સ્વાસ્થ્ય અને પરિવાર કલ્યાણ મંત્રાલય
કેન્દ્રીય આરોગ્ય અને પરિવાર કલ્યાણ મંત્રાલયે ડ્રગ્સ રૂલ્સ, 1945માં સુધારો કર્યો છે; નાના ગામડાઓમાં કફ સિરપના વેચાણ માટેની મુક્તિ પાછી ખેંચી લેવામાં આવી છે
કફ સિરપ પર નિયમનકારી નિયંત્રણ વધારવા માટે ડ્રગ્સ રૂલ્સમાં મુખ્ય સુધારા અંગે એક સૂચના જાહેર કરવામાં આવી છે
प्रविष्टि तिथि:
16 JUN 2026 11:41AM by PIB Ahmedabad
સ્વાસ્થ્ય અને પરિવાર કલ્યાણ મંત્રાલયે ગેઝેટ નોટિફિકેશન G.S.R. 927 (E) તારીખ 29 ડિસેમ્બર 2025, જે ભારતના ગેઝેટ અસાધારણ ભાગ II, સેક્શન 3, સબ-સેક્શન (i), તારીખ 30 ડિસેમ્બર, 2025માં પ્રકાશિત થયું છે, તેના દ્વારા ડ્રગ્સ રૂલ્સ, 1945માં સુધારો અધિસૂચિત કર્યો છે, જેમાં "ક્લાસ ઓફ ડ્રગ્સ" (દવાઓનો વર્ગ) શીર્ષક હેઠળ શેડ્યૂલ K, સિરીયલ નંબર 13, એન્ટ્રી 7 માંથી સિરપ શબ્દ કાઢી નાખવામાં આવ્યો છે.
ડ્રગ્સ રૂલ્સ, 1945નું શેડ્યૂલ K દવાઓના વિશિષ્ટ વર્ગો માટે ડ્રગ્સ એન્ડ કોસ્મેટિક્સ એક્ટ, 1940 અને તે હેઠળ બનાવવામાં આવેલા નિયમોની કેટલીક જોગવાઈઓમાંથી મુક્તિ પ્રદાન કરે છે. આ સુધારા પહેલા, શેડ્યૂલ Kની એન્ટ્રી નંબર 13 હેઠળ 1,000 થી ઓછી વસ્તી ધરાવતા ગામડાંઓમાં છૂટક વેચાણ લાયસન્સિંગની કેટલીક જોગવાઈઓનું પાલન કર્યા વિના કફ સિરપ વેચવાની મંજૂરી હતી.
ઉક્ત એન્ટ્રીમાંથી "સિરપ" શબ્દ કાઢી નાખવા સાથે, આ મુક્તિ હવે કફ સિરપ માટે ઉપલબ્ધ રહેશે નહીં. પરિણામે, નાના ગામડાંઓમાં કફ સિરપનું વેચાણ અને વિતરણ હવે ડ્રગ્સ એન્ડ કોસ્મેટિક્સ એક્ટ, 1940 અને તે હેઠળ ઘડવામાં આવેલા નિયમોની જોગવાઈઓ અનુસાર માત્ર યોગ્ય રીતે લાયસન્સ ધરાવતી ફાર્મસીઓ (દવાની દુકાનો) દ્વારા જ કરવું જરૂરી રહેશે.
સિરપ ફોર્મ્યુલેશન પર નિયમનકારી દેખરેખ મજબૂત કરવા અને મુક્તિના માળખાને સમકાલીન જાહેર આરોગ્ય અને સુરક્ષા જરૂરિયાતો સાથે સુસંગત કરવા માટે આ સુધારો કરવામાં આવ્યો છે. આ પગલાંથી દેશભરમાં નિયમનકારી ધોરણોનું વધુ પાલન સુનિશ્ચિત કરવાની સાથે કફ સિરપના જવાબદારીપૂર્વક વિતરણ અને વેચાણને પ્રોત્સાહન મળવાની અપેક્ષા છે.
કફ સિરપનો વ્યવસાય કરતા ઉત્પાદકો, વિતરકો અને છૂટક વિક્રેતાઓને ડ્રગ્સ એન્ડ કોસ્મેટિક્સ એક્ટ, 1940 અને ડ્રગ્સ રૂલ્સ, 1945 હેઠળ લાગુ પડતી લાયસન્સિંગ અને નિયમનકારી જરૂરિયાતોનું ચુસ્તપણે પાલન સુનિશ્ચિત કરવા સલાહ આપવામાં આવે છે.
ઈ-ગેઝેટ (e-Gazette) અધિસૂચના અહીં જોઈ શકાય છે:
https://egazette.gov.in/WriteReadData/2026/273467.pdf
SM/DK/JT
સોશિયલ મીડિયા પર અમને ફોલો કરો : 
@PIBAhmedabad 
/pibahmedabad1964 
/pibahmedabad 
pibahmedabad1964[at]gmail[dot]com
(रिलीज़ आईडी: 2273440)
आगंतुक पटल : 48
इस विज्ञप्ति को इन भाषाओं में पढ़ें:
Bengali
,
Malayalam
,
English
,
Urdu
,
Marathi
,
हिन्दी
,
Assamese
,
Bengali-TR
,
Punjabi
,
Tamil
,
Telugu
,
Kannada