গ্রাসরুতশিংদগী ক্রাফতিংগী অহোংবা লাকই

হৌখিবা চহি ১১ অসিদা, দিজিতেল ইন্দিয়া প্রোগ্রাম্না গভর্নান্স অমসুং পব্লিক সর্ভিস দেলিভরীদা অহোংবা পুরক্লে। মসিনা মখোয়বু হেন্না ত্রান্সপরেন্ত, এক্সেসিবল অমসুং ইফিসিএন্ত ওইহল্লে। মসিগী অহোংবা অসি শহরশিংদগী রুরেল ইন্দিয়া ফাওবা য়ৌরে, মফম অসিদা তেক্নোলোজী অসি হৌজিক্তি ইকোনোমিক এম্পাৱরমেন্ত, লাইবলিহুদ মপাঙ্গল কনখৎহনবা অমসুং কম্ম্যুনিতীনা লুচিংবা এন্তর্প্রাইজকী খুৎলাই অমা ওইরে।

মসিগী লমদম অসিদা, ইসরস (সরদ আজীবিকা) অসি খ্বাইদগী মরুওইবা ফলশিংগী মনুংদা অমা ওইনা থোক্লক্লি। মসি রুরেল দিবেলপমেন্ত মন্ত্রালয়না দীনদয়াল অন্ত্যোদয় য়োজনা - নেস্নেল রুরেল লাইবলিহুদস মিসন (দি.এ.ৱাই.-এন.আর.এল.এম.) গী মখাদা শেমগৎলি। মসি দিজিতেল ইনফ্রাস্ত্রকচরনা করম্না গ্রাসরুৎ ইকোনোমিক্কী অহোংবদা ওন্থোকপগে হায়বগী মরুওইবা খুদম অমনি।

ইসরস অসি করিনো?

ইসরস অসি দি.এ.ৱাই.-এন.আর.এল.এম.গী ওফিসিএল ওনলাইন মার্কেৎপ্লেসনি, মসি নুপী সেল্ফ হেল্প গ্রুপশিং অমসুং মখোয়গী ফেদরেসনশিংনা পুথোকপা পোৎলমশিংগীদমক্তা খক্তমক শেমগৎপনি। অখন্ননা শেম্বা খুৎশেমগী পোৎলমশিং অসি লৈবাক অসি ময়াইমক্তগী পুথোকপনি- মধ্য প্রদেশতগী চন্দেরি সারি শাবদগী হৌরগা রাজস্থানগী মার্বেল আর্তিসান ফাওবা। মখোয়শিং অসিদা জম্মু অমসুং কাশ্মীরগী চীংশিংদা লৈবা পশ্মিনা পুথোক্লিবশিংসু য়াওরি। ইসরস্তা পোত্থোক খুদিংমক পুৱারী অমা লৈ, অমসুং পোৎশক খুদিংমক অসি মসিগী মতুংদা লৈরিবা আর্তিসান অদুগা হকথেংননা মরী লৈনৈ।

প্লেতফোর্ম অসিনা মরুওইবা কাংলুপশিংদা লোকেল প্রদক্তশিং পীরি:

• হোম অমসুং লিভিং

• নুপীগী ফি-রোল অমসুং এক্সেসরীশিং

• নুপাগী ফি-রোল অমসুং এক্সেসরীশিং

• পর্সনেল কেয়র

• চিঞ্জাক্কী পোৎলমশিং

• অঙাংশিংগী শান্নপোৎ অমসুং এক্সেসরীশিং

নুপী এস.ঐচ.জি.গী মেম্বর করোর ৮.৬২ হেনবনা ই-সরাসকী খুত্থাংদা দিজিতেল স্তোরফ্রন্ত অমা লৈরে, মখোয়গী ৮৫%দি রুরেল দিবেলপমেন্ত মন্ত্রালয়গী নেৎৱার্ক্কা হকথেংননা শম্নরি (২০২৪গী ফেব্রুৱারী ফাওবদা) । মসিনা মখোয়দা কৈথেল অমা পীবতা নত্তনা মার্কেতিং, ব্রান্দিং অমসুং লোজিস্তিক্সকীদমক ইন্সতিত্যুস্নেল সপোর্তসু পীরি।

