حکومت نے اس سے قبل مغربی ایشیا میں جاری تنازع اور اس کے نتیجے میں عالمی سپلائی چین میں پیدا ہونے والی رکاوٹوں کے پیشِ نظر اہم پیٹرو کیمیکل مصنوعات کی درآمد پر مکمل کسٹمز ڈیوٹی چھوٹ 30 جون 2026 تک فراہم کی تھی، جو ایک عارضی اور ہدف بند ریلیف کے طور پر دی گئی تھی۔

یہ چھوٹ اس مقصد کے تحت دی گئی تھی تاکہ گھریلوبازار میں پیٹرو کیمیکلز کی وافر دستیابی یقینی بنائی جا سکے، کیونکہ اس دوران بھارتی پیٹرولیم کمپنیوں کو ایل پی جی کی پیداوار پر توجہ مرکوز کرنے کی ہدایت دی گئی تھی۔ چونکہ صورتحال بتدریج معمول پر آ رہی ہے، اس لیے متاثرہ شعبوں کے لیے آسان اور بلا رکاوٹ منتقلی کو یقینی بنانے کی غرض سے اس چھوٹ میں مزید 15 دن کی توسیع  کرنے کا فیصلہ کیا گیا ہے، یعنی اب یہ 15 جولائی 2026 تک نافذالعمل  رہے گی۔ اس کے تحت شامل مصنوعات کی فہرست وہی رہے گی جو پہلے نوٹیفکیشن میں جاری کی گئی تھی۔

حکومت نے ایک بار پھر اس عزم کا اعادہ کیا ہے کہ وہ بھارت کے مینوفیکچرنگ شعبے کی بھرپور معاونت جاری رکھے گی۔ پہلے کی طرح، اس چھوٹ سے ان متعدد شعبوں کو فائدہ پہنچنے کی توقع ہے جو پیٹرو کیمیکل فیڈ اسٹاک اور انٹرمیڈیٹس پر انحصار کرتے ہیں، جن میں پلاسٹکس، پیکیجنگ، ٹیکسٹائل، دواسازی، کیمیکلز، آٹوموٹو اجزاء اور دیگر صنعتی شعبے شامل ہیں۔ اس اقدام سے حتمی مصنوعات کے صارفین کو بھی ریلیف حاصل ہوگا۔

CLICK HERE TO ACCESS NOTIFICATION

پہلے جاری کردہ پریس نوٹ کا لنک:

https://www.pib.gov.in/PressReleasePage.aspx?PRID=2248110&reg=3&lang=1

***************

(ش ح۔م ع۔ ا ک م)

                                                                                                                                                                                                                                                          U: 9351