ময়াম পুম্নমকপু খুরুমজরি!

ঙসি হোল অসিদা ভারত অমসুং ওস্ত্রেলিয়াগী বিজিনেস পাৱর অমসুং বিজিনেস এম্বিসনগী শোকেস অসি পুন্না লাক্লে। মফম অসিদা নখোয়না লৈরিবা অসি ঐখোয়গী সেয়র তৌরবা থাজবা অমসুং সেয়র তৌরবা এস্পিরেসনশিংগী খুদম্নি।

ঙসি মালেম অসি শোয়দ-ঙামদবা, সপ্লাই চেন শোকপা অমসুং ইনর্জিগী ক্রাইসিসকি মতম অমা লাক্লি। অসিগুম্বা মতম অসিদা ভারত অমসুং ওস্ত্রেলিয়ানা মহৌশাগী ওইবা অমসুং থাজবা য়াবা পার্ত্নর অমা ওইনা মাংলোমদা চঙশিনবা অসি মহৌশাগী ওইবা অমদি তঙাইফদবা অনিমক ওইরি।

চহি কয়াদগী ঐখোয়না লৈবাক অনিমককি তৌবা ঙম্বশিংদা য়ুম্ফম ওইদুনা তুংগী পার্ত্নরশিপকি অচেৎপা ফ্রেমৱার্ক অমা শেমগৎলে। ২০২২দা রেকোর্দ ওইবা মতমদা খুৎয়েক পিনখিবা এ.সি.তি.এ.গী য়ানচে অসিনা ঐখোয়গী ইকোনোমিক পার্ত্নরশিপ অসি হেন্না মপাঙ্গল কনখৎহল্লে। মসি চৎনবা হৌরকপদগী ভারত্তগী ওস্ত্রেলিয়াদা এক্সপোর্ত অসি শরুক অনি হেনগৎলে, অমসুং লৈবাক অনিমক্কি বিজিনেসশিংনা অনৌবা কৈথেলগী খুদোংচাবা ফংবদগী কান্নবা ফংলে।

অদুবু ঐখোয়না মফম অদুদা লেপচবা নত্তে। ঐখোয়না হৌজিক অপুনবা এস.আই.সি.এ.গী য়ানচে অদু লোয়শিনবগী মায়কৈদা মাংলোমদা চঙশিল্লি। হোৎনরিবশিং অসিগী খুত্থাংদা লৈবাক অনিমক্কি সরকারশিংনা অনৌবা রনৱে অমা শেম্লে।

হৌজিক ইনভেস্তমেন্ত অমসুং ইনোবেসনগী প্লেন অসি লম্বি অসিদা খোঙদানবা শেম শারে। অমসুং অদোম পূম্নমক্না মসিবু অনৌবা অৱাংবা থাক্তা পুখৎকদবনি।

মরুপশিং,

মফম অসিদা ক্লিন ইনর্জি কম্পেনি কয়া অমা য়াওরি। ঐখোয়না ভারত্তা হায়দ্রো প্রোজেক্তশিং, গ্রীন হায়দ্রোজেন, সোলর মোদ্যুলশিং, অমসুং ৱাইন্দমিলশিংগীদমক মেন্যুফেকচরিং ইকোসিস্তেম অমা শেমগৎলি।

ভারতনা ২০৩০ ফাওবদা রিন্যুএবল ইনর্জি গীগাৱাৎ ৫০০ অমসুং ২০৭০ ফাওবদা নেৎ জিরোগী পান্দম থম্লি, ওস্ত্রেলিয়াগী তেক্নোলোজি, কেপিতেল, অমসুং রিসোর্সশিংনা ত্রাঞ্জিসন অসি খোঙজেল য়াংশিলহনবা ঙমগনি।