পোর্তেলদগী ই-কম্মর্স ইকোসিস্তেম ফাওবা: মরু ওইবা মায়পাকপশিং

অচম্বা ৱেব পোর্তেল অমা ওইনা হৌরকখিবা অসি, চহি খরগী মনুংদা, মপুং ফাবা ই-কম্মর্স ইকোসিস্তেম অমা ওইরকখি। হৌজিক্তি মসিনা মোবাইল এপ, ফিজিকেল গেল্লরী, নেস্নেল মেলাশিং, লোজিস্তিক ফুলফিলমেন্ত সেন্তর অমসুং ভারতকী খ্বাইদগী চাউবা ওনলাইন মার্কেৎ প্লেৎফোর্মশিংগা পুনশিনবা ঙম্লে।

মাংদা লৈরিবা লম্বী: ক্রাফ, কম্মর্স অমসুং কম্ম্যুনিতী

ও.এন.দি.সি., উমং অমসুং অতোপ্পা দিজিতেল প্লেৎফোর্মশিংদা ইন্তিগ্রেসন পাকথোক চাউথোকহনবা ঙম্বগা লোয়ননা, ই.এস.এ.আর.এ.এস.এ.এস.না খুঙ্গংগী পোত্থোক পুথোক্লিবশিংবু ভারতকী ক্রাফ হেরিতেজবু ঙাক-শেন্দুনা অচৌবা কৈথেলশিংদা চাংদম্নবা ঙম্নবা মফম অমা পীরি। ইকোসিস্তেম অসি চাউখৎলকপগা লোয়ননা, মসিনা তুং কোইনা হিংনবগী পাম্বৈশিং শেমগৎপদা অমসুং ইনক্লুসিব রুরেল দিবেলপমেন্তদা খুমাং চাউশিলহনবদা য়াম্না মরু ওইবা থৌদাং অমা লৌগনি হায়না পানরি।

মসি পাংথোকপদা, ইসরসনা মতৌ করম্না দিজিতেল ইন্দিয়ানা নুপীশিংদা শক্তি পীনবা, ভারতকী ইনাক খুল্লবা ক্রাফ হেরিতেজ ঙাক-শেন্দুনা থম্নবা অমসুং নুপীশিংনা লুচিংবা খুঙ্গংগী চাউখৎ-থৌরাংগী থৌওংবু মপুং ফাহনবগী খুদম অমা ওইরি।

রিফরেন্সশিং

রুরেল দিবেলপমেন্ত মন্ত্রালয়

https://cdnbbsr.s3waas.gov.in/s3d69116f8b0140cdeb1f99a4d5096ffe4/uploads/2026/04/202604211510022943.pdf

https://sansad.in/getFile/loksabhaquestions/annex/184/AU2884_xtODlC.pdf?source=pqals

https://www.pib.gov.in/PressReleasePage.aspx?PRID=2278288&reg=48&lang=1

https://www.pib.gov.in/PressReleaseIframePage.aspx?PRID=1871641&reg=48&lang=2

https://www.pib.gov.in/PressReleasePage.aspx?PRID=1937055&reg=48&lang=2

https://www.pib.gov.in/PressReleasePage.aspx?PRID=2278288&reg=3&lang=1

ইলেক্ত্রোনিক্স অমসুং ইনফোর্মেসন তেক্নোলোজী মন্ত্রালয় (এম.ই.আই.তি.ৱাই.)

https://en.vikaspedia.in/viewcontent/social-welfare/entrepreneurship/important-days/esaras-portal-for-handicrafts?lgn=en

https://negd.gov.in/

https://www.facebook.com/OfficialUmangApp/posts/to-promote-local-artisans-and-self-help-groups-esaras-on-umang-facilitates-citiz/1313461524124692/

কম্মর্স অমসুং ইন্দস্ত্রী মন্ত্রালয়

https://www.pib.gov.in/PressReleaseIframePage.aspx?PRID=2146920&ref=official-press.com&reg=48&lang=2

পি.আই.বি. আর্কাইবশিং

https://www.pib.gov.in/PressReleasePage.aspx?PRID=2267960&reg=48&lang=2

https://www.pib.gov.in/PressNoteDetails.aspx?NoteId=159055&ModuleId=3&reg=48&lang=2

পি.দি.এফ. য়েংনবা মসিদা নম্বীয়ু।

****