પ્રધાનમંત્રીનું કાર્યાલય
પ્રધાનમંત્રીએ સ્કાયરૂટ એરોસ્પેસને શુભેચ્છાઓ પાઠવી
પ્રધાનમંત્રીએ નાગરિકોને ઓર્બિટલ લોન્ચ વ્હીકલ, વિક્રમ-1ના પ્રક્ષેપણના સાક્ષી બનવા માટે નાગરિકોને આમંત્રિત કર્યા
प्रविष्टि तिथि:
18 JUL 2026 9:54AM by PIB Ahmedabad
પ્રધાનમંત્રી શ્રી નરેન્દ્ર મોદીએ, આજે, ભારતનું પ્રથમ ખાનગી રીતે વિકસિત લોન્ચ વ્હીકલ, વિક્રમ-1ના પ્રથમ ઓર્બિટલ લોન્ચ પૂર્વે સ્કાયરૂટ એરોસ્પેસને શુભેચ્છાઓ પાઠવી હતી અને તેને દેશની અંતરિક્ષ યાત્રામાં એક ઐતિહાસિક સીમાચિહ્ન ગણાવ્યું હતું. શ્રી મોદીએ જણાવ્યું હતું કે વિક્રમ-1નું પ્રક્ષેપણ ભારતના અંતરિક્ષ મહત્વાકાંક્ષાઓ માટે એક નવી સરહદ ખોલવાનું પ્રતીક છે અને તે નવીનતા, ટેકનોલોજી અને સાહસિકતામાં દેશની વધતી જતી ક્ષમતાઓને પ્રતિબિંબિત કરે છે.
પ્રધાનમંત્રીએ નાગરિકોને, ખાસ કરીને યુવાનોને, આ સીમાચિહ્નરૂપ મિશનના સાક્ષી બનવા માટે પણ આગ્રહ કર્યો હતો.
પ્રધાનમંત્રીએ X પર પોસ્ટ કર્યું:
ભારતની અંતરિક્ષ યાત્રા માટે એક ઐતિહાસિક નવી સરહદ!
આજે સવારે 11:30 વાગ્યે સ્કાયરૂટ એરોસ્પેસ ભારતનું પ્રથમ ખાનગી રીતે વિકસિત લોન્ચ વ્હીકલ, વિક્રમ-1નું પ્રથમ ઓર્બિટલ લોન્ચ કરશે.
આ ફોર-સ્ટેજ રોકેટ ઝડપી અને ઓન-ડિમાન્ડ લોન્ચ સેવાઓ પ્રદાન કરવા માટે ડિઝાઇન કરવામાં આવ્યું છે. આ મિશન આપણા યુવાનોની પ્રતિભા, દ્રઢ સંકલ્પ અને સાહસિક ભાવનાને ઉજાગર કરે છે. તે એ પણ દર્શાવે છે કે કેવી રીતે આપણા અંતરિક્ષ-ક્ષેત્રના સુધારાઓ નવીનતા અને સાહસ માટે નવી તકો ખોલી રહ્યા છે.
સફળ પ્રક્ષેપણ માટે સમગ્ર સ્કાયરૂટ એરોસ્પેસ ટીમને મારી શ્રેષ્ઠ શુભેચ્છાઓ. વિક્રમ-1 ઊંચી ઉડાન ભરે, ઇતિહાસ રચે અને નવીનતા લાવનારાઓની પેઢીને પ્રેરણા આપે.
હું તમામ ભારતીયોને, ખાસ કરીને મારા યુવાન મિત્રોને, આ ઐતિહાસિક મિશનને નિહાળવા અને #IndiaWithVikram1 નો ઉપયોગ કરીને ટીમ સ્કાયરૂટને સફળતાની શુભેચ્છાઓ પાઠવવામાં જોડાવા આગ્રહ કરું છું.
@SkyrootA
IJ/JY/GP/JT
સોશિયલ મીડિયા પર અમને ફોલો કરો : 
@PIBAhmedabad 
/pibahmedabad1964 
/pibahmedabad 
pibahmedabad1964[at]gmail[dot]com
(रिलीज़ आईडी: 2286013)
आगंतुक पटल : 18