কেন্দ্রগী য়ুম্লৈ-কেরৈ অমসুং কোওপরেসন মন্ত্রী, শ্রী অমিত শাহনা নই দিল্লীগী ভিগ্যান ভাৱনদা ২০২৬গী জুন ২৬ ইরাই নুমিত্তা নার্কো-কোওর্দিনেসন সেন্তর (NCORD) গী ১০শুবা এপেক্স-লেবেল মীফমদা ময়াই তাংবল লৌরগনি। নার্কোতিক্স কন্ত্রোল ব্যুরো (NCB)না শিনবা মীফম অসিনা প্রধান মন্ত্রী, মোদীগী দ্রগ ফ্রী ভারতকী মঙলান অদুবু মঙফাওনবা সরকারনা হোৎনরিবা অসি মখাতানা মপাঙ্গল কনখৎহনবদা মরু ওইবা থৌদাং লৌগনি। মসিদা কেন্দ্রগী মন্ত্রালয় অমসুং দিপার্তমেন্ত ৪৪গী মরুওইবা স্তেকহোল্দরশিং, রাজ্য সরকারশিং অমসুং দ্রগ লো এনফোর্সমেন্ত এজেন্সীশিংগী মীহুৎ ১০৮না হাইব্রিদ মোদতা পুল্লগনি।

থৌরম অদুদা, কেন্দ্রগী য়ুম্লৈ-কৈরৈ মন্ত্রীনা নারকোতিক্স “ভিজন দোকুমেন্তস ওন নার্কোতিক্স কন্ত্রোল (২০২৬-২০২৯)” ফোংগনি। মরী লৈনবা কেন্দ্র সরকারগী দিপার্তমেন্তশিং, দ্রগ লো এনফোর্সমেন্ত এজেন্সীশিং অমসুং অতোপ্পা স্তেকহোল্দরশিংগা পাক-শন্না খন্ন-নৈনদুনা শেমখিবা ভিজন দোক্যুমেন্ত অসিনা দ্রগকী অৱাবা হন্থহন্নবা দিমান্দ হন্থহনবা, সপ্লাই হন্থহনবা অমসুং খুদোংচাদবা হন্থহন্নবা শরুক য়ামিন্নবা রোদমেপ অমা পীগনি। নেতৱার্ক সেন্ত্রিক এনফোর্সমেন্ত এপ্রোচ অমা খল্লবা রোদমেপ্তা সিন্থেতিক দ্রগশিং, দার্কনেতকী খুত্থাংদা লল্লোন-ইতিক তৌবা, নহাশিংবু দ্রগশিংদগী লাপথোকহনবা, দ্রগ শিজিন্নরিবশিংগী লায়েং অমসুং রিহেবিলিতেসন সেন্তরশিং পাকথোক চাউথোকহনবা অসিনচিংবশিং লাক্কদৌরিবা চহি অহুম অসিদা কোওর্দিনেত অমসুং তুং-কোইনা চৎথগদবা খোঙথাংশিং য়াওরি। দোক্যুমেন্ত অসিনা স্তেকহোল্দর পুম্নমক্কী থৌদাংশিং, মতমগী পরিংশিং অমসুং মশক খঙনা পাংথোকপা য়াবা পান্দমশিং অদু ময়েক শেংনা তাক্লি, মসিদা এফোর্সমেন্ত, দিমান্দ হন্থহনবা, রিহেবিলিতেসন, মীয়ামগী ওইবা এৱেয়রনেস, কেপাসিতী বিল্দিং অমসুং ইন্তর-এজেন্সী কোওর্দিনেসন য়াওরি। ভিজন দোক্যুমেন্ত অসিনা লৈবাক শিনবা থুংনা দ্রগকী খুদোংথীবা লাকশিন্নবা পোলিসী শেম্বা, ইমপ্লিমেন্ত তৌবা অমসুং ইনস্তিত্যুসনশিংগী মপাঙ্গল কনখৎহন্নবগী লমজিং-লমতাক অমা ওইগনি।

শ্রী অমিত শাহনা NCB এন্যুৱেল রিপোর্ত-২০২৫সু ফোংগনি অমসুং জম্মু অমসুং গুৱাহাতিদা নৌনা শাবা NCBগী জোনেল ওফিসশিং শঙ্গাগনি। দ্রগ দিসপোজেল ফোর্তনাইত কেম্পেন, দ্রগশিং মাংহন্নবা অখন্নবা দ্রাইব অমনি। চয়োল অনীগী মনুংদা, ভারত শিনবা থুংনা লুপা করোর ৬,০০০গী ওইগদবা দ্রগ কেজি ২,০৯,৫০০ রোম অসি আইনগী মতুং ইন্না তোঙান-তোঙানবা সেন্ত্রেল অমসুং স্তেৎ লো-ইনফোর্সমেন্ত এজেন্সীশিংনা মাংহনগনি হায়না পানরি।

মীফম অসিনা লৈবাক অসিদা দ্রগকী খুদোংথীবা অসি থেংননবা মরী লৈনবা স্তেকহোল্দর পুম্নমক্না পুন্না হোৎনরিবা অসিগী মপুং ফানা য়েংশিন্নবা অমসুং এসেসমেন্ত তৌনবগী প্লেতফোর্ম অমা পীগনি। খন্ন-নৈনবা অসিনা শরুক য়ারিবা রাজ্যশিং, দিপার্তমেন্তশিং অমসুং এজেন্সীশিংবু নারকোর্তিক্সকী ইফেক্তিব কন্ত্রোলগী পান্দম ফংনবগী মায়কৈদা অনৌবা শক্তি অমসুং থৌনাগা লোয়ননা মাংলোমদা চংশিনবা ঙমহনগনি। লৈবাক অসিদা দ্রগকী খুদোংথীবা অসিবু খ্বাইদগী হেন্না ফবা মওংদা মায়োক্নবদা সরকার পুম্নমক্কী ওইবা মওংদা খোংথাং পাইখৎপগী তঙাইফদবা অদু পল্লদুনা, অৱাংবা থাক্কী মীফম অসিনা মথংগী চহি অহুম অসিদা লৈবাক শিনবা থুংনা দ্রগ ত্রাফিকিং অমসুং দ্রগ শিজিন্নবদা মায়োক্নবদা মরুওইবা ইসুশিংদা খন্ন-নৈনগনি।

মীফম অসিনা প্রধান মন্ত্রী, শ্রী নরেন্দ্র মোদীনা মরুওইনা পল্লিবা লৈবাক অসিদা দ্রগ ত্রাফিকিংগী মায়োক্তা লৈঙাক্না লৌখৎলিবা “জিরো তোলরেন্স পোলিসী” অসিবু মপাঙ্গল কনখৎহল্লগনি হায়না থাজবা থম্লি।

*****