ভারত অমসুং ওস্ত্রেলিয়াগী প্রধান মন্ত্রী ওইনা ঐখোয়না ঐখোয়গী হেন্না চেৎশিল্লক্লিবা নাকল অনিগী মরীশিংনা লীপুন ওইরদুনা, ঐখোয়গী লৈবাকশিংগী স্ত্রেতেজিক পার্তনরশিপ মপাঙ্গল কনখৎহন্নবা ঐখোয়গী ৱারেপনা অমত্তা ওইনা পুনশিন্দুনা অমসুং অরোন অথুপ লৈতবা, শান্ত, তংদু লৈতাবা অমসুং চাউখৎপা ইন্দো-পেসিফিক অমগী অপুনবা মঙলান অমনা পুক্নিং থৌগৎলদুনা, ঙাকশেল অমসুং সেক্যুরিতী কোওপরেসনগী মতাংদা জোইন্ত দিক্লারেসন অসিদা অচেৎপা থাজবা থম্লি।

ঐখোয়না ইং ২০২০দা লিংখৎখিবা ঐখোয়গী কমপ্রিহেন্সিব স্ত্রেতেজিক পার্তনরশিপ (সি.এস.পি.) ঐখোয়গী সি.এস.পি. হৌদোকখিবদগী ঐখোয়গী স্ত্রেতেজিক কন্ভর্জেন্স অসি খুমাং চাউশিল্লক্লি, ঐখোয়গী ইকোনোমিক লিঙ্কশিং অসি হেন্না চেৎশিল্লক্লি অমসুং ঐখোয়গী মীয়ামগী মরক্তা লৈনরিবা মরীশিং - ঐখোয়গী লৈবাকশিংগী মরক্তা লৈরিবা মরীবু হিংহল্লিবা থোং অসি হেন্না মপাঙ্গল কনখৎলক্লি। ক্বাদ অমসুং অতৈ মল্তিলেতরেল ইন্সতিত্যুসনশিংগুম্বা রিজনেল ফোরমশিংগী খুত্থাংদা অতোপ্পা পার্তনরশিং য়াওনা, বাইলেতরেল অমসুং মল্তিলেতরেল অনিমক্তা ঐখোয়গী অচেৎপা মরী অসিনা লৈবাক অনিমক্তা কান্নবা পীরি অমসুং ঐখোয়গী শরুক য়ামিন্নরিবা লমদম অসিগী সেক্যুরিতী অমসুং চাউখৎপদা মতেং পাংলি।

ঐখোয়না ২০০৯গী সেক্যুরিতী কোওপরেসনগী ইন্দিয়া-ওস্ত্রেলিয়া জোইন্ত দিক্লারেসননা পুক্নিং থৌগৎপদগী ঐখোয়গী পার্তনরশিপ্তা লাক্লিবা চাউখৎপা অসিসু য়েংশিনখি। ঐখোয়না ফোরেন মিনিস্তর্স ফ্রেমৱার্ক দাইলোগ (এফ.এম.এফ.দি.), 2+2 ফোরেন অমসুং দিফেন্স মিনিস্তরেল দাইলোগ অমসুং দিফেন্স মিনিস্তরশিংগী দাইলোগ য়াওনা তোঙান তোঙানবা বাইলেতরেল মেকানিজমশিংগী খুত্থাংদা পার্তনরশিপ অসিদা পীরিবা কন্ত্রিব্যুসনশিংবু থাগৎপা ফোংদোক্লি।

জিওস্ত্রেতিজিকেলগী ওইবা শিংনবশিং অমসুং রিজনেলগী শান্তি অমসুং তংদু লৈতাবদা পীরক্লিবা অকাইবশিং ঐখোয়না পন্নরি। ঐখোয়না শরুক য়ারিবা পুম্নমকপু শান্তি ওইনা পুন্না থবক তৌমিন্নবা অমসুং ৱারোইশিন পুরক্নবা হায়জরি।

ঐখোয়না ইন্দো-পেসিফিক লমদম অসি অরোন অথুপ য়াওদবা, শান্তি লৈবা, তংদু লৈতাবা অমসুং চাউখৎপা ওইহন্নবা ঐখোয়গী অচেৎপা ফিরেপ অদু অমুক হন্না ফোংদোক্লি। মসিগী য়ুম্ফমদি: ইন্তর্নেস্নেল লো ঙাক্না চৎপদা য়ুম্ফম ওইবা কাংলোনশিংদা য়ুম্ফম ওইবা আর্কিতেকচর; সোভরিনিতী অমসুং লমদমগী অপুনবগী ইকাই খুম্নবা; 1982গী য়ুনাইতেদ নেসন্স কনভেন্সন ওন লো ওফ সী (য়ু.এন.সি.এল.ও.এস.) দা নীংতম্না চৎথোক চৎশিন তৌবা অমসুং ওভর ফ্লাইত; অমসুং কান্নবা, পুম্নমক্কী ওইবা, মনুং মপান ফাওনা উবা ইন্সতিত্যুসনশিংদা অচেৎপা থাজবা থম্লি

