প্ৰধানমন্ত্ৰীৰ কাৰ্যালয়
প্ৰধানমন্ত্ৰীয়ে ১৯ জুনত প্ৰধানমন্ত্ৰী বিত্ত ভাৰত ৰোজগাৰ যোজনাৰ অধীনত প্ৰায় ২,৪০০কোটি টকাৰ ইনচেণ্টিভ বিতৰণ কৰিব
প্ৰথমবাৰৰ বাবে কৰ্মচাৰীসকলে ১৫,০০০ টকালৈকে ইনচেণ্টিভ লাভ কৰিব
দীৰ্ঘস্থায়ী চাকৰি সৃষ্টিক উৎসাহিত কৰিবলৈ, নিয়োগকৰ্তাসকল প্ৰতিজন অতিৰিক্ত কৰ্মচাৰীৰ বাবে প্ৰতি মাহে ৩,০০০ টকা পৰ্যন্ত ইনচেণ্টিভৰ বাবে যোগ্য
পিএম-ভি বি আৰ ৱাই ক চাকৰি সৃষ্টি, নিযুক্তিৰ আনুষ্ঠানিককৰণ আৰু সামাজিক সুৰক্ষাৰ পৰিসৰৰ সম্প্ৰসাৰণৰ বাবে প্ৰস্তুত কৰা হৈছে
আঁচনিখনে ইতিমধ্যে সমগ্ৰ দেশতে ১৫ লাখ হিতাধিকাৰীৰ বাবে নিযুক্তিৰ সুবিধা প্ৰদান কৰিছে
प्रविष्टि तिथि:
17 JUN 2026 3:14PM by PIB Guwahati
প্ৰধানমন্ত্ৰী শ্ৰী নৰেন্দ্ৰ মোদীয়ে নতুন দিল্লীৰ বিজ্ঞান ভৱনত ১৯ জুন ২০২৬ ৰ সন্ধিয়া ৫ বজাত অনুষ্ঠিত হ’বলগীয়া এটা বিশেষ অনুষ্ঠানত প্ৰধানমন্ত্ৰী বিত্ত ভাৰত ৰোজগাৰ যোজনা (পিএম-ভিবিআৰৱাই) ৰ অধীনত প্ৰায় ২,৪০০ কোটি টকাৰ ইনচেণ্টিভ বিতৰণ কৰিব।
এই বিতৰণে নিযুক্তি সৃষ্টি ত্বৰান্বিত কৰা, নিযুক্তিৰ আনুষ্ঠানিককৰণৰ প্ৰচাৰ কৰা, নিয়োগযোগ্যতা বৃদ্ধি কৰা আৰু বিভিন্ন খণ্ডত সামাজিক সুৰক্ষাৰ পৰিসৰ সম্প্ৰসাৰণৰ লক্ষ্যৰে ভাৰত চৰকাৰৰ মুখ্য নিযুক্তি-সংযুক্ত ইনচেণ্টিভ আঁচনি পিএম-ভিবিআৰৱাই ৰূপায়ণৰ ক্ষেত্ৰত এক গুৰুত্বপূৰ্ণ মাইলৰ খুঁটি হিচাপে চিহ্নিত কৰিছে। এই আঁচনিখনে ইতিমধ্যে সমগ্ৰ দেশতে ১৫ লাখ নিযুক্তিৰ সুযোগ সৃষ্টি কৰাত সহায় কৰিছে।
পিএম-ভি বি আৰ ৱাই ক শ্ৰমিক আৰু নিয়োগকৰ্তা দুয়োকে আনুষ্ঠানিক অৰ্থনীতিত অংশগ্ৰহণ কৰিবলৈ উৎসাহিত কৰাৰ বাবে প্ৰস্তুত কৰা হৈছে। আঁচনিখনৰ অধীনত, প্ৰথমবাৰৰ কৰ্মচাৰীসকল ১৫,০০০ টকালৈকে ইনচেণ্টিভৰ বাবে যোগ্য, যিয়ে কৰ্মবাহিনীত প্ৰৱেশ কৰাৰ সময়ত গুৰুত্বপূৰ্ণ সমৰ্থন প্ৰদান কৰে। অতিৰিক্ত নিযুক্তি সৃষ্টি কৰা নিয়োগকৰ্তাসকল প্ৰতি অতিৰিক্ত কৰ্মচাৰীৰ বাবে প্ৰতি মাহে ৩,০০০টকা পৰ্যন্ত ইনচেণ্টিভৰ বাবে যোগ্য, যাৰ ফলত স্থায়ী চাকৰি সৃষ্টিত উৎসাহিত হয়। অৰ্থনৈতিক বিকাশৰ ক্ষেত্ৰত উৎপাদনৰ কৌশলগত গুৰুত্ব স্বীকাৰ কৰি, উৎপাদন খণ্ডৰ নিয়োগকৰ্তাসকলে চাৰি বছৰৰ বাবে ইনচেণ্টিভ লাভ কৰিবলৈ যোগ্য, আনহাতে আন সকলো খণ্ডৰ নিয়োগকৰ্তাসকলে দুবছৰৰ বাবে ইনচেণ্টিভ লাভ কৰিব পাৰে।
এই আঁচনিখনে নিযুক্তি-নেতৃত্বাধীন বিকাশৰ বাবে এক সক্ষম পৰিৱেশতন্ত্ৰ গঢ়ি তোলাৰ বাবে চৰকাৰৰ দায়বদ্ধতাক প্ৰতিফলিত কৰে আৰু ভাৰতৰ অৰ্থনৈতিক প্ৰগতিৰ সুবিধাসমূহ ইয়াৰ যুৱক-যুৱতীসকলৰ বাবে মানসম্পন্ন আনুষ্ঠানিক নিযুক্তিৰ সুযোগলৈ ৰূপান্তৰিত হোৱাটো নিশ্চিত কৰে।
পিএম-ভিবিআৰৱাই ১ আগষ্ট ২০২৫ত কাৰ্যকৰী হৈছিল। মুঠ ৯৯,৪৪৬ কোটি টকা ব্যয়ৰ এই আঁচনিখনৰ লক্ষ্য হৈছে দুবছৰৰ ভিতৰত ৩ কোটিৰো অধিক চাকৰি সৃষ্টিৰ বাবে উৎসাহিত কৰা। ইয়াৰ ভিতৰত প্ৰায় ১.৯২ কোটি হিতাধিকাৰী প্ৰথমবাৰৰ বাবে কৰ্মবাহিনীত প্ৰৱেশ কৰিব বুলি আশা কৰা হৈছে। কৰ্মচাৰী আৰু নিয়োগকৰ্তা দুয়োকে সমৰ্থন কৰি, আঁচনিখনে আনুষ্ঠানিক নিযুক্তি সম্প্ৰসাৰণ, সামাজিক সুৰক্ষা পৰিসৰ শক্তিশালী কৰা আৰু বিকশিত ভাৰতৰ দৃষ্টিভংগীক আগুৱাই নিয়াৰ ক্ষেত্ৰত এক পৰিৱৰ্তনশীল ভূমিকা পালন কৰি আছে।
***
MJPS/SS/ST/MK
(रिलीज़ आईडी: 2274047)
आगंतुक पटल : 15
इस विज्ञप्ति को इन भाषाओं में पढ़ें:
Bengali
,
English
,
Urdu
,
Marathi
,
हिन्दी
,
Manipuri
,
Gujarati
,
Odia
,
Tamil
,
Telugu
,
Kannada
,
Malayalam