থা খরগী মমাঙদা ভারতনা শান্তি এক্তকি খুত্থাংদা লন্নাইগী কম্পেনিশিংদা ন্যুক্লিয়র সেক্তর হাংদোকখি। ঐখোয়না ২০৪৭ ফাওবদা ন্যুক্লিয়র ইনর্জি গিগাৱাৎ ১০০ পিনবা পান্দম থম্লি, ওস্ত্রেলিয়াগী অচৌবা য়ুরেনিয়ম রিজর্ভরশিং অসি ভারতকি ন্যুক্লিয়র খোঙচৎকা হকথেংননা মরি লৈনৈ। মসি ঐখোয়না হীরম অসিদা তেংবাং পিনবা পাকথোক চাওথোকহন্নবগী পুৱারি ওইরবা তাঞ্জা অমনি।

ভারতনা হীথাংফমশিং, এয়রপোর্তশিংশিং, লম্বিশিং, রেলৱেজ, অমসুং অরবান ইনফ্রাস্ত্রকচরদা মতম শাংনা ওস্ত্রেলিয়াগী ইনভেস্তর্শিংগীদমক্তা খুদোংচাবা কয়া অমা পিরি। ঙসিদি ভারত্তা নেস্নেল হায়ৱেশিং অসি নোংমাদা চাওরাক্না কিলোমিতর ৩৪গী খোঙজেলদা শারি। নুমিৎ খুদিংগী কিলোমিতর ৮ হেন্না শাংবা রেলৱে ত্রেক শেম্লি। মসি স্কেল, স্পীদ অমসুং স্তেবিলিতিগী কম্বিনেসন অমনি।

স্তীল সেক্তরদা ঐখোয় হান্নদগী অচেৎপা পার্ত্নর ওইরক্লি। ভারত অসি মালেমগী অনিসুবা খ্বাইদগী চাওবা ক্রুদ স্তীল পুথোকপা লৈবাক অমনি। ঐখোয়না পুন্না লো-কারবোন এলুমিনিয়ম, গ্রীন আইরন, অমসুং ক্লিন মেন্যুফেকচরিংদা থবক তৌবা য়াই।

ভারত সরকারনা এ.আই.গী মিসন, ক্বান্তম মিসন, অমসুং সেমিকন্দক্তর প্রোগ্রামগী মখাদা দোল্লর বিলিয়ন ১০ হেন্না মতেং পিখ্রে। দেতা সেন্তরশিং, এ.আই., ক্বান্তম, সেমিকন্দক্তরশিং, অমসুং দিজিতেল পব্লিক ইনফ্রাস্ত্রকচরগী লমদা ঐখোয়না পুন্না মালেমগী ওইবা সোলুসনশিং শেমগৎপা য়াই।

ওস্ত্রেলিয়াগী পেন্সন ফন্দশিংনা ঙসি দোল্লর ত্রিলিয়ন ৪ হেনবগী এসেৎশিং মেনেজ তৌরি। ভারত্তা পেন্সন সেভিং অসি শেংলবা ত্রস্ত অমা ওইনা লৌই। ঐখোয়না মসি কেপিতেল খক্তাা নত্তনা ইমুং লাখ কয়াগী থাজবা ওইনা লৌই। ভারতনা অদোমগী ফন্দশিংদা অশোই-অঙাম য়াওদবা, তংদু লৈতাবা অমসুং তুং কোয়না চৎকদবা গ্রোথকি খুদোংচাবা পিরি। ঐখোয়না হোৎনরিবা অসি অসি অদোমগী থাজবা হেনগৎহনবনি, অমসুং অদোমগী কেপিতেলসু হেনগৎহনবনি।

এজুকেসন অমসুং স্কীলদা ঐখোয়গী লৈবাক অনিগী মরক্তা মহৌশাগী ওইবা সিনের্জি অমা লৈরি। দেকিন য়ুনিভর্সিতি অমসুং ৱোলোংগোং য়ুনিভর্সিতিনা জি.আই.এফ.তি. মসিনা ভারত্তা মখোয়গী থাজবা অদু উৎলি। ঐখোয়গী সেয়র তৌরবা পান্দমদি মহৈরোয়শিংগী মোবিলিতিবু তেলেন্ত পার্ত্নরশিপতা ওন্থোকপা ওইগদবনি।