ঐখোয়না ইন্দিয়ন ওসিন রিম এসোসিয়েসন (আই.ও.আর.এ.), আসিন অমসুং এসিয়ন-সেন্ত্রিক রিজনেল আর্কিতেকচর, অমসুং পেসিফিক আইলেন্দস ফোরম (পি.আই.এফ.)বু হায়রিবা লমদমশিং অসিদা থেংনরিবা শিংনবশিং লোইশিন্নবা ফোরম অমা ওইনা লৌরি।

ঐখোয়না ঐখোয়গী পার্তনরশিপ অসি হোংলক্লিবা স্ত্রেতেজিক ওইবা ফীভমশিংগা মরী লৈনহন্নবগীদমক চাউখৎপা মথৌ তাই হায়বা খঙই অমসুং ঐখোয়গী অৱাংবা থাক্কী দিফেন্স অমসুং সেক্যুরিতী পার্তনরশিপ অসি হেন্না খুমাং চাউশিলহন্নবগীদমক হোৎনরি। ঐখোয়না স্ত্রেতেজিক এক্সচেঞ্জশিং মপাঙ্গল কনখৎহন্নবা অমসুং ঐখোয়গী স্ত্রেতেজিক ইন্তরেস্তশিং উৎলিবা মিনিস্তরেল এঙ্গেজমেন্ত চাং নাইনা পাংথোক্নবা মখা চত্থখিগনি। ঐখোয়না অপুনবা শক্তি হেনগৎহন্নবা দিফেন্স অমসুং সেক্যুরিতী কোলাবোরেসনগী অশাংবা মতমগী ভিজন অমা খঙই। অসিগুম্বা মতেং পীনবা অসিনা লৈবাক অনিমক্কী সেক্যুরিতীদা মতেং পাংগনি অমসুং রিজনেল শান্তি অমসুং সেক্যুরিতীদা মরুওইবা মতেং পাংগনি।

ঐখোয়না ঐখোয়গী মপুংফাবা দিফেন্স কোওপরেসন মপাঙ্গল কনখৎহন্নবা, স্ত্রেতেজিক দাইলোগ মপুং ফাহন্নবা অমসুং কোওপরেসন হেন্না চেৎশিলহন্নবা, মখাদা পীরিবশিং অসি য়াওনা লেপ্লি:

a. ইন্দো-পেসিফিক্তা শেয়র তৌরিবা ইন্তরেস্তশিং শোকহল্লিবা দিফেন্সকা মরী লৈনবা দিবেলপমেন্তশিংগী মতাংদা খন্ন-নৈনবগী অচেৎপা ৱাফম;

b. পার্তনরশিং য়াওনা ঐখোয়গী দিফেন্স এক্সরসাইজশিংগী কমপ্লেক্সিতী হেনগৎহনবা;

c. ঙাকশেলগী লান্মীশিংগী মরক্তা ইন্তরপোরেবিলিতী অমসুং ইনফোর্মেসন শেয়র তৌনবা হোৎনরিবশিং য়াংশিনবা;

d. অমগা অমগগী টেরিটোরিদগী এয়রক্রাফ্ট থাদোকপা হেনগৎহনবা;

e. দিফেন্স ফোর্স পর্সোনেলশিংগী মরক্তা মরী হেন্না চেৎশিলহনবা, এক্সচেঞ্জ, এজুকেসন অমসুং ত্রেনিং অমসুং লায়না শন্দোকপগী থৌদাং য়াওনা; অমসুং

f. ঙাকশেলগী লমদা হৈ-শিংলবা শিন্মীশিং লৌবদা মতেং পীনবগী খুদোংচাবশিং য়েংশিনবা।

ঐখোয়না সমুদ্রগী লম অসি ঐখোয়গী ঙাকশেল, ঙাকশেল অমসুং শেন্মিৎলোনগী ইন্তরেস্তশিংগী মরুওইবা মফম অমা ওইরি খঙই অমসুং সমুদ্রগী ঙাকশেলগী লমদা পুন্না থবক তৌমিন্নবগী মওং-মতৌ, অওনবা অমসুং চাং নাইবা হেনগৎহল্লগনি। ঐখোয়না ইন্দিয়া-ওস্ত্রেলিয়া মেরিতাইম সেক্যুরিতী কোলাবোরেসন রোদমেপ অমগী খুত্থাংদা মেরিতাইম কোওপরেসন মপাঙ্গল কনখৎহল্লগনি।

