প্রধান মন্ত্রী, শ্রী নরেন্দ্র মোদীনা ঙসি মেলবোর্নগী মার্ভেল স্তেদিয়মদা ওস্ত্রেলিয়াদা লৈরিবা ভারত মচাশিংগী মীফম অমদা ৱা ঙাংখ্রে। য়াম্না নোল্লুক্নিংঙাই ওইরবা মতৌ অমদা, ওস্ত্রেলিয়াগী প্রধান মন্ত্রী, ইকাইখুম্নরবা এন্থোনি অলবেনিজসু দাইসপোরা থৌরম অসিদা শরুক য়াখি।

মীয়ামগী মীতিন অদুদা ৱা ঙাংলদুনা প্রধান মন্ত্রীনা মহাকপু তরাম্না ওকপগীদমক দাইসপোরা অদুবু থাগৎপা ফোংদোকখি। মহাক্না প্রধান মন্ত্রী অলবেনিসপু থৌরম অদুদা সরুক য়াবগীদমক্তা অমসুং ভারত-ওস্ত্রেলিয়াগী মরীদা, ভারতকী মপান্দা লৈরিবা মীওইশিংগী য়াইফ-থৌরাং য়াওনা মহাক্কী অচেৎপা ফিরেপ অদুগীদমক থাগৎপা ফোংদোকখি। প্রধান মন্ত্রীনা হৌখিবা চহী তরা অসিদা লৈবাক অনিগী মরক্তা লৈরিবা মরী অসিদা চাউনা খুমাং চাউশিল্লকপগী মতাংদা পনখি। শেন্মিৎলোন অনিগী মরক্তা লৈনরিবা মরীনা ভারত অমসুং ওস্ত্রেলিয়াবু সেক্যুর, প্রোসপেরস অমসুং রেজিলিয়েন্ত পার্তনরশিপ অমা শেমগৎপদা মহৌশাগী ওইবা পার্তনরশিং ওইনা থম্লি হায়না মহাক্না ফোংদোকখি।

প্রধান মন্ত্রীনা ওস্ত্রেলিয়াদা লৈরিবা ভারত মচাশিংনা লৈবাক অনিগী মরক্তা লৈনরিবা মরী অসিদা কৎথোক্লিবা থৌদাং অদুগীদমক থাগৎপা ফোংদোকখি। মহাক্না পনখি মদুদি কম্ম্যুনিতী অসিনা ওস্ত্রেলিয়াগী খুন্নাইগী ওইবা থৌদাং অমা লৌরবসু, মখোয়গী নাতকী চৎনবীশিং ঙাক্না চৎলি অমসুং মখোয়গী মচু, নুংশি-চান্নবা অমসুং ফজবশিংবু মফম অদুগী মীওইশিংগা শরুক য়ামিন্নরি। ওস্ত্রেলিয়াদা ভারতকী মহৈরোই কয়া অমা লৈরি অমসুং ওস্ত্রেলিয়াগী য়ুনিভর্সিতী কয়ানা ভারত্তা কেম্পসশিং হাংলি হায়না পল্লদুনা মহাক্না হায়খি মদুদি এজুকেসন অসি নাকল অনিগী মরীগী খ্বাইদগী মপাঙ্গল কনখৎহনগদবা য়ুম্বী অমনি।

প্রধান মন্ত্রীনা ভারতনা লেপ্পা লৈতনা অৱাংবা গ্রোথ, পোলিসী রিফোর্মশিং, দিজিতেল রিভোলুসন অমসুং মথংগী জেনরেসনগী ইনফ্রাস্ত্রকচর দিবেলপমেন্তদা য়ুম্ফম ওইদুনা য়াম্না থুনা খুমাং চাউশিল্লকপগী মতাংদা শন্দোক্না হায়খি। মহাক্না হায়খি মদুদি লৈবাক অসিনা কম্ম্যুনিকেসন তেক্নোলোজী, সেমিকন্দক্তর, স্মার্ত ফোন মেন্যুফেকচরিং অমসুং 'মেক ইন ইন্দিয়া' দিফেন্স এক্সপোর্তকী লমদা অনৌবা খোংথাং কয়া অমা লৌখৎলি। মহাক্না মখা তারদুনা হায়খি মদুদি ভারতকী দেমোক্রেসিগী মপাঙ্গল, মসিগী তেলেন্ত, তেক্নোলোজী অমসুং ইন্নোবেসনগা লোয়ননা, মালেমগী পার্তনরশিংগীদমক অনৌবা খুদোংচাবশিং শেমগৎলি। মহাক্না হায়খি মদুদি ভারতকী এপ্রোচ অসি মশাগী খোংজেল খক্তদা মীৎয়েং চংবা নত্তে, অদুবু মহাক্কী মরুপশিং অমসুং পার্তনরশিংগা খুৎশম্নদুনা চৎপা ওইগদবনি। ২০৪৭ ফাওবদা বিক্সিত ভারত অমা শেমগৎনবা পান্দম ফংনবা ৱাখল্লোন অমসুং হৈশিংবগা লোয়ননা মতেং পাংনবা  হায়না প্রধান মন্ত্রীনা ভারত মচাশিংদা হায়খি। প্রধান মন্ত্রীগী মপুংফাবা ৱারোল অসি [link] অসিদা য়েংবা য়াগনি ।

থৌরম অদুদা তোঙান-তোঙানবা লমশিংদা লৈরিবা ভারত মচাশিংনা য়াওনা মহৈরোইশিং, প্রোফেস্নেলশিং, এন্ত্রপ্রেনরশিং, রিসর্সশিং, কম্ম্যুনিতীগী লুচিংবশিং অমসুং কলচরেল ওর্গনাইজেসনশিংগী মীহুৎশিংনা শরুক য়াখি। মীফম অসিনা ভারত-ওস্ত্রেলিয়াগী মরীদা মশক তাক্লিবা মীয়ামগী মরক্তা লৈনরিবা মরী অদু উৎখি। ওস্ত্রেলিয়াদা ভারত মচা মিলিয়ন অমা লৈরি।

***