નેશનલ ફિલ્મ ડેવલપમેન્ટ કોર્પોરેશન (NFDC) એ 19મા મુંબઈ ઇન્ટરનેશનલ ફિલ્મ ફેસ્ટિવલ (MIFF), 2026ની સાથે યોજાનારી વેવ્ઝ ડોક બજાર (WAVES Doc Bazaar) ની બીજી આવૃત્તિ માટે વેવ્ઝ ડોક બજાર રેકમેન્ડ્સ (WAVES Doc Bazaar Recommends) પ્રોગ્રામ હેઠળ પસંદ કરાયેલા પ્રોજેક્ટ્સની જાહેરાત કરી છે.

એમઆઈએફએફ (MIFF) નો માર્કેટ સેગમેન્ટ 16-18 જૂન, 2026 દરમિયાન ડૉ. ગોપાલરાવ દેશમુખ માર્ગ, મુંબઈ ખાતે આવેલી એનએફડીસી (NFDC) હેડ ઓફિસ ખાતે આયોજિત કરવામાં આવશે. તે ડોક્યુમેન્ટ્રી, શોર્ટ ફિલ્મ અને એનિમેશન ઇકોસિસ્ટમના ફિલ્મ નિર્માતાઓ, પ્રોડ્યુસર્સ, બ્રોડકાસ્ટર્સ, ડિસ્ટ્રિબ્યુટર્સ, ફેસ્ટિવલ પ્રોગ્રામર્સ અને ઉદ્યોગ જગતના વ્યાવસાયિકોને એકસાથે લાવશે.

વેવ્ઝ ડોક બજાર વ્યુઇંગ રૂમ, વર્ક-ઇન-પ્રોગ્રેસ (WIP) લેબ અને બિઝનેસ-ટુ-બિઝનેસ (B2B) મીટિંગ્સ જેવી પહલો દ્વારા સહયોગ, નેટવર્કિંગ અને બજારની તકોને પ્રોત્સાહન આપવાના હેતુથી એક ઉદ્યોગ મંચ (ઇન્ડસ્ટ્રી પ્લેટફોર્મ) તરીકે કામ કરે છે.

ઉભરતી પ્રતિભાઓને ટેકો આપવા અને પ્રભાવશાળી વાર્તાલાપને પ્રોત્સાહિત કરવાની એક મહત્વપૂર્ણ પહલ રૂપે, એનએફડીસીએ વેવ્ઝ ડોક બજાર 2026માં ભાગ લેનારા ત્રણ ઉત્કૃષ્ટ પ્રોજેક્ટ્સ માટે પ્રત્યેકને ₹3 લાખની રોકડ ગ્રાન્ટ આપવાની જાહેરાત કરી છે. આ ગ્રાન્ટ અસાધારણ સર્જનાત્મક વિઝન, આકર્ષક કથાનક, મજબૂત કલાત્મક યોગ્યતા અને ભારતમાં તેમજ આંતરરાષ્ટ્રીય બજારોમાં દર્શકોને આકર્ષવાની ક્ષમતા ધરાવતા પ્રોજેક્ટ્સને માન્યતા આપશે.

વેવ્ઝ ડોક બજાર રેકમેન્ડ્સ પસંદગીમાં 12 પ્રોજેક્ટ્સ સામેલ છે, જેમાં વર્ક-ઇન-પ્રોગ્રેસ લેબમાં ભાગ લેનારા ચાર પ્રોજેક્ટ્સનો સમાવેશ થાય છે. ડબલ્યુઆઈપી (WIP) લેબ દ્વારા, પસંદ કરાયેલા ફિલ્મ નિર્માતાઓ આંતરરાષ્ટ્રીય સલાહકારો અને સંપાદકો (એડિટર્સ) ની પ્રતિષ્ઠિત પેનલ સમક્ષ તેમની ફિલ્મોના રફ કટ રજૂ કરશે, અને તેમના પ્રોજેક્ટ્સને વધુ મજબૂત કરવા તેમજ વ્યાપક ઉદ્યોગ જોડાણ અને વિતરણની તકો માટે તેમને તૈયાર કરવા માટે મૂલ્યવાન પ્રતિભાવો (ફીડબેક), માર્ગદર્શન અને સલાહ મેળવશે.

આ ઉપરાંત, વેવ્ઝ ડોક બજાર રેકમેન્ડ્સ લાઇન અપ હેઠળ આઠ પ્રોજેક્ટ્સની પસંદગી કરવામાં આવી છે. આ ફિલ્મો, જે કાં તો પૂર્ણ થઈ ગઈ છે અથવા પોસ્ટ-પ્રોડક્શનના અંતિમ તબક્કામાં છે, તે વેચાણ, વિતરણ અને પ્રદર્શનની તકો શોધી રહી છે. આ પ્રોગ્રામ ખરીદદારો, ડિસ્ટ્રિબ્યુટર્સ, બ્રોડકાસ્ટર્સ, સ્ટ્રીમિંગ પ્લેટફોર્મ્સ અને ઉદ્યોગ જગતના અન્ય હિતધારકો સાથે બજાર સુધી પહોંચ અને વ્યાપક દર્શકો સુધી પહોંચવાના માર્ગો શોધવા માટે સંવાદની સુવિધા પૂરી પાડશે.