ঐখোয়না ইন্তিগ্রেসন, ইন্দস্ত্রী এঙ্গেজমেন্ত অমসুং সপ্লাই চেনগী রেসিলিয়েন্স শেমগৎপা হেনগৎহন্দুনা নাকল অনিমক্কী দিফেন্স ইন্দস্ত্রীশিংগী হেনগৎলক্লিবা শিক্তিশিং অদু শৌগৎকনি। ঐখোয়না ঐখোয়গী দিফেন্স ইন্নোবেসন ইকোসিস্তেমশিংগী মরক্তা তেংবাং পীনবা হেঙ্গৎহল্লগনি অমসুং এদভান্স দিফেন্স সাইন্স অমসুং তেক্নোলোজী তেংবাং পীনবগীদমক থৌরাংশিং য়াৎকনি।

কনফ্লিক্টশিং থীংনবা, রিলিফ অমসুং রিকভরিগী থবকশিং পাংথোকপদা অমসুং তুং কোইনা চৎকদবা শান্তি অমা শেমগৎপদা নুপীশিংনা মগুন লৈনা শরুক য়াবা অমসুং লুচিংবা অমা ওইহন্নবা ঐখোয়না থবক তৌগনি। ঐখোয়না শান্তি থম্নবা থবকশিংদা জেন্দর ইক্বেলিতি ঙাক্নবা অমসুং ৱুমেন, পিস অমসুং সেক্যুরিতী এজেন্দাদা খুমাং চাউশিলহন্নবা ঐখোয়গী অচেৎপা ফিরেপ অদু অমুক হন্না ফোংদোক্কনি।

ঐখোয়না রিজনেল ইকোনোমিক প্রোসপেরি অমসুং রেসিলিয়েন্সপু সপোর্ত তৌনবা বাইলেতরেল ওইনা অমসুং পার্তনরশিংগা লোইননা কোওপরেসন তৌনবা ৱাশক্লি। ঐখোয়না মখল-মখা কয়াগী অমসুং রেসিলিয়েন্ত সপ্লাই চেন, মরুওইবা ইনফ্রাস্ত্রকচর অমসুং কনেক্তিবিতী, মরুওইবা মিনরেলশিং অমসুং ক্লিন ইনর্জী তেক্নোলোজীশিং য়াওনা শেমগৎলগনি।

ঐখোয়না তেক্নোলোজীগী ফিভম অমা শেমগৎপদা পুন্না থবক তৌমিন্নগনি। মসিনা সেক্যুর অমসুং রেসিলিয়েন্ত ইন্দো-পেসিফিক অমগীদমক ঐখোয়গী অপুনবা মিৎয়েং অদু ফংলগনি। ঐখোয়না সাইবর সেক্যুরিতী অমসুং ক্রিতিকেল অমসুং ইমেজিং তেক্নোলোজী কোওপরেসন অমসুং ইনফোর্মেসন শেয়রিং মেকানিজমগী পোতেন্সিএল অসি সাইবর, ক্রিতিকেল তেক্নোলোজীশিং অমসুং সপ্লাই চেনশিংদা ওস্ত্রেলিয়া-ইন্দিয়া পার্তনরশিপ (ওস্ত্রেলিয়া-ইন্দিয়া পেক্তস) গী মখাদা শীজিন্ননবা পুন্না থবক তৌমিন্নগনি অমসুং স্ত্রেতেজিক তেক্নোলোজীশিংদা মতেং পীনবা হেনগৎহল্লগনি।

ঐখোয়গী লমদম অসিদা লৈরিবা এন্তিতীশিং অমসুং মীওইশিং য়াওনা তেরোরিস্তকী খুদোংচাদবশিংগী মতাংদা ইনফোর্মেসন শেয়র তৌনবা হেনগৎনবা অমসুং সেক্তরশিংদা হিংসাগী ওইবা এক্সত্রিমিজম অমসুং তেরোরিজম থেংননবা হেন্না চেৎশিল্লবা কোলাবোরেসনগী খুদোংচাবশিং থিজিনবা ঐখোয়না ৱাশক্লি। মসিগী মনুংদা মখাদা পীরিবা অসিসু য়াওরি:

a. অনৌবা অমসুং হৌরক্লিবা তেক্নোলোজী;

b. তেরোরিজম শেল থাদবা;

c. মরুওইবা ইনফ্রাস্ত্রকচর অমসুং মী কুংনা তাবা মফমশিং;

