وزیراعظم کا دفتر
azadi ka amrit mahotsav

وزیراعظم مودی کی کویت کے امیر سے گفتگو


دونوں رہنماؤں کا مشرقِ وسطیٰ کی صورتحال پر تبادلہ خیال

وزیراعظم نے کویت کی خودمختاری اور علاقائی سالمیت پر حملوں کی شدید مذمت کا اعادہ کیا

وزیراعظم نے کشیدگی میں کمی، مذاکرات اور سفارت کاری پر زور دیا

وزیراعظم نے کویت میں بھارتی برادری کی فلاح و بہبود اور حفاظت پر خصوصی توجہ دینے کے لیے امیرِ کویت کا شکریہ ادا کیا

प्रविष्टि तिथि: 09 JUN 2026 3:36PM by PIB Delhi

وزیراعظم جناب نریندر مودی نے آج کویت کے امیر، عالی مرتبہ شیخ مشعل الاحمد الجابر الصباح کے ساتھ ٹیلی فون پر گفتگو کی۔

دونوں رہنماؤں نے مشرقِ وسطیٰ میں ابھرتی ہوئی امن و امان کی صورتحال پر تبادلہ خیال کیا۔

وزیراعظم نے کشیدگی میں اضافے پر گہری تشویش کا اظہار کیا اور کویت کی خودمختاری اور علاقائی سالمیت پر ہونے والے حملوں کی شدید مذمت کا اعادہ کیا۔

وزیراعظم نے امن و استحکام کی جلد از جلد بحالی کے لیے کشیدگی میں کمی، مذاکرات اور سفارت کاری کی اپیل کو دہرایا۔

وزیراعظم نے کویت میں مقیم بڑی بھارتی برادری کی مستقل فلاح و بہبود اور حفاظت پر خصوصی توجہ دینے کے لیے عالی مرتبہ امیرِ کویت کا شکریہ ادا کیا۔

***********

ش ح۔م م ۔ ا ک م

U No. 8166


(रिलीज़ आईडी: 2270758) आगंतुक पटल : 14
इस विज्ञप्ति को इन भाषाओं में पढ़ें: Bengali , English , Marathi , हिन्दी , Gujarati , Tamil , Kannada , Malayalam