પસંદ કરાયેલા તમામ 12 પ્રોજેક્ટ્સ બજારના ઉદ્ઘાટનના દિવસે, 16 જૂન 2026ના રોજ ઓપન પિચ સેશનમાં ભાગ લેશે. આ સત્ર ફિલ્મ નિર્માતાઓને ખરીદદારો, ડિસ્ટ્રિબ્યુટર્સ, બ્રોડકાસ્ટર્સ અને ફેસ્ટિવલ પ્રતિનિધિઓ સહિત ઉદ્યોગ જગતના વ્યાવસાયિકોના વિવિધ દર્શકો સમક્ષ તેમના પ્રોજેક્ટ્સ રજૂ કરવાની તક પૂરી પાડશે. તે સહભાગીઓને સાર્થક ભાગીદારી અને સહયોગનું નિર્માણ કરવાની સાથે તેમની ફિલ્મોના અનોખા વિઝનને પ્રદર્શિત કરવા માટે પણ સક્ષમ બનાવશે.

વેવ્ઝ ડોક બજારની બીજી આવૃત્તિનું એક મુખ્ય આકર્ષણ વ્યુઇંગ રૂમ છે, જે એક સમર્પિત ડિજિટલ લાઇબ્રેરી પ્લેટફોર્મ છે જે ફિલ્મ નિર્માતાઓને ઉદ્યોગના હિતધારકો સમક્ષ તેમનું કાર્ય પ્રદર્શિત કરવાની મંજૂરી આપે છે, જેથી નેટવર્કિંગ, વિતરણ અને સંપાદન (એક્વિઝિશન) ની તકો સુલભ બને છે.

આ વર્ષે, વ્યુઇંગ રૂમમાં 19 દેશોના 35 ભાષાઓના 155 પ્રોજેક્ટ્સ પ્રદર્શિત કરવામાં આવશે, જે ખરીદદારો, બ્રોડકાસ્ટર્સ, ડિસ્ટ્રિબ્યુટર્સ, ફેસ્ટિવલ પ્રોગ્રામર્સ અને ઉદ્યોગના અન્ય હિતધારકોને વિશ્વભરમાંથી દસ્તાવેજી કથાઓ અને દ્રષ્ટિકોણોની સમૃદ્ધ વિવિધતા સુધી પહોંચ પ્રદાન કરશે.

વર્ક-ઇન-પ્રોગ્રેસ લેબ 2026 માટે પસંદ કરાયેલી ફિલ્મો

• અદિયુ દિલ્હી (Adieu Dilli) – નિર્દેશકો: નંદન સક્સેના અને કવિતા બહલ
• ઇટ ટેક્સ અ વિલેજ (It Takes A Village) – નિર્દેશક: ઇન્દ્રજીત મોરે
• કુંચોક એન્ડ હિસ મેની મૂન્સ (Kunchok and His Many Moons) – નિર્દેશક: અશોક મીના
• ઓન અ ગુડ નોટ (On a Good Note) – નિર્દેશક: કરિશ્મા રાવ

વેવ્ઝ ડોક બજાર રેકમેન્ડ્સ 2026 માટે પસંદ કરાયેલી ફિલ્મો

• બાય ધ હોમ (By the Home) – નિર્દેશક: માનકાપ નોકવોહામ
• દો ચાર દિન (Do Chaar Din) – નિર્દેશક: સાન્યા આનંદ
• ઇચે (Eche) – નિર્દેશક: ડિંગકુ થિંગનામ
• રસનિષ્પત્તિ (Rasanishpathi) – નિર્દેશક: હરીશ કે. એમ.
• રાઇઝ (Rise) – નિર્દેશક: અરાસ્તુ ઝાકિયા
• ધ ગર્લ બિનીથ ધ સન (The Girl Beneath The Sun) – નિર્દેશક: મધુરિમા મૈતી
• તુરુ (Turu) – નિર્દેશક: રામેશ્વર ભટ્ટ
• ટુકરો ટુકરો પૃથિબી (Tukro Tukro Prithibi) – નિર્દેશક: અસ્મિતા પાલ

પસંદ કરાયેલા પ્રોજેક્ટ્સ સમકાલીન ડોક્યુમેન્ટ્રી ફિલ્મ નિર્માણની વિવિધતા, સર્જનાત્મકતા અને શક્તિને પ્રતિબિંબિત કરે છે અને ફિલ્મ નિર્માતાઓ માટે વૈશ્વિક બજારો અને દર્શકો સાથે જોડાવાની સાર્થક તકો ઊભી કરવાની સાથે ઉભરતા અવાજોને પ્રોત્સાહિત કરવા માટે એનએફડીસી (NFDC) ની પ્રતિબદ્ધતા પર ભાર મૂકે છે.

SM/JD