোগনিসন লৌখৎখ্রে। রিপোর্ত তৌরকপগী মতুং ইন্না পোত্ পুথোক পুশিন তৌরবা মতুংদা শিন্মীশিংগী মথকতা শৌদোক্লবা ধাতু তাশিনখি। শোক্লবা মীওইশিংগী ইমুং মনুং অমসুং মফম অদুগী মীয়াম্না অসিগুম্বা থৌদোকশিং অসি ফেক্তরি অসিদা মমাঙদসু থোকখি হায়না ফোংদোকখ্রে।
কম্মিসন্না য়েংশিনখ্রে মদুদি মীদিয়া রিপোর্ত অসিগী মনুংদা য়াওরিবা ৱাফমশিং অসিনা করিগুম্বা অচুম্বা ওইরবদি মীওইবগী হকশিং থুগাইবগী অচৌবা ৱাফমশিং থোরক্কনি। মসিগী মতুং ইন্না, মসিনা অসামগী চিফ সেক্রেতরি অমসুং কছারগী সুপরিন্তেন্দেন্ত ওফ পুলিসতা নোতিশ থোকখ্রে, মসিদা নুমীৎ নিনিগী মনুংদা হীরম অসিগী মতাংদা অকুপ্পা রিপোর্ত অমা পিনবা হায়খ্রে। রিপোর্ত অসিদা অশোকপা মীওইশিংগী হকশেলগী ফিভমগী মতাংদা য়াওগনি, মসিগা লোয়ননা শিখিবা মীওইশিংগী মনাক নকপা মরি-মতাশিং অমসুং অশোকপা শিন্মীশিংদা কম্পেন্সেসন পিবগী ৱাফম য়াওগনি হায়না পানরি।
২০২৬কি জুলাই ২৭তা থোকখিবা মীদিয়া রিপোর্তকি মতুং ইন্না পোত্ পুথোক পুশিন তৌবা মতমদা ফেক্তরি অসিদা শিন্মী ১০০ হেন্না লৈখি।
***
(रिलीज़ आईडी: 2291009)
आगंतुक पटल : 5