হাউসিং অমসুং অর্বান এফিয়র্স মন্ত্রালয় (এম.ও.ঐচ.য়ু.এ.) গী মরুওইবা মাইক্রো-ক্রেদিৎ স্কিম পি.এম. স্ত্রীৎ ভেন্দরস আত্মানির্ভর নিধি (পি.এম. স্বানিধি) না শেল চংদবা কোল্লেতরেল ফ্রী ক্রেদিৎ, দিজিতেল ইনক্লুজন অমসুং সোসিএল সেক্যুরিতীগী খুত্থাংদা লম্বীদা পোৎ য়োনবশিংদা শক্তি পীরকপা চহি তরুক মপুং ফারে।

থৌরম অসি পালন তৌনবগীদমক, হাউসিং অমসুং অর্বান এফিয়র্সকী কেন্দ্রগী মন্ত্রী, শ্রী মনোহর লাল অমসুং ত্রিপুরাগী মুখ্য মন্ত্রী, শ্রী মনিক সাহানা অরুনাচল প্রদেশ, আসাম, মনিপুর, মিজোরাম অমসুং ত্রিপুরাগী পি.এম. স্বানিধিগী কান্নবা ফংলবশিংগা ৱারী শানখি। থৌরম অদুগী মনুংদা মখোয়না ত্রিপুরাগী লম্বীদা পোৎ য়োনবা মীওইশিংদা ক্রেদিৎ কার্দশিং অমসুং লোন সেঙ্কসন লেতরশিং য়েন্থোকখি।

২০২০গী জুন থাদা পি.এম. স্বানিধি হৌদোকখিবদগী, পি.এম. স্বানিধি অসি লম্বীদা পোৎ য়োল্লিবশিংগীদমক ত্রান্সফোর্মেতিব ইনিসিয়েতিব অমা ওইরকখি। মসিনা ফোর্মেল ক্রেদিৎ ফংহনবদা মতেং পাংলি অমসুং কান্নবা ফংলবশিংদা মখোয়গী পুন্সি মহিং মপাঙ্গল কনখৎহন্নবা অমসুং পাকথোক চাউথোকহন্নবা ঙমহল্লি। স্কিম অসিনা লৈবাক শিনবা থুংনা লৈরিবা লম্বীদা পোৎ য়োল্লিবশিংদা কান্নবা পীদুনা লুপা করোর ১৭,৮০০ হেনবগী শেনফম ওইবা লুপা করোর ১.০৫ হেনবগী লোন অয়াবা পীখ্রে।

কেন্দ্রগী হাউসিং অমসুং অর্বান এফিয়র্স মন্ত্রী শ্রী মনোহর লালনা হায়খি মদুদি প্রধান মন্ত্রী শ্রী নরেন্দ্র মোদীনা লম্বীদা পোৎ য়োল্লিবশিংগী কন্না হোৎনরিবা, হেংনরিবা অৱাবা অমসুং থৌদাংবু মশক খঙদুনা, শহরগী লায়রবশিংবু মপাঙ্গল কনখৎহন্নবা অমসুং মখোয়গী পুন্সি মহিং মপাঙ্গল কনখৎহন্নবা ভিজনগা লোয়ননা পি.এম. স্বানিধি স্কিম অসি ২০২০দা হৌদোকখি।

মহাক্না হায়খি স্কিম অসিগী পান্দমদি কোল্লেতরেল য়াওদবা লোন পীবা খক্তা নত্তে, অদুবু লম্বীদা পোৎচৈ য়োল্লিবশিংদা শেল-থুমগী সেক্যুরিতী অমসুং সোসিএল রিকোগনিসনগা লোয়ননা পুন্সিদা মাংলোমদা চংশিন্নবগী ‌ইকাই খুম্নবা, থাজবা অমসুং খুদোংচাবশিংসু লৈহন্নবা হোৎনবনি।

স্কিম অসিগী মাইপাকপশিং অদু পল্লদুনা শ্রী মনোহর লালনা হায়খি মদুদি হৌখিবা চহি তরুক অসিদা লৈবাক শিনবা থুংনা লম্বীদা পোৎ য়োনবা মীওই লাখ ৭৫.৫ হেন্না পি.এম. স্বানিধিগী মখাদা কান্নবা ফংখ্রে।

