પ્રધાનમંત્રી શ્રી નરેન્દ્ર મોદીએ આજે એવિયન, ફ્રાન્સમાં G7 સમિટમાં "આર્ટિફિશિયલ ઇન્ટેલિજન્સનો સુરક્ષિત, ઝડપી અને કાર્યક્ષમ રોલઆઉટ સુનિશ્ચિત કરવો" વિષય પરના આઉટરીચ સત્રને સંબોધિત કર્યું હતું.

પ્રધાનમંત્રીએ હાઇલાઇટ કર્યું હતું કે આર્ટિફિશિયલ ઇન્ટેલિજન્સ માનવ સભ્યતાની દિશાને પુનઃવ્યાખ્યાયિત કરવાની ક્ષમતા ધરાવતી પરિવર્તનકારી શક્તિ છે, ત્યારે તે લોકોને સશક્ત પણ બનાવવી જોઈએ. તેમણે વિગતવાર જણાવ્યું હતું કે આ જ વ્યાપક વિચાર સાથે ભારતે તાજેતરમાં AI ઇમ્પેક્ટ સમિટનું આયોજન કર્યું હતું. AI માટે ભારતના માનવ-કેન્દ્રીય અથવા MANAV વિઝનને રેખાંકિત કરતાં તેમણે જણાવ્યું હતું કે ટેકનોલોજી સમાવેશીતા, સુરક્ષા અને જાહેર હિતના સિદ્ધાંતોમાં સ્થાપિત હોવી જોઈએ.

ભારતે સાયબર સ્પેસને હંમેશા વૈશ્વિક જાહેર હિત તરીકે જોયું છે તેની નોંધ લેતા, પ્રધાનમંત્રીએ ભારપૂર્વક જણાવ્યું હતું કે લોકશાહી દેશો પાસે એવા AI મોડલ્સ સુધી પહોંચ હોવી જોઈએ જે તેમના નિર્ણાયક માહિતી ઇન્ફ્રાસ્ટ્રક્ચરને સુરક્ષિત કરી શકે અને સાયબર જોખમોનો સામનો કરવામાં તેમને મદદ કરી શકે. તેમણે AI વિકાસ માટે એક સંકલિત અભિગમ અપનાવવા હાકલ કરી હતી જ્યાં સુરક્ષા, ગતિ અને કાર્યક્ષમતા સાથે મળીને નિયંત્રિત થાય. આ સંદર્ભમાં, તેમણે ચાર સૂચનો આપ્યા: AI સિસ્ટમ્સ સેફ-બાય-ડિઝાઇન હોવી જોઈએ; AI ડિપ્લોયમેન્ટની સાથે સામાન્ય ધોરણો, પરીક્ષણ ફ્રેમવર્ક અને નિયામક માર્ગદર્શિકા હોવી જોઈએ; ડીપફેક, ખોટી માહિતી અને સાયબર ફ્રોડનો સામનો કરવા માટે અસરકારક વૈશ્વિક સહયોગ હોવો જોઈએ; અને સમાવેશી વિશ્વ સુનિશ્ચિત કરવા માટે AI ના લાભો ગ્લોબલ સાઉથના દેશો સુધી પહોંચવા જોઈએ.

પ્રધાનમંત્રીએ અંતમાં જણાવ્યું હતું કે AI માનવ ક્ષમતાનો વિસ્તાર કરવું જોઈએ, માનવ પસંદગીને સશક્ત બનાવવી જોઈએ અને માનવ ગૌરવનું રક્ષણ કરવું જોઈએ, અને નોંધ્યું હતું કે ભારત આ ઉદ્દેશ્યોને પ્રોત્સાહન આપવા માટે ભાગીદારો સાથે કામ કરવાનું જાળવી રાખશે.

SM/DK/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com