पंतप्रधान कार्यालय
56व्या आंतरराष्ट्रीय भौतिकशास्त्र ऑलिम्पियाड 2026 मध्ये सुवर्णपदक जिंकलेल्या भारतीय पथकाचे पंतप्रधानांकडून अभिनंदन
Posted On:
13 JUL 2026 2:45PM by PIB Mumbai
नवी दिल्ली, 13 जुलै 2026
पंतप्रधान नरेंद्र मोदी यांनी कोलंबियातल्या बुकारामांगा इथे आयोजित 56व्या आंतरराष्ट्रीय भौतिकशास्त्र ऑलिम्पियाड 2026 मध्ये सुवर्णपदक जिंकलेल्या भारतीय पथकाचे अभिनंदन केले आहे. या स्पर्धेत कनिष्क जैन, रिद्धेश अनंत बेंडाळे, ऋषित गर्ग, श्रेष्ठ सुरैया आणि स्वरित जोशी यांनी उल्लेखनीय यश संपादन केले.
विद्यार्थ्यांच्या या कामगिरीतून देशाच्या युवा शक्तीची अमर्याद क्षमता आणि विज्ञान व संशोधनाविषयीची त्यांची निष्ठा पुन्हा अधोरेखित झाली आहे, असे पंतप्रधानांनी म्हटले आहे.
गेल्या दशकात या व्यासपीठावर विविध प्रकारांमध्ये भारतीय विद्यार्थ्यांनी सातत्याने उत्कृष्ट कामगिरी केली असल्याचेही पंतप्रधानांनी नमूद केले.
पंतप्रधानांनी सामाजिक माध्यम ‘एक्स’वर लिहिले:
“आपल्या तरुणांची ही अत्यंत उत्कृष्ट कामगिरी आहे.
कोलंबियातल्या बुकारामांगा इथे आयोजित 56व्या आंतरराष्ट्रीय भौतिकशास्त्र ऑलिम्पियाड 2026 मध्ये सुवर्णपदके जिंकलेल्या कनिष्क जैन, रिद्धेश अनंत बेंडाळे, ऋषित गर्ग, श्रेष्ठ सुरैया आणि स्वरित जोशी या भारतीय पथकाचे अभिनंदन.
त्यांची ही कामगिरी आपल्या युवा शक्तीची अमर्याद क्षमता आणि विज्ञान व संशोधनाविषयी त्यांची आवड दर्शवते. तसेच गेल्या दशकात या व्यासपीठावरच्या विविध स्पर्धांमध्ये आपल्या विद्यार्थ्यांनी सातत्याने उत्कृष्ट कामगिरी केली आहे, ही बाबही तितकीच उल्लेखनीय आहे.”
* * *
अंबादास यादव/निखिलेश चित्रे/दर्शना राणे
सोशल मिडियावर आम्हाला फॉलो करा:
@PIBMumbai 
/PIBMumbai 
/pibmumbai 
pibmumbai[at]gmail[dot]com 
/PIBMumbai 
/pibmumbai
(Release ID: 2284076)
अभ्यागत कक्ष : 71
Read this releasein:
Malayalam
,
Assamese
,
Gujarati
,
Tamil
,
Telugu
,
Kannada
,
Bengali
,
Bengali-TR
,
Odia
,
English
,
Urdu
,
हिन्दी
,
Manipuri
,
Punjabi