কেন্দ্রগী মন্ত্রীনা মখা তানা হায়খি মদুদি লৈবাক শিনবা থুংনা স্কিম অসিগী মখাদা কোল্লেতরেল ফ্রী ওইবা লোন করোর ১.১২ হেন্না অয়াবা পীখ্রে। হৌজিক ফাওবদা কান্নবা ফংলবা মীওইশিংদা লুপা করোর ১৭,৮০০ হেন্না পীখ্রে।

অৱাং-নোংপোক লমদমগী মতাংদা পল্লদুনা শ্রী মনোহর লালনা হায়খি মদুদি লমদম অসিদা লোন লাখ ২.৫৯ হেন্না য়েন্থোকখ্রে। মসিগী খুত্থাংদা লম্বীদা পোৎ য়োল্লিবশিংদা লুপা করোর ৪৩০গী শেলগী তেংবাং পীখ্রে।

ত্রিপুরাগী মতাংদা অখন্ননা পল্লদুনা কেন্দ্রগী মন্ত্রীনা হায়খি মদুদি রাজ্য অসিদা হৌজিক ফাওবদা লোন ৯,৩০০ হেন্না অয়াবা পীখ্রে অমসুং স্কিম অসিগী মখাদা কান্নবা ফংলবা মীওইশিংদা লুপা করোর ১৫ রোম পীখ্রে।

শ্রী মনোহর লালনা হায়খি মদুদি পি.এম. স্বানিধিগী খুত্থাংদা মীওই লাখ কয়ানা অহানবা ওইনা বেঙ্কিং সিস্তেমগা শম্নখ্রে অমসুং ফোর্মেল ইকোনোমীগী শরুক অমা ওইখ্রে, মসিনা ফাইনান্সিএল ইনক্লুজন অমসুং মশা-মরোমদোম লেপচবগী লম্বী য়াৎলি।

হৌখিবা চহি তরুক অসিদা স্কিম অসিগী ইম্পেক্ত অসি হীরম খুদিংমক্তা ত্রান্সফোর্মেতিব ওইখি। ৱাফমশিং অসি য়েংলগা, পি.এম. স্বানিধি স্কিমগী মখাদা লম্বীদা পোৎ য়োনবা নুপী লাখ ৩৪.৮১দা শক্তি পীখ্রে। লৈবাক শিনবা থুংনা লম্বীদা পোৎ য়োনবা নুপী লাখ ৫১.৮৪দা লোন পীখ্রে। মসিগী মথক্তা, স্কিম অসিনা চহিগী ওইনা বেনিফিসরীশিংগী চাংচত্তা চাদা ২০গী চাংদা হেনগৎলকপা থেংনখি অমসুং স্কিম অসিনা পীরিবা লোনশিং অদুগী মথক্তা লম্বীদা পোৎ য়োনবা মীওইশিংগী চাদা ৩০ হেন্না ক্রেদিৎ এক্সেস ফংখি।

পি.এম. স্বানিধিগী মরু ওইবা মাইপাকপশিং

• লুপা করোর ১.০৫+গী লোন সেঙ্কসন তৌখ্রে।
• স্কিম অসিগী মখাদা লুপা করোর ১৭,৮০০+ পীখ্রে।
• লম্বীদা পোৎচৈ য়োল্লিবী নুপী লাখ ৩৪.৮১দা শক্তি পীখ্রে।
• স্বানিধি সে সমৃদ্ধিগী মখাদা লম্বীদা পোৎচৈ য়োল্লিবী ইমুং লাখ ৫০ হেনবগী সোসিও-ইকোনোমিক প্রোফাইল তৌখ্রে।
• কেন্দ্র সরকারগী য়াইফ-থৌরাংগী স্কিম নিপানগী মখাদা লুপা করোর ১.৫২+গী য়াইফ-থৌরাংগী সেঙ্কসনশিং ফংহনখ্রে।

****