ত্রাইবেল এফিয়র্স মন্ত্রালয়গী ফ্লেগশিপ স্কোলরশিপ স্কিমশিংগী বেনিফিসরীশিংগী কাংলুপ অমনা ঙসি (জুন ২, ২০২৬)দা রাস্ত্রপতি ভবনদা ভারতকী রাস্ত্রপতি শ্রীমতি দ্রৌপদি মর্মুগা উনখ্রে।

বেনিফিসরীশিংদা ৱা ঙাংলদুনা রাস্ত্রপতিনা হায়খি মদুদি ঐখোয়গী লৈবাক অসিদা তেলেন্তগী অৱাৎপা লৈতে। মথৌ তারিবদি অচুম্বা লমজিং-লমতাক পীবা, সপোর্ত পীবা অমসুং চুনবা প্লেতফোর্ম অমা পীবনি। খুদোংচাবা পীরবদি, নহাশিং অসি ঐখোয়গী খুঙ্গংশিং, অরাপ্পা মফমশিং অমসুং ত্রাইবেল লমদমশিংদগী ভারতকী মীংচৎ পুরকপা ঙমগনি।

ভারত সরকারনা তোঙান তোঙানবা স্কিমশিংগী খুত্থাংদা ত্রাইবেল কম্ম্যুনিতীশিংগী নহারোলশিংবু মপাঙ্গল কনখৎহন্নবা লেপ্পা লৈতনা হোৎনরি হায়না রাস্ত্রপতিনা হায়খি। স্কোলরশিপ স্কিমশিং অসি শেল থুমগী মতেং পীনবগী পাম্বৈ খক্তা নত্তে। মখোয়না নহারোলগী মঙলানশিংদা ইনোৎ হাপ্নবা খুৎলায় ওইনা মথৌ তৌই। স্কোলরশিপশিংনা য়াম্না হৈথোই-শিংথোইরবা অদুবু রিসোর্স লৈতবনা মরম ওইদুনা খুমাং চাউশিনবনা ঙমদবা নহাশিংগী পুন্সিদা অনৌবা ওইথোকপা য়াবা কয়াগী থোঙ হাংহল্লি।

এজুকেসন অসি এম্পাৱরমেন্তকী মরুওইবা খুৎলায় অমনি হায়না রাস্ত্রপতিনা হায়খি। এজুকেসননা মীওই অমবু মশা মথন্তা থাজবা, খঙবা অমসুং তৌবা ঙম্বা ওইহন্নবগী শক্তি লৈ। মহাক্না হায়খি মদুদি মহৈ-মশিং তম্বনা মহাক্কী পুন্সিদা অচৌবা থৌদাং অমা লৌখি। মহাক্না হায়খি মদুদি নহারোলশিংগী এজুকেসন অমসুং এক্সপরিয়েন্সনা, অকক্নবা রিসোর্স লৈরবসু, অচৌবা মঙলানশিং শাগৎপা পাম্বা অঙাংশিংদা ইথিল পীগদবনি। মখোয়না মাংলোমদা চংশিল্লকপা মতমদা, অতোপ্পশিংবুসু মাংলোমদা পুশিল্লকপা মতমদা, লৈবাক অসিগী ইনক্লুসিব দিবেলপমেন্ত অসি তশেংনা ওইথোকপা ঙমগনি।

রাস্ত্রপতিনা হায়খি মদুদি নহারোলশিংনা ঐখোয়গী লৈবাক্কী শক্তি, আশা অমসুং অফবা তুংলমচৎকী মশক তাক্লি। মহাক্না নহারোলশিংদা, মরু ওইনা ত্রাইবেল কম্ম্যুনিতীশিংদগী লাকপা নহারোলশিংদা, মখোয়গী হৌরকফম অমসুং মখোয়গী মীয়াম্বু কাওথোক্তনবা হায়খি। মহাক্না হায়খি মদুদি নহারোলশিংনা এজুকেসন অমসুং তেক্নোলোজীগী মপাঙ্গলদা কনখৎহনবা মতমদা, মখোয়গী হেরিতেজ অসিদা চাউথোকচবা পোক্লগা, মখোয়না মপাঙ্গল কনবা, চাউখৎপা অমসুং মশা-মরোমদোম লেপচবা ভারত অমা শেমগনি। ২০৪৭ ফাওবদা ভারতপু ভিক্সিত ভারত ওইহন্নবা ঐখোয়না মাংলোমদা চংশিল্লি। পান্দম অসি ফংবদা নহারোলশিংনা মরু ওইবা থৌদাং অমা লৌগনি। মহাক্না হায়খি মদুদি মখোয়না থবক তৌনবা লম অমা হেক্তা খল্লবসু, মখোয়না খুন্নাই অমসুং লৈবাক অসিগী চাউখৎ থৌরাংদা থৌদাং লৌবা ঙমগনি।

রাস্ত্রপতিগী ৱারোল য়েংনবা মসিদা ক্লিক তৌ-

***