প্রধান মন্ত্রী শ্রী নরেন্দ্র মোদীনা ঙসি ফ্রান্সকী ইভিয়নদা পাংথোকপা জি.৭ সমিৎতা "অনৌবা মপাংশিং চেৎশিলহনবা অমসুং মালেমগী অপুনবগী মশক শেমগৎপা" হায়বসিগী মতাংদা পাংথোকপা মীফমদা ৱা ঙাংখ্রে।

মহাক্কী ৱারোলদা, প্রধান মন্ত্রীনা হায়খি মদুদি, অমগা অমগা শম্নবা মালেম অমদা, ইনর্জী, ফুদ, হেল্থ, সাইবর অমসুং ইকোনোমিক সেক্যুরিতী অসি অমগা অমগা মরী লৈনৈ, মীওইবা খুন্নাইগী চাউখৎপা অমসুং চাউখৎপগীদমক মালেমগী ওইবা পার্তনরশিপ শেমগৎপা অসি তঙাইফদে। মহাক্না মখা তানা হায়খি, অচেৎপা মালেম অমদা, ললোন-ইতিক অমসুং তেক্নোলোজী অসি অখন্নবা ইন্তরেস্তকীদমক লান্না শীজিন্নরি, মসিনা ইন্তর্নেস্নেল এরেনাদা থাজবগী অৱাৎপা লৈহল্লি। কোবিদ পেন্দেমিক্কী মহৈশিং পল্লদুনা মহাক্না লৈবাকশিংদা গ্লোবেল পার্তনরশিপশিংদা থাজবা অমসুং ত্রান্সপরেন্সী শেমগৎপদা মীৎয়েং চংনবা হায়খি।

ইন্তর্নেস্নেল কোওপরেসনগী মতাংদা ভারতনা লৌখৎলিবা খোঙথাংশিং অদু পল্লদুনা প্রধান মন্ত্রীনা হায়খি মদুদি ভারতনা মতম পুম্নমক্তা "হ্যুমেনিতী ফর্স্ত"গী ৱাখল্লোন অসি ঙাক্না চৎলি। অমসুং মসিগী ৱাখল্লোন অসি ইন্তর্নেস্নেল সোলর এলাইন্স, কোলিসন ফোর দিজাস্তর রেসিলিয়েন্ত ইনফ্রাস্ত্রকচর, গ্লোবেল বাইও-ফুয়েল এলাইন্স, মিসন লাইফই নৎত্রগা এক পেদ মম কে নাম [ইমাগীদমক উপাম্বী অমা] কেম্পেনগী মখাদা থবক পায়খৎপদা মসিগী হোৎনরিবশিংগী ময়োলদা থম্লি। মহাক্না মখা তারদুনা হায়খি মদুদি অপুনবগী খোঙথাং অসিনা মালেমগী তোঙান তোঙানবা মফমশিংদা মহৌশাগী ওইবা খুদোংচাদবশিং থোকপদা ভারতনা অহানবা তেংবাং পীবা ওইহল্লি। শ্রী লঙ্কাদা সাইক্লোন অমা, অফগানিস্তান্দা ইচিল-ইনাও অমা, মোজাম্বিকতা ঈশিং-ঈচাউ অমা নৎত্রগা জামাইকাদা হারিকান অমা ওইরবসু ভারতনা মতেং পাংলি।

ভারতকী ইনক্লুসিব অমসুং সস্তেনেবল গ্রোথকী মতাংদা পল্লদুনা, প্রধান মন্ত্রীনা হায়খি মদুদি মসিগী মন্ত্র 'সরব জন হিতাএ, সরব জন সুখাএ' [পুম্নমক্কী নুংঙাই য়াইফবা] অসিনা শেল-থুমগী ইনক্লুসন, হকশেলগী সেক্যুরিতী, দিজিতেল আইদেন্তিতী, তেক্নোলোজীনা লমজিংবা মীয়ামগী এম্পাৱর্মেন্ত অমসুং নুপীশিংনা লমজিংবা চাউখৎ-থৌরাংবু পুক্নিং থৌগৎপদা মশক থোকপা মহৈ ফংহল্লে।

প্রধান মন্ত্রীনা হায়খি মদুদি ইন্তরনেস্নেল পার্তনরশিপশিং অসি দোনর-রিসিপিতেন্ত পেরাদাইমদগী হেন্দোক্তুনা সোলীদরিতী অমসুং মান্ননা মপু ওইমিন্নবগী পেরাদাইম অমদা চংশিনগদবনি। মহাক্না হায়খি মদুদি অন্তর্জাতিগী আইনবু ইকায়খুম্নবা লৈতবা অসিনা অন্তর্জাতিগী ওইবা সোলদরিতী শেমগৎপদা খ্বাইদগী চাউবা অথিংবা অমা ওইরি, অমসুং মসিদা অহানবা ওইনা মীৎয়েং থম্বা মথৌ তাই। মহাক্না হায়খি মদুদি শান্তি অমসুং তংদু লৈতাবা লৈহন্নবগীদমক্তা অন্তর্জাতিগী ওইবা পার্তনরশিপকীদমক্তা দাইলোগ অমসুং দিপ্লোমেসীদা অহেনবা মীৎয়েং থমগদবনি।

 ***