প্রধানমন্ত্রীগী লোইশঙ
প্রধান মন্ত্রীনা স্কাইরুত এরোস্পেসতা য়াইফ পাউজেল পীখ্রে
ওর্বিতেল লঞ্চ ভেহিকল, বিক্রম-১ থাগৎপা য়েংনবা মীয়ামদা প্রধান মন্ত্রীনা খঙহনখ্রে
प्रविष्टि तिथि:
18 JUL 2026 9:54AM by PIB Imphal
ভারতকী অহানবা লনাই ওইনা শাজবা লঞ্চ ভেহিকল বিক্রম-১ থাগৎত্রিঙৈ মাংওইননা, ঙসি প্রধান মন্ত্রী শ্রী নরেন্দ্র মোদীনা স্কাইরুত এরোস্পেসতা মহাক্কী য়াইফ পাউজেল পীখ্রে, মসি লৈবাক অসিগী স্পেসকী খোঙচত্ত পুৱারি ওইরবা মাইপাকপা অমনি হায়না শিংথাখ্রে। প্রধান মন্ত্রীনা হায়খি মদুদি বিক্রম-১ থাগৎপা অসিনা ভারতকী স্পেসকী পান্দমশিংদা অনৌবা পন্দুব অমা হাংদোক্লগনি অমসুং ইন্নোবেসন, তেক্নোলোজি অমসুং ওন্ত্রেপ্রেন্যুরশিপতা লৈবাক অসিনা খুমাঙচাউশিল্লকপগী মমি তারে।
শিংথানিঙাই ওইরবা মিসন অসি য়েংনবা নহারোলশিং য়াওনা মীয়ামদা প্রধান মন্ত্রীনা তকশিনখ্রে।
প্রধান মন্ত্রীনা এক্সতা হায়খি;
ভারতকী স্পেস খোঙচৎকী পুৱারি ওইরবা অনৌবা মাইপাকপ অমনি!
ঙসি অয়ুক পুং ১১:৩০ তাবদা, ভারতকী অহানবা লনাই শাজবা লঞ্চ ভেহিকল বিক্রম-১ স্কাইরুত এরোস্পেসনা থাগৎলগনি।
তাঙ্কক মরি য়াওবা রোক্কেত অসি য়াংনা থাগৎনবা অমসুং অপাম্বা লঞ্চ সর্বিসশিংগীদমক দিজাইন তৌবনি। ঐখোয়গী নহারোলশিংগী হৈথোই-শিংথোইবা, অচেৎপা ফিরেপ অমসুং ওন্ত্রেপ্রেন্যুরশিপকী থৌনা মিসন অসিদা মমি তারে। কমদৌনা ঐখোয়গী স্পেস-সেক্তরগী অওনবশিংনা ইন্নোবেসন অমসুং শেন তানবগী থবকশিংগী অনৌবা খুদোংচাবশিং পীরি হায়বসু উৎলে।
মাইপাক্না থাগৎনবগীদমক ঐনা অপুনবা স্কাইরুত এরোস্পেসকী কাংবুদা ঐগী য়াইফ পাউজেল পীজরি। বিক্রম-১না ৱাংনা পাইপা, পুৱারি শেম্বা অমসুং ইন্নোবেতরশিংগী মীরোল অমদা ইথিল পীবা ওইরসনু।
পুৱারি ওইরবা মিসন অসি য়েংনবা ঐগী নহারোল মরুপশিং য়াওনা ভারতমচাশিংদা ঐনা হায়জরি অমসুং #IndiaWithVikram1 শীজিন্নদুনা তিম স্কাইরুত মাইপাক্নবা য়াইফ পাউজেল পীবদা শরুক য়াবীয়ু।
@SkyrootA
***
(रिलीज़ आईडी: 2286147)
आगंतुक पटल : 22
इस विज्ञप्ति को इन भाषाओं में पढ़ें:
English
,
Urdu
,
Marathi
,
हिन्दी
,
Bengali
,
Assamese
,
Gujarati
,
Odia
,
Tamil
,
Telugu
,
Kannada
,
Malayalam