ভারতকী রাস্ত্রপতী, শ্রীমতী দ্রৌপদি মুরমুনা স্কোপজেদা ঙসি (জুলাই ২১, ২০২৬) পাঙথোকখিবা ইন্দিয়া-নোর্ত মেকেদোনিয়া বিজিনেস ফোরম হৌদোকপগী থৌরমদা ৱা ঙাংখ্রে। রিপব্লিক ওফ মেকেদোনিয়াগী রাস্ত্রপতী হিজ এক্সেলেন্সী দোক্তর গোর্দানা সিলজানোব্সকা-দাবকোভা, নোর্থ মেকেদোনিয়া লৈঙাক্কী মেম্বরশিং, ভারত অমসুং নোর্থ মেকেদোনিয়াগী বিজিনেস লুচিংবশিং, লৈবাক অনিগী ইন্দস্ত্রী এসোসিএসনশিংগী মীহুৎশিং থৌরম অদুদা শরুক য়াখি।

তিল্লিবা মীয়ামগী মফমদা ৱা ঙাংলদুনা, রাস্ত্রপতীনা খোঙচৎ অসি ভারতকী রাস্ত্রপতী অমগী নোর্থ মেকেদোনিয়াদা চৎপা অহানবা খোঙচৎনি হায়রদুনা ভারতনা নোর্থ মেকেদোনিয়াগা নাকল অনিমক্না ইন্তরেস্ত লৈবা লম পুম্নমক্তা থবক তৌমিন্নবগী অপাম্বা লৈ হায়বা উৎলি হায়না ফোঙদোকখি। ইন্দিয়া-নোর্থ মেকেদোনিয়া ইকনমিক অমদি কম্মর্সিএল ওইবা মরী অসি মপুং ফানা লাকশিন্নবা ঙাইদুনা লৈরিবা ফ্রন্তিয়র অমনি হায়না মহাক্না ফোঙদোকখি। নাকল অনিগী ত্রেদ ভোলুম অসিনা মরা চেৎপা অফবা লম্বী অমা উৎলি, অদুবু মসি ওইথোকপা য়াবশিংগী শরুক খরখক্তনি হায়খি।

লল্লোন ইতিক্তগী তশেং তশেংবা শেন্মিৎলোনগী খোঙবু ওইবরোমদা চঙশিন্নবগীদমক ঐখোয়না অমনা অমদা শেল থাদনবরোমদা মীৎয়েঙ থম্বা তাই হায়না রাস্ত্রপতীনা হায়খি। অনৌবা ইনভেস্তমেন্তকী ঙমখৈ অসি দিজিতেল ইনোভেসন অমসুং আর্তিফিসিএল ইন্তলিজেন্স, ফার্মাসিউতিকেল্স অমসুং হেল্থকেয়র, এগ্রো-প্রোসেসিং, অমসুং গ্রীন ইনর্জী ত্রাঞ্জিসন য়াওনা তোঙান তোঙানবা সেক্তরশিংদা লৈ হায়বা ৱাফম মহাক্না থমখি। মহাক্না নোর্থ মেকেদোনিয়াবু ভারত্তা মথঙ চহিদা পাঙথোক্কদবা ৱর্ল্দ ওদিও ভিজুএল এন্তরতেনমেন্ত সম্মিত (ৱেব্স) তা শরুক য়াননবা পাউজেল পীরমখি।

রাস্ত্রপতীনা স্তার্ত-অপশিং, য়ুনিভর্সিতীশিং, রিছর্চ ইন্সতিত্যুৎশিং অমসুং তেক্নোলোজী এন্তরপ্রাইজশিংগী মরক্তা খোঙবু ওইবগী মরী শেমগৎনবা পুক্নিং থৌগৎপা মথৌ তাই হায়না ফোঙদোকখি। আর্তিফিসিএল ইন্তলিজেন্স, সাইবর সিক্যুরিতী অমসুং দিজিতেল ইনোভেসনগী লমদসু তেংবাংননবা লম্বী থিগদবনি হায়নসু মহাক্না হায়খি।

নাকল অনিমক্কী বিজিনেসশিংনা কান্নগদবা প্রোজেকশিং মশক খঙদোকপা অমসুং অশাংবা মতমগী কম্মর্সিএলগী মরী শেমগৎপদা মাঙজিল থানা চঙশিনগদবনি হায়না রাস্ত্রপতীনা হায়খি। মহাক্না লৈবাক অনিমক্কী চেম্বর ওফ কম্মর্স, ইনভেস্তমেন্ত এজেন্সীশিং অমসুং বিজিনেস এসোসিএসনশিংগী মফমদা মরী শেমগৎনবা অমসুং বিজিনেস দেলিগেসন এক্সচেঞ্জ তৌননবা ৱাফম থমখি। মহাক্না কম্পেনীশিংগী মফমদা খুদক্কী ওইবা ত্রাঞ্জেক্সনগী ৱাংমদা মীৎয়েঙ থম্নবা অমসুং তেক্নোলোজী ত্রান্সফর, জোইন্ত ভেঞ্চর, লোকেল ভেল্যু শেমগৎপা অমসুং থবক পীবদা য়ুম্ফম ওইবা পার্ত্নরসিপশিংদা শেল থাদনবা ৱাফমসু থমখি। ফোরম অসিনা অনৌবা ৱাখল্লোনশিং পুথোরক্কনি অমসুং ভারত অমদি নোর্থ মেকেদোনিয়াগী মরক্তা তেংবাংনবগী অনৌবা খুদোংচাবশিং পুথোরক্কনি হায়না মহাক্না থাজবসু ফোঙদোকখি।

রাস্ত্রপতীগী ৱারোল পাননবগীদমক মসিদা নম্বিয়ু।

***