রিপব্লিক ওফ ইন্দোনেসিয়াগী রাস্ত্রপতি  ঐচ.ই. শ্রী প্রবোৱো সুবিয়ান্তোনা লাক্নবা হায়রকপদগী রিপব্লিক ওফ ইন্দিয়াগী প্রধান মন্ত্রি ঐচ.ই. শ্রী নরেন্দ্র মোদীনা ২০২৬কি জুলাই ৬-৮ ফাওবা ইন্দোনেসিয়াদা রাজ্যগী খোঙচৎ অমা চৎখ্রে। ভারতকি ৭৬সুবা রিপব্লিক দে সেলেব্রেসনগী অথোইবা মীথুংলেন ওইনা ২০২৫গী জনুৱারি ২৩-২৬ ফাওবা রাস্ত্রপতি প্রবোৱোনা ভারত্তা লাকখিবা রাজ্যগী খোঙচৎ অদুদা য়ুম্ফম ওইদুনা প্রধান মন্ত্রি মোদীগী খোঙচৎ অসিনা ইন্দিয়া-ইন্দোনেসিয়া কম্প্রেহেন্সিব স্ত্রেতেজিক পার্ত্নরশিপ অসিদা য়াম্না চাওবা ত্রাজেক্তারি অমা ফংনবা ফংনবগীদমক্তা লুচিংবা অনিগী শরুক য়ামীন্নরিবা ৱাশক অসি উৎপা মরুওইবা মায়লস্তোন অমা মশক তাকখ্রে।

2. খোঙচৎ অসিগী মতমদা প্রধান মন্ত্রি মোদীবু জকার্তাগী ইস্তানা মেরদেকাদানা তরাম্না ওকপগী থৌরম পরেং অমা পাংথোকখি। মসিগী মতুংদা রাস্ত্রপতি প্রবোৱো অমসুং প্রধান মন্ত্রি মোদীগী মরক্তা তেতে-এ-তেতে অমসুং দেলিগেসনগী থাক্তা ফোর্মেৎ অনীমক্তা নাকল অনিগী ওইবা ৱারি শানখি। রাস্ত্রপতি প্রবোৱোনা থৌবু ওইদুনা প্রধান মন্ত্রি মোদীগী ইকায়খুম্নবা উৎপা ওইনা রাজ্যগী থৌরম অমসু পাংথোকখি। ইন্দোনেসিয়াগী পার্লিয়ামেন্তকি হাওস ওফ রিপ্রজেন্তেতিবশিংগী স্পিকর ঐচ.ই. দোক্তর পুৱান মহারানিনা হায়রকপদগী প্রধান মন্ত্রিনা ইন্দোনেসিয়াগী পার্লিয়ামেন্ততা ৱা ঙাংখি। প্রধান মন্ত্রি মোদী অমসুং রাস্ত্রপতি প্রবোৱোনা য়োগ্যাকার্তাদা লৈবা য়ুনেসকো ৱার্ল্দ হেরিতেজ সাইত প্রম্বানন তেম্পল কম্পাওন্দশিংদা রিস্তোর তৌবা অমসুং কঞ্জরবেসনগী থবকশিং হৌদোকখি। লুচিংবা অনিনা ইন্দোনেসিয়াদা ভিজিতিং দিগ্নিতরীশিংবু ইকাই খুম্নবগী থৌরমদা ভারতকি মীশিংনা পাংথোকপা ওকপগী থৌরম অমদসু শরুক য়াখি।

পোলিতিকেল কোওপরেসন

৩.প্রধান মন্ত্রি মোদী অমসুং রাস্ত্রপতি প্রবোৱোনা ২০২৬কি জুলাই ৭তা জকার্তাগী ইস্তানা মেরদেকাদা ওফিসিএল ওইনা নাকল অনিগী ওইবা ৱারি শানখি। ওফিসিএল ওইবা ৱারি শানবা অদুদা নাকল অনিগী ইন্তরেস্তকি লমদম অমসুং মালেমগী ওইবা চাওখৎ-থৌরাংশিংগী মথক্তা রাজনিতিগী ওইবা মরি, ঙাকশেল অমসুং ঙাকশেলগী মতেং পিনবা, শমুদ্রগী তেংবাং পিনবা, ললোন-ইতিক অমসুং শেল থাদবা, দিজিতেল ইকোনোমী, সাইন্স অমসুং তেক্নোলোজি, স্পেস, মরুওইবা মীনরেলশিং, ইনর্জি, লৌউ-শিংউ, হকশেল, ফারমা, এজুকেসন, কলচর, তুরিজম, নহাশিংগী এক্সচেঞ্জশিং অমসুং মীয়ামগা মরি লৈনবা ৱাফমশিং য়াওনা নাকল অনিগী মরিগী মপূঙ ওইবা স্পেক্ত্রম অসি য়াওখি। মখোয়না ইন্দিয়া-ইন্দোনেসিয়া কম্প্রিহেন্সিব স্ত্রেতেজিক পার্ত্নরশিপ মখা তানা মপাঙ্গল কনখৎহন্নবা পান্দম থম্লিবা নাকল অনিগী দোকুমেন্ত কয়া অমা পিথোক-পিশিন তৌনবসু উবা ফংখি।

4. লৈবাক অনিগী স্ত্রেতেজিক এঙ্গেজমেন্তকি ইন্তেনসিতি হেনগৎহনবা পাম্লদুনা, অমসুং অৱাংবা থাক্কী একচেঞ্জশিং পাংথোকপগী মরুওইবা অদু খঙলদুনা, লুচিংবা অনিমক্না মল্তিলেতরেল ইভেন্তশিংগী মার্জিন য়াওনা চাং নাইনা শমীৎ মীফমশিং পাঙথোক্নবা য়ানখি।

5. লুচিংবা অনিমক্না হৌজিক লৈরিবা জোইন্ত ৱার্কিং গ্রুপকি মেকানিজমশিং মপাঙ্গল কনখৎহনবা অমসুং জোইন্ত কম্মিসনগী মীফম (জে.সি.এম.), ফোরেন ওফিশ কন্সলতেসন (এফ.ও.শি.) অমসুং অতৈ মীনিস্ত্রিশিং অমসুং সেনিয়র ওফিসিএলশিংগী ৱারি শাননবা মেকানিজমশিং অমসুং এক্সচেঞ্জশিং য়াওনা নাকল অনিগী ওইবা ৱারি শানবা মখা চত্থবগী মরুওইবসু ফোঙদোকখি।

6. লুচিংবা অনিমক্না মখোয় মশাগী পার্লিয়ামেন্তশিংদা ইন্দিয়া-ইন্দোনেসিয়া পার্লিয়ামেন্তরি ফ্রেন্দশিপ গ্রুপশিং লিংখৎপদা তরাম্না ওকখি অমসুং পার্লিয়ামেন্ত অনিগী মরক্তা মীহুৎ কাঙবুশিংনা চাং নাইনা চত্তুনা গনতন্ত্র অনিগী মরক্তা পার্লিয়ামেন্তরি এক্সচেঞ্জশিং হেনগৎহনবগী মথৌ তাবা অদু চেৎশিলহনখি।

7. লুচিংবা অনিনা লৈবাক অনিমক্কি থিঙ্ক তেঙ্কশিং, একাদেমিক ইন্সতিত্যুসনশিং, অমদি পোলিশিগী অখঙ-অহৈশিংগী মরক্তা নাকল অনিগী ওইবা ৱাখল্লোন অমসুং মরি ফগৎলকপা অসি তরাম্না ওকখি, মসিদা ২০২৫গী এপ্রিল ২৩দা জকারতাদা পাংথোকখিবা ৩সুবা ইন্দিয়া-ইন্দোনেসিয়া পোলিশি প্লানিং দাইলোগ, ২০২৫গী সেপ্তেম্বর ১৫-১৬তা জকারতাদা পাংথোকখিবা ২সুবা ইন্দিয়া-ইন্দোনেসিয়া ত্রেক ১.৫ দাইলোগ, অমসুং ২০২৫গী ওগশ্ৎ ৫-৬তা জকারতাদা পাংথোকখিবা জকারতা ফ্যুচর ফোরম্নচিংবা থৌরাংশিং য়াওরি।

দিফেন্স অমসুং মেরিতাইম কোওপরেসন

8. ভারত অমসুং ইন্দোনেসিয়া অসি শমুদ্রগী য়ুমলোন্নবশিংনি অমসুং অচেৎপা ঙাকশেলগী মতেং পিনবগা লোয়ননা স্ত্রেতেজিক পার্ত্নরশিংনি হায়বা খঙলদুনা, অমসুং ২০১৮দা “ইন্দো-পেসিফিক মেরিতাইম কোওপরেসনগী মতাংদা ভারত-ইন্দোনেসিয়াগী সেয়র তৌরবা ভিজন” এদোপ্ত তৌখিবা অদু নিংশিংলদুনা, লুচিংবা অনিমক্না দিফেন্স অমসুং মেরিতাইম পার্ত্নরশিপ অসি মখা তানা হেনগৎহন্নবা অমসুং পাকথোক চাওথোকহন্নবা মখোয়গী অচেৎপা ৱাশক অদু অমুক হন্না ফোঙদোকখি।

9. লুচিংবা অনিমক্না ২০২৫গী নবেম্বর ২৭তা নই দিল্লীদা ৩সুবা ঙাকশেল মন্ত্রিশিংগী ৱারি শানবা অসি তরাম্না ওকখি, অমসুং দিফেন্স কোওপরেসনগী ত্রেদিস্নেল অমসুং ইমর্জিং লম অনীমক্তা তেংবাং পিনবা মখা তানা মপাঙ্গল কনখৎহন্নবা অমসুং এঙ্গেজমেন্ত হেঙ্গৎহন্নবা য়ানখি, মসিদা চাং নাইনা ঙাকশেলগী মতাংদা ৱারি শানবা, অপুনবা এক্সরসাইজশিং, স্তাফশিংগী ৱারি শানবা, অপুনবা রিসর্চ অমসুং অনৌবা ঙাকশেল তেক্নোলোজিশিং পুন্না পুথোকপা, পোর্ত কোল, সান্তি থম্বগী থবক য়াওরি। থবক থৌরমশিং, ইনফোর্মেসন সেয়র তৌবা, হায়দ্রোগ্রাফি, কেপাসিতি বিল্দিং, কেদেৎ ত্রেনিং অমসুং একচেঞ্জশিং, অমসুং দিফেন্স ইনদস্ত্রিয়েল কোওপরেসন। ব্রহমোস মীসাইল সিস্তেমদা তেংবাং পিনবগী খুত্থাংদা য়াওনা দিফেন্স কোওপরেসন হেঙ্গৎহনবা, অমসুং এয়র-তু-এয়র মীসাইল কোওপরেসন এগ্রীমেন্ত য়াওনা মখোয়না তরাম্না ওকখি।

10. লুচিংবা অনিমক্না মেরিতাইম দোমেন এৱেয়রনেস (এম.দি.এ.), মেরিতাইম কনেক্তিবিতি, কোস্তেল সর্ভিলেন্স, হ্যুমেনিতরিয়ান এসিস্তেন্স অমসুং দিজাস্তর রিলিফ (ঐচ.এ.দি.আর.), পোলুস কন্ত্রোল অমসুং সর্চ এন্দ রেস্ক্যু (এস.এ.আর.)গী লমশিং য়াওনা লৈবাক অনিগী নাকল অনিগী ইন্তরেস্ত অমসুং প্রাইওরিতিশিংদা য়ুম্ফম ওইবা মেরিতাইম কোওপরেসন মখা তানা তরাম্না ওকখি, মসিনা লমদম অসিদা সান্তি, সেক্যুরিতি অমসুং নুংঙাই-য়াইফবা পিবদসু মতেং পাংলি। ইন্দো-পেসিফিক লমদমদা লৈবা য়ু.এস. লুচিংবা অনিমক্না মেরিতাইম সেফতি অমসুং সেক্যুরিতি কোওপরেসনগী মেমোরেন্দম ওফ অন্দরস্তেন্দিং (এম.ও.য়ু.) নৌনা শেমদোকপা অমসুং বকামলা আর.আই. অমসুং ইন্দিয়ন কোস্ত গার্দ য়াওহনবনি।

11. লুচিংবা অনিমক্না জোইন্ত এক্সরসাইজ অমসুং দিফেন্স ত্রেনিং প্রোগ্রামশিংগী স্ত্রেতেজিক অমসুং ওপরেস্নেল মরুওইবা অদু নোৎ তৌখি, অমসুং হৌজিক লৈরিবা নেভিগী কোওপরেসন অসি মখা তানা মপাঙ্গল কনখৎহনবগী মায়কৈদা পনখি। লুচিংবা অনিনা মখোয়গী মরি লৈনবা লৈবাক্কি আইন অমসুং চৎন-কাংলোনশিংগী মতুং ইননা, ১৯৮২গী য়ু.এন.সি.এল.ও.এস.তা য়াওনা ইন্তর্নেস্নেল লোগী প্রিন্সিপলশিংগী মতুং ইননা, নাকল অনিগী ইন্তরেস্তকি শমুদ্রগী ৱাফমশিংদা কন্সত্রক্তিবা ওইবা খন্ন-নৈনবা মখা চত্থবগী ওইথোকপা য়াবশিং অদু থিজিনবগী মরুওইবা অদু পনখি।

12. ইনফোর্মেসন ফ্যুজন সেন্তর-ইন্দিয়ন ওশিন রিজন (আই.এফ.সি.-আই.ও.আর.) গুরুগ্রামদা ইন্দোনেসিয়াদগী ইন্তর্নেস্নেল লাইএজন ওফিশর (আই.এল.ও.) অমা পোজিসন পিবদা লুচিংবা অনিমক্না তরাম্না ওকখি। শমুদ্রগী ঙাকশেলগী লমদা মতেং পিনবগী নাকল অনিগী কান্নগদবা লমশিং খঙদোক্নবা মখা তানা খন্ন-নৈনবা য়ানখি।

13. লুচিংবা অনিমক্না দিফেন্স ইন্দস্ত্রি অমসুং তেক্নোলোজিদা পুন্না থবক তৌমীন্নবা অসি তেংবাং পিনবগী মরু ওইবা হিরমশিংগী মনুংদা অমনি হায়না মশক খঙদোকখি অমসুং দিফেন্স ইনদস্ত্রিশিংগী মরক্তা খুৎশম্নবা পুন্না পুথোকপা, তেক্নোলোজি ত্রান্সফর, তেক্নিকেলগী মতেং অমসুং কেপাসিতি বিল্দিং, জহাজ শাবদা তেংবাং পিনবা য়াওনা দিফেন্স ইক্বিপমেন্তশিংগী সোরশিং, মান্নবা দিফেন্স প্লেৎফোর্মশিংগীদমক এম.আর.ও.গী খুদোচাবশিং ইস্তাব্লিসমেন্ত তৌবা,  আর.এন্দ.দিফেন্সকী ইস্তাব্লিসমেন্ত এক্সপ্লোর তৌবা অমসুং দিফেন্স সপ্লাই চেন ইকোসিস্তেম মপাঙ্গল কনখৎহনবদা তেংবাং পীননবশিং খংদোকখি। লুচিংবা অনিমক্না মীলিতরি হিদাক-লাংথকশিং সপ্লাইই তৌবগী মতাংদা আরম ফোরসেশ মেদিকেল ইস্তাব্লিশমেন্ত ওফ ইন্দিয়া অমসুং ইন্দোনেসিয়াগী মরক্তা ফার্মাসিয়ুতিকেল কোলাবোরেসন্দা প্রোগ্রেশ অদু তরাম্না ওকখি।

কাওন্তর তেরোরিজম অমসুং সেক্যুরিতি কোওপরেসন

14. লুচিংবশিংনা তেরোরিজম মওংশিং অমসুং উৎলিবা মতৌ পুম্নমক্তা ময়েক শেংনা অমসুং কন্না য়ানিংদবা ফোঙদোকখি। মখোয়না তেরোরিজম থেংননবা অপুনবা অমসুং তুং কোয়না চৎকদবা মওংদা অমসুং ইন্তর্নেস্নেল লোগী মতুং ইন্না অকনবা অমসুং পুন্না হোৎনমীন্ননবা তকশিনখি, অমসুং মসিগী মতাংদা মালেমগী ওইনা অথিংবা থম্লিবা তেরোরিস্তশিং, অমসুং য়ু.এন.এস.সি. ১২৬৭ সেঙ্কসন কম্মিতীদা লিস্তা য়াওখ্রবা তেরর ওর্গানাইজেসনশিংগী মায়োক্তা ৱায়েল চত্থনবগীসু তানখি।