মরুপশিং,

হীরম পুম্নমক অসিদা মাংলোমদা চঙসিননবা ঐখোয়না অতোপ্পা মরুওইবা দাইমেন্সন অমদা মিৎয়েং চংগদবনি। ঐখোয়গী পার্ত্নরশিপশিং অসি কেপিতেল অনি নৎরগা শহর খরখক্তদা থমগদবনি। ঐখোয়না ঐখোয়গী রাজ্যশিং, শহরশিং, য়ুনিভর্সিতিশিং, অমসুং ইন্দস্ত্রিশিং-পুম্নমক স্তেকহোলদর ওইহনগদবনি।

ঐখোয়না ৱেস্তর্ন ওস্ত্রেলিয়াগী মরুওইবা মিনরেলশিংগী পাঙ্গল অসি ওরিশা অমসুং গুজরাতকি মেন্যুফেকচরিং কেপেবিলিতিশিংগা পুনশিনবা য়াই। ক্বিন্সলেন্দ অমসুং তাসমানিয়াগী ক্লিন ইনর্জি অমসুং এগ্রীকলচরেল এক্সপর্তশিংনা পঞ্জাব, তামিল নাদু, অমসুং অন্ধ্র প্রদেশকি রিন্যুএবল কোরিদোরশিং অমসুং ফুদ প্রোসেশিং ইকোসিস্তেমশিংদা অনৌবা ইম্পেক্তা অমা পিবা ঙমগনি। মহারাস্ত্র, কর্নাতকা, অমসুং তেলঙ্গনাগা লোয়ননা ন্যু সাওথ ৱেল্স অমসুং ভিক্তোরিয়াগী ফাইনান্স, এজুকেসন, মেদিকেল-তেক অমসুং ইনোবেসন ইকোসিস্তেমশিংনা মালেমগী ওইবা সোলুসনশিং শেমগৎপা ঙমগনি। সাওথ ওস্ত্রেলিয়াগী দিফেন্স, স্পেশ, অমসুং মেন্যুফেকচরিংগী তৌবা ঙম্বশিং অসিনা উৎতর প্রদেশ অমসুং কেরলাগা লোয়ননা অনৌবা খুদোংচাবশিং শেমগৎপা ঙমগনি।

অথুবা মতমদা ঐখোয়না মিৎয়েং চঙবা রাজ্য-রাজ্য অমসুং সেক্তর-সেক্তর পার্ত্নরশিপ খরা খঙদোক্নবা অমসুং মখোয়বু মাংলোমদা পুখৎনবা থৌরাংশিং শেমগৎনবা ঐনা তকশিল্লি।

মরুপশিং,

ঐখোয়না দেমোক্রেতিক ভেল্য়ুশিংদা য়ুমফম ওইবা অচেৎপা স্ত্রেতেজিক কনভরজেন্স অমা লৈরি অমসুং ইন্দো-পেসিফিককি সেয়র তৌরবা মিৎয়েং অমা লৈরি। ঐখোয়গী বিজিনেস পার্ত্নরশিপ অসি অনৌবা অৱাংবা থাক্তাা পুখৎনবা ঐখোয়না ৱাশক্লি। মসিগী থবক অসিদা অদোম পূম্নমক্না মরুওইবা থৌদাং লৌরি।

ঙসিগী ৱারি শানবা অসিনা অনৌবা ৱাখল্লোনশিং, অনৌবা পার্ত্নরশিপ, অমসুং অনৌবা কমিত্মেন্তশিং শেমগৎলগনি হায়না ঐনা থাজৈ।

অমুক্কা হন্না ঐহাক্না প্রধান মন্ত্রিবু মতম কায়থোক্তুনা থৌরম অসিদা শরুক য়াবিবগীদমক থম্মোই শেঙনা থাগৎপা ফোঙদোকচরি।

ময়াম পুম্নমকপু য়াইফ-পাওজেল পিজরি।

থাগৎচরি।

***