Ka Tnat Information & Broadcasting
azadi ka amrit mahotsav

Peit bniah u Cabinet Secretary Dr. T. V. Somanathan ia ka jingpynkhreh ban pynlong biang ia ka eksamin NEET bad u DG, NTA

Kino kino ki briew kiba pyrshang ha kano kano ka Rukom ban Pynthut ia ka eksamin kin shah pynshitom katkum ka ain; Maham ia u Cabinet Secretary

प्रविष्टि तिथि: 12 JUN 2026 6:23PM by PIB Shillong

U Cabinet Secretary Dr. T. V. Somanathan mynta ka sngi u la peit bniah ia ka jingpynkhreh ia ka jingpynlong biang ia ka eksamin NEET ha ka jingialang bad u Director General ka National Testing Agency (NTA).

Ha ka jingialang peit bniah, u Cabinet Secretary u la ban jur ia ka jingdonkam ban pynthikna ia ka jingpynlong biang ia ka eksamin kaba iaid beit iaid ryntih, kaba shai bad kaba shngain lyngba ka jingiatreilang kaba jan hapdeng baroh kiba don bynta ha kane ka kam. Ia eksamin NEET la pynkhreh ban pynlong biang ha ka 21 tarik u Jylliew 2026.

U Cabinet Secretary u la ong ba “Ka Sorkar Pdeng, ki Sorkar Jylla bad ki bor pyniaid District ki ïatreilang ha ka jingïatreilang kaba jan, ban pynthikna ïa ka jingïaid beit ïaid ryntih ka jingpynlong biang ia ka eksamin NEET. Kino kino ki briew kiba pyrshang ha kano kano ka rukom ban pynthut ia ka eksamin kin shah pynshitom katkum ka ain.

 

U Somanathan u la peit bniah ïa ki jingpynkhreh bad ki Secretary jong ka Sorkar Pdeng bad ki tnad ba dei peit ha ka 1 tarik u Jylliew 2026. Hadien kata, ha ka 4 tarik u Jylliew 2026, u la pynlong ruh ïa ka jingïalang peit bniah bad ki Chief Secretary jong ki Sorkar Jylla ban bishar bniah ïa ka jingïaid shaphrang jong ki jingpynkhreh.

Kine ki jingialang ki long ban pynthikna ia ka jingiatreilang kaba bha, ban pynkhlain ia ka jingpynkhreh bad ban pynneh ia ka burom bad jingshaniah jong ka rukom pynlong biang ia ka eksamin NEET.

 

****


(रिलीज़ आईडी: 2272354) आगंतुक पटल : 3
इस विज्ञप्ति को इन भाषाओं में पढ़ें: English , Urdu , Marathi , हिन्दी , Assamese , Punjabi , Gujarati , Odia , Tamil , Kannada , Malayalam