য়ুমলৈ-কৈরৈ মন্ত্রালয়
পদ্ম এৱার্দ-২০২৭গী নোমিনেসন অসি জুলাই ৩১, ২০২৬ ফাওবা হাংগনি
प्रविष्टि तिथि:
05 JUN 2026 3:44PM by PIB Imphal
রিপব্লিক দে, ২০২৭কি থৌরমদা লাওথোক্কদৌরিবা পদ্ম এৱার্দ-২০২৭গী নোমিনেসন/রিকমেন্দেসনশিং অসি মার্চ ১৫, ২০২৬তগী হৌখ্রে। পদ্ম এৱার্দশিংগী নোমিনেসন তৌবগী অরোয়বা তাং অসি জুলাই ৩১, ২০২৬নি। পদ্ম এৱার্দশিংগী নোমিনেসন/রিকমেন্দেসনশিং অসি রাস্ত্রিয়া পুরস্কার পোর্তেল (https://awards.gov.in)দা ওনলাইন খক্তদা লৌশিনগনি।
পদ্ম এৱার্দশিং হায়বদি পদ্ম বিভুসন, পদ্ম ভুসন অমশুং পদ্ম শ্রী অসি লৈবাক অসিগী খ্বাইদগী ৱাংবা সিভিলিয়ন এৱার্দশিংগী মনুংদা অমনি। ১৯৫৪ দা লিংখৎখিবা মনাশিং অসি চহি খুদিংগী রিপব্লিক দেগী থৌরমদা লাওথোকই। এৱার্দ অসিনা ‘ৱার্ক ওফ দিস্তিংসন’বু শকখঙনবা হোৎনরি অমসুং মসি আর্ত, লিতরেচর অমসুং এজুকেসন, স্পোর্তস, মেদিসিন, সোসিএল ৱার্ক, সাইন্স অমসুং ইঞ্জিনিয়রিং, পব্লিক এফেয়রস, সিভিল সর্ভিশ, ত্রেদ অমসুং ইন্দস্ত্রি অসিনচিংবা লম/দিসিপ্লিন খুদিংমক্তা মশক থোকপা অমসুং অখন্নবা এচিভমেন্তশিং/সর্ভিশকিদমক্তা পিবনি। জাতি, থবক, পোজিসন নত্রগা নুপী-নুপা খেৎনবা লৈতবা মীওই খুদিংমক এৱার্দশিং অসিগীদমক ইলিজিবল ওই। দোক্তর অমসুং সাইন্তিস্তশিং নত্তনা পি.এস.য়ু.শিংদা থবক তৌমিন্নরিবশিং য়াওনা সরকারগী থবক তৌবশিংনা পদ্ম এৱার্দ ফংবগী ইলিজিবল ওইদে।
পদ্ম এৱার্দশিং অসি “মীয়ামগী পদ্ম” ওইনা ওন্থোক্নবা সরকারনা ৱাশক্লি। মরম অদুনা নাগরিক খুদিংমক্তা মশানা নোমিনেসন য়াওনা নোমিনেসন/রিকমেন্দেসনশিং পিনবা হায়জরি। নুপীশিং, খুন্নাইগী শোত্থরবা কাংলুপশিং, এস.সি.শিং & এস.তি.শিং, নাম্ম শোইরবা মীওইশিংগী মনুংদগী অমসুং খুন্নাইদা মশাগী ওইজবা থিদনা থৌগল তৌরিবা তেলেন্ত লৈবা মীওইশিং খঙদোক্নবা পুন্নাা হোৎনবা য়াই।
নোমিনেসনশিং/ রিকমেন্দেসনশিং অদুদা মথক্তা পনখ্রিবা পোর্তেল অসিদা ফংলিবা ফোর্মেত্তা পনখ্রিবা মরি লৈনবা অকুপ্পা মরোল পুম্নমক য়াওগদবনি, মদুদা মহাক্কি মশাগী ওইবা লম/দিসিপ্লিন অদুদা রিকমেন্দ তৌরবা মীওই অদুগী মশক থোকপা অমসুং অখন্নবা এচিভমেন্তশিং/সর্ভিশ অদু ময়েক শেঙনা ফোঙদোক্কদবনি।
মসিগী মতাংদা অকুপ্পা মরোলশিং অসি হোম এফেয়রস মন্ত্রালয়গী ৱেবসাইত্তা (https://mha.gov.in) অমসুং পদ্ম এৱার্দ পোর্তেলদা (https://padmaawards.gov.in ) ‘এৱার্দ অমসুং মেদল’ হায়বা হীরম অসিগী মখাদা ফংগনি। মনাশিং অসিগা মরি লৈনবা চৎন-কাংলোনশিং অমসুং চৎন-পথাপশিং অসি ৱেবসাইত https://padmaawards.gov.in/AboutAwards.aspx অসিদা ফংবিগনি।
***
(रिलीज़ आईडी: 2270412)
आगंतुक पटल : 13
इस विज्ञप्ति को इन भाषाओं में पढ़ें:
Tamil
,
English
,
Urdu
,
हिन्दी
,
Marathi
,
Bengali
,
Assamese
,
Punjabi
,
Gujarati
,
Telugu
,
Kannada
,
Malayalam