d. মেরিতাইম দোমেন; অমসুং

e. ওনলাইন রেদিকেলাইজেসন।

ঐখোয়না ২০২৩দা খুৎয়েক পীনখিবা মাইগ্রেসন অমসুং মোবিলিতী পার্তনরশিপ এরেঞ্জমেন্তকী মখাদা ঐখোয়গী তেংবাং পীনবা মখা চত্থখিগনি। মসিদা ইরিগুলর মাইগ্রেসন, মী ললোনবা থিংনবা তেংবাং পীনবগী পাম্বৈশিং য়াৎলি। ত্রান্সনেস্নেল ওর্গানাইজ ক্রাইম থেংননবা ঐখোয়না মতেং পাংমিন্নবা মখা চত্থখিগনি।

ঐখোয়না ন্যুক্লিয়র খুৎলাইশিং য়াওদবা শান্তি লৈবা মালেম অমা পাম্মি অমসুং মসিগীদমক ঐখোয়না ন্যুক্লিয়র খুৎলাইশিং শন্দোক্তবা অমসুং মালেম শীনবা থুংনা, মপুং ফানা, খেৎনবা লৈতনা অমসুং ভেরিফাই তৌবা য়াবা ন্যুক্লিয়র দি-অরামিনেসনগীদমক ঐখোয়গী অচেৎপা ফিরেপ অদু অমুক হন্না ফোংদোক্লি।

ইন্দো-পেসিফিক ওসিন ইনিসিএতিবকী খুত্থাংদা ত্রাইলেতরেল কোওপরেসন মেকানিজমশিং অমসুং পার্তনরশিংগা লোয়ননা হেন্না চেৎশিল্লবা এঙ্গেজমেন্ত য়াওনা ইন্দো-পেসিফিককী অতোপ্পা পার্তনরশিংগা মখা তানা কোওপরেসন তৌননবা ঐখোয়না ৱাশক্লি। ঐখোয়না য়ুনাইতেদ স্তেৎস ওফ অমেরিকা অমসুং জপানগা লোয়ননা ঐখোয়গী কোওপরেসন হেঙ্গৎহল্লগনি। মসিনা ঐখোয়গী ওপন, স্তেবল, শান্তি লৈবা অমসুং চাউখৎপা ইন্দো-পেসিফিক রিজনগীদমক ঐখোয়গী পোজিতিব ভিজনগী মায়কৈদা কেপাসিতী অমসুং কোওপরেসন হেঙ্গৎহল্লগনি।

ঐখোয়না রিজনেল শান্তি, সেক্যুরিতী, প্রোসপেরেস অমসুং রেসিলাইএন্সকীদমক ঐখোয়গী শরুক য়ামিন্নরিবা থৌদাংবু মশক খঙলদুনা, খুদোংচাদবা থৌদোকশিংদা অথুবা মতমদা, কোওর্দিনেৎ অমসুং তুং কোইনা মতেং পাংনবা হ্যুমেনিতরিয়ান এসিস্তেন্স অমসুং দিজাস্তর রিলিফ (ঐচ.এ.দি.আর.) ঐখোয়না মখাদা পীরিবশিং অসি য়াওনা মতেং পীনবা হেনগৎহল্লগনি:

a. ই-পাউ লান্থোকনবা অমসুং এক্সপর্ত এক্সচেঞ্জ; অমসুং

b. ক্বাদ ইন্দো-পেসিফিক লোজিস্তিক নেতৱার্ক য়াওনা, অচৌবা মহৌশাগী ওইবা দিজাস্তরশিংদা সিবিলিয়ান রেস্পোন্সতা মতেং পাংলিবা, HADRগী জোইন্ত এক্সরসাইজশিং।

দিজাস্তর অমসুং ক্রাইসিসকী মতমদা, রিজনেল অমসুং গ্লোবেল ইভেক্যুএসন ওপরেসনশিং সপোর্ত তৌবা য়াওনা, কন্তিনজেন্সী প্লান্নিং, জোইন্ত রেস্পোন্স অমসুং কোওর্দিনেসনগী খুদোংচাবশিং শরুক য়ামিন্নবগী খুদোংচাবশিং থিজিনবা ঐখোয়না লেপ্লি।

ঐখোয়গী কমপ্রিহেন্সিব স্ত্রেতেজিক পার্তনরশিপকী ৱাখল্লোন্দা, ঐখোয়না শান্তি লৈবা অমসুং স্তেবল ওইবা ইন্দো-পেসিফিক রিজন অমা শৌগৎনবগীদমক এম্বিসিয়স এজেন্দা অসি ইমপ্লিমেন্ত তৌবদা মপুং ফানা লেপ্লি।

 ***