প্রধানমন্ত্রীগী লোইশঙ
প্রধান মন্ত্রীনা ফ্রান্সকী ইভিয়নদা পাংথোকপা G7 সমিত্তা “এন্স্যুরিং এ সেফ, রেপিদ এন্দ ইফিসিয়েন্ত রোলআউত ওফ আর্তিফিসিয়েল ইন্তেলিজেন্স”কী মতাংদা পাংথোকপা সেসনদা ৱা ঙাংখ্রে
प्रविष्टि तिथि:
18 JUN 2026 5:01AM by PIB Imphal
প্রধান মন্ত্রী, শ্রী নরেন্দ্র মোদীনা ঙসি ফ্রান্সকী ইভিয়নদা পাংথোকপা G7 সমিত্তা “এন্স্যুরিং এ সেফ, রেপিদ এন্দ ইফিসিয়েন্ত রোলআউত ওফ আর্তিফিসিয়েল ইন্তেলিজেন্স”কী মতাংদা পাংথোকপা সেসনদা ৱা ঙাংখ্রে
প্রধান মন্ত্রীনা হায়খি মদুদি আর্তিফিসিয়েল ইন্তেলিজেন্স অসি মীওইবগী সিভিলাইজেসনগী মায়কৈ অমুক হন্না মশক তাকপা ঙম্বা ত্রান্সফোর্মেতিব ফোর্স অমা ওইবগা লোয়ননা, মসিনা মীওইবশিংবুসু এমপাৱর তৌগদবনি। মহাক্না হায়খি মদুদি ভারতনা ইকুই কুইদ্রিঙৈদা AI ইম্পেক্ত সমিত পাংথোকখিবা অসি মসিগী চাউরবা ৱাখল্লোন অসিগা লোয়ননানি। AIগীদমক ভারতকী হ্যুমেন-সেন্ত্রিক নত্রগা MANAV [মীওইবা] ভিজন অদু পল্লদুনা মহাক্না হায়খি মদুদি তেক্নোলোজী অসি ইনক্লুসিবিতী, সেক্যুরিতী, অমসুং মীয়ামগী য়াইফবা হায়বা প্রিন্সিপলশিংদা য়ুম্ফম ওইগদবনি।
ভারতনা মতম পুম্নমক্তা সাইবর স্পেস অসি মালেমগী মীয়ামগী কান্নবনি হায়না লৌই হায়না পল্লদুনা, প্রধান মন্ত্রীনা হায়খি মদুদি দেমোক্রেসি চৎপা লৈবাক্তা মখোয়গী মরুওইবা ইনফোর্মেসন ইনফ্রাস্ত্রকচরবু সেক্যুর তৌবা ঙম্বা অমসুং সাইবর থ্রেৎশিং অসি থেংনবদা মতেং পাংবা ঙম্বা AI মোদেলশিং ফংহনগদবনি। সেফতী, স্পীদ অমসুং ইফিসিয়েন্সী অসি পুন্না চৎমিন্নবা AI দিবেলপমেন্তকী ইন্তিগ্রেতেদ এপ্রোচ অমা মহাক্না হায়খি। মতাং অসিদা মহাক্না ৱাফম মরি থমখি: AI সিস্তেমশিং অসি দিজাইন তৌবদা সেফ ওইগদবনি। AI দিপ্লোইমেন্ত অসি কমন স্তেন্দর্দশিং, তেস্তিং ফ্রেমৱার্কশিং, অমসুং রেগুলেতরী গাইদলাইনশিংগা লোইননা চৎকদবনি। দিপফেকশিং, দিসইনফোর্মেসন অমসুং সাইবর ফ্রোদশিং থেংননবা ইফেক্তিব ওইবা গ্লোবেল কোওপরেসন লৈগদবনি। অমসুং গ্লোবেল সাউথকী লৈবাকশিংদা AIগী কান্নবশিং অসি য়ৌহনগদবনি। মসিনা ইনক্লুসিব ওইবা মালেম অমা লৈহনগনি।
AIনা মীওইবগী পোতেন্সিয়েল পাকথোক চাউথোকহনগদবনি, মীওইবগী অপাম্বদা শক্তি পীগদবনি অমসুং মীওইবগী মগুন ঙাক্না থমগদবনি হায়না প্রধান মন্ত্রীনা ফোংদোকখি। মহাক্না হায়খি মদুদি ভারতনা মসিগী পান্দমশিং অসি য়োকখৎনবা পার্তনরশিংগা লোইননা মখা তানা থবক তৌমিন্নগনি।
******
(रिलीज़ आईडी: 2274478)
आगंतुक पटल : 11
इस विज्ञप्ति को इन भाषाओं में पढ़ें:
English
,
Urdu
,
हिन्दी
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam