وزارتِ اقلیتی امور نے آج حج پالیسی 2027 کا اعلان کیا۔ جناب کرن ریجیجو، مرکزی وزیر برائے اقلیتی امور اور پارلیمانی امور نے پالیسی کا اجرا کیا اور اعلان کیا کہ حج کمیٹی آف انڈیا آج سے حج 2027 کے لیے عازمین حج سے درخواستیں طلب کرے گی۔

عازمین حج ،حج کمیٹی آف انڈیا کے پورٹل (hajcommittee.gov.in) کے ساتھ ساتھ حج سہولت ایپ کے ذریعے آن لائن حج 2027 کے لیے درخواست دے سکتے ہیں، جس سے درخواست کا عمل لچک دار، آسان اور زیادہ قابل رسائی بن جائے گا۔ حج کمیٹی آف انڈیا اور نجی شعبے کے درمیان کوٹے کی تقسیم 70:30 کے تناسب سے برقرار رہنے کی توقع ہے، جس میں حج کمیٹی آف انڈیا کے لیے 1,22,518 نشستیں اور نجی شعبے کے لیے 52,507 نشستیں ہوں گی۔ تاہم، بھارت سرکار بھارتی عازمین حج کے لیے حج کوٹہ بڑھانے کی کوششیں کرے گی، جو گذشتہ سال 1,75,025 تھا۔

یہ اعلان مرکزی وزیر کے زیر صدارت 18 جون 2026 کو منعقدہ حج جائزہ میٹنگ کے بعد کیا گیا ہے، جس میں حج 2026 کے انعقاد کا جائزہ لیا گیا اور حج 2027 کے لیے روڈ میپ کو حتمی شکل دی گئی۔ پالیسی کا جلد اعلان اور درخواستوں کا بیک وقت کھلنا وزارت کی بروقت تیاری اور مملکت سعودی عرب کی طرف سے مقرر کردہ ٹائم لائن پر عمل آوری پر زور دینے کا غماز ہے۔

حج پالیسی 2027 حج 2026 کے عازمین پر مرکوز پہل جیسے منیٰ میں صوفہ کم بیڈ، مکہ اور مدینہ کے درمیان تیز رفتار ٹرین سے سفر، مکہ میں ہوٹل طرز کی رہائش اور 20 روزہ شارٹ حج پیکیج کے ساتھ، ہر عازم کے لیے حج کو زیادہ آرام دہ، محفوظ اور باوقار بنانے کی وزارت کی مسلسل کوششوں کو جاری رکھے ہوئے ہے۔ ان کوششوں کے اعتراف میں، بھارتی حج مشن کو سعودی وزارت حج و عمرہ کی طرف سے حج 2026 کے لیے ”بہترین حج کوآرڈینیشن اور کمیونی کیشن“ کے زمرے میں دو لبیتم ایوارڈوں سے نوازا گیا – یہ اعزاز پہلی بار حاصل ہوا ہے۔

کلیدی تبدیلیوں میں، یہ پالیسی ریاستی حج انسپکٹر کے تناسب کو ہر 150 عازمین کے لیے ایک انسپکٹر سے بڑھا کر ہر 135 عازمین کے لیے ایک انسپکٹر کر کے عازمین کو زمینی امداد کو مضبوط کرتی ہے۔ منصفانہ طریقے سے بڑھتی ہوئی انتظار کی فہرست کو حل کرنے کے لیے، حج 2026 کے حتمی ویٹ لسٹڈ درخواست دہندگان کے ٹاپ 20 فیصد کو ترجیح دی جائے گی۔ شارٹ حج پیکیج، جس نے اپنے پہلے سال میں حوصلہ افزا ردعمل حاصل کیا، اس علاقے سے مضبوط مانگ کے پیش نظر کولکتہ کو ایک اضافی ایمبارکیشن پوائنٹ کے طور پر شامل کرنے کے ساتھ برقرار رکھا جا رہا ہے۔

یہ پالیسی سعودی طبی رہ نما خطوط کے ساتھ طبی جانچ کو بھی ہم آہنگ کرتی ہے، جس میں دائمی طبی حالات والے افراد کو حج کے لیے روانہ ہونے سے روکا جائے، یہ یقینی بنانے کے لیے کہ عازمین کی صحت اور حفاظت کے مفاد میں مضبوط جانچ کی جائے۔

وزارت عازمین حج کے انتظام کے لیے مصنوعی ذہانت (اے آئی) کا بھی استعمال کر رہی ہے، جس میں عازمین کی اے آئی سے معاونت والی درخواستیں اور دستاویزات کی جانچ، ایمبارکیشن پوائنٹس پر فلائٹ مختص کرنے کے لیے ڈیمانڈ ماڈلنگ، اور حقیقی وقت میں شکایات کی ٹریکنگ اور اسے بڑھانا شامل ہے۔ ان پہل کا مقصد حکومت کے ٹیکنالوجی سے چلنے والے حج کی طرف دھکیل کے مطابق، مرحلہ وار نفاذ کے لیے تصور کیا گیا ہے۔

اس کوشش کا ایک اہم عنصر عازمین حج کے لیے ایک مکالماتی اے آئی اسسٹنس ہے، جسے ہندی، اردو اور بڑی علاقائی زبانوں میں چوبیس گھنٹے مدد فراہم کرنے کے لیے ڈیزائن کیا گیا ہے، جس سے عازمین اپنی زبان میں سادہ آواز یا متن کے ذریعے سوالات پوچھ سکیں اور رہ نمائی حاصل کر سکیں۔ اس کا مقصد عازمین کی ہر مرحلے پر مدد کرنا ہے — درخواست فارم بھرنے اور جمع کرانے سے لے کر، ادائیگیوں، پروازوں، رہائش اور سامان کے بارے میں معلومات حاصل کرنے، شکایات درج کرنے اور ہنگامی امداد حاصل کرنے تک — اس طرح درخواست فارم میں غلطیوں اور مسترد ہونے کو کم کرنا، ثالثوں پر انحصار کم کرنا اور پہلی بار آنے والے اور بزرگ عازمین کے لیے درست معلومات آسانی سے دستیاب کرانا ہے۔ سعودی نسق پلیٹ فارم کے ساتھ انضمام کی بھی منصوبہ بندی ہے، تاکہ بھارتی اور سعودی نظاموں میں عازمین کی خدمات ہم آہنگ طریقے سے کام کر سکیں اور عازمین کو ان کے سفر کے دوران مسلسل، حقیقی وقت کی معلومات موصول ہو۔

وزیر موصوف نے تمام اہل عازمین سے مقررہ وقت کے اندر درخواست دینے کی اپیل کی اور حج کمیٹی آف انڈیا اور تمام متعلقہ ایجنسیوں کو درخواست کے عمل کو ہم وار اور شفاف بنانے کی ہدایت کی۔ انھوں نے ہر بھارتی عازمی کے لیے محفوظ، آرام دہ، شفاف اور با وقار حج کو یقینی بنانے کے لیے بھارت سرکار کے عزم کو دہرایا۔

***

(ش ح - ع ا)

U.No. 9057