কেন্দ্রগী হোম মিনিস্তর অমসুং কোওপরেসনগী মন্ত্রি শ্রী অমীত সাহনা ত্রিপুরাদা ঙমখৈগী মফমশিংগা মরি লৈনবা ৱাফমশিংগী মতাংদা মীফম অমা পাংথোকখ্রে। মীফম অদু ত্রিপুরাগী সালবগান্দা পাংথোকখি। মীফম অদুদা ইকায় খুম্নজরবা মুখ্য মন্ত্রি, ত্রিপুরাগী চিফ সেক্রেতরি, দি.জি.পি অমসুং অতোপ্পা সেনিয়র ওফিসরশিংগা লোয়ননা ত্রিপুরাগী ঙমখৈগী জিলা ৮ পুম্নমক্কি দিস্ত্রিক্ত মেজিস্ত্রেৎ অমসুং সুপরিতেন্দেন্ত ওফ পুলিসনা শরুক য়াখি। মীফম অদুদা রাজ্য সরকারগী মেছিনরিগী হেন্না তাংবাং পীনবা হেনগৎহনবা অমদি কম্প্রিহেন্সিব বোর্দর মেনেজমেন্ততা মীৎয়েং থমখি।

কেন্দ্রগী হোম মিনিস্তর শ্রী অমীত সাহনা ঙমখৈগী ঙাকশেল অসি আইসোলেতেদ দ্যুতি নত্তে অদুবু তেরিতোরিএল রেসপোন্সিবিলিতিনি হায়না ফোংদোকখ্রে। দিস্ত্রিক্ত মেজিস্ত্রেৎশিং, সুপরিতেন্দেন্ত ওফ পুলিস, পতৱারিশিং, সরপঞ্চশিং, মোদর্ন তেক্নোলোজিশিং অমসুং বোর্দর সেক্যুরিতি ফোর্স (বি.এস.এফ.) য়াওনা ফুলপ্রুফ সেক্যুরিতিগী গ্রীদ অমা শেমগৎপগী মথৌ তাবা অদুদা মহাক্না অকনবা ৱাফম থমখি।

পি.এম. শ্রী নরেন্দ্র মোদীগী লিচিংখাদা ভারত সরকারনা ঙমখৈগী মফম খুদিংমক খ্বাইদগী হান্না তৌদবা য়াদ্রবা ওইনা বোর্দর সেক্যুরিতীগা লোয়ননা মপাঙ্গল কনখৎহল্লগনি। শ্রী সাহনা অকনবা ৱাফম থমখি মদুদি ফেন্সিং খক্তা নত্তনা অপুনবা তেরিতোরি দিফেন্স – লোকেল এদ্মিনিস্ত্রেসন, স্মার্ত তেক্নোলোজি অমসুং বি.এস.এফ.- অসি মপুং ফানা শোই-ঙামদবা অমদি ফুলপ্রুফ বোর্দর গ্রীদ অমা ওইহল্লগনি।

কেন্দ্রগী হোম মিনিস্তরনা ঙমখৈদা লৈরিবা মীওইশিংবু নার্কোতিক্স অমসুং আরমসকি চৈথেংশিং থেংননবা ত্রেনিং পিনবা কেম্পশিং শেমগৎনবা য়াথং পিখি। কেম্পশিং অসিদা পতৱারিশিং, লোকেল পুলিস অমসুং বি.এস.এফ. পর্সোনেলশিং লৈহন্নবা হায়খ্রে।

কেন্দ্রগী হোম মিনিস্তর সাহনা হোম এফেয়রস মন্ত্রালয়গী সি.সি.তি.ভি.গী মোদেল অসি অহানবদা ত্রিপুরাদা ইমপ্লিমেন্ত তৌনবা, অমসুং বি.এস.এফ.কি কেমেরা খুদিংমক অপগ্রেদ তৌনবা অমসুং দিস্ত্রিক্ত এদমিনিস্ত্রেসনগা শম্নহন্নবা য়াথং পিখি।

শ্রী অমীত সাহনা হায়খি মদুদি দ্রগ অমসুং আর্ম ত্রাফিকিংগী মায়োক্তা চাং নাইনা ওপরেসনশিং পাঙথোক্কদবনি, অমসুং দ্রগ ত্রাফিকিংদা কন্ত্রিব্যুতরশিংগী চেন পুম্নমক অসি শাথিবা মওংদা থেংনগদবনি।

কেন্দ্রগী হোম মিনিস্তরনা হায়খি ঙমখৈগী জিলাশিংদা শেল-থুমগী দিসিপ্লিন শোয়দনা লৈহনবা হায়বসিসু রাজ্যশিংগী থৌদাংনি। মহাক্না কলেক্তরশিং অমসুং জি.এস.তি.গী ওফিসিএলশিং ত্রেনিং পিনবা য়াথং পিখি, অমসুং সেন্ত্রেল বোর্দ ওফ দাইরেক্ত তেক্সেস(সি.বি.দি.তি.)না অরানবা শেনফমগী মতাংদা সর্ভে অমা পাঙথোক্নবা য়াথং পিখি।

শ্রী সাহনা ঙমখৈশিংদা শেল-থুমগী লল্লোন-ইতিক্কী থবকশিং, অচৌবা বিল্দিংশিং শাবা, অমসুং লন-থুমশিং লৈবা-য়োনবা অসিগী মতাংদা য়াম্না কুপ্না য়েংশিন্নবা হায়খি অমসুং হৌখিবা চহি মঙাগী লমগী রেকোর্দশিং য়েংশিনবগী থবক অমা পাঙথোক্নবা য়াথং পিখি।

মীফম অদুদা অকনবা ৱাফম থমখি মদুদি প্রধান মন্ত্রি শ্রী নরেন্দ্র মোদীগী লিচিংখাদা ভারত সরকারনা ঙমখৈগী মফমশিংগী অপুনবা মওংদা চাওখৎপা অমসুং সেফতিগীদমক কেন্দ্র অমসুং রাজ্যগী এজেন্সিশিংগী মরক্তা য়াম্না নক্নবা সিনর্জি প্রমোত তৌবগা লোয়ননা ইন্তর্নেস্নেল বোর্দরশিংদা সেক্যুরিতিগী খ্বাইদগী ৱাংবা থাক অদু শোয়দনা ফংহন্নবা খোংফম চেৎনা লেপ্লি।

***