উপ-রাস্ত্রপতিগী লোইশঙ
নিংতম লান্মী তিরু সুব্রমনিয়া সিব লৈখিবদগী কুমওন্দা মহাক্কী মফমদা লৈ কত্তুনা উপ-রাষ্ট্রপতিনা ইকায়খুম্নবা উৎখ্রে
प्रविष्टि तिथि:
23 JUL 2026 11:18AM by PIB Imphal
ঙসি ভারতকী উপ-রাষ্ট্রপতি শ্রী সি.পি রাধাকৃষ্ণন্না উপরাষ্ট্রপতি ভাবন্দা শক্নাইরবা নিংতম লান্মী তিরু সুব্রমনিয়া সিব লৈখিবদগী কুমওন্দা মহাক্কী মফমদা লৈ কত্তুনা ইকায়খুম্নবা উৎখ্রে।
থৌরম অদুদা ৱা ঙাংবদা, উপ-রাষ্ট্রপতিনা হায়খি;
“শক্নাইরবা নিংতম লান্মী তিরু সুব্রমনিয়া সিব তামিল নাদুগী খা থংবা শরুক্ত লৈবা অপীকপা তাউন ভাতলাগুন্দুগী হৌরকখিবনি। ‘বন্দে মাতারমগী’ অকনবা খোল্লাউগা লোয়ননা ভারতকী নিংতম্বা পুরক্নবা মখোয় মশামক কৎথোক্নবা মীয়ামদা ইথিল পীরদুনা, মহাক্না খুঙ্গংশিং শীনবা থুংনা চৎখি। শক্নাইরবা নিংতম লান্মী তিরু ভি.ও চিন্দম্বরম পিল্লাইগা লোয়ননা, লৈবাক অসিগী নিংতম্বা পুরক্নবা মহাক্না চিংনবা লৈতনা পাংথোকখিবা থবকশিংগীদমক মহাক বৃতিস লোয়লম লৈঙাক্না কৈশুমশঙদা থমখি।
মহাক্না কৈশুমশঙদা লৈরিঙৈদা লেপ্রোসি নারক্লবসু, মহাক্না কৈদৌঙৈদা মহাক্কী ৱাশক মপাঙ্গল শোন্থহনখিদে অমসুং মহাক্কী পুন্সিগী অরোইবা মিকুপ ফাওবা ভারতকী নিংতম্বা পুরক্নবা মখা তানা থবক তৌখি। ভারতকী মরৈবাক নিংবা মপারি অমা ওইনা, মহাক্না ভারত মাতা লাৎখি অমসুং মমা লৈবাক্কীদমক থবক তৌনবা মহাক্কী পুন্সি কৎথোকখি।
মহাক্কী লৈখিদবগী কুমওন অসিদা, শক্নাইরবা মরৈবাক নিংবা অথৌবা অসিগী মফমদা লৈবাক অসিনা মপুংফানা ইকায়খূম্নবা উৎলি”।
***
(रिलीज़ आईडी: 2288392)
आगंतुक पटल : 7