وزیر اعظم جناب نریندر مودی نے آج راجستھان کے بالوترا میں تقریباً 1.06 لاکھ کروڑ روپے کے ترقیاتی پروجیکٹوں کو ملک کے نام وقف کیا، ان کا افتتاح کیا اور سنگِ بنیاد رکھا۔ بڑے اجتماع سے خطاب کرتے ہوئے انہوں نے شدید گرمی کے باوجود بڑی تعداد میں شرکت پر عوام کا شکریہ ادا کیا اور اس بھرپور عوامی شرکت کو موجودہ حکومت کے لیے عوام کی بھرپور حمایت کا واضح ثبوت قرار دیا۔

ایکس پر پوسٹوں کی ایک سیریز کی جھلکیاں شیئر کرتے ہوئے جناب مودی نے کہا:

"جودھ پور ہوائی اڈے پر نئی ٹرمینل عمارت کا افتتاح کرتے ہوئے خوشی ہوئی۔

مسافروں کو بہتر سہولیات فراہم کرنے کے علاوہ، یہ پورے راجستھان میں سیاحت، تجارت اور اقتصادی مواقع کو بھی مضبوط کرے گی۔

اگلی نسل کے بنیادی ڈھانچے اور ہمارے ملک کے ہر حصے کو جوڑنے کے ہمارے عزم کی بدولت ہندوستان کا ہوا بازی کا شعبہ مسلسل ترقی کر رہا ہے۔

آج پچپدرا میں ایچ پی سی ایل راجستھان ریفائنری کے انٹیگریٹڈ ریفائنری کم پیٹرو کیمیکل کمپلیکس کا افتتاح کیا۔ یہ تاریخی پروجیکٹ ہندوستان کی توانائی کی سلامتی کو مضبوط کرے گا، گھریلو مینوفیکچرنگ کو فروغ دے گا، روزگار پیدا کرے گا اور معاشی تبدیلی کو تیز کرے گا۔ یہ آتم نربھر بھارت کی جانب ہمارے سفر میں ایک اور سنگِ میل ہے۔"

مجھے راجستھان کے بالوترا میں ملک کے پہلے گرین فیلڈ انٹیگریٹڈ ریفائنری-کم-پیٹرو کیمیکل کمپلیکس کا دورہ کرنے کا اعزاز حاصل ہوا۔ یہاں کی جدید ترین ریفائنری ہمارے توانائی کے شعبے کو ایک نئی رفتار دے گی۔

ہم شہری رابطوں کو تیزی سے فروغ دینے کے لیے پرعزم ہیں۔ اسی سمت میں، مجھے آج جے پور میٹرو کے فیز 2 کا سنگِ بنیاد رکھتے ہوئے خوشی ہو رہی ہے۔

آج، میں نے راجستھان کے تقریباً 54,000 نوجوان ساتھیوں کو سرکاری تقرری کے خطوط سونپتے ہوئے بے حد اطمینان محسوس کیا۔ میں انہیں مبارک باد دیتا ہوں اور ریاست کے روشن مستقبل کے لیے نیک خواہشات کا اظہار کرتا ہوں۔

میرے خاندان کے وہ ارکان جو بڑی تعداد میں بالوترا، راجستھان آئے ہیں، ان کا جوش و خروش ریاست میں جاری ہمہ جہت ترقی کی کوششوں پر ان کی خوشی کی عکاسی کرتا ہے۔

گزشتہ دہائی کے دوران، ہم نے ملک کی توانائی کی صلاحیت بڑھانے کے لیے بے مثال کوششیں کی ہیں۔ ان کوششوں کے نتیجے میں اکیسویں صدی کے سب سے بڑے توانائی بحران پر نیو انڈیا کی قوتِ ارادی غالب آ گئی ہے۔

مغربی ایشیا میں جنگ کی وجہ سے پیدا ہونے والے ڈیزل اور پیٹرول کے بحران کے ردِعمل میں افواہیں پھیلانے اور خوف و ہراس پیدا کرنے کے بے شمار سیاسی کھیل کھیلے گئے۔ تاہم، بھارت نے اپنی سفارت کاری اور دوستی کے ذریعے ہر بحران پر قابو پایا اور تمام مذموم عزائم کو ناکام بنایا۔

چاہے جنگ کے دوران کسانوں کے لیے کھاد کا بحران ہو یا ایم ایس ایم ایز کو درپیش چیلنجز، ہم نے ان سے نمٹنے کے لیے بروقت اور مناسب اقدامات کیے۔ نتیجتاً، وہ آج خود کو محفوظ محسوس کر رہے ہیں۔

ہماری حکومت توانائی کے دیگر ذرائع پر بھی کام کر رہی ہے۔ راجستھان پر سورج دیوتا کی خصوصی عنایت کو مدنظر رکھتے ہوئے، عالمی معیار کے سولر پارکس اور شمسی توانائی کے فروغ کے لیے متعدد کوششیں جاری ہیں۔

***

(ش ح۔اس ک  )

UR-9565