15. তেরোরিজম ফাইনান্সিং থেংননবা হোৎনবা, মালেমগী ওইনা য়ানরবা এন্তি মনি লোন্দরিং অমসুং তেরোরিজমগী ফাইনান্সিং থেংননবা (এ.এম.এল./সি.এফ.তি.) স্তেন্দর্দশিং য়োকখৎপা, তেরোরিস্তকি পান্দমশিংগীদমক্তা অনৌবা অমসুং থোরক্লিবা তেক্নোলোজিশিং লান্না শিজিন্নবা থিংনবা, অমসুং তেরোরিস্তকি থবকশিং থেংননবা হোতনবা য়াওনা তেরোরিজম অমসুং হিংসাগী এক্সত্রিমিজম থিংবদা মতেং পিনবা হেনগৎহন্নবা লুচিংবশিংনা য়ানখি। রিক্রুইতমেন্ত, দিজিতেল প্লেতফোর্মশিংগী খুত্থাংদা ওনলাইন রিক্রুইতমেন্ত অমসুং রেদিকেলাইজেসন য়াওনা, অমসুং রেদিকেলাইজেসন থেংননবা অমসুং হিংশাগী এক্সত্রিমীজম (পি.ভি.ই.) প্রোগ্রামশিং থিংবদা মতেং পিনবা হেনগৎহনবা ৱাফম থমখি।

16. লুচিংবশিংনা তেরোরিজম থেংননবা জিরো-তোলরেন্স এপ্রোচ অমা থম্নবা হায়খি। তেরোরিজম ফাইনান্সিং চেনেলশিংদা অকায়বা পিনবা অমসুং য়ু.এন. অমসুং এফ.এ.তি.এফ.তা য়াওনা লৈবাক অনিগী অমসুং মল্তিলেতরেল কোওপরেসন মপাঙ্গল কনখৎহন্নবা মখা তানা এক্তিব ওইবা খোঙথাংশিং পায়খৎনবা অচেৎপা ৱাশক অদু অমুক হন্না ফোঙদোকখি।

17. তেরোরিজম অমসুং ত্রান্সনেস্নেল ওর্গনাইজ ক্রাইমগী মরক্তা লৈরিবা মরিশিং অসি খঙলদুনা লুচিংবা অনিনা ইনফোর্মেসন অমসুং খ্বাইদগী ফবা থবকশিং সেয়র তৌবা য়াওনা মখোয়গী মরি লৈনবা দোমেস্তিক লোশিং অমসুং ইন্তর্নেস্নেল ওবলিগেসনশিংগী মতুং ইন্না তেংবাং পিনবা হেনগৎহন্নবা য়ানখি। অথুবা মতমদা খুৎয়েক পিনগদৌরিবা লৈবাক অনিগী মরক্তা তেরোরিজম থেংননবা তেংবাং পিনবগী এম.ও.য়ু. য়াওবদসু তরাম্না ওকখি।

18. সেক্যুরিতিগা মরি লৈনবা ৱাফমশিং মপূঙ ফানা খন্ননবা প্লেৎফোরম অমা ওইনা ৩সুবা ইন্দিয়া-ইন্দোনেসিয়া সেক্যুরিতি দাইলোগ (আই.আই.এস.দি.) হায়নবা থৌরাং তৌরিবা অদু লুচিংবশিংনা তরাম্না ওকখি। ৱারি শানবা অসিগী খুত্থাংদা লৈবাক অনিনা তেরোরিজম, ওর্গনাইজ অমসুং ত্রান্সনেস্নেল ক্রাইম, ইমর্জিং তেক্নোলোজি অমসুং সাইবর সেক্যুরিতি, অমসুং দিফেন্স ইন্দস্ত্রি, মেরিতাইম, অমসুং স্পেস কোওপরেসন থেংনবদা নাকল অনিগী ওইবা তেংবাং পিনবা চাওনা হেনগৎহন্নবা ৱারেপ লৌখি।

19. লুচিংবা অনিমক্না পোলিশি দাইলোগ, কেপাসিতি বিল্দিং, দিজিতেল পব্লিক ইনফ্রাস্ত্রকচর, ফাইনান্সিএল তেক্নোলোজি, দিজিতেল ইকোনোমী, আর্তিফিসিএল ইনতিলিজেন্স, দিজিতেল ফোরেন্সিক্স অমসুং কম্প্যতর ইমরজেন্সি রেসপোন্স তিম (সি.ই.আর.তি.)গী মতেং পিনবা, মরুওইবা ইনফোর্মেসন ইনফ্রাস্ত্রকচর ঙাকথোকপা অমসুং দিজিতেল স্কীলশিংদা কেপাসিতি বিল্দিংগী মতাংদা খ্বাইদগী ফবা প্রেক্তিশশিং সেয়র তৌবা অমসুং এক্সপর্তশিং পিথোক-পিশিন তৌনবগী খুত্থাদা মখা তানা খন্ন-নৈনবদসু য়ানখি।

ইকোনোমিক অমসুং ত্রেদ কোওপরেসন

20. ইকোনোমিক অমসুং ত্রেদ কোওপরেসন অসি ভারত-ইন্দোনেসিয়াগী দাইনামিক ওইবা মরিশিংগী মরুওইবা য়ুম্বী অমা ওইদুনা লৈরি হায়না লুচিংবশিংনা ফোঙদোকখি। লুচিংবা অনিমক্না ভারতকি ভিজন ‘বিকসিত ভারত ২০৪৭’ অমসুং ‘ইন্দোনেসিয়া ইমাজ ২০৪৫’গী মরক্তা পাক চাওরবা ইকোনোমিক অমসুং দিবলপমেন্ত সিনর্জিশিং, অমসুং অচৌবা সেনমীৎলোনগী খুদোংচাবশিং হাংদোক্নবা লৈবাক অনিগী মরক্তা পাক চাওরবা অমসুং হেন্না লুরবা ইকোনোমিক ইনতিগ্রেসনগী থৌদাং অদু শকখঙখি। মসিগী মায়কৈদা লুচিংবশিংনা অপাম্বা ফোঙদোকখি মদুদি মতম চানা আসিয়ান ইন্দিয়া ত্রেদ ইন গুদ্স এগ্রীমেন্ত (এ.আই.তি.আই.জি.এ.) রিভিয়ু অসি বেলেন্স ওইবা, নাকল অনিমক্কি কান্নবা অমসুং খুদোংচাদবা ত্রেদ এনভাইরনমেন্ত অমগীদমক লোয়শিন্নবা অপাম্বা ফোঙদোকখি, মদুগী মতুংদা নাকল অনিগী ললোন-ইতিক হেনগৎহন্নবা অপুনবা নাকল অনিগী ওইবা ললোন-ইতিক্কী থবক্তা অচেৎপা মরি অমা থম্নবা অপাম্বা ফোঙদোকখি।

21. লুচিংবা অনিমক্না ত্রেদ অমসুং ইনভেস্তমেন্তকি ৱার্কিং গ্রূপ (দবল্য়ু.জি.তি.আই.)গী ২সুবা মীফম, ৪সুবা চহিগী ত্রেদ মীনিস্তরশিংগী ফোরম (বি.তি.এম.এফ.), অমসুং জোইন্ত ইকোনোমিক অমসুং ফাইনান্সিএল দাইলোগা (ই.এফ.দি.)গী ১সুবা মীফম ২০২৬তা হায়বা য়াওনা হৌজিক লৈরিবা নাকল অনিগী ইকোনোমিক মেকানিজমশিং মপূঙ ফানা শিজিন্নবা অমসুং মপাঙ্গল কনখৎহনবগী মথৌ তাবা অদুদা অকনবা ৱাফম থমখি। মখোয়না নোৎ তৌখি মদুদি মেকানিজমশিং অসিনা লেমহৌরিবা তেরিফ অমসুং নন-তেরিফকি ৱাফমশিং থেংনবদা, কৈথেলদা য়ৌবা ফগৎহন্নবা, ললোন-ইতিক অমসুং শেল থাদবদা লাইথোকহন্নবা, অমসুং শেল-থুম, দিজিতেল ইকোনোমী, ইনদস্ত্রি অমসুং সপ্লাইই চেনশিংদা তেংবাং পিনবা মাংলোমদা পুখৎনবা, লৈবাক খুদিংমক্কি দোমেস্তিক রেগুলেসনশিং অমসুং চাওখৎ-থৌরাংগী মরুওইবশিং ইকায়খুম্নবা উৎপদা কন্ত্রেক্ত অমসুং বিজিনেস-ওরিএন্তেদ আওৎকমশিং ফংনবগী মায়কৈদা থবক তৌগদবনি।

22. লুচিংবা অনিনা মরুওইবা মীনরেলশিং অমসুং রেয়র আর্থশিংদা পুন্না থবক তৌমিন্নবদা হেন্না মপাঙ্গল কনখৎহনবগী মরুওইবা অদু ফোঙদোকখি অমসুং দোমেস্তিক মেন্যুফেকচরিং ইনদস্ত্রিশিংগী চাওখৎপদা তঙাই ফদবা তোপ তোপ্পা অমসুং রেজিলিয়েন্ত সপ্লাইই চেনশিং শেমগৎপদা মীৎয়েং থমদুনা খুদোংথিবা হন্থহনবা অমসুং শেন্মীৎলোনগী ঙাকশেল মপাঙ্গল কনখৎহনবগী মায়কৈদা মীৎয়েং থমখি। লুচিংবশিংনা রেয়র আর্থতা লৈবাক অনিগী মরক্তা হেন্না চাওখৎলক্লিবা পুন্না থবক তৌমিন্নরিবা অসি থাগৎখি, অমসুং মসিগী মতাংদা নন-ফেরস মেতরিএল্স তেক্নোলোজি দিবেলপমেন্ত সেন্তর (এন.এফ.তি.দি.সি্.), মীদৱেস্ত লিমিতেদ, অমসুং পি.তি. পেরুসহান মীনরেল নেসনেল (পরমিনস)পু তরাম্না ওক্তুনা খুৎয়েক পীনখি।

23. স্তীল সপ্লাই চেনগী মীনরেল অমসুং তেক্নোলোজিগী লমদা তেংবাং পিনদুনা এম.ও.য়ু. খুৎয়েক পিনবদসু লুচিংবশিংনা তরাম্না ওকখি । মখোয়না স্তীল ওথোরিতি ওফ ইন্দিয়া লিমিতেদ (এস.এ.আই.এল.) অমসুং ইন্দোনেসিয়াদা স্তেনলেস-স্তিল স্লেব মেন্যুফেকচরিং ফেসিলিতি লিংখৎনবা পি.তি. কাক্রাতাও স্তীল এক্সপ্লোর তৌনবা স্ত্রেতিজিক জোইন্ত ভেঞ্চরবুসু তরাম্না ওকখি।

24. রিজর্ব বেঙ্ক ওফ ইন্দিয়া অমসুং বেঙ্ক ওফ ইন্দোনেসিয়াগী মরক্তা লোকেল করেন্সী ত্রাঞ্জেক্সন (এল.সি.তি.) গাইদলায়নশিং ইমপ্লিমেন্ত তৌবগী মায়কৈদা পুরকপা প্রোগ্রেশ অদু লুচিংবা অনিনা তরাম্না ওকখি। মখোয়না নোৎ তৌখি মদুদি মসিনা ভারত অমসুং ইনদোনেসিয়াগী মরক্তা ললোন-ইতিক অমসুং শেল থাদবা মখা তানা হেনগৎহনগনি অমসুং ইকোনোমী অনিগী মরক্তা ফাইনানসীএল ইন্তিগ্রেসন মপাঙ্গল কনখৎহনগনি।

হকশেল, ফার্মা, ফুদ অমসুং ইনর্জি সেক্যুরিতি

25. লুচিংবা অনিমক্না ইন্দোনেসিয়াদা পোতেন্সীয়েল লোজিস্তিক দিস্ত্রিব্যুসন প্লেৎফোর্ম অমা ওইনা রেদা অমসুং হোয়ৎ কোওপরেতিবা নেতৱারক্কি মরুওইবা অদু নোৎ তৌখি, মসিনা অতোপ্পা কয়াগী মরক্তা লৈবাক অনিমক্কি ফারমাশ্য়ুতিকেলশিং অমসুং মেদিকেলগী প্রদকশিং, মখোয় মশাগী দোমেস্তিক লো অমসুং রেগুলেসনগী মতুং ইন্না য়ৌহনগনি।

26. লুচিংবা অনিনা হেল্থ সেক্তরগী মতেং পিনবা মপাঙ্গল কনখৎহন্নবা মখোয়গী ৱাশক অদু অমুক হন্না ফোঙদোকখি অমসুং প্রোফেস্নেল হেল্থ ৱারকফোর্স দিবেলপমেন্তকি ইমপ্লিমেন্তেসন এরেঞ্জমেন্ত খুৎয়েক পিনবদা তরাম্না ওকখি। এরেঞ্জমেন্ত অসিনা প্রোফেস্নেলশিংগীদমক্তা ফেলোশিপ প্রোগ্রামশিং অমসুং স্কীল হেনগৎহনবগী প্রোগ্রামশিং লাইথোকহনবা, অখন্নবা মেদিকেল ফিল্দশিংদা খুৎনা ক্লিনিকেল ত্রেনিং পিবা, হেল্থ প্রোফেস্নেলশিং অমসুং এক্সপর্তশিংগী এক্সচেঞ্জশিং, মেদিসিন অমসুং হেল্থ সর্ভিসশিংদা খ্বাইদগী ফবা প্রেক্তিশশিং সেয়র তৌবা, অমসুং অতোপ্পা নাকল অনিমক্না য়ানরবা পুন্না থবক তৌমীন্নবগী থবকশিংগী খুত্থাংদা তেংবাং পিনবদা মপাঙ্গল কনখৎহনগনি। প্রোসেশ তৌরবা ফুদ প্রদকশিংগী লমদা রেগুলেতরি কোওপরেসনগী মতাংদা বি.পি.ও.এম. অমসুং এফ.এস.এস.এ.আই.গী মরক্তা য়ানখিবা এম.ও.য়ু. থুনা য়াওহন্নবা তকশিনখি।

27. লৈবাক খুদিংমক্কি দোমেস্তিক পোলিশিশিংবু ইকায় খুম্নবগা লোয়ননা ফুদ সেক্যুরিতি অমসুং ন্যুত্রিসনগী লমদা তেংবাং পিনবা হেন্না চেৎশিলহন্নবা লুচিংবশিংনা য়ানখি। নাকল অনিমক্না য়ানরবা মতুং ইননা ফুদ অমসুং এগ্রীকলচর ত্রেদ, জোইন্ত স্তদিজ, ইনোবেসন, অমসুং নোলেজ সেয়র তৌদুনা সস্তেনেবল অমসুং রেজিলিয়েন্ত ফুদ সিস্তেমশিংদা মতেং পাংনবা য়াওনা লৌউ-শিংউ অমসুং ফুদ সেক্যুরিতিদা তেংবাং পিনবা হেনগৎহন্নবা হোৎনরিবশিং অদু তরাম্না ওকখি। লুচিংবশিংনা এগ্রীকলচর অমসুং এলাইদ সেক্তরগী লমদা তেংবাং পিনবগী মতাংদা এম.ও.য়ু. ঙন্না লোয়শিনবা, অমসুং মেরিন অমসুং ফিসরিজ কোওপরেসনগী লমদা এম.ও.য়ু. ঙন্না নৌনা শেমদোকপা ঙাইদুনা লৈখি।

28. হিদাক-লাংথক অমসুং মেদিকেলগী প্রদকশিংগী লমদা হৌজিক চত্থরিবা পুন্না থবক তৌমীন্নরিবা অসিবু লুচিংবশিংনা তরাম্না ওকখি। মেদিকেল প্রদক্ত রেগুলেসনগী লমদা তেংবাং পিনবগী মতাংদা সি.দি.এস.সি.ও. অমসুং বি.পি.ও.এম. গী মরক্তা এম.ও.য়ু. তৌনবদা তারম্না ওকখি।

29. ফর্তিলাইজর সেক্তরদা তেংবাং পিনবা মপাঙ্গল কনখৎহন্নবা লুচিংবশিংনা য়ানখি অমসুং মালেমগী কৈথেলগী ফিভম ফগৎলকপগী মরক্তা তংদু লৈতাবা, মমল হোঙবা অমসুং থাজবা য়াবা ফর্তিলাইজর ফংহনবগী মরুওইবা অদু ফোঙদোকখি।

30. নাকল অনিমক্না নাকল অনিনা য়ানখিবা মতুং ইন্না কন্ভেনস্নেল, ন্যু অমসুং রিন্যুএবল ইনর্জি য়াওনা ইনর্জি সেক্যুরিতিগী লমদা তেংবাং পিনবা, অপুনবা স্তদিশিং, অমসুং কেপাসিতি বিল্দিংগী লমদা মখোয়গী ৱাশক অদু অমুক হন্না চেৎশিলহল্লে অমসুং এল.এন.জি., গ্রীন হায়দ্রোজেন, বাইওইনর্জি, সোলর ইনর্জি, অমসুং ইনর্জি ইফিসিএন্সি তেক্নোলোজিশিংগুম্বা হিরমশিংদা পুন্না থবক তৌমিন্নবা হেনগৎলকপা অসি তরাম্না ওকখি।

ইনফ্রাস্ত্রকচর অমসুং কনেক্তিবিতি

31.লুচিংবা অনিমক্না ২০২৬কি অনিসুবা চয়োলদা পাঙথোক্কদৌরিবা অন্দমান-অচে কনেক্তিবিতিগী ৩সুবা জোইন্ত তাস্ক ফোর্স মীফম অমসুং খোঙজেল য়াংনা থবক পায়খৎনবা থৌরাং অমা ঙাইরি।

32. রাস্ত্রপতি প্রবোৱোনা সাবাং পোর্তকি অপুনবা চাওখৎ-থৌরাংদা পার্ত্নরশিপ তৌনবা ভারতনা য়ানিংবা অদু তরাম্না ওকখি। লুচিংবা অনিমক্না খঙখি মদুদি অসিগু্পার্ত্নরশিপ অসিনা – ক্রুইজ অমসুং মেরিন-তুরিজমগী খুদোংচাবশিং, শমুদ্রগী ইনদস্ত্রিশিং (জহাজ শেমজিনবা অমসুং জহাজ শাবা), অমসুং অন্দমান শমুদ্রদা শমুদ্রগী ইনর্জিগী থবক থৌরমশিংদা মতেং পাংলিবা তুরেলদা য়ুম্ফম ওইবা সর্ভিসশিং – ভারতকি অন্দমান অমসুং নিকোবর আইলেন্দশিং অমসুং সুমাত্রা আইলেন্দগী প্রোবিন্সশিংগী মরক্তা ইন্সতিত্যুস্নেল, ফিজিকেল, দিজিতেল অমসুং ফ্লো ওফ ইন্সতিত্যুস্নেল, ফিজিকেল, দিজিতেল অমসুং ফ্লো ওফ ইন্দিয়া অমসুং নিকোবার আইলেন্দশিং অমসুং সুমাত্রা আইলেন্দগী প্রোবিন্সশিংগী মরক্তা শেল থাদবা, থবক পিবা, তেক্নোলোজি ত্রান্সফর অমসুং সেয়র তৌরবা রিজনেল প্রোসপরিতি ওইহনবদা মতেং পাংগনি হায়বা খঙখি। লুচিংবা অনিমক্না মখোয়গী মরি লৈনবা ওথোরিতিশিংদা ইন্দোনেসিয়াগী চাওখৎ-থৌরাংগী থৌরাংশিং অমসুং এপ্লিকেবল ওইবা কাংলোনশিংগা চুনবা মওংদা প্রোজেক্ত অসিগী স্কোপ, মোদেলিতিশিং অমসুং ফাইনান্সিং অসি মতম চানা অমসুং নাকল অনিমক্কি কান্নবা মওংদা থবক তৌনবা পুক্নিং থৌগৎখি।

33. দিজিতেল নেতৱার্ক্কি খুত্থাংদা দিজিতেল ইকোনোমিদা ইন্দোনেসিয়াগী এম.এস.এম.ই.শিংনা শরুক য়াবা হেনগৎহন্নবা ভারত্তা ওপন নেতৱার্ক ফোর দিজিতেল কম্মর্স (ও.এন.দি.সি.) আর্কিতেকচরদা য়ুম্ফম ওইবা ইন্দোনেসিয়া ওপন নেতৱারক (আই.ও.এন.) বু তরাম্না ওকখি।

34. রিজর্ব বেঙ্ক ওফ ইন্দিয়া অমসুং বেঙ্ক ইন্দোনেসিয়াগী মরক্তা য়ানখিবা মতুং ইন্না ভারত অমসুং ইন্দোনেসিয়াগী মরক্তা ক্রোস-বোরদর ক্যু.আর. মসিগী খোঙথাং অসিনা ইন্দোনেসিয়া অমসুং ভারতকি মরক্তা বাইলেতরেল পেমেন্ত কনেক্তিবিতি মপাঙ্গল কনখৎহনবদা মরুওইবা মায়লস্তোন অমা ওইরি। লিঙ্কেজ অসিনা ত্রাঞ্জেক্সনগী ইফিসিএন্সি হেনগৎহনগনি, শেল-থুমগী ফিভম ফগৎহনগনি, অমসুং মরুওইনা এম.এস.এম.ই.শিং, তুরিজম, অমসুং মহৈরোয়শিংদা মতেং পাংদুনা ইনক্লুসিব ইকোনোমিক গ্রোথ হেনগৎহনগনি।

35. ভারত অমসুং ইন্দোনেসিয়াগী মরক্তা তেলিকম্যুনিকেসন তেক্নোলোজি অমসুং সর্ভিসকি লমদা তেংবাং পিনবগী এম.ও.য়ু.লোয়শিনবদা লুচিংবা অনিমক্না তরাম্না ওকখি মদুনা তেলিকম্যুনিকেসন তেক্নোলোজিশিং অমসুং দিজিতেল কনেক্তিবিতিদা তেংবাং পিনবা মখা তানা চেৎশিলহল্লগনি মদুনা ইনক্লুশিব ইকোনোমিক গ্রোথ অমসুং দিজিতেল ত্রান্সফোর্মেসন্দা মতেং পাংগনি ।

বাইওদাইবরসিতি কঞ্জরবেসন অমসুং সস্তেনেবল দিবেলপমেন্ত

36. রাস্ত্রপতি প্রবোৱোনা বাইওদাইবরসিতি কঞ্জরবেসনগী লমদা ভারতনা লৌরিবা মরুওইবা থৌদাং অদু শকখঙখি অমসুং প্রধান মন্ত্রি মোদীনা ইন্তর্নেস্নেল বিগ কেত এলাইন্স (আই.বি.সি.এ. প্রধান মন্ত্রি মোদীনা ইন্দোনেসিয়াগী ইনিসিয়েতিবশিং হায়বদি ৱার্ল্দ মেনগ্রোব সেন্তর (দবল্য়ু.এম.সি.) অমসুং ইন্তর্নেস্নেল ত্রোপিকেল পিৎলেন্দ সেন্তর (আই.তি.পি.সি.) অসি নোৎ তৌবগা লোয়ননা মরি লৈনবা দোমেস্তিক প্রোসিজরগী মতুং ইন্না আই.বি.সি.এ. য়াওনবা ৱাখল লৈহন্নবা তৌবা অসিবু তরাম্না ওকখি।

37. লৈবাক অনিমক্না মহৌশাগী ওইবা অমসুং মীওইবনা থোকহনবা খুদোংথিবশিংদা খুদোংথিবা থোকহল্লিবা অদু খঙলদুনা লুচিংবশিংনা দিজাস্তর মেনেজমেন্ত কোওপরেসন মপাঙ্গল কনখৎহনবগী মথৌ তাবা অদুদা অকনবা ৱাফম থমখি। লুচিংবা অনিমক্না লৈবাক অনিমক্কি নেস্নেল দিজাস্তর মেনেজমেন্ত ওথোরিতিশিংগী মরক্তা ইনফোর্মেসন, এক্সপিরিএন্স, অমসুং খ্বাইদাগী ফবা প্রেক্তিশশিং পিথোক-পিশিন তৌনবগী খুত্থাদা তেংবাং পিনবা হেনগৎহন্নবা পান্দম থম্লিবা দিজাস্তর মেনেজমেন্তকি এম.ও.য়ু. লুচিংবশিংনা দিজাস্তর রিস্ক হন্থহনবা অমসুং রেশিলিয়েন্সতাা ইন্তর্নেস্নেল কোওপরেসন প্রমোত তৌবদা কোওপরেসন ফোর দিজাস্তর রেজিলিয়েন্ত ইনফ্রাস্ত্রকচর (সি.দি.আর.আই.)গী মরুওইবা অদুসু পনখি।

সাইন্স & তেক্নোলোজি, স্পেস য়াওনা কৃতিকেল অমসুং ইমর্জিং তেক্নোলোজিশিং

38. লুচিংবা অনিনা ২০২৫গী ওগস্ত ১২দা সাইন্স অমসুং তেক্নোলোজিগী মতাংদা অহানবা জোইন্ত কম্মিসনগী মীফম (এস.এন্দ.তি.), অমসুং ভারত অমসুং ইন্দোনেসিয়াগী মরক্তা রিসর্চ, তেক্নোলোজি অমসুং ইনোবেসন কোওপরেসনগী এম.ও.য়ু. অদুবু তরাম্না ওকখি।

39. ইন্দিয়ন স্পেস রিসর্চ ওর্গনাইজেসন (ইসরো) অমসুং নেস্নেল রিসর্চ অমসুং ইনোবেসন এজেন্সি (বি.আর.আই.এন.)গী মরক্তা হৌজিক চত্থরিবা স্পেস কোওপরেসন অসিদা লুচিংবা অনিনা নুংঙাইবা ফোঙদোকখি, মসিগা লোয়ননা ২০২৬কি জুন ২৪-২৫দা ভারতকি বেঙ্গলুরুদা পাংথোকখিবা আউতর স্পেস কোওপরেসনগী ৬সুবা জোইন্ত কম্মিসনগী মীফমদা মখোয়না নুংঙাইবা ফোঙদোকখি। মখোয়না ভারত অমসুং ইন্দোনেসিয়াগী মরক্তা শান্তি লৈবা পান্দমশিংগীদমক্তা আওতর স্পেস এক্সপ্লোরেসন তৌবা অমসুং শিজিন্নবদা তেংবাং পীনবগী ফ্রেমৱার্ক এগ্রীমেন্তকী মতম শাংদোকপবুসু তরাম্না ওকখি।

40. প্রধান মন্ত্রি মোদীনা ভারতকি সেতলাইৎ অমসুং লোঞ্চ ভেহিকল প্রোগ্রামশিংদা ইন্দোনেসিয়ানা মখা তানা তেংবাং পিনবগীদমক অমসুং বৃন-ইসরো অমসুং বিয়াক তেলিমেত্রি, ত্রেকিং অমসুং কমান্দা (তি.তি.সি.) ফেসিলিতিশিংগী মরক্তা পুন্না থবক তৌমীন্নবগী খুত্থাদা ভারতকি গগনয়ান মীসনগীদমক থাগৎপা ফোঙদোকখি। রাস্ত্রপতি প্রবোৱোনা ইন্দোনেসিয়াগী সেতলাইৎশিং থাদোকপদা অমসুং সেন্তর ফোর স্পেস সাইন্স তেক্নোলোজি এজুকেসন ইন এসিয়া এন্দ পেসিফিক (সি.এস.এস.তি.ই.এ.পি.), অমসুং এসিয়ান-ইন্দিয়া স্পেস কোওপরেসনগী খুত্থাংদা য়াওনা ইন্দোনেসিয়াগী ওফিসিএলশিং ত্রেনিং পিবদা ভারতনা মতেং পাংখিবা অদু থাগৎপা ফোঙদোকখি। ইন্দোনেসিয়াদা স্পেস পোরৎ প্রোজেক্তাকি মতাংদা লৈবাক অনিমক্কি মরক্তা স্পেস ইকোসিস্তেমগী থাক্তা পুন্না থবক তৌমীন্নবদা রাস্ত্রপতি প্রবোৱোনা তরাম্না ওকখি।

41. লৈবাক অনিগী মরক্তা ন্যুক্লিয়র ইনর্জি সান্তি ওইনা শিজিন্নবদা মতেং পিননবা হৌজিক চত্থরিবা খন্ন-নৈনবশিং অদু লুচিংবা অনিনা নোৎ তৌখি, মদুনা রিসর্চ, কেপাসিতি বিল্দিং, অমসুং ন্যুক্লিয়র সেফতিদা পুন্না থবক তৌমীন্নবদা হেন্না মপাঙ্গল কনখৎহনগনি। ইনদস্ত্রি, ন্যুক্লিয়র মেদিসিন, এগ্রীকলচর, অমসুং ৱাতর মেনেজমেন্ততা মরি লৈনবা রেগুলেতরি অমসুং তেক্নোলোজিগী অহোঙবা অমসুং এপ্লিকেসনশিং য়াওনা সিভিল ন্যুক্লিয়র ইনর্জি শিজিন্নবা হেনগৎহন্নবা হোৎনরিবশিং অদু মখোয়না তরাম্না ওকখি।

কলচর, তুরিজম অমসুং পিপল - তু - পিপল এক্সচেঞ্জশিং

42. লুচিংবা অনিমক্না আর্কিওলোজিকেল সর্ভে ওফ ইন্দিয়া (এ.এস.আই.)না য়োগ্যাকার্তাদা লৈবা য়ুনেসকো ৱার্ল্দ হেরিতেজ প্রম্বানন তেম্পল কম্পাওন্দশিং রিস্তোর তৌবা অমসুং কঞ্জরবেসন তৌবগী শঙ্গাবা অসিদা তরাম্না ওকখি। ইন্দোনেসিয়ানা ভারতকী নেস্নেল ম্যুজিয়মগী থোংদগী  চাওরাক্না খৃস্তগী মমাং চহী ৮৬০ সি.ই.দা দেবনাগরী ময়েক্তা অমদি সংস্কত লোন্দা হকখিবা মুঅরা জম্বিগী অনৌবা ম্যুজিয়মদা হৌজিক নালন্দাদা লৈরিবা নেস্নেল ম্যুজিয়মগী অশেংবা নালন্দা কোরী মপাক 'নালন্দা কোপ্পর প্লেত' কী শক্তম অমা খুদোল ওইনা পীবদসু থাগৎপা ফোংদোকখি। মখোয়না ওগস্ত ২০২৩দা বরানশিদা পাংথোকখিবা জি-২০ কলচরগী মন্ত্রিশিংগী মীফমদা লৌখিবা “কাশি কলচরেল পাথৱে”দা য়াওরিবা প্রিন্সিপলশিং অদু নিংশিংখি অমসুং মখোয়গী মশাগী ওইবা আইন অমসুং থৌওংশিংগী মতুং ইন্না, অমসুং মরুপ-মপাং ওইবগী ৱাখল্লোন অমসুং অমগা অমগা ইকায় খুম্নবগী ৱাখললোন্দা কলচরেল হেরিতেজগী হিরমশিংদা সরকার অনিগী মরক্তা মখা তানা ৱারি শানবগী মরুওইবা অদু পনখি।

43. লুচিংবা অনিমক্না ভারত অমসুং ইন্দোনেসিয়াগী মরক্তা সেয়র তৌরবা কলচরেল অমসুং এজুকেস্নেল ভিজনগী মরিশিংগী মরুওইবা য়ুম্ফম অমা শেমগৎপদা মতেং পাংখিবা রবিন্দ্রনাথ তেগোর অমসুং কি হাজর দেবন্তারাগী লেংদবা ৱাখলগী লিগেসি অমসুং সেয়র তৌরবা এজুকেসনগী মীৎয়েং অদু খঙখি অমসুং ২০২৬–২০২৭ অসি “ভারতকি তেগোর–দেবন্তরা চহি–ইন্দোনেসিয়া কলচরেল অমসুং এজুকেস্নেল দিপ্লোমেসি” হায়না নিংশিংনবা য়ানখি।  নিংশিং খুভম অসিনা লৈবাক অনীমক্তা পুন্না কলচরেল, এজুকেস্নেল, একাদেমিক, অমসুং পিপল তু পিপল ইনিসিয়েতিবশিংগী চহি অমা শাংবা প্রোগ্রাম অমগী খুত্থাংদা ১৯২৭তা রবিন্দ্রনাথ তেগোরনা ইন্দোনেসিয়াদা চৎখিবা অসিগী দিকেদ অমা ওইনা পাঙথোক্কনি।

44. পিপল তু পিপল মরিগী দ্রাইবর অমা ওইনা তুরিজমগী পোতেন্সিয়েল অদু ফোঙদোক্লদুনা লুচিংবা অনিমক্না তুরিজমগী মতেং পিনবা হেন্না চেৎশিলহন্নবা অমসুং লৈবাক অনিগী মরক্তা লম্বি অনিগী ভিজিতর ফ্লো হেনগৎহন্নবা মখোয়গী সেয়র তৌরবা ৱাশক অদু ফোঙদোকখি। নাকল খুদিংদা চৎথোক-চৎশিন তৌবদা লাইবা অমসুং ভিজাগী ফেসিলিতেসনগী লম্বিশিং মখা তানা খন্ননবা মখোয়না য়ানখি।

45. লুচিংবশিংনা এজুকেসন সেক্তরগী লমদা হৌজিক চত্থরিবা তেংবাং অসি নোৎ তৌখি অমসুং মহৈরোয়শিংগী এক্সচেঞ্জ য়াওনা হেন্না চাওবা একাদেমিক অমসুং ইনসতািৎয়ুস্নেল কোলাবোরেসনগী মায়কৈদা থবক তৌনবা নাকল অনিমক পুক্নিং থৌগৎখি। প্রাইমরি অমসুং সেকেন্দরি এজুকেসনগী লমদা তেংবাং পিনবগী এম.ও.য়ু.ঙন্না লোয়শিন্নবা লুচিংবশিংনা পুক্নিং থৌগৎখি।

৪৬.হায়র এজুকেসন, সাইন্স অমসুং তেক্নোলোজিগী লমদা নাকল অনিগী ওইবা তেংবাং পিনবা মপাঙ্গল কনখৎহন্নবা লুচিংবা অনিনা মখোয়গী ৱাশক অদু অমুক হন্না ফোঙদোকখি। মখোয়না একাদেমিক মোবিলিতি, জোইন্ত রিসর্চ, নোলেজ এক্সচেঞ্জ, কেপাসিতি বিল্দিং, ইন্সতিত্যুস্নেল কোলাবোরেসন, অমসুং হ্যুমেন কেপিতেল দিবেলপমেন্ততা মতেং পাংলিবা অতোপ্পা থৌরাংশিংগী খুত্থাদা নাকল অনিমক্কি কাননবা পার্ত্নরশিপশিং পাকথোক চাওথোকহনবদা পুক্নিং থৌগৎখি। মখোয়না হায়র এজুকেসন, সাইন্স, অমসুং তেক্নোলোজিগী লমদা তেংবাং পিনবগী এম.ও.য়ু. রাস্ত্রপতি প্রবোৱোনা ইন্দোনেসিয়াদা ব্রাঞ্চ কেম্পশশিং লিংখৎপগী মায়কৈদা মমিং লৈরবা ভারতকি হায়য়র এজুকেসনগী ইনসতািৎয়ুৎশিংনা হেনগৎলক্লিবা ইন্তরেস্ত্ অদু তরাম্না ওকখি। ইন্দোনেসিয়াদা ইন্দিয়ন ইনসতািৎয়ুৎ ওফ মেনেজমেন্ত, বেঙ্গলুরুনা কেম্পস অমা লিংখৎনবা ৱাফম থম্লিবা অসি লুচিংবা অনিনা তরাম্না ওকখি।

47. ভারতকি ইলেক্সন কম্মিসন অমসুং ইন্দোনেসিয়াগী জেনরেল ইলেক্সন কম্মিসন (কে.পি.য়ু.)গী মরক্তা হ্য়ুমেন রিসোর্স দিবেলপমেন্ত, মেনেজমেন্ত ফগৎহনবা, অমসুং মীখলগী লমদা তেক্নোলোজি শিজিন্নবগী মায়কৈদা হৌজিক চত্থরিবা পুন্না থবক তৌমীন্নরিবা অদু লুচিংবশিংনা নোৎ তৌখি। ইলেক্সন্দা মেনেজমেন্ত অমসুং তেক্নোলোজি য়ুতিলাইজেসনগী লমদা তেংবাং পিনবগী মতাংদা ই.শি.আই. অমসুং কে.পি.য়ু.গী মরক্তা এম.ও.য়ু. তৌনবা অসিবু তরাম্না ওকখি।

48. স্তেতিস্তিক্স অমসুং প্রোগ্রাম ইমপ্লিমেন্তেসন মন্ত্রালয় (এম.ও.এস.পি.আই.), ভারত অমসুং স্তেতিস্তিক্স ইন্দোনেসিয়া (বি.পি.এস.)গী মরক্তা অমসুং ওফিসিএল স্তেতিস্তিক্স, কেপাসিতি বিল্দিং, অমসুং স্ত্রেতেজিক কোলাবোরেসনগী লমদা প্রপোজ তৌরিবা কোওপরেসন অদু লুচিংবশিংনা তরাম্না ওকখি।

রিজনেল অমসুং মল্তিলেতরেল কোওপরেসন

49. হৌজিক ওইরিবা জিওপোলিতিকেলগী ফীভম, ইকোনোমিক অমসুং শপ্লাই চেনগী অকায়-অতোয়শিং, অমসুং নাকল অনিগী ওইবা ৱারোয়শিন পুরকপা মালেমগী ওইবা ৱাফমশিং য়েংলগা লুচিংবা অনিনা ভারত অমসুং ইন্দোনেসিয়াগী মরক্তা হেন্না স্ত্রেতেজিক এলাইন্মেন্ত অমসুং হেন্না নক্নবা মতেং পিনবগী মথৌ তাবা অদুদা অকনবা ৱাফম থমখি। মসিগী তেংবাং অসি য়ুনাইতেদ নেসন্স অমসুং মসিগী অখন্নবা এজেন্সীশিং য়াওনা তোঙান তোঙানবা ফোরমশিংদা তঙাই ফদবা অমনি, মসিনা শান্তি, তংদু লৈতাবা, তেংবাং পিনবা, অমসুং নুংঙাই-য়াইফবদা য়ুম্ফম ওইবা ইন্তর্নেস্নেল লোদা য়ুম্ফম ওইবা হেন্না বেলেন্স অমসুং ইনক্লুসিব ৱার্ল্দ ওর্দর অমা শেমগৎনবা হোৎনরি। নাকল অনিমক্না সোভরেন্তি অমসুং তেরিতোরি ইন্তিগ্রীতিদা মখোয়গী সেয়র তৌরবা ইকায় খুম্নবা অদু অমুক হন্না ফোঙদোকখি। মখোয়না শান্তি, তংদু লৈতাবা অমসুং নাকল অনিমক্কি কান্নবা মতেং পাংনবগীদমক কলচরেল অমসুং রিলিজিয়স দাইবরসিতি, প্লুরেলিজম, অমসুং রুল ওফ লো ঙাক্তুনা থম্বগী মরুওইবদসু অকনবা ৱাফম থমখি। মসিগীদমক্তা লুচিংবা অনিনা সাওথ-সাওথ কোওপরেসনগী থৌদাং হেনগৎলক্লিবা অসিবু শকখঙখি অমসুং গ্লোবেল সাওথকি খোঞ্জেল মপাঙ্গল কনখৎহন্নবা কোওপরেসন হেঙ্গৎহন্নবা য়ানখি ।

50. লুচিংবা অনিমক্না মতম অসিগী জিওপোলিতিকেল রিএলিতিশিং অদু ফোঙদোক্লিবা অমসুং গ্লোবেল সাওথকি অপাম্বশিং অদু য়েংলগা ইন্তর্নেস্নেল ইন্সতিত্যুসনশিংগী অর্থ লৈবা রিফোর্মশিংগী মায়কৈদা থবক তৌনবা য়ানখি। নাকল অনিমক্না তেক্সতা য়ুম্ফম ওইবা ৱারি শানবা য়াওনা ইনক্লুসিব অমসুং মেম্বর স্তেতনা থৌগৎপা ইন্তর্গবরনমেন্ত নেগোসিয়েসনশিংগী খুত্থাদা য়ুনাইতেদ নেসন্স সেক্যুরিতি কাওন্সিলগী পর্মেনেন্ত অমসুং নন-পর্মেনেন্ত কেতেগোরি অনীমক্তা অপুনবা রিফোর্ম অমসুং এক্সপান্সন তৌবগী মথৌ তাবা অদু অমুক হন্না ফোঙদোকখি। মল্তিলেতরেল ফোরমশিংদা অমগা অমগা মতেং পাংনবগী অচেৎপা ৱাখল্লোন অদু উৎলদুনা লুচিংবা অনিনা তোঙান তোঙানবা ইন্তর্নেস্নেল কেন্দিদেৎশিংদা অমগা অমগা মতেং পাংনবগী মতাংদা খন্ন-নৈনখি।

51. লুচিংবশিংনা মালেমগী শেন্মীৎলোনগী আর্কিতেকচরদা অহোঙবা পুরকপগী মথৌ তাবতা নত্তনা কৈথেলদা নত্তবা থৌওংশিং, সপ্লাই চেনশিংগী কন্সেন্ত্রেসন অমসুং শোয়দনা কৈথেলদা য়ৌবা ঙম্বগী শিংনবশিং থেংননবগীদমক্তা চৎন-কাংলোন্দা য়ুম্ফম ওইবা, মীচং-মীখাই নাইদবা, ওপন ওইবা অমসুং পুন্না চৎমিন্নবা য়াবা দবল্যু.তি.ও. না লিচিং ওইবা ইন্তর্নেস্নেল ত্রেদিং সিস্তেমগী মরুওইবসু য়াখি।

52. ইন্দোনেসিয়ানা ভারতকি ২০২৬কি বৃক্স চেয়রশিপতা মপূঙ ফানা শৌগৎপা অমুক হন্না ফোঙদোকখি অমসুং ভারতনা বৃক্স মেম্বর লৈবাক অমা ওইনা ইন্দোনেসিয়াগী থৌদাংদা মতেং পাংনবা ৱাশক ফোঙদোকখি। লুচিংবা অনিমক্না বৃক্স, জি-২০, আইওরা য়াওনা মরুওইবা প্লেৎফোরমশিংগী খুত্থাদা এঙ্গেজমেন্তশিং হেন্না চেৎশিলহন্দুনা মান্নবা মালেমগী লৈঙাক অমসুং তুং কোয়না চৎকদবা চাওখৎ-থৌরাংদা কন্সত্রক্তিবা ওইনা মতেং পাংনবা য়ানখি।

53. ২০১৮দা লাওথোকখিবা ইন্দো-পেসিফিক্ত ভারত-ইন্দোনেসিয়া মেরিতাইম কোওপরেসনগী সেয়র তৌরবা ভিজন অদু নিংশিংলদুনা লুচিংবা অনিমক্না ফ্রী, ওপন, ত্রান্সপরেন্ত, রুলশিংদা য়ুম্ফম ওইবা, শান্তি লৈবা, নুংঙাই-য়াইফবা অমসুং ইনক্লুশিব ইন্দো-পেশিফিক লমদম অমগী মায়কৈদা মখোয়গী ৱাশক অদু অমুক হন্না ফোঙদোকখি।

54. লুচিংবশিংনা সোভরেন্তি অমসুং তেরিতোরি ইন্তিগ্রীতি ইকায়খুম্নবা উৎপা, ১৯৮২গী য়ু.এন.সি.এল.ও.এস. য়াওনা ইন্তর্নেস্নেল লো ঙাক্না চৎপা, নেভিগেসন অমসুং ওভরফ্লাইৎকি নীংতম্বা, খুদোংথিবা নত্রগা ফোর্স শিজিন্নবদগী লাপ্না লৈবা অমসুং ৱারি শানবা অমসুং মতেং পিনবা হেনগৎহনবগী মরুওইবা অদু ফোঙদোকখি।

55. লম-লমগী শান্তি, তংদু লৈতাবা অমসুং নুংঙাই-য়াইফবা হেনগৎলক্লিবা রিজনেল আর্কিতেকচরদা এসিয়ান য়ুনিতি অমসুং এসিয়ান সেন্ত্রেলিতিদা ভারতনা লেপ্পা লৈতনা মতেং পাংলিবা অদু রাস্ত্রপতি প্রবোৱোনা থাগৎখি । নাকল অনিনা মখোয়গী মরি লৈনবা মেম্বর লৈবাকশিংগা নাকল অনিগী ওইবা মরিশিং মপূঙ ফাহল্লিবা এসিয়ান-ইন্দিয়া কম্প্রেহেন্সিব স্ত্রেতেজিক পার্ত্নরশিপ মখা তানা মপাঙ্গল কনখৎহনবদা মতেং পাংখি। লুচিংবা অনিমক্না লমদম অসিদা সান্তি, তংদু লৈতাবা অমসুং নুংঙাই-য়াইফবা পুরক্নবা ইন্দো-পেসিফিক (এ.ও.আই.পি.) অমসুং ভারতকি ইন্দো-পেসিফিক ওশিন ইনিসিয়েতিব (আই.পি.ও.আই.)গী মরক্তা অকক্নবা থৌরাংশিংগী খুত্থাদা য়াওনা সিনর্জিশিং হেন্না চেৎশিলহন্নবা পুক্নিং থৌগৎখি।

56. লুচিংবা অনিমক্না ভারত-ইন্দোনেসিয়া-ওস্ত্রেলিয়া ত্রাইলেতরেলগী ইফেক্তিব ত্রাইলেতরেল মেকানিজমগী খুত্থাংদা তেংবাং পিনবদা তরাম্না ওকখি অমসুং মেরিতাইম দোমেন এৱেয়রনেস, শমুদ্রগী পোলুসন, ব্লু ইকোনোমী অমসুং ইস্ত এসিয়া সমীৎ (ই.এ.এস.), ইন্দো-পেসিফিক ওশিন ইনিসিয়েতিবা (আই.পি.ও.আই.) অমসুং ইন্দিয়ন ওশিন রিম এসোসিএসন (আই.ও.আর.এ.)গী ফ্রেমৱার্কশিংগী মখাদা য়াওনা পুন্না থবক তৌমীন্নবগী খুদোংচাবশিং থিদোকখি।

57. ৱেস্ত এসিয়া/মীদল ইস্তকি ফীভম অমসুং মসিগী মালেমগী ওইবা ইফেক্তশিংগী মতাংদা লুচিংবশিংনা য়াম্না নুংঙাইতনা অৱাবা ফোঙদোকখি। মখোয়না ২০২৬কি জুন ১৭তা খুৎয়েক পিনখিবা মেমোরেন্দম ওফ অন্দরস্তেন্দিং অদু তরাম্না ওকখি, মখোয়না দি-এক্সেলেসনগী মরুওইবা অদু ফোঙদোকখি অমসুং ৱাফম খুদিংমক ৱারি শানবা অমসুং দিপ্লোমেসিগী খুত্থাংদা লোয়শিনগদবনি হায়না অমুক হন্না ফোঙদোকখি। মখোয়না য়ু.এন.সি.এল.ও.এস.কি প্রোবিজনশিং য়াওনা ইন্তর্নেস্নেল লোগী মতুং ইন্না, ফ্রীদম ওফ নেভিগেসন অমসুং গ্লোবেল ফ্লো ওফ কম্মর্স অমসুং স্ত্রেৎ ওফ হোরমুজগী খুত্থাংদা ত্রাঞ্জিৎ পাসেজ ইমপ্লিমেন্ত তৌবগী মতাংদা ইকায়খুম্নবা উৎপদসু চপ মান্নবা ৱাখল্লোন অমা লৈরি।

58. প্রধান মন্ত্রি নরেন্দ্র মোদীনা রাস্ত্রপতি প্রবোৱো সুবিয়ান্তোবু খোঙচৎ অদুদা মহাক্কি অমসুং মহাক্কি মীহুৎ কাঙবুবু থম্মোই শেঙনা তরাম্না ওকপিখিবা অমসুং নিংথিবা হোসপিতেলিতী অদুগীদমক্তা মহাকপু থম্মোই শেঙনা থাগৎপা ফোঙদোকখি। ইন্দোনেসিয়াগী মরুপ-মপাং ওইবা মীয়ামদা য়াইফ-পাওজেল পিরদুনা অমসুং খুমাং চাওশিন্নবা য়াইফ-পাওজেল পিরদুনা প্রধান মন্ত্রি মোদীনা রাস্ত্রপতি প্রবোৱো সুবিয়ান্তোদা নাকল অনিমক্কি ওইনা খুদোংচাবা মতমদা ভারত্তা লাক্নবা থমোই শেঙনা হায়খি।

***