প্রধানমন্ত্রীগী লোইশঙ
প্রধান মন্ত্রীনা জুন ১৯দা প্রধান মন্ত্রী বিকসিৎ ভারত রোজগার য়োজনাগী মখাদা চাউরাক্না লুপা করোর ২৪০০গী ইন্সেন্তিবশিং য়েন্থোক্কনি
অহানবা ওইনা থবক শুবা মীওইশিংদা লুপা ১৫,০০০ ফাওবগী ইন্সেন্তিব ফংলগনি
তুংকোইনা থবক ফংহন্নবা পুক্নিং থৌগৎনবগীদমক, এমপ্লোয়রশিংনা অহেনবা এমপ্লোয়ী অমদা থাগী লুপা 3,000 ফাওবগী ইন্সেন্তিব ফংবগী ইলিজিবল ওইগনি
পি.এম.-ভি.বি.আর.ৱাই.না থবক ফংহন্নবা, থবক ফোর্মেলাইজ তৌনবা অমসুং সোসিএল সেক্যুরিতী কভরেজ পাকথোক-চাউথোক্নবা থৌরাং তৌরি
ইন্সেন্তিব অসিনা লৈবাক শীনবা থুংনা বেনিফিসরী লাখ ১৫দা থবক পীরি
प्रविष्टि तिथि:
17 JUN 2026 3:14PM by PIB Imphal
প্রধান মন্ত্রী শ্রী নরেন্দ্র মোদীনা ২০২৬গী জুন ১৯গী নুমিদাংৱাইরম পুং ৫ তাবা মতমদা ন্যু দিল্লীগী বিজ্ঞান ভবনদা পাংথোক্কদৌরিবা অখন্নবা থৌরম অমদা প্রধান মন্ত্রী বিকসিত ভারত রোজগার য়োজনা (পি.এম.-ভি.বি.আর.ৱাই.) গী মখাদা চাউরাক্না লুপা করোর ২,৪০০গী ইন্সেন্তিবশিং য়েন্থোক্কনি।
শেল থাদোকপা অসিনা পি.এম.-ভি.বি.আর.ৱাই.গী থবক পায়খৎপদা মরুওইবা মাইলস্তোন অমা ওইরি। পি.এম.-ভি.বি.আর.ৱাই. অসি ভারত সরকারগী মরুওইবা এমপ্লোইমেন্ত-লিঙ্ক ইন্সেন্তিব স্কিমনি। মসিগী পান্দমদি থবক ফংহনবদা খোংজেল য়াংশিনবা, এমপ্লোইমেন্ত ফোর্মেলাইজ তৌবা, এমপ্লোইমেন্ত তৌবা হেনগৎহনবা অমসুং সেক্তর পুম্নমক্তা সোসিএল সেক্যুরিতী কভরেজ পাকথোক চাউথোকহনবনি। ইন্সেন্তিব অসিনা লৈবাক শীনবা থুংনা থবক ফংহন্নবা খুদোংচাবা লাখ ১৫ শেমগৎপদা মতেং পাংলি।
পি.এম.-ভি.বি.আর.ৱাই.না শিন্মীশিং অমসুং এমপ্লোইয়রশিং অনিমকপু ফোর্মেল ইকোনোমীদা শরুক য়ানবা পুক্নিং থৌগৎনবা শেমখ্রে। মসিগী মখাদা, অহানবা ওইনা থবক শুবা মীওইশিংনা লুপা ১৫,০০০ ফাওবগী ইন্সেন্তিব অমা ফংবগী ইলিজিবল ওই। মসিনা মখোয়না থবক শুবা মতমদা মরুওইবা সপোর্ত অমা পীরি। অহেনবা থবক পীবা ইমপ্লোয়রশিংনা অহেনবা ইমপ্লোয়ি অমদা থা অমদা লুপা 3,000 ফাওবগী ইন্সেন্তিব ফংবগী ইলিজিবল ওই। মসিনা তুং কোইনা থবক পীবা হেনগৎহনগনি। শেন্মিৎলোন চাউখৎহনবদা মেন্যুফেকচরিংগী স্ত্রেতেজিক ওইবা মরুওইবা অদু শকখঙলদুনা, মেন্যুফেকচরিং সেক্তরদা থবক পীরিবা মীওইশিংনা চহি মরিগী মতমগী ওইনা ইন্সেন্তিবশিং ফংনবগীদমক ইলিজিবল ওই, অদুগা অতোপ্পা সেক্তর পুম্নমক্তা থবক পীরিবা মীওইশিংনা চহি অনিগী ওইনা ইন্সেন্তিবশিং ফংনবগীদমক ইলিজিবল ওই।
স্কিম অসিনা সরকারনা থবক ফংহনবদা য়ুম্ফম ওইবা গ্রোথকীদমক্তা ইকোসিস্তেম অমা শেমগৎনবা অমসুং ভারতকী ইকোনোমিক প্রোগ্রেসকী কান্নবশিং অসি নহারোলশিংগীদমক মগুন লৈবা ফোর্মেল এমপ্লোইমেন্তকী খুদোংচাবদা ওন্থোক্নবা হোৎনবগী অচেৎপা ফিরেপ অদু উৎলি।
পি.এম.-ভি.বি.আর.ৱাই. ২০২৫গী ওগস্ত ১দা চৎনবা হৌখি। অপুনবা শেনফম লুপা করোর ৯৯,৪৪৬ ওইগদবা স্কিম অসিনা চহি অনিগী মনুংদা থবক কোতি ৩.৫ হেন্না ফংহন্নবা পান্দম থম্লি। মসিগী মনুংদা, চাউরাক্না বেনিফিসরী করোর ১.৯২না অহানবা ওইনা থবক ফংলবশিং ওইগনি হায়না পানরি। ইমপ্লোয়িশিং অমসুং এমপ্লোয়রশিং অনিমকপু সপোর্ত তৌদুনা, স্কিম অসিনা ফোর্মেল এমপ্লোয়মেন্ত পাকথোক চাউথোকহনবদা, সোসিএল সেক্যুরিতী কোভরেজ মপাঙ্গল কনখৎহনবদা অমসুং বিক্সিত ভারতকী মঙলান ফগৎহনবদা অহোংবা পুরক্নবা থৌদাং লৌরি।
***
(रिलीज़ आईडी: 2274101)
आगंतुक पटल : 22
इस विज्ञप्ति को इन भाषाओं में पढ़ें:
Bengali
,
English
,
Urdu
,
Marathi
,
हिन्दी
,
Assamese
,
Gujarati
,
Odia
,
Tamil
,
Telugu
,
Kannada
,
